الـزول دا مـسـطـول والـلآ شـنـو ؟؟؟...

Quote: ههههههههههه والله مباالغة يا ود المدير.. في النهاية حلو كان انو ناس المهاجر ديل زاتو يساهموا مع ناس القرية عشان تصدر.. هسي الفيديو دا ما عذر كافي لانو الواحد يفطر اسبوع:)

Quote: ليس بالمسطول او الموهوم بل يتبع لثقافة لوم الضحية ، والتى سوف ترى كثر يتبعها هذا الايام . وهذا مقتبس عن هذا (الثقافة ) : http://www.alghad.com/articles/809371 وهذا هى الخطة (ب) لوضع النقطة فى اخر الجملة التى يقاس سطرها بربع قرن . وسوف ترى العجب وتسمع المحن فى العشر شهور القادمة. وبين جيل الشتات مافى ملامة

Quote: يازول بقول ليك حوضين خدرة وغنمايتين ...ويصدروا كمان والله ماعرفنا الحايصدروا ده شنو جبنة من الغنمايتين ديل وله صوفن وله جلدن طيب ماياهن الضبحوهن وقعدوا ساكت طبعا حوضين الخدرة ..ديل يصدروهن مافى طريقة الا يبيعوهن فى سوق الله اكبر ده قال ناس القرية ختوا العندهن والعند اولادن واولادن المغتربين الزول ده اسة كلامو ده ..مش فى المغتربين طيب مدخلن فى الحسبة دى ليه اصلو زول ساكت يرفع السماعة دى ويقولو انتو لمن مسكتو البلد ..خليتو الناس فى حالة ماتراهن طفشوا لما شردتوهم وعذبتوهم والقتلتوه قتلتوه .. يقعدوا يربوا ليهم غنمايتين ويقعدوا يحرسوهن واولادن فى المدارس ياخى ماكفايه ... والله ياود المدير ..اظنو المساطيل نحن ديل كيف حالك ورمضان كريم اسة زولك ده مابكون كتلو ناس مغسة ساكت لاحوله ولاقوة الا بالله.

Quote: ما في شيء كرهنا الا الاستلاب فلس. طين. اشتغل مع فلسطيني واحد وتعرف الحقيقه

Quote: ود المدير رمضان كريم ياخ مالك علينا عاوزنا نسب ليه في نهار رمضان ده اللهم اني صايم

Quote: رمضان كريم يا مدير.. لا أتفق مع العنوان لكن لا أدري ما الذي يدفعك لمشاهدة (ونسة) كاملة لحسين خوجلي.. شاهدت الفيديو لأعرف مضمون البوست وصلته بالعنوان فوجدت حديثا تجاوزته ونسات أيام صبانا في أمدرمان المغرب بعد الدافوري وربما تحت لمبة الشارع ، تلك الونسات التي تتجنب العلمية كمنهج وحديث الأرقام والمنطق كأمر بدهي لأنها مجرد ونسة، حسين خوجلي المحسوب على التيار الإسلامي 1000 فولت نسي أو تناسى في (ونسته) غير المؤسسة هذه أن رسولنا الكريم (ص) كان من رواد الهجرة التي يتجنى عليها حسين دون أي تعريف أو مناقشة لأسبابها وربما لم يتأمل قوله تعالى ( هو الذي جعل لكم الأرض ذلولاً فامشوا في مناكبها) ولا أريد هنا أن أتحدث عن تاريخ يعرفه حتى أطفال الإبتدائية في هذا الإتجاه ولا عن تاريخ الحراك الإنساني والإجتماعي وأسبابه ودوافعه منذ آدم عليه السلام وإنسان النياندرتال وحتى عصر الفاتح الطاهر ومحترفي برشلونه، لكن من المؤسف حقاأن تتاح لمثل حسين هذه الوسيلة التنويرية ويقدم مثل هذا الكلام الشائه والتنميط الفطير عن المهاجرين والمغتربين وهو لايعرف تلك التجربة ولا يعرف ما يجده الإنسان من إحترام وتقدير خارج بلده وما يجده من ألم في كثير من الأحيان بين أهله وفي أرضه. ما أحزنني أن حسين يعتقد أن احترام القانون والنظم واللوائح والإلتزام والإنضباط وإتقان العمل هو نفاق وخنوع وملق وأن العامل البسيط في بلده يمكن أن يقل أدبه على من هو أعلى منه في السلم الوظيفي وممكن (يشيل صباعو يطبظ بيها عين أجعص زول) فقط لأنه في بلده وهو بهذا يرسل رسائل خاطئة ورديئة، أما حديثه عن العودة من بلاد المهجر أو الإغتراب وتربية (الغنماية وعود الخدره والباميه) فهذا فتح اقتصادي كينزي جديد ومدرسة لو سمع بها آدم سميث لتعلق بأستار الروضه والكتاتيب.. .. بالطبع لا يستحق ذلك الكلام تعليقا في معناه أو مبناه ، لكن مثل هذا الكلام يجيب على سؤال ظل يظلع في الونسات : لماذا وصلنا إلى ما نحن عليه اليوم. الشكر للأخ هاشم أحمد آدم على مداخلته واقتباسه الذي جاء في الصميم.

Quote: قلة الادب في بلدنا جزء من الكرامة

Quote: ههههههههههههههههههههههههههههههههههه كيفك يامدير رمضان كريم البوست دا ذي ماقال نوباتيا

Quote: صنف (نخب اول)..على قول اخوانا السوريينن..

Quote: عليك النبي شوف الكلام دا! شكراً معاوية أول مرة أشوف الزول دا. وسألت أهل بيتي فقالوا لي الزول دا عندو قناية أو قناة! وسمح انتو المزعلكم شنو؟ كل زول ألزمناه قناته!

Quote: Yousif Bashari · الأكثر تعليقا · Stratford Career Institute الغريبة الزول دا قال فى الفديو عن الناس البتهاجر ( مادعاها للمر إلا الأمر ) ! غايتو ( الصنف ) البيستعملو سمح شديد خلاس !