|
|
|
 Re: يااا حليلك يا عسلنا ... توجد صورة (Re: يحي قباني)
|
كنا قايلنه عسل و نحن صغار ...
و نشييل و نكسره بالطحنيه ...
و العجب كان كسرتو بي جُمادة لبن ( قشطة ) يعني لناس الشهادة العربية ...ههه
كان بجي في علبه حديد ...
الصورة الفوق انا صورتها من دكان هنا ...
لكن دى العلبة الحديد الزمان ...
تقد القصديرة البي فوق ... و عينك ما تشوف الا النور ...
| |
  
|
|
|
|
|
|
|
|
Re: يااا حليلك يا عسلنا ... توجد صورة (Re: يحي قباني)
|
اخواننا زمان كاانو طلبه في اليونان ...
رسلوا ليهم علبة كعك من السودان سكرها مرشوش فوقها ...
لما فتحوا العلبة ...
لقو جواها كم نمله حايمه كده ...
و ضربوا الجعري ... بس شافوا النمِل ...
و يااا حليلك يا نملنا ....
| |
|
|
|
|
|
|
|
|
|
Re: يااا حليلك يا عسلنا ... توجد صورة (Re: يحي قباني)
|
علبة العسل ابو اسد كانت بريال ...
كنا نتخاتت كل واحد فريني ...نجيب علبة و كم رغيفه
و كانت وجبة كانها ضلعة طالعة من نارها ...
و تجي راجع تضرع زى الود ماخد كورس فتامينات ...
لو لقيت حيطة قدامك تقدها ...
و القصة كلها سكر معقود !!!
| |
|
|
|
|
|
|
|
|
|
Re: يااا حليلك يا عسلنا ... توجد صورة (Re: صبري بلدو)
|
Quote: علبة العسل ابو اسد كانت بريال ...
كنا نتخاتت كل واحد فريني ...نجيب علبة و كم رغيفه
و كانت وجبة كانها ضلعة طالعة من نارها ...
و تجي راجع تضرع زى الود ماخد كورس فتامينات ...
لو لقيت حيطة قدامك تقدها ...
و القصة كلها سكر معقود !!! |
الاخ يحي العيد مبارك عليك ينعاد عليك بالخير بوستلتك دي قسم لاعلاقة له بباقي المنبر ومشاكله تجي هنا تعيش الراحة والصدق والنفس البارد نمش بي هناك شايلين سكاكينا اكان ماطعنت بطعنوك في ضهرك لكن دربك ده مابنقدر بس نجي نمتع رقبتنا ونرجع الله يفتح عليك ويبارك ليك ويخليك انت هنا رمز كبير اخ يحي
| |
|
|
|
|
|
|
|
|
|
Re: يااا حليلك يا عسلنا ... توجد صورة (Re: محمد أحمد الريح)
|
يحيى،
سلام
ذكريات جميلة للغاية.. علية العسل والسكر النباتى ورأس السكر والمليم والمليمين والتعريفة المقدودة والفرينى المكعبة
يرسلونا نجيب الرغيف المخبوز من دقيق فينو.. لما اصل البيت اكون أكلت لب عيشة على الأقل وأجيبها زى خبر دكاكين العرب البسموها بيتـا!!
شكرا يا يحيى.. هنا ام درمان نقدم لكم الفنان محمد وردى فى أغنية يا نور العين..
| |
|
|
|
|
|
|
|
|
|
Re: يااا حليلك يا عسلنا ... توجد صورة (Re: Abureesh)
|
Quote: يحيى،
سلام
ذكريات جميلة للغاية.. علية العسل والسكر النباتى ورأس السكر والمليم والمليمين والتعريفة المقدودة والفرينى المكعبة
يرسلونا نجيب الرغيف المخبوز من دقيق فينو.. لما اصل البيت اكون أكلت لب عيشة على الأقل وأجيبها زى خبر دكاكين العرب البسموها بيتـا!!
شكرا يا يحيى.. هنا ام درمان نقدم لكم الفنان محمد وردى فى أغنية يا نور العين.. |
ابريش سلامات ...
الرغيفة الحارة زيها مافي ...
انا غايتو ما زول لبه ... لكن بوز واحد ما بصل البيت معاي ...
حليل الزمن يا ابو الريش لمن الصغير كان بحترم الكبير ...
| |
|
|
|
|
|
|
|
|
|
Re: يااا حليلك يا عسلنا ... توجد صورة (Re: محمد أحمد الريح)
|
Quote: يا يحي كل عام وإنت بخير
تصدق فى زمننا كانت العلبة بستة قروش ونص.
يحليل الزمن داك لما وقة الطحنية كانت خمسة قروش وزيتها ينقط!! |
يا سعادتك لكن زمنكم ده كان متين ابو سته قروش ونص ده ؟
انا غايتو اكلت صحن الفول بي قرش ...
و اشتريت قزازة اللويزو بي قرشين ...
اما الطحنية يا سنهوري فلما سيد الدكان يدقدق ليك صفيحة الطحينية الربع ديك عشان يبيع لينا منها ...
و ريحة السمسم تجي فاحة ....
و الله الدنيا و ما فيها ....
تعرف ... كان عندى مزاج احشي نص الرغيفة من بالليل ...
عشان لما تجي حصة الفطور تان يوم تكون الطحنية ساحت جوة الرغيفه ...
ياخ ايام بديعة ...
| |
|
|
|
|
|
|
|
|
|
Re: يااا حليلك يا عسلنا ... توجد صورة (Re: محمد المسلمي)
|
| Quote: الاخ يحي العيد مبارك عليك ينعاد عليك بالخير بوستلتك دي قسم لاعلاقة له بباقي المنبر ومشاكله تجي هنا تعيش الراحة والصدق والنفس البارد نمش بي هناك شايلين سكاكينا اكان ماطعنت بطعنوك في ضهرك لكن دربك ده مابنقدر بس نجي نمتع رقبتنا ونرجع الله يفتح عليك ويبارك ليك ويخليك انت هنا رمز كبير اخ يحي |
تسلم يا مسلمي ...
و الله بامانه المنبر منفر ... لكنه المكان الوحيد البيذكرك بالبلد بي خيرها و بي شرها ...
و كمان بيطمنك علي ناسك ...
لكن المواضيع بقت ممجوجة ... و حاجة تسد النفس ...
و بقينا زي صحافتنا الفترانه ... تكبر مع الاخبار السالبة و المصائب و الفضايح ...
| |
|
|
|
|
|
|
|
|
|
Re: يااا حليلك يا عسلنا ... توجد صورة (Re: صبري بلدو)
|
Quote: كانت من الأشياء المحببة للكرتله
لو في زول سأل من الكرتله رد ليه يا قباني |
يا سلااام يا بلدو ...
ياخ حياتنا كانت بسيطة ...
الكرتلة بي تعريفه ... و دكان اليماني لا يخلو منها ...
تصدق انا لي هسي بقول لامن زول يسألني ( بي تحشر ) الحاجة دى جبتها من وين ...
بقول ليهم وقعت لي في الكرتلة ... !!!
| |
|
|
|
|
|
|
| |
يحي قباني
محمد المسلمي
Abureesh
محمد الشيخ أرباب
Hassan Makkawi
فيس بوك
تويتر
انستقرام
يوتيوب
بنتيريست