|
Re: المرأة تتكلم 30 ألف كلمة في اليوم والرجل 10 ألف كلمة بس (Re: حمد عبد الغفار عمر)
|
مرحب الفاضلابي
Quote: لكن العلما قالوا الحكاية دي نعمة من نعم ربنا لإنو المرأة لو مابتتكلم كتير جناها مابتعلم الكلام لأن الطفل ينطق مايسمع ولو ماسمع الكلام مافي شئ
|
ممكن والله حكمة ربنا في خلقو
بس لكن ما قدر دا هسه نقة التياب والدهب دي الطفل يتعلم منها شنو ياخ ديل مرات الطفل زاتو بلخبطنو ما يعرف يسمع شنو ويخلي شنو
بعدين ملاحظ المرأة عموما لو بدت ليك قصة لو مشيت وجيت بعد اسبوع تقول أها ما كملت ليك قصة يومداك وفرررررررر تبدأ ما انقطع من حوار
| |
|
|
|
|
|
|
Re: المرأة تتكلم 30 ألف كلمة في اليوم والرجل 10 ألف كلمة بس (Re: حمد عبد الغفار عمر)
|
Quote: بعدين ملاحظ المرأة عموما لو بدت ليك قصة لو مشيت وجيت بعد اسبوع تقول أها ما كملت ليك قصة يومداك وفرررررررر تبدأ ما انقطع من حوار |
سلام ليوم جديد ياعبدالغفار ذكرتني الوالد الله يرحمه ـ زمن التلفونات بالكروت كنت اشتري الكرت واقعد اتكلم مع الارباب (الوالد) اها اقعد انضم وانضم وانضم طبعاً نحن الكلام شغلتنا اها بعد الكرت يكون فضل فيهو زي دقيقتين الارباب يقول لي قُتَّا شنو؟ عيييييييييييييييك . ربنا يرحمهم فرقوا علينا,,
| |
|
|
|
|
|
|
Re: المرأة تتكلم 30 ألف كلمة في اليوم والرجل 10 ألف كلمة بس (Re: عبدالعزيز الفاضلابى)
|
والله يا عبد العزيز ذكرتني واحد من شيابنا
ولدو أغترب وخلى زوجتو على الولادة
الولد عم غمران لحدي ما زوجتو ولدت ولا رسل حق تجهيز ولا سماية
المهم عمنا قام باللازم وزعلان
قال لواحد من أولادو وديني محل التلفون
مسك التلفون ألو منو معاي ولدو قال ليهو دا أن
لم ليك فيهو
والله ولد والله جنا - والله ولد والله جنا - والله ولد والله جنا -والله ولد والله جنا - والله ولد والله جنا -والله ولد والله جنا
بعد انتهى بتاع التلفون قال ليهو حسابك 15 ألف قال لبتاع التلفون لي أنا عندي شنو
بتاع التلفون قال ليهو عندك 15 ولد و 15 جنا
| |
|
|
|
|
|
|
Re: المرأة تتكلم 30 ألف كلمة في اليوم والرجل 10 ألف كلمة بس (Re: حمد عبد الغفار عمر)
|
سلام يا حمد مش قالوا المرأة شبكية والرجل صندوقى , على اساس المرأة عندها مقدرة تقوم باكثر من عمل فى وقت واحد عكس الراجل الذى اذا بدأ بقيام عمل ما , حتى لو مشاهدة كورة ما عنده استعداد ينشغل بموضوع اخر لو ما انتهى من مشاهدة الكورة , لكن المراة فى لحظة واحدة عندها المقدرة فى متابعة طبيخها فى النار وهى بتتكلم فى التلفون وبتشاهد فى المسلسل وبترضع فى طفلها !
| |
|
|
|
|
|
|
|