|
Re: مامون حميدة: انا ما قلت اكلوا القعونج انا قلت بتقضي علي الحشرات (Re: محمد علي عثمان)
|
أصلاَ هي سخرية من سخريات القدر .. إنه يجي يوم من الايام ويبقى فيهو زي مامون حميده ده وزير للصحة .. بعدين معايير اختياره كوزير شنو ؟؟؟ عشان ناجح في تجارة المستشفيات .. طيب ما حقو الحكومة تدقش سوق الله أكبر ده .. وتجيب من تجار السوق الناجحين الكتاار .. وتعين وزير للتجارة ووزير للاقتصاد .. وتكمل لينا الناقصة .. والله كان حقو يجيبوهو وعلى الهواء مباشرة وياكل لينا ملاح قعونج .. حتى نقتدي به .. وندخل ثقافة اكل القعوي في اكلنا بل نجعلها من ابجديات ثقافتنا الغذائية .. قاتل الله الجهل والجهلاء .. لا ... وجاي هسه ينكر كلامه .. ويبرر بانه ما كان قاصد الناس ياكلوا القعونج .. ياخ مجرد التلميح والتعريض مرفوض ومستهجن .... والأدهى والأمر .. إنه مبسوط من كلام الناس عليهو في مواقع التواصل الاجتماعي والاعلام المقروء والمرئ .. اااايه زمـــــن ...
|
|
|
|
|
|