|
طيّارة شمّاعة (فديو)
|
حصل شفتو ليكم طيارة شمّاعة؟
عادة لو الطيارة إتملت الزوول بيدوه مية ولا متين دولار وبودوه فندق..
لكن الطيارة دي كانت شماعة...
الغريبة كلهم كانوا أطفال ومن غير حزام أمان...
الموضوع طبعا ما غريب علينا..لحدي هسع الموضوع ده شغال..في البصات طبعا..()
زمان لمن كنت صغير أمى كانت بتشيلنى في كرعيها وتوفر حق المقعد..
وحتى ولو الوالدة كانت دايرة تدفع حق المقعد..فجأة تركب مرة تانية وبقوة عين دايرة تقعد في محلك.. "هي يا ولدي إنت ما سغيير تعال بشيلك في كرعي"
قبل إسبوعين حايم في القرن الأفريقي وركبت الطيارة دي..
في الكرت مكتوب رقم المقعد رقم 3 قلت خلاس يا عمك ما تستعجل..
قبل ركوب الطيارة قطعوا الكرت محل ما مكتوب رقم 3 وقالوا كل زول يقعد محل ما داير..
إنتظرت لمن الزحمة والكبسيبة خفت ولقيت آخر مقعد في الطيارة..
وانا داخل لقيت الشفع مطبقين مع بعض كل شافع ولا شافعة شايل ليهو طفل في كرعيهو..
ركزو في القبل الاخير ...برضو في طفل في المقعد الأخير
ده كله بيحصل لمن تكون الدولة فاشلة...
|
|
|
|
|
|