|
(مُستراح) قصر الإمارات...
|
دُنية الله دي وكتين تعيش فيها كتير أماني ما تشوفلك جنس نصايب ومحن.. قوم يا ناصر ود اللمين سوقني ودني لي قصر اللمارات.. لقيتلكم النوافير دي تجَلجِغ قدام القصر وشوف عيني النور دة جوة ألمي (الموية).. وشيتا أحمر وشيتا اصفر وشيتا بنوفسو (بنفسجي).. وواحدين في البيبان (جمع باب) لابسلهم شيتا كدي مجرجر مع اللرض ويشيلوا يحنوا في رقابهم.. متل التكني رئيس ولا شيتا غلييييييد في البلد.. واصلو العربات دي من سماحتن وحات نضري تَمَلِح فيهن المولاح ضومة ضومة.. وأنا أشيل أنطط في عويناتي متل ضكر القعونج وكتين يكون يغوغي وكايسلو بُطان وغازي كرعينو في الطين وممرق رويسو حاريلو جكسوية قعونجية بت كلــــــــب كدة.. نان انا وكتين دخلت جوة القصر ما قربت أقول صدق وعده.. شي بنوت علي النجف سميحات ومتمرات وحات نضري إن كبوا فوقن العسل يندلق.. والواطة دي ملسااااااااااااااااااااااااااا وضومة ضومة تخليك علي البتتزحلق في الجليد.. والشمعدانات نورن باقي علي ضو القندران في خلا هيا وسنكات بالليل.. وناصر مسكين يشيل ويشرحلي... دة رخام آآبعرفه شنو.. ودة سجاد إيراني باليد.. ودي طفاية مذهبة.. قوم قربنا من مُستراحات الخرابة دة وناصر صاقعلي: ادخل شوف الجمال الهنا دة وأنا صاقعلو: في المستراح كمان في جمال... علمه واسع يا الحبيب.. أها قمت كدي دخلت ولقيتلي فلبيني انحنى لامن قرب يقص رقبتو وشايلو بشاكير لا تعرفن حلاوة قطن ولا تعرفن يتمسحوبن.. وحات نضري وكتين شميتن وحكيتن في وشي قايل نفسي يدلكوا فيني.. قمت كدي دخلت علي مستراح السرور دة.. وكتين فتحت الباب عيوني ديل نططتن تاني وشعر راسي وقف علي المغنطيس الكابسو الحديد.. قلت كدي قلعت شبشبي واديتها قدلة في الرخام الماهل وواسع داك.. وقلت كدي اتوهطت في مقعد السرور داك.. وحات ود الكرسني المقعد ماهل ونااااااااااااعم علي المرتبة المنجدنها جديدي.. وقلت كدي رفعت ركبي لااااافوق والخرابين ديلاك نزلت في أمان الله.. باقي كنت دافسها «مندي».. وقلت كدي سرحت في مُستراح جبيرين الزمان داك.. وحات نضري نحن مانا كنا عايشين شي... مهمشين ضومة ضومة.. ياخي تقعد في مستراح الجن داك وانت بي سفنجتك ام نخرة مقطوعة ديك ورابطها بي سلك دبارة.. وتحقص ركبيك ووسطك يبقى مليان عراريق وسروال وتغمت التِكة بيناتن... وتقعد تباصر في نصايب القراريص ديلاك واللُوبي عفن وتَقنت والعرق يُخر من تحت اضنيك.. ووكتين ينزل لببببببببببببببببب كدي وتسمع صوته تحت يبقالي لامن تقرب تزغرد.. والعجب وكتين يقولولك شوف المستراح دة ما يكون اتملا.. تشوفلك باقي جريدي وتولع فيها النار وترميها من جُحر المستراح وتتاوق.. وتلقى الاسمنت المسلح أليل القراريص والسخينة كابساتنه الصراصير ومع بقة النار كدي يقومن ينجارن علي الركشات في شارع الستين.. أها يا الحبان الله سهلي وبقيت في الموية افتحها من وين.. أعاين في المواسير علي صُرة الشافع الما قطعوها كويس.. مبعجات في الحيط وماني عارف افتحها كيفن.. يا اخوانا دي وكرة شنو دي... غمتها بي دي ما نفعها ضربتها بالبشكير ما نفع.. ربك ربك الخير يدي مشت تحتها إن كان شووووووووووو جات نازلي سوخنة وسمحي تشهيك الوضو.. قمت كدي مشيت يدي جنب الماسورة الصغيري الجنبها إن كان يطلعلي الصابون وينزل علي الاسكريم صلاتي علي محمد... صابونا سمح كدي وليه ريحي سمحي قربت اشيلو اتريحبو خفت يقبضوني وانا مارق.. تاني مديت ايدي علي ماسورتا صغووويري كدي علي مصران الخروف وكتين راسو يكون قطعه الضباح قبل يجرجرو إن كان تنزلي يا الحبان ريحي.. قالت كدي عطرت المستراح كله.. وقلت كدي اتريحت زيييييين ومليت خياشيمي.. وحات ربي دعيت لي الشيخ زايد في تربته... الرسول ما تقولوا للبشير يسويلن مستراحات متل ديل ويتحلل وعافين منه لله والرسول..
|
|
|
|
|
|
|
|
Re: (مُستراح) قصر الإمارات... (Re: طارق جبريل)
|
سلامات ودجبرين وماك غلطان انت الغلط فوق اخونا ناصر البوديك متل المحلات دي ومسعول من الخير الداهي دا سفرتو كيف عرفت درب الموية ولاخليتو متل الصفصافة في العاديق ههههههههه تحياتي عبرك لناصر ولكل بورداب الامارات الحلوين تسلم
| |
|
|
|
|
|
|
Re: (مُستراح) قصر الإمارات... (Re: سليمان القرشي)
|
شكيتك علي الله اتاريك كنت قاعد ليك فوق راي ههههههههههههههههههههههه
Quote: وماك غلطان انت الغلط فوق اخونا ناصر البوديك متل المحلات دي ومسعول من الخير الداهي دا سفرتو كيف عرفت درب الموية ولاخليتو متل الصفصافة في العاديق |
يا اخونا سليمان و الله يا دووووب عرفت حجم غلطتي هههههههههه الود دا فضيحة.
| |
|
|
|
|
|
|
Re: (مُستراح) قصر الإمارات... (Re: سليمان القرشي)
|
Quote: سلامات ودجبرين وماك غلطان انت الغلط فوق اخونا ناصر البوديك متل المحلات دي ومسعول من الخير الداهي دا سفرتو كيف عرفت درب الموية ولاخليتو متل الصفصافة في العاديق ههههههههه تحياتي عبرك لناصر ولكل بورداب الامارات الحلوين تسلم
|
يا حبيب الله دة من كرمه وجوده وداني للنصايب ديك اصلو شيتا كتور ضومة ضومة هههههههههههههه
| |
|
|
|
|
|
|
Re: (مُستراح) قصر الإمارات... (Re: طارق جبريل)
|
ود جبرين .. شكييييييييتك على الله
كتلتنى بالضحكـ والله
Quote: ووكتين ينزل لببببببببببببببببب كدي وتسمع صوته تحت يبقالي لامن تقرب تزغرد.. |
ايووووووووووووى
ـــــ الختيتا رقدت يا ناصر
| |
|
|
|
|
|
|
Re: (مُستراح) قصر الإمارات... (Re: اسامه العريفي)
|
يا الحبيب ابيت تجي العين
انا كنت خاتي ليك مفاجاءه لكن طيرتها منك براك
كنت عاوز اوديك احممك في المويه الحاره تشيل ليك اي مصيبه في جسمك ده تخليك نضييييييييف
وكنت عازمك شيشه عشان تطلع تقول لينا معلقه زي حبيب نوره
المره الجايه بسوقك
| |
|
|
|
|
|
|
Re: (مُستراح) قصر الإمارات... (Re: abas)
|
Quote: يا الحبيب ابيت تجي العين
انا كنت خاتي ليك مفاجاءه لكن طيرتها منك براك
كنت عاوز اوديك احممك في المويه الحاره تشيل ليك اي مصيبه في جسمك ده تخليك نضييييييييف
وكنت عازمك شيشه عشان تطلع تقول لينا معلقه زي حبيب نوره
المره الجايه بسوقك
|
عايز تخرب طبعي يا عربي الجزيرة
| |
|
|
|
|
|
|
Re: (مُستراح) قصر الإمارات... (Re: طارق جبريل)
|
Quote:
Sudan Rebel · متابعة · الأكثر تعليقا · 285 متابعًا يا ناصر الشايقي دا كان تسوقو سواقة هادية .. سواقتك بتاعة الطيران دي جهجهة باكاتو بس كويس خلتو ينضم جنس النضمي السمح دا .. تحياتي للرائع ود جبريل في امارات زايد .. وليك يا ناصر الامين رد · أعجبني · متابعة المنشور · أمس في الساعة 06:34 صباحاً |
ناس الدوحة.. ازيك ياخ وان شاء الله طيب
| |
|
|
|
|
|
|
Re: (مُستراح) قصر الإمارات... (Re: أيمن الطيب)
|
Quote: سلامات يا طارق,, مشتاقين يا صاحب,,
نصيحة لوجه الله,,
الزول دا حدك معاهو هنا!!!
تبقى فيك البقت فى كديس الساتر الله الدخل بيت الحمام وما عرف درب المرقة بى وين
|
يا حبيب شوق شديد يعلم الله خلي بالك ناصر دة طابور خامس وداني حتات كدة ما بتشبهني ياخ
| |
|
|
|
|
|
|
Re: (مُستراح) قصر الإمارات... (Re: طارق جبريل)
|
. ووكتين ينزل لببببببببببببببببب كدي وتسمع صوته تحت يبقالي لامن تقرب تزغرد..
يخُت مِحنك يا ود جبرين حرَّضت كبير اخوانو بتاعي خليتني أجري على الأدبخانه .
بريانيك الأكلتو في العافيه
| |
|
|
|
|
|
|
Re: (مُستراح) قصر الإمارات... (Re: سليمان القرشي)
|
Quote: وحات نضري نحن مانا كنا عايشين شي... مهمشين ضومة ضومة.. ياخي تقعد في مستراح الجن داك وانت بي سفنجتك ام نخرة مقطوعة ديك ورابطها بي سلك دبارة.. وتحقص ركبيك ووسطك يبقى مليان عراريق وسروال وتغمت التِكة بيناتن... وتقعد تباصر في نصايب القراريص ديلاك واللُوبي عفن وتَقنت والعرق يُخر من تحت اضنيك.
|
ههههههههههههههههههههههه،
ومرآت يا ود جبرين أُم نِووِيرة تجي جارية بجنبك ورآفعة ضنبا، وتقول كدي بطرف اصابعيك تكشتا في بطن الكنيف زي الما حصل شي.
يا اخي والله مشتاقين،
| |
|
|
|
|
|
|
Re: (مُستراح) قصر الإمارات... (Re: الطيب شيقوق)
|
Quote: يا طارق
ازيك
ياخ اليوم اسمتعت ايما متعة من لقاء تم مع الإعلامي الجهبذ طلحة جبريل
اول مرة اشوف هذا الرجل يتكلم في التلفزيون
عموما تسلم البطن الوالداكم
|
شقي الحال ياخي كيفنك ونعلك طيب
| |
|
|
|
|
|
|
Re: (مُستراح) قصر الإمارات... (Re: معاوية المدير)
|
Quote: ههههههههههههههههههههههه،
ومرآت يا ود جبرين أُم نِووِيرة تجي جارية بجنبك ورآفعة ضنبا، وتقول كدي بطرف اصابعيك تكشتا في بطن الكنيف زي الما حصل شي.
يا اخي والله مشتاقين،
|
مقطوع الطاري نعلك طيب ياخ هههههههههههههههههههههههههههههههههههههههههههههههههه
| |
|
|
|
|
|
|
Re: (مُستراح) قصر الإمارات... (Re: سليمان القرشي)
|
ودجبرين عباس دا اختاهو مايغشك عندهم داهية كدي بقولولها الموية الكبريتية مايدخلك فيها ويقولك بتعالج تساقط الشعر وانت بي صلعتك دي تنغمس فيها هههههه
عباس زاتو صلعتو لي نص ضهرو
ازيك يا سليمان القرشي وبطل تحاريش خليه يجي
| |
|
|
|
|
|
|
Re: (مُستراح) قصر الإمارات... (Re: سليمان القرشي)
|
Quote: ودجبرين عباس دا اختاهو مايغشك عندهم داهية كدي بقولولها الموية الكبريتية مايدخلك فيها ويقولك بتعالج تساقط الشعر وانت بي صلعتك دي تنغمس فيها هههههه |
دي موية كبريت دي ولا شيل حلاوة هههههههههههه
| |
|
|
|
|
|
|
|