|
|
|
 Re: رشا يا كحيل ... حينما يُبدِع الجابري ... في وصف أبوصلاح و نغم كرومه !!! (Re: يحي قباني)
|
لو قعدنا لعمنا ابو صلاح ...
وجبنا زول رسااام ... ووصفنا ليهو ريدات ابو صلاح دى من ابيات شعره
من قصيده هنا ... و قصيده هناك ...
حنطلع بملكة جمال الكون ...
شافعة ... ما قامت لسه ...
امسك عندك هنا :
( رشا يا كحيل )
... بنيه سغيرونه دوب فرهدت ...
عيونها كحيله كُحل الريم الرباني ...
( ومال صدرك لحشاك تاني ) ...
مخنصره و صدرها باني ... تحمد ربها ...
_________________________
ياخ عمنا ابوصلاح ده مره وصّف وصِف و جاب مترادفات ما سبقوا عليها زول
مره قال :
ليلى طال زى ديسك الهضلم نزل.....لضميرك يا فريهيدا انسبل
والجبين النورو يتلاصف لمع............ضوّه لينا الحله بالاربع قِبل
سواد ده ولا موت ؟
الديس و الهضليم ما ياهو الشعر ...
لكن قال ليها ( ليلي طال )... خلاص الشعر هنا بقي سواده داكن و حالك ...
ورجع يشاغل وقال ... ( لضميرك ) يعني نازل لي خصرك ...
ضميرك ... و فريهيدا ؟؟
مش هو زاتو ( عشان نزروا عمنا ابو صلاح ده ) قال:
ضامر قوامك لان...
طرفك قِسِ و جافيت
الصيد يا جدي الغزلان
اسهرت جفني ملان
يزرف دمع نازل
كالمزن في الهملان
مابصح ليك يافلان
طرفك دوام ناعس
وانا طرفي ماغفلان
( كالظبيه ) في اللفتان
مش ياها زاتها ( رشا يا كحيل ؟ )
عمك شكلوا كان مكتول في الشفيعه زاتها ...
مره يجيها بيجاي و مره بيغادي ...
_______________________
و لسه !!!
| |
  
|
|
|
|
|
|
|
|
Re: رشا يا كحيل ... حينما يُبدِع الجابري ... في وصف أبوصلاح و نغم كرومه !!! (Re: يحي قباني)
|
ياسلالالام يا ود قباني يازوق..
يازول الجابرى دا تجيبوا والمدافع رازة يا وقفت تتنصت ..
يا دوزنت روحا مع صوت الجابري ..
يا ود قباني أنا عندي فنانين وفنانات ما بغنو ..
أبدا ..
ديل بتبتلو بمزامير داؤود عليه السلام ..
الغنية دي بالذات كملت الما بكمل..
الكلمات كوم إبداع ..
واللحن كوم إبداع..
أما صوت الجابري فدا كوم براااه..
عليك دينك شوف الهارموني في صوت الزول دا ..
ياخي دا براااه كدا اورقن بحالو ..
شكرا علي المتعة وروعة الاختيار.
| |
|
|
|
|
|
|
|
|
|
Re: رشا يا كحيل ... حينما يُبدِع الجابري ... في وصف أبوصلاح و نغم كرومه !!! (Re: محمد على طه الملك)
|
Quote: ياسلالالام يا ود قباني يازوق..
يازول الجابرى دا تجيبوا والمدافع رازة يا وقفت تتنصت ..
يا دوزنت روحا مع صوت الجابري ..
يا ود قباني أنا عندي فنانين وفنانات ما بغنو ..
أبدا ..
ديل بتبتلو بمزامير داؤود عليه السلام ..
الغنية دي بالذات كملت الما بكمل..
الكلمات كوم إبداع ..
واللحن كوم إبداع..
أما صوت الجابري فدا كوم براااه..
عليك دينك شوف الهارموني في صوت الزول دا ..
ياخي دا براااه كدا اورقن بحالو ..
شكرا علي المتعة وروعة الاختيار. |
استاذنا الملك ...
جبر الله خاطرك ياخي بمرورك البلسم ...
الجابري يا محمد علي من القلائل جداً اللو عاش في اي مكان في العالم كان حيكون ايضا من النجوم ...
ياخي بلعب بي صوتو زي ما داير ...
رشا يا كحيل ( دلعها ) دلع لا ليهو اول لا ليهو آخر ...
بعيدن كام الله هونها ... بجيع راجع و اوريك محمد وردي قال شنو عن الجابري ...
الله يرحمهم جميعا بقدر ما امتعونا و بقدر ما تركوا من ارث ثمين من فن اصبح نادر التكرار الآن ...
| |
|
|
|
|
|
|
|
|
|
Re: رشا يا كحيل ... حينما يُبدِع الجابري ... في وصف أبوصلاح و نغم كرومه !!! (Re: Osman Musa)
|
Quote: عارف يا قباني
أنا بتخيل أي رئيس دولة في العالم
لو علاقتو خربانة مع أمريكا و داير يصلح علاقتو بس يجي
شايلو أستريو أبو سماعتين ويشغل فيو يا رشا يا كحيل و في نص الكونغرس .
تعال بعد دأك شوف الحاجات البتنبهل علي البلد .
.. |
و الله يا عثمان غُنانا ده سمح سماحه ...
بس داير البيفهم ...
Quote: عان . ياخ بيتكم هناك أنشاءالله سلامة مع السيول دي ؟
|
الحمد لله ... بس الكهرباء لامن ( رجعت ) حرقت اي شئ مدور في البيت يا عثمان ...
تقول الناس ناقصه ...
طمنا كيف عقابكم ...
| |
|
|
|
|
|
|
|
|
|
Re: رشا يا كحيل ... حينما يُبدِع الجابري ... في وصف أبوصلاح و نغم كرومه !!! (Re: محمد خير الشيخ)
|
| Quote: يــــــــــــاخى حاجة تفتح النفس من الصباح وتعيشك فى عالم تانى |
صباح شريف يا محمد خير ...
اكتر كلمة بتعجبني عند الاتراك ( صباح شريف ) دى ...
فعلا حاجة تفتح النفس و تعدل صباحك ...
الكلمات الجبتها دايره شوية تعديل يا حبيبنا ... بجيك راجع ليها
خُت في بالك ... معظم الفنانين بغيروا بعض كلمات النص الاصلي
حسب ما برتاح في الغنا او حسب ما بيعجبوا من اداها من قبل ...
و الجابري غير هنا ... لكن بتصرف
| |
|
|
|
|
|
|
|
|
|
Re: رشا يا كحيل ... حينما يُبدِع الجابري ... في وصف أبوصلاح و نغم كرومه !!! (Re: Osman Musa)
|
يا رشا يا كحيل غِيثني
الهـــــــــــوي ســـــــــباني
يا الأمرضني وماطباني
في خديدك يلوح نور رباني
نيران أشواقك لاهباني
وسهام الحاظك ناشبانـــــــي
ومن ضمن الحاله التاعباني
مهضوم كشحك وصدرك باني
يتمادي يميل خصرك فريع باني
من شفت الحسن الفتاني
قلبي ترحل ووجدي أتاني
ومال جيش حبك عتاني
بسهامو الما بتختاني
ومال صدرك لحشاك تاني
وكتفك مال ب فريع بستاني
يتكل في دروعه يبوس تاني
لو للشعر قصيدو مساني
ما بجيد وصفك غير لساني
في فؤادي الحب مساني
واصبح بي هواك وما ساني
مايصح منك تنساني
لوغاب شخصك عن إنساني
غير شك أوصاف حسنك مؤانساني
هبت لي روائح داهشاني
يانسيم عقب عود علشاني
قول ليه غرامك أغشاني
وأدركني الدمع الرشاني
الجمال شانك والحب شاني
يا نسيم روح بلغ وأغشاني
بي حق من أنشاك وأنشاني
ليه يا ملاك حسنه سباني
====
ليك نور وليك نار سارجاني
طرفي اللمحك هو الجاني
في بحور اشواقك زجاني
فيك خاطر بي ونجاني
اعلم اقبل سعدي وجاني
لو في الاحلام طيفك نجاني
كلمات تنساب للمسامع وتتغلغل فى الاعماق جوه ,,, شكرا لك اخونا قباني جملته يومي متعك الله بالصحه
حقيقة شعراء الحقيبة ديل كتبوا كلام يحير شتان بيبنهم و شعراء اليوم
| |
|
|
|
|
|
|
| |
يحي قباني
محمد على طه الملك
Osman Musa
علاء سيداحمد
Hamid Elsawi
فيس بوك
تويتر
انستقرام
يوتيوب
بنتيريست