|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: Arif Nashed)
|
Quote: انحنا ناس دار السلام المغارية بين الصقعى والقبه اسمها جمهورية الحاج يوسف الاخ عمر عبد الخالق وابنا هذة الدولة داخل دولة سلامى لكم جميعا |
يا الله ياخ ازيييك يا حاتم وكيف حالك واحوالك والغربة واياك..ان شاء الله كل الامور تمام والله لينا زمن بل سنين عددا...يا حليل ايام زمان ياخ حيث الزمن الجميل وفريق الاخوة ذلك المجتمع الجميل وكنت فينا مدافع صلب ومهاب ما شاء الله عليك ما بفوتك في الشراسة الا محمد اسماعيل (كارلوس) ثم ايام الثانوي وما ادراك ما جمعية الكرامة ما بين ود السائح حيث نحن وام دوم حيث انتم..والشلة الجميلة مبارك حسب وعبد الرحمن حسن (اخوي الكبير) وبشير البادوبا وعيسى عمر قرموط وياسر الفاضل..ياخ والله ايام ما احلاها..وكيف الدفعة د نادر الطيب ويين الحي بيهو طبعا انا لاقيت شمس الدين الطيب الشاب المهذب جاني في البيت واتونسنا كتيير وزكرناكم بالخير..اتوقع مني تلفون ان شاء الله..
سوري يا شباب شخصنا الامور لكن البوست ده لماني في اخ وصديق وود حلة من زمن بعيد ما لاقيتو..
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: عمر عبد الخالق سعيد)
|
الاخ عمر عبد الخالق سعيد تحية وتقدير لبوستك خفيف الظل ده سجل معااااك من سكان الاسكان الشعبي سابقا وده طوالى خلف اشلاق البوليس فى محطة الصهريج الشهيره عندما كنا نسكن فى هذا الاسكان كان بيتنا اخر صف للاسكان الشعبي وبعد داااك ياعمر عينك ماتشوف الا النور ( خلا خلا خلا خلا ) مافى اى شى كلو تشوفو رهاب رهاب خاصة الجهة جنوب الاسكان لا اثر لوجود اى مباني او شارع او اضاءة او حياه اما الجهة شرق الاسكان كنا من على البعد نرى كرتون كسلا واحيانا كنا نذهب لمشاهدة المصارعه الحرة حينها لم تكن كما هى عليه الان
لنا عودة لو فيها نفس
د.محمد الهادي
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: محمد الهادى عبد الرحيم)
|
Quote: بدوها المحس والدناقله كالعادة ومن بعدهم كسرت عليها امة لا اله الا الله |
الاخ عمر عثمان عبد الوهاب
على حسب علمي الحاج يوسف بدوها اهلنا البطاحيين في موقع المايقوما الحاج يوسف القديمة حيث جاء اسم المنطقة على احد اعيان البطاحين ( الحاج يوسف ود دهاشة) وهم اول من سكن المنطقة يليهم اهلنا المغاربة في (دار السلام المغربة) جنوبي المايقوما ومن ثم اهلنا المحس في الحاج يوسف القديمة ثم جاء امتداد الردمية (من قبائل متفرقة ) والوحدة (معظمهم من أهلنا في غرب السودان) في الخطة الاسكانية في السبعينات تلتها حزام العشوائي (الكرتون سابقا) ومعظم سكانها من اهلنا الجنوبين ثم جاء امتداد الدرجة الاولى الفيحاء وتحطيط دار السلام الجديدة والتكامل ومن قبلها الشقة وهي حي قديم ولكن كان صغير ومحدود وتخطت المدينة تخوم عد بابكر (بطاحين) شرقا وتلاقي باحياء الريف الشمالي شمالا وسوبا جنوبا.
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: mohmed khalail)
|
رجالات من الحاج يوسف
نود هنا ان نذكر بعض لمحات من اشراقات رجال جاهدوا من اجل المنطقة
بسم الله نبدأ
محمد محي الدين
من اوائل الذين سكنو المنطفة
قام بمجهودات جبارة من اجل اقامة المدارس بالمنطقة
مدرسة الامتداد جنوب الابنتدائية و المتوسطة بنين و بنات
مدرسة ود السائح الثانوية
وبذلك نجده قد ساهم في تعليم وتربية اجيال المنطقة بأكملها
الكهرباء و المياه مجهوداته لا تخفى على احد وكان من اكبر همومه
وبفضل مجهوداته تم انارة و توصيل شبكة المياه لمعظم مناطق الحاج يوسف
اذكر في اخر انتخابات وكان قد نزل بدائره الحاج يوسف و كانت تضم الحاج يوسف شمال و جنوب
و المايقوما شرق و الوحدة تقريبا وقد كان اكثر المصوتين لصالحه من الاخوة الجنوبيين
وكأنه كان رمزا للوحدة وعند فرز الاصوات و فوزه قد اتو هؤلاء بكميات مهولة مهنئين
في اكبر تظاهرة فرح شمالية جنوبية في مكان واحد دون ترتييب او ميعاد
ونواصل ...........
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: عمر عبد الخالق سعيد)
|
المايقوما نفر
سلام للحاج منفى زمان
بذكر سنة 1984 جيت أقرا الثانوي من آرتموقة - بعد المتوسطة طوالي - أول بيت لينا في ستاشر جنب صيدلية سراج الدين ما كان اكتمل - بجي من أمدرمان خورعمر في الخميسات - وبما إني حديث عهد بالخرتوم - رغم إني في الأساس زول الأبيض وشندي والبلد وخاتف ألوان - كنت بطش كتير جدن وبركب باص الحاج يوسف شارع واحد أو الردمية.. وباكلا في حناني وبنزل ادقها كداري مشوار لحدي الحاج يوسف حلة فرج عن ناس عماتي..
بتذكر في الزمن داك كم كنا أحيان كتيرة نكابس في البصات ونتلّب بالشبابيك عشان نحجز لينا مقاعد في المواصلات حقتنا..
للحاج يوسف - عالم النوبة بشكل كبير برضو - نكهة خاصة ومذاق بطعم الشهد فهي تحمل رصيد من الذكريات لا ينتهي..
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: عمر عبد الخالق سعيد)
|
Quote: صورة للسهلة قدام مربع 10 و8 نادي العودة
الامطار جميلة بس ....... |
مع ذكر نادي العودة تعود بنا الايام لذكريات ما احلاها
بما انني اسكن مربع 15 الا انني لي ارتباط وثيق بهذا المكان
حيث كنا مجموعة شباب اكثر من رائعون من مختلف انحاء الحاج يوسف
نمثل نادي الحاج يوسف للكرة الطائرة و اكثر تماريننا اقمناها بنادي العودة
الكائن بمربع 6 شخص من مربع 15 كما ذكرت واحمد خميس من مربع 19 وعلاء الدين خضر من مربع 3
وكذلك خالد الحلبي (حمبريطي) ومن مربع 8 قاسم فتح الرحمن والاخوين عبدالله اللازم وعبدالرحيم اللازم
ومن مربع 6 محمد آدم و معمر عثمان ومن المايقوما شرق اخوة كثر منهم الصديق بهاءالدين عبد الحميد
وهذه الكوكبة الرائعة بقيادة الاساتذة الزبير هارون من مربع 20 وعادل حسن من مربع 2
ومجموعة كبيرة من المحبين للمنشط و المنطقة بكافة انحائها ..............ولنا عودة بعون الله
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: عمر عبد الخالق سعيد)
|
ماذا قالوا عن ( الحاج يوسف ) جورج بوش : هي أفضل مدينه وتمنيت لو أنها في أمريكا!! أوباما : :
يمكننا احتلال العالم .. لكن الحاج يوسف صعبة جدا!! ميشال سليمان : تمنيت أن أدرس في الاتحاد النموزجيه ،، حيث المكان آلوحيد الذي أثق بمستويات تعليمه. توم كروز : أتمنى ان تلتقط لي صورة تحت السهريج الشهير في الوحدة نيوتن : في الحاج يوسف تكمن جاذبية الكون!! ميسي : عشت في شارع واحد أجمل ايام حياتي ولاا أنسى نادي المقاولون !! أديسون : النور الموجود في قلوب أهلها قادني لاختراع المصباح الكهربائي!! هاذي قوية : انجلينا جولي : انا لا اشتري مكياجي إلا من فريري ا في شارع واحد بالقرب من المحسي
كرستيانو رونالدو : حلمي أن العب في فريق المقاودة وتحديدا" في ميدان الاتحاد !! الملكه إليزابيث : أدفع نص عمري لأحتسي فنجان جبنه عند سوسن جوار الشارع الشهير شارع تسعة اليسا : آتمنى اعمل فيديو كليب دويتو مع المطرب (السمري) في منتزه السلام
نيمار : آه لو يوجد في البرازيل محل زي مطعم فول فلافل في الردمية علي الطلاق فريقنا فته ساااااي مايخلي كأس في العالم . ارسلها بقدر حبك لي الحاج يوسف.
من صفحة بوش شخصيا في الفيسبوك
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: عمر عبد الخالق سعيد)
|
من نافذة الفيس الاخ العزيز وقريبي محمد حسن
لكم كل التحايا و الاشواق
Quote: · متابعة · Gamal Abdel Nasser High School Khartoum سلام لكل حاجيوسفابي والشوق .. مربع (8) درة مربعات امتداد الحاج يوسف كورة وفن وعلم وحتي في سماحة ناسا غير ... أمثلة وليس حصر (تشكيلة ) احمد ادم واستاذ مكاوي ياسر ومرزوق والباقر وليد عبدالله وخالد الحلبي والبعيو والسكت وعماد انجمينا وعبدالسميع الحلبي وجعفر واخوهو عبداللطيف وبهاء الدين كافينول ومختار عبدالله وعماد طه ونورالدين سعيد ووليد وايمن نكونو ... محي الدين محمد محي الدين وحسين وحسن وفيصل جلال والباقر حسن عبدالله ومكي حسن ورأفت حسن وووووووو .. |
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: عمر عبد الخالق سعيد)
|
Quote: الاخ العزيز محمد حسن خليل الرجل المهزب والراقى لاكن خرار فى الكورة ومابتحب الهزيمة وكنت لاعب وسط رائع وفنان وكيف اخبار عبد الرحمن والاسرة الكريمة رجعت السودان كثيرا ولكن لم نلتقى تحية للاسرة لو جيت عابر بلجيكا ولا توقفت فى مطار بروكسل عندك رقم التلفون او اكتب Hatim Elmaki in Google بتلقى كل وسائل الاتصال بي طبعا اخوك رسام مشهور والفضل يعود الى الله واخوك عبد الرحمن تعلمت منه الكثير طبعا جيت usa مرتين لاكن بلدكم بعيده زى الحاج يوسف بنسبه لناس الرياض والمنشية |
يا سلام يا حاتم ياخ وجميل والله نسمع منك بعد طول غياب ومبروك المكانة الفنية المتميزة وعقبال المزيد في مجال الفن.. كلمت عبد الرحمن عنك وعن الاخبار الجميلة وهو بيقرأك السلام وبيقول ليك قدما للامام.. وان شاء الله لو مريت على اوربا اصلك ونتواصل بإذن الله.. اما الكورة فما خليناها لكن يبدو هي الخلتنا ..التمرين بقى كل يوم سبت بس ولمدة ساعتين منها ربع ساعة كورة جدجد والباقي بنتمو خرخرة وغلاط نعمل شنو مع الكُبر عاد (لول)
يا ريت لو جاي امريكا بس خلي خبر mailto:[email protected]@yahoo.com وخلي الباقي علي..
تسلم يا جميل وشكرا تاني لود الحلة الفنان أومر ابد الهاليق على لم الشمل ولا شنو يا ابو عمير!!
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: وضاحة)
|
وضاحة هك دليل رقم واحد
Quote: جبتي المطر شايل فرح لي ورد مستني الفراش صنقع يقارع من زمن في دمع من اللهفة جاش ولقاكي بين بينين إصدق ولا ..لا.. لكنو باش كان كذّبكِ.. ما بيأمن الزرع المطر كان صدّقكِ.. عمرو القصير بصبح دهر والدنيا تتمدد دعاش ونثرتي في الروح الشذى... فإتوسم الزمن إنتعاش ما إنكمش باقي الفرح والإنكماش.. إنو الزهر يصبح ضنين إنو الأحاسيس تنزوي بره السنين لكن رجوعك من عزوف... غير حظوظ الإندهاش أصبح حقيقة وممكنه يا نابعة من.. شهقة رحيق السوسنه كيفن بِكِون الحال بدون طلة عيونك من دواخلنا الهِنا كيفن بَكَون غيرك انا لو ما عِتِرتَ عليكِ في سكة و زمان يا حليلي كان... ما كنت توجتك شعر أيقونة من وهج السنا أو كنت خلدتكِ .. أساطير من غُنا ما كنتَ موسقتك حروف توزن مزاج الدندنه |
ده كلام حاجيوسفبي مية المية من هنا
http://www.sudaneseonline.com/board/470/msg/1411287252.html
كفاية ولا نزيد؟؟
عمر شكرا على الجهود والمجهود .. بكري اب صلعة ده بدبل في الايميلات ليه ما عارف والشمار الحايممع انو غير كباية الشاي ما بقدر ادبل اي حاجة ههههههههههههههههههههه
| |
|
|
|
|
|
|
Re: نـــــــــــــــــــــــاس الحــــــــاج يـــــــــــــــــوســــــــــــف 2 (Re: mohmed khalail)
|
Quote: وضاحة هك دليل رقم واحد
جبتي المطر شايل فرح لي ورد مستني الفراش صنقع يقارع من زمن في دمع من اللهفة جاش ولقاكي بين بينين إصدق ولا ..لا.. لكنو باش كان كذّبكِ.. ما بيأمن الزرع المطر كان صدّقكِ.. عمرو القصير بصبح دهر والدنيا تتمدد دعاش ونثرتي في الروح الشذى... فإتوسم الزمن إنتعاش ما إنكمش باقي الفرح والإنكماش.. إنو الزهر يصبح ضنين إنو الأحاسيس تنزوي بره السنين لكن رجوعك من عزوف... غير حظوظ الإندهاش أصبح حقيقة وممكنه يا نابعة من.. شهقة رحيق السوسنه كيفن بِكِون الحال بدون طلة عيونك من دواخلنا الهِنا كيفن بَكَون غيرك انا لو ما عِتِرتَ عليكِ في سكة و زمان يا حليلي كان... ما كنت توجتك شعر أيقونة من وهج السنا أو كنت خلدتكِ .. أساطير من غُنا ما كنتَ موسقتك حروف توزن مزاج الدندنه
ده كلام حاجيوسفبي مية المية من هنا
http://www.sudaneseonline.com/board/470/msg/1411287252.html
كفاية ولا نزيد؟؟
|
يا لروعة حروفك يا محمد
بين الحنين ,, والوداع تتمدد الحروف عالما لا يفنى ولا يتمزق تتدرج بين نصوع البوح وخفوت الصمت الضاج بما لا يكتب ولا يقال
لا أجد وصفا مجزيا لما شعرته هنا تأتي الكلمات منك باسمه تحمل البشرى والفرح بين طياتها تعكس صورتها المتوهجه في اعماقنا جهرا تتسلل بعطرها الأنيق قسرا فتكون فينا لحظات جميلة نتلذذ بقضاءها ونرجو ان لا تنقضى
حفظك الله ورعاك
| |
|
|
|
|
|
|
Re: ناس الحاج يوسف 2 (Re: عمر عبد الخالق سعيد)
|
حليل زمن الحاج يوسف الامتداد حتى مربع 20 والمايقوما ودارر السلام والله الحاج يوسف كان فيها اقوى رابطة على مستوى العاصمة ايام العاصمة عاصة نحن ناس الكفاح وناس الاهلى والعودة والنجوم والامل والنضال والثوار وفريق من مربع 20 وفريق الاسكان وناس الشروق من الوحدة ناس خالد راكوبة وخالد عبدالعزيز وحيدر البوث وشخصيات الحاج يوسف عبده الله يرحمه وفضيل وكمال ونكيله يا لها من ايام لم نكن نسال احد عن قبيلته او منطقته كنا اسرة واحدة
عزالدين الشايقى من خضرمي الحاج يوسف
| |
|
|
|
|
|
|
| |