خبايا مشروع أبولو وخدعة الوصول للقمر

Quote: وانا مختلف مع مدرسين الفيزيا الجهاليل في استخدام (انعدام الجاذبية) للزيرو قرافيتي ... مفروض يقولوا (غياب الجاذبية) ... لأن غيابها يقابله (حضور الجاذبية) في مكان آخر ... وغيابها وحضورها يتحكم فيه القانون الذي أوردنا معادلته أعلاه ... ولكن الجاذبية لا تؤول إلى عدم كما يدّعي عصبة حاتم من مدرسي الفيزياء التقاليديين المنكرين لهبوط ناسا على سطح القمر من فرط جهلهم +++++++ إنعدام الوزن يعني وزن (مافي) = صفر صفر = (إنعدام - معدوم - لا يوجد شئ - مافي - مافيش ... الخ) الوزن وحدة قياسو (نيوتن) ما (كيلوجرام) .. الرجاء مراجعة كتاب العلوم بتاع الشفع الصغار للتأكد يبقى إذن الوزن = صفر نيوتن (إنعدام وزن). صفر نيوتن معناتو مقدار قوة جذب الأرض للجسم = صفر وبما انو مافي قوة بتاعة جذب معناتو مافي جاذبية ، يبقى Weightless ياهو زاتو Zero gravity بس بالطريقة بتاعة أضانك وينه

Quote: أيوة، دا بالضبط فهمك من يوم ما شفت المنظر دا، اسمها يا كابتن (حالة انعدام الوزن) مش انعدام جاذبية، طبعاً تفكيرك القاصر دا عمرك كلوا متخيل إنو في بقعة معينة فوق الكرة الأرضية أو في الفضاء الخارجي تنعدم فيها الجاذبية مش كدة؟

إنعدام الوزن (حالة) ولما ذكرت حالة اشرت معاها لتجربة الأسانسير، وانت سألت ببلاهة:

Quote: وإنعدام الوزن ده سببو شنو؟

شرحت ليك كيف الدخول في حالة انعدام الوزن، دي دروس الثانوي وللأسف ما فهمتها برضو

Quote: انعدام الوزن دا يا شاب "حالة" نسبية يعني قياساً بالإطار المكاني الانت فيهو، ممكن تحس بيها حتى في أسانسير، أظن بيدرسوها ناس الثانوي برضو وبتلقى الرسومات بالضبط أسانسير، أما إذا كان الأسانسير دا نازل بعجلة الجاذبية يعني سقوط حر فالزول جواهو وزنو بيكون صفر "نسبياً" يعني بالنسبة للأسانسير وصفر دي يعني (انعدام)، دايماً ركز في كلماتي العربية الأنا بكتبها. حالة يعني حالة.

نوضح ليك أكتر:
في القانون يتم وضع الجاذبية (كثابت) والثابت "ثابت" دائماً يعني غض النظر عن مسافتك منه فهو موجود، بالنسبة للوزن كيف تلغيهو نسبياً أو الدخول في (حالة انعدام وزن) بواحدة من طريقتين:
========= الطريقة الأولى:
بأنك تتحرك في اتجاه عجلة الجاذبية (الجاذبية اختصاراً)، الجاذبية كمية متجهة (vector) يعني بتعمل في اتجاه محدد بالنسبة للأرض هو الخط المار بمركزها، يعني لو عايز تلغي وزنك وتكون Weightless كل العليك تسقط بدون عوائق (سقوط حر) في اتجاه مركز الأرض، يعني بالرياضيات (يا بتاع الفيزيا والرياضيات)
انت لغيت رد الفعل (مش "قوة جذب الأرض" زي ما انت متخيل) وهو الوزن في حالتنا بأنك أزلت المانع أو مسبب رد الفعل من تحتك (الأرض). نفهمك بالصورة



لتقريب المبدأ، الكلام دا يشبه لما عربيتين يجروا في نفس الاتجاه بذات السرعة، لو كنت من الركاب وما ملاحظ أي حاجة تانية محيطة غير العربيتين (الإطار، زي الشجر مثلاً) فإنت حتفتكر العربيتين واقفات.
ودي الطريقة الانت والترول استوعبتو منها اسمها فقط "Zero Gravity" واعتبرتوهو مخرج ليكم من البلادة المتاصلة بتاعتكم دي، وبالتأكيد في فرق بين انعدام الوزن وبين Microgravity، والحاصل هناك في ناسا انهم بيعملو في سقوط حر ليس إلا، أعتقد واضح.

========= الطريقة التانية:
الطريقة التانية لإلغاء الوزن نسبياً هي تطبيق قوة معادلة لرد الفعل وفي عكس الاتجاه، في حالة التجاذب الكوني دي النقطة البتكون فيها المحصلة بتساوي الصفر بين مجموع القوى وبعدها يبدأ التاثير لصالح إحدى القوى، يعني لو افترضنا وجود كوكبين فقط الأرض والقمر النقطة دي في مكان بينهما (الخط الواصل بين مركزيهما).

طيب،
في نفس صفحات ناسا المبسطة للعلوج الزيكم دي ما لاقتكم دي:

http://www.nasa.gov/audience/forstudents/5-8/features/what-is-microgravity-58.html

Quote: What Is Microgravity? Microgravity is the condition in which people or objects appear to be weightless. The effects of microgravity can be seen when astronauts and objects float in space. Microgravity can be experienced in other ways, as well. "Micro-" means "very small," so microgravity refers to the condition where gravity seems to be very small. In microgravity, astronauts can float in their spacecraft - or outside, on a spacewalk. Heavy objects move around easily. For example, astronauts can move equipment weighing hundreds of pounds with their fingertips. Microgravity is sometimes called "zero gravity," but this is misleading.

بالنسبة لمسألة قياس الكميات، وجود الثابت في طرفي المعادة يعني أن أي من طرفي المعادلة يحدد تماماً الكمية التي يمثلها، نعم قوة رد الفعل (الوزن) تقاس بالنيوتن لكن لأن عجلة الجاذبية ثابت فإن القوة تمثلها الكتلة، عشان كدة بسموهو ثابت يا بجم، وعشان كدة بتحسب شوال السكر بالكيلو والطماطم بالكيلو ما بالنيوتن، يا بتاع طيارات الفلين.

برضو نقرب ليك المبدأ، كهربتكم في البيت مش بتشتروها (بالمتر)؟ دا لأن حساب طاقة الكهرباء يحسب بالواط (حاصل ضرب التيار في الجهد) لكن لأن الجهد المزود من المولد كمية ثابتة اسمياً 220 فولت فإن الحساب يتم باستخدام الأمبير، وكل التجهيزات المنزلية من مفاتيح وخلافة تقدر حدود عملها بالأمبير.

ذكرت قبل كدة إنو الانسانية مشكلتها في الناس البتعرف ربع المعلومة وتبني عليها، أرجو انكم تتجاوزا وتتناسوا الهلاوس والهستيريا بتاعة (انعدام الجاذبية) الفضحتكم دي، شوفوا غيرها عشان افضحكم في موضوع تاني.

_________
ملحوظة: أضفت (خلاصات بحوثك) في الملخص فوق، هي في الحقيقة موجودة منذ شهرين في فقرة واحدة في الصفحة الأولى.
أضفت كمان قانونك الرياضي الأخير الخاص بإعدام الثابت وجعل قيمته صفرية إذا كان آل أحد طرفي المعادلة للصفر.