|
|
 كندا تغيّر من برنامج الهجرة لديها وتستقبل المهاجرين بمهن عديدة..
|
ابتداءاً من الأول من مايو، قامت السلطات الكندية بتعديل شروط التقديم لهجرة العمالة الماهرة لتشميل العديد من المهن...وتبعاً لموقع الحكومة الكندية، اصبح اصحاب المهن التالية مرحّباً بهم للتقديم لتأشيرة الFSW...
0013 Senior managers – financial, communications and other business services
0015 Senior managers - trade, broadcasting and other services, n.e.c.
0111 Financial managers
0112 Human resources managers
0113 Purchasing managers
0121 Insurance, real estate and financial brokerage managers
0311 Managers in health care
0711 Construction managers
0712 Home building and renovation managers
0811 Managers in natural resources production and fishing
0911 Manufacturing managers
1111 Financial auditors and accountants
1112 Financial and investment analysts
1113 Securities agents, investment dealers and brokers
1114 Other financial officers
1123 Professional occupations in advertising, marketing and public relations
1212 Supervisors, finance and insurance office workers
1224 Property administrators
2113 Geoscientists and oceanographers
2131 Civil engineers
2132 Mechanical engineers
2133 Electrical and electronics engineers
2145 Petroleum engineers
2171 Information systems analysts and consultants
2172 Database analysts and data administrators
2173 Software engineers and designers
2174 Computer programmers and interactive media developers
2232 Mechanical engineering technologists and technicians
2234 Construction estimators
2241 Electrical and electronics engineering technologists and technicians
2243 Industrial instrument technicians and mechanics
2263 Inspectors in public and environmental health and occupational health and safety
2281 Computer network technicians
3011 Nursing co-ordinators and supervisors
3012 Registered nurses and registered psychiatric nurses
3111 Specialist physicians
3112 General practitioners and family physicians
3132 Dietitians and nutritionists
3141 Audiologists and speech-language pathologists
3142 Physiotherapists
3143 Occupational Therapists
3214 Respiratory therapists, clinical perfusionists and cardiopulmonary technologists
3215 Medical Radiation Technologists
3216 Medical Sonographers
3233 Licensed practical nurses
3234 Paramedical occupations
4011 University professors and lecturers
4151 Psychologists
4214 Early childhood educators and assistants
5125 Translators, terminologists and interpreters
كل من يرغب في التأكد من أحقيته للتقديم، يمكنه استخدام الرابط التالي:
http://onlineservices-servicesenligne.cic.gc.ca/eapp/eapp.do
قمت بالحديث مع تخصص في هذا الأمر، وقد وضّح لي ان الشرطين الأساسيين للتقديم هما درجة امتحان الIELTS وشهادة تقييم الشهادات عبر WES... بالإضافة إلى شهادة خبرة لمدة عام واحد على الأقل... سأوضّح كل نقطة على حده.. وفي هذه الأثناء، كل من له سؤال أو رغبة في أن اساعده.. انا حااااااضره... علماً بأني لم اقم بالتقديم باستخدام النظام الجديد بعد (النظام الإلكتروني)، ولكن لدي خبرة مناسبة في الموضوع.. كما أدعو كل من له خبرة أن يساعدنا ...
مع خالص التحايا
(عدل بواسطة مريم بنت الحسين on 06-24-2014, 09:10 AM)
|
|
  
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: مريم بنت الحسين)
|
الأخ محمد عبر الفيسبوك... زي ما ذكرت، التعديلات دي مرتبطة بفترة زمنية محدودة.. وممكن كتير من المهن دي تكون ما مطلوبة السنة الجاية... عشان كده قدّم في أقرب فرصة... التدريس الجامعي (طبعا دي مهنتك حسب ما فهمته) ممكن انك تمارسها بالماجستير زي ما انت عامل حسي (جامعة نجران موش؟)... المهم انك تقيّم شهاداتك عبر الWES حأشرح الحاجه دي بعد شويه كده... بالاضافة للIELTS والخبرة لمدة سنة... في الوقت الحالي ابدأ في الIELTS لانهم عايزين Band 7 اقل شي..
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: مريم بنت الحسين)
|
د.مريم سلامات
وكثر خيرك علي تحمل مشقة النقل لهنا و تبصير اخوتنا الراغبين بالهجره.
ويا ابو الريش ابدا حرام عليك
اغلب هذه المهن في مجالات محدده والدراسات الماليه نايله نصيب الاسد
واغلبها تخصصات نادره لدينا
يعني وين نحن عندنا العامله المهاهره للبناء بمواصفات غربيه؟!
ولا حتي موظفي التامين والحسابات و غيرها كلها عايزنها بتعليم غربي .
الكويس في الامر
انه كي كلها اجراءات للدخول قط
لكن لو دخلته ماليهم غرض بيك ان شاء الله تبيع سامبوسه!!
مع اصدق الدعوات للراغبين في اجراءات سهله.
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: سيف اليزل سعد عمر)
|
يا تراجي... فعلا الشروط شملت العديد من المهن، لكن في شرط تقييم الشهادات وهو شرط جديد على الهجرة لكندا... والتقييم بتم عبر جهات محدده زي ما حأشرح هنا... والمثال الافضل هو الWES أو World Education Services.. في جهتين غير الجهة دي، لكن المحامي السألتو بفضّل دي.. عشان كده حأشرح طريقة التقديم ليها.. باقي الجهات مافي فرق كبير..
بالمناسبة انا لسه ما اتعودت على قصة دكتوره دي.. وكل ما يقولها لي زول بتلفّت اقول قصدهم منو... وما اظني اتعود عليها.. امس اتذكرته عمي متوكل يا تراجي.. واتذكرت مكالمتك معاي.. وبكيت... كان حيفرح لي فرح شديد .. الحمدلله
Quote: أما بالنسبة للسودان، واحد سألوه قالو ليه ماهي أفضل صالة في الخرطوم عشان نعمل فيها عرس. قال ليهم صالة المغادرة...
|
اخونا سيف اليزل.. صباحك خير... والله هَم يضحك وهَم يبكي.. السودان ضاق بالبلد... والناس بقت عايزه تمشي أي مكان.. وقت الحكومة ما عايزاهم يعيشوا... خليهم يفتشوا في ارض الله الواسعة دي..
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: مريم بنت الحسين)
|
تقييم الشهادات من الحاجات الجديدة على الكنديين... وبرضه الاستراليين بقوا عاملينه مع فارق بسيط بين الاجرائين... الاستراليين بقيّموا المهنة مع الشهادات والخبرات وبحددوا هل الزول ده فعلا ممكن ياخد تأشيرة مهاجر بحسب المهنة الهو بقول انه بشتغلها ولا لأ.... الكنديين لسه ما عقّدوها قدر ده، وبقيّموا الشهادة بتاعت الواحد... يعني بشوفوها بتاكفئ شنو عندهم، وهل هي صادرة عن جامعة معترف بيها ولا لأ... التقييم تقريبا قيمته 200$.. وبحسب ناس الWES لما رسلته ليهم سألتهم، هم بطلبوا تقييم آعلى شهادة فقط... يعني الزول العامل ماجستير بطلبوا تقييم شهادة الماجستير... التقييم ده مفيد للهجرة وبرضه بعد الزول يمشي كندا مفيد في انه يلقى شغل في مجاله لو توفّر باعتبارها زي مصادقة كده لتخصصه وتأهيله... عملية التقييم بتبداً بإنه الواحد يدخل على موقعهم من الرابط:
https://www.wes.org/ca/apply/cicapplication.asp
وبعداك يعمل طلب تقييم جديد ويعبّي معلوماته ويدفع ليهم القروش... بعداك بدوه ID... وبرسل ليهم صوره ملونه من شهاداته وصوره ملونه من سجل الدرجات (لو موجود بحسب الشهادة طبعا)... الصور ما عايزينها موثقه وما تكون اصلية لأنهم ما برجعوها وبتم اتلافها بعد فترة... بعداك.. الواحد برسل للجامعة الصدرت منها شهادته... وبخليهم يرسلوا بصورة مباشرة للWES كشف بدرجاته (أو في حالة الدكتوراه مثلا، بتم ارسال شهادة تدل على انه الشخص ده اخد الدرجة العلمية منهم)... في Form جاهز الواحد بعبيه من موقع WES وبرسله لجامعته... لازم يتم الارسال مباشرة من الجامعة للWES، وما حيقبلوا انه الشخص يرسل ليهم بصورة مباشرة (الا الصور الذكرتها)... بعد عشرين يوم تقريبا بتصدر نسختين من التقييم للشهادة وبيتم ارسالها للمتقدّم... وبكده تكون عملية التقييم انتهت.... ونشوف الخطوة البعدها....
الاستراليين (لو زول عنده رغبة يمشي بهناك)... بطلبوا شهاداتك بصورة مباشرة منك بس تكون صور موثّقة.. ومعاها شهادات خبرة.. وبناءاً عليها بتم تقييم مهنتك.. التقييم باخد فترة طويلة ممكن تصل لي 12 اسبوع.. وممكن اكتر... لو الله هون ممكن ادي تفاصيل لاحقاً لموضوع هجرة استراليا ده...
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: مريم بنت الحسين)
|
الفاضله الحبيبه د.مريم الحسين
تذكرت عمك متوكل كثيرا يا مريم
| Quote: مس اتذكرته عمي متوكل يا تراجي.. واتذكرت مكالمتك معاي.. وبكيت... كان حيفرح لي فرح شديد .. الحمدلله |
يوم نيلك الدكتوراه قلت سبحان الله اليوم كان اتصل بي فرحان و قال لي يا تراجي مريم جابت الدكتوراه!!
وتذكرته يوم وفاة و الدتكم ام الجمهورين (آمنه لطفي) قلت برضو متوكل كان حينهار شديد لو حضر الموقف ده.
ادعي ليه يا مريم فلم تكوني بعقله سوي انبة حقيقه له.
رحمه الله الرجل الصالح متوكل الحسين.مكانه شاغر يعلم الله.
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: عبدالله عثمان)
|
| Quote: زي ما ذكر في البوست اهم حاجتين IELTS test ومعادلة الشهادات عبر المعهدين المعتمدات بكندا وبعد كده الواحد يبداء في ترجمة شهادات الميلاد وقسيمة الزواج للمتزوجين وكل الاوراق البتخص الهجرة... خطوة تعبئة الفورمات الخاصة بالبيانات خطوة بتاخد وقت طويل فعشان كده الواحد يبدا فيها من بدري وهي بتطلب دقة في المعلومات ويحبذ تعبئتها بواسطة مختص |
| |
|
|
|
|
|
|
|
|
 Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: Ahmed Elsadig)
|
مريومة يا حبيبة
كيفك وكيف النفسيات بعد ما خلصتي الدكتوراة؟
الكنديين ديل عملوا تعديلاتهم بتاعت تقييم الشهادات دي بس عشان يكسبوا فلوس ذيادة من موضوع الهجرة دا
انا عملتا الاجراءات سنة 2011 وجيت وقعدتا في كندا السنة دي
الحكومة بتقول انها عاوزة المهاجرين يندمجوا في المجتمع وفي نفس الوكت قافلة كل السكك في وشهم
اذا انتا عاوز الناس تشتغل كاجوال جوبز ،،ليه بتطلب سكيلد وركرز؟
عايزين يجيبوا الناس ويخلوهم يتلفتوا،،انا متخصصة تخدير وعناية مركزة وعندي ام دي من السودان وزمالة عربية
في التخدير وعاملة سنتين زمالة في بريطانيا ومسجلة في المجلس الطبي البريطاني وهسه من سابع المستحيلات اني اشتغل في مجالي في كندا !
عشان تشتغل كطبيب في كندا لازم تمتحن تلاتة امتحانات وتجيب درجات معينة عشان تنافس على تريننغ جوب!
يعني بعد تلتاشر سنة خبرة في ثانوي يا قول سعيد صالح حنرجع نبتدي من زيرو،، طيب انتوا لو عاوزين ناس الزيرو بتطلبوا خبرة ليه في التقديم؟
انا غايتو قاعدة يومياً ابحت عشان القى مخرج للموضوع دا وما لاقية ثغرة.. لو لقيتي ليك معلومة اتحفينا بيها
طبعاً دا ما بينفي انو في تعليم كويس وتأمين صحي للأسرة بس الباقي ما بعرفو :)
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: رشا سالم)
|
أهلا اخونا سيف اليزل... فعلا تجهيز الاوراق وتوثيقها مهم جداً.. عشان الواحد يرسلها كلها مع بعض مع الطلبات.. طبعا هي بتحتاج وقت ومملة... لكن ما طويلة شديد... وكمان هي بتتعبأ بالكومبيوتر وتطبعها.. زمان كانت غلبة شديدة وبتتملي باليد وتمسح وخطك شين وكله يبقى عليك... الوثائق في عندها فهم وهو انه الواحد محتاج يثبت أهليته مهنياً عن طريق شهاداته، وانه عنده امكانية انه يعيش هناك من ناحية لغة، ويثبت علاقته بي الناس المقدمين معاه (الزوجة والاطفال)... ويثبت انه هو ما حصل عمل ليه جريمة في اي بلد عاش فيها اكتر من ستة شهور.. وللناس العايشين برّه بحتاج يثبت انه وضعه قانوني في البلد العايش فيها...
| Quote: يا مريومة وزيرة التعليم اليوم في السودان شكت قالت سبتمبر الجايي ما ح تلقوا زوووووول يدرس أولادكم |
استاذ عبدالله عثمان... على كيفها! حسي ده كلام زول بلوم الأبوات موش بلوم روحو!! عليك الله عان دي! والله استفزتني شديد...
أحمد الصديق(الصادق) ما متأكده معليش اعفي لي... كلام د.رشا ده ألف في المية... المهم انه الامتحان يكون valid...
رشا سالم... والله يا صاحبتي انا عارفه انه الحياة هناك للبشتغلوا في المهن الطبية بتكون صعبة شويه... وسمعته قصص كتيرة في الاتجاه ده... لكن في حاجات كتيرة بتوفرها الهجرة... من ضمنها البدايات الجديدة الحارة دي... لكن برضه بتوفّر فرص وظيفية بعد ما تاخدي الجواز..ز في دول تانية وبأوضاع اكتر احترام... في ضريبة لازم ندفعها ما دمنا قررنا نمشي في طريق زي ده... الله يهوّن يا صاحبتي... ويا ريت لو عندك وقت تساعديني في البوست ده بي حُكم خبرتك.. وانك already هناك...
مريم
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: مريم بنت الحسين)
|
الاخ عباس عبر الفيسبوك... شكرا على سؤالك.. وعلى الاضافة لأني اول مرّة أسمع بي Manitoba، وطبعا هي واحدة من المقاطعات الكندية للناس الافتكروا انه في دولة هم ما سمعوا بيها قبل كده زيي كده  ... حسب موقع الهجرة الكندية المقاطعة دي فعلا شروطها أسهل، لكن عندها شرط مهم جداً وهو انك تثبت علاقتك بالمقاطعة عن طريق شخص مقيم فيها... مثلا فرد من افراد العائلة عايش في نفس المقاطعة ومستقر فيها... لو لقيت وقت ممكن اكتب عن الموضوع اكتر في وقت تاني
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: مريم بنت الحسين)
|
زي ما لاحظ بعض الناس ولاحظت انا... في ورطة بالنسبة للناس الخريجين من السودان أو من الدول العربية بشكل عامل... لأنه قصة انهم يرسلوا ليك حاجه دي عملاً لي الله ماااااا ممكنه... انا شهادتي الجامعة والماجستير الاتنين من الاردن... وده ما بخليني احسن حالاً من الناس في السودان لأنه برضه الاردنيين عندهم الغتاته ... بس الزول الدرس في السودان عنده فرصة انه يرسل زول يتابع ليه القصة... واكيد طبعا الجامعة حتطلب قروش... يدفع ليهم زوله الرسله ده زاته... ويتابع انهم رسّلوا الورق المطلوب... مافي اي خيار تاني...
نجي للخطوة البعدها... قيّمنا الشهادات... وامتحنا الIELTS وجبنا الدرجة المطلوبة وعندنا خبرة ومهنتنا من المهن الخمسين المطلوبة... كل فترة ممكن نقوم نفتح الرابط ده عشان نشوف عدد الناس القدّموا واخدوهم ضمن الوظائف المختلفة، لأنه زي ما قلت في عدد أقصى لكل مهنة هو 1000 شخص...
http://www.cic.gc.ca/english/immigrate/skilled/complete-applications.asp
لاحظوا انه في وظائف زي ناس الكومبيوتر فاتوا ال100... بالتالي ما تأجلوا.. دي مسابقة عالمية.. الناس دي كلها عايزه تمشي...
المرّة الجاية (بعد يومين كده) ببدأ أشرح تعبئة الفورمات وأهمية الدقّة في الموضوع ده... وشنو الفورمات المطلوبة... ممكن طبعا الزول يعيّن محامي لو عايز يريّح راسه، عشان يتأكد ليه من الأوراق والحاجات... لكن الموضوع ممكن جداً الزول يعمله براه... لأنه الفورمات دي وراك وراك.. حتعملها حتعملها.. مافيها أي فرصة.. وحتكتبها وتوثّق الاوراق براك.. المحامي بجيك في النهاية زي الناظر يتأكد انك حليت الواجب كويس... ويقول ليك "أعد" لو ما حليته...
مهم أنوّه انه التقديم للهجرة بي قروش، لكن لو ما قبلوا طلبك برجعوا ليك قروشك... صحي الزول خشمه بكون ملح ملح... لكن المهم انه القروش بترجع... عن تجربة 
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: Ahmed Elsadig)
|
وتبعاً لموقع الحكومة الكندية، اصبح اصحاب المهن التالية مرحّباً بهم للتقديم لتأشيرة الFSW...
---------------------------------------
سلام اختي مريم
اعتقد ان هذه القائمة ليست ثابتة .. تتغير حسب احتياجات الدولة التي تستقبل المهاجرين من ذوي المهارات والمؤهلات العلمية
وهذا ما يحدث هنا في استراليا اذ يعلنون عن مهن مرغوبة لكن تتغير القائمة بصورة مستمرة كل ستة شهور تقريبا
وحتى في التخصص المحدد نجد انهم يطلبون نوع او فرع معين .. وعلى سبيل المثال الصيدلة لها تخصصات كثيرة بعضها غير مرغوب هنا
لك الاحترام
| |
|
|
|
|
|
|
|
|
|
Re: كندا تغيّر من برنامج الهجرة لديها وتستقبل المهاجرين بمهن عديدة.. (Re: خالد العبيد)
|
Quote: معليش نرجعك لإمتحان الانجليزي تاني
هل يمكن اعتماد امتحان دولية أخرى عوضا عن الIELTS
كال TOEFL و TOEIC |
يقبلوا إمتحانين فقط:
1. CELPIP: Canadian English Language Proficiency Index Program
وده إمتحان يعقد في كندا فقط ولا يوجد له مراكز خارج كنددا
2. IELTS: International English Language Testing System
ولو بتعرف فرنسي كمان في إمتحانات تانية خاصة بالفرنسي.
لمزيد من المعلومات يمكنك الإطلاع على الموقع أدناه
http://www.cic.gc.ca/english/immigrate/skilled/language-testing.asp
| |
|
|
|
|
|
|
| |
مريم بنت الحسين
Abureesh
Tragie Mustafa
سيف اليزل سعد عمر
سيف اليزل برعي البدوي
عبدالله عثمان
رشا سالم
مجاهد محمد الهادي
خالد العبيد
aosman
فيس بوك
تويتر
انستقرام
يوتيوب
بنتيريست