|
أي جواز أخضر قديم بعد تاريخ 25/11/2015 يعتبر منتهي الصلاحية !!
|
ده تعميم من سفارات السودان حسب ما قريت! أنا جددت الجواز الاخضر القديم قبل شهر برسوم كاااملة ... كده حا ياكلو أكلو علي نص رسوم التجديد تقريبا! على الأقل كانو يدفعوني جزء من رسوم التجديد بما انو الجواز حا يكون ساري لمدة محدودة ومش المدة كلها !! من زمان لو جوازك فضل فيهو خمسة شهور وجيت تجدد بياكلو عليك الخمسة شهور ويعتبرو تجديدك من تاريخ اليوم في حين انو مفروض يتحسب من تاريخ الانتهاء الفعلي !! افتونا يا ناس القانون ... دي قروش كتيرة جداً بتاخدا الحكومة دون وجه حق !
|
|
|
|
|
|
|
|
Re: أي جواز أخضر قديم بعد تاريخ 25/11/2015 يعتبر منتهي الصلاحية !! (Re: أيمن محمود)
|
سلامات يا ابويمن,,Quote: تكون مأكولة علي رسوم سنة تقريبا ...
|
يا أيمن ليتهم أكلوا رسوم سنة فى تجديد جواز أو زكاة أو ضريبة وتوقفوا عندها!!!
لو قعدت تحسب الناس ديل أكلو شنو على المواطن السودانى والسودان نفسو حا تكون محتاج باقى عمرك وما حتصل للنهاية,,
ما ممكن يفوتوا فرصة يخلقوا بيها فرقة دخل زيادة ولو ملاليم,, همبته وسلفقة وسمبلة ويخلوها تروح منهم ولو ما لقوها بعرفو كيف يصنعوها بأى مبرر,, خزينة الدولة خاوية على عروشها فلا بد لمرافق الدولة من الإبداع والإبتكار حتى لو كان على حسابك أنت يا مواطن يا سودانى,,بعدين مش مغترب يبقى انت ومالك حلال بلال عليهم )
قول الحمد لله وإحتسبها,,
تحياتى
| |
|
|
|
|
|
|
Re: أي جواز أخضر قديم بعد تاريخ 25/11/2015 يعتبر منتهي الصلاحية !! (Re: أيمن الطيب)
|
ايمن تحياتى انا شخصيا كان باقى على جوازى شهرين فى التجديد الاخير وكنت مضطر اجدد للسفر واكلوا منى الشهرين وعملوه من تاريخ التجديد وليس الانتهاء لكن دى بالنسبة لى ما مشكلة استعوضنا ربنا المشكلة الكبيرة فى الحصول على الجواز الجديد والجهجهة الحاصلة مع الجواز القديم لا الجديد متوفر عشان نستخرج ولا القديم عارفين حكايتو شنو يقولوا ليك حيتلغى من بداية السنة الجديدة ولما تمشى السفارة يجددوا ليك سنتين والله الفوضى وعدم التخطيط الحاصل فى موضوع الجواز دا ما يحصل فى سوق البصل ياخى ديل ادونا احساس انو نحنا ما فى دولة
| |
|
|
|
|
|
|
|