|
|
 قصص قيد الانشاء..سكان فرع شجرة النبق القصاد بيت ناس امنه
|
سكان شجرة النبق القصاد ناس امنه
شعرت في لحظه بالخوف ..فعلا..الصوت زي جاي من يوم القيامه اي نعم ماشفت يوم القيامه بس متخيله انه يوم مخيف مخيف مخيف شديد بس كمان بشبه صوت حاجه انا ماعارفه هي شنو بس اكيد سمعتها في وكت مختلف لا والقصه ياريت لو صوت بس ..المهم خليني زي احكي ليك الوكت كان صباح او قريب الضهر م متذكره شديد بس متاكده انه ما نهار شديداو مغرب مرقت الدكان اجيب عيش الفطور اصلا ماكان في غيري في البيت اليوم داك اخدت اذن قلت عندي وجع اضان وسبحان الله من مشيت من قدام المدير بعد وافق علي الاذن اضاني براها فكتني بس اخدت اليوم اجازه وانا جايه عيني علي شجرة النبق القدام باب ناس امنه زي كبرت شويه اي اي ليها كم سنه بس كبرت وزي فيها الفرع الواقع علي الحصيره حقة بيتنا كبر شديد ومره مره الهوا يجيب لي صوت نفس التقول زول او كم زول ..حتي لمن كلمت اختي بالحاجه دي قالت لي انا ما قلت ليك السنه الفاتت الشجره دي قصيها بتسكن الجن والشواطين وماسمعتي كلامي!
قلت يلا النسوي فطوري عندي مزاج الليله افطر لي بصحن عدس ماااهل ياكافي البلا الشفع ولا ابوهم جنهم والعدس ...ظببطت حلتي وقدحت تومته في امان الله ..جيت اعمل الشطه بسم الله الرحمن الرحيم لقيت البرطمانيه قدام وشي وفوقه نص ليمونه كانت في التلاجه بس قلت يكون ابراهيم جابن الصباح ومارجعن مكانن بس كمان ابراهيم اساسا مابياكل الشطه عنده قرحه!
واثناء ماختيت الصحن وبديت اكل بديت اشوف الصحن ماشي ينقص وانا داب بديت اقرض الرغيف قلت بسسسسم الله الرحمن الرحيم ياحجاب الله القوي
قولة بسسسسسسمالله اسمع لك صوت الصرخه الجايه من القيامه اتاكدت انو البيت مسكون شغلت القران وهسي جيتك تكتب لي بخرات يكشحن لي الصوت دا كان يرجع محل ماجا
هسي انت بتتبسم ياشيخ السر دحين ماك مصدقني!
ايه مصدقك شديد علا شن بقدرني علي ملاواة متل شواطين بيتك ديل...بعد كلام الشيخ مافي سبب يخليني في البيت المسكون قدت ولادي ومرقت عن ناس ابوي الليله لي خمسه شهور ودور وياضامن الرجال علي قول المثل الراجل من الشهر التالت شهد شيخ السر علي كلامي ومشي اخد بت امنه القدامن شجرة النبق الفرعه مدلي في بيتنا
|
|
 
|
|
|
|
مها عبدالمنعم
فيس بوك
تويتر
انستقرام
يوتيوب
بنتيريست