|
عدت بعد 13 عاما الى بستان سودانيز اون لاين .. حبابكم عشرة
|
تحيـــــــــــــــــاتي واحتــــــــرامي اخوتي واخواتي اعضاء وقراء ومتداخلي منبر سودانيز اونلاين...
تقبل الله صــــــيامكم وقيامــــــكم ورمضان كريم..
لي عظــــيم الشــــــرف بالدخول الى بستان سودانيز اون لاين.. بعد غياب دام اثنتا عشرة سنة .. وامتد منذ نهايات العام 2001 ..
حينما كــــــان سودانيز اون لاين في بداياته النضرة يحبو مع كوكبة الاعضاء الابكار ..
ثم مرت الايام وفقدت كلمة المرور التي ضاعت في زحمة الاحداث والايام والسنين والظروف ..
ولكنني قطعا لم افقد التواصـــــل مع الموقع الاخباري والتحليلي ذائع الصيت ..وكنت يوميا ما اتصفحه ضمن ثلاث مواقع .. اخبار الصحف والفيس بوك وسودانيز اونلاين مع قهوة الصباح قبل الشروع في اي عمل مكتبي ..عبر سياحة صباحية في عقول الرجال والامكنة والاحداث ..
وكانت فائدتنا كبيــــرة من تحليلاته واخباره وحكاويه وتاريخه ومناقشته للهم السوداني العام .. وتابعنا ما ينفع الناس وتركنا زبده يذهب جفاء..
وها انذا اليوم اعود بعد سنين طوال .. ممنيا النفس بان استظل تحت اشجاره الفكرية والادبية الوارفة .. واقلامه المميزه .. اما شوكه وحسكنيته واعشابه الطفيلية فساتحاشاها قدر امكاني.. فهذا البستان الوارف الظلال خليق بان تاخذ منه اطايب الثمر ..
مرحبا بكم .. واتنمى ان اكون اضافة لهذا المنبر ..
ورمضان كريم..
|
|
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: معاوية الزبير)
|
مرحبتين حباب استاذنا معاوية الزبـــــــــــــــــير
اللياقة موجودة لاننا لم نتوقف عن الكتابة عبر هذه الاسافير ... ولكن فعلا الكتابة في سودانيز اون لاين لها طعم امهات الكتب وحلاوة اللعب في الممتاز..
أما خال فاطمة فحكايته حكاية .. اتهام صرفه الله عنا..
داما التقي صديقك عثمان كباشي جاري وابلغه سلامي اليك ..
تحياتي واحترامي
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: بدر الدين الأمير)
|
تحياتي استاذ بدر الدين الامير..
رب ضارة نافعة .. هاهاها.. (ادعاء ) خال فاطمة حفزني للاوبة الى تلك الساحة الوارفة .. هذا ابتداءا .. ثم انه لعمري قد قدم لي خدمة كبيرة وصيتا لو عرفه مدعوه لقارعونا عليه بالسيوف..
ثم لك التقدير وانت من قلائل ساعدوني للدخول عبر بوابة بستان سودانيز اون لاين..
ولاغرابة فانت ابن اخ استاذي علي الفكي الامير .. ذلك الهرم الباذخ في سماء اغتراب السودانيين بالدوحة .. الذي وضع اولى مداميك الوجودالسوداني المؤسس والنوعي الراقي .. وتخرجت من بيديه الطاهرتين اجيال واجيال من صناع القرار هنا في قطر.. وساهم في وجود عشرات الشباب واسرهم بالدوحة مساهمين في نسيج السودانيين البديع..
ثم انك ابن اربجـــــــي .. قرابتنا الذين يمموا شطر الصعيد ..فاصبحوا يقطعون طريق مدني - الخرطوم في ايام رمضان هذه بالعمائم وصواني الافطار وجرادل الحلو -مر.. مجسدين اروع معاني الكرم والتكاتف السوداني..
تقديري
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: عادل ابراهيم احمد)
|
Quote: ثم انك ابن اربجـــــــي .. قرابتنا الذين يمموا شطر الصعيد ..فاصبحوا يقطعون طريق مدني - الخرطوم في ايام رمضان هذه بالعمائم وصواني الافطار وجرادل الحلو -مر.. مجسدين اروع معاني الكرم والتكاتف السوداني.. |
عادل كتر خيرك وفضلت خيرك بس اهم حاجة نك جيت المنبر والنازى عزام فرح مقطوع الطارى حردانو اوعك تقوم تحنسو اليوم كلو يتاوق كايسلو حنيسة تجيبو راجع هههههههههه
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: عبدالحفيظ ابوسن)
|
أظنك يا عبد الحفيظ تقصد صحفيا آخر يحمل الاسم نفسه: عادل إبراهيم الملقب بعادل كلر وهو صحفي بصحيفة الميدان وهو من كوستي مربع 28 وحبيبنا عادل إبراهيم العائد بعد غيبة رجل تتقاصر الكلمات عن وصف شمائله وستعرفه جيدا عندما يكتب (اكتب كي أراك) أليس كذلك؟ وعبد الحفيظ أبو سن يا عادل زميل دراسة في كوستي وصديق ودود، انضم للمنبر قبل عام وكتب فعرفه الناس
مودتي واحترامي لكما
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: معاوية الزبير)
|
Quote:
بعد غياب دام اثنتا عشرة سنة .. وامتد منذ نهايات العام 2001 ..
|
بس الظاهر غيابك كان قبل حضور ناس الحوش
من كم سنة لا هو عارف لا انا سايقني في بحر انتظار ما عدي في ليلو الهناء واعدني بي لحظات شجون تشتاقا كل الامكنه وانا في مسار الشوق لقيت ميعادو فرهد كم سناء ياربي جيت قبل الميعاد ولا الزمن غفلني زاد قصة يغيب ما اظن تكون ولا اظن تدور يوم في اعتقاد جاييهو من مشوار بعيد كايس عليهو بلاد بلاد مرسالو لي دائما يقول القاهو في نفس الميعاد
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: عادل ابراهيم احمد)
|
تشكر معاوية ود كوستي ! وتشكر عادل ,,, نجيب او ابراهيم نور الدين ,, ود حلتنا وكان صديق شقيقي الاكبر احمد ,,, وهو من اسرة فنانة ومبدعة شقيقة عبدالرحمن نور الدين كان يعطر حفلات كوستي كفنان ,, تحية له واسرته
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: عادل ابراهيم احمد)
|
عمنا الفاضل ارنست ارجانوس جبران "سوداني عجوز"..
شكرا جزيلا لترحيبك الطيب ودعواتك الصادقات..
مع انني لم التقيك ولكنني ارى فيك قلبا شابا وروحا يانعة.. ذكرتني بقصة لشيخ العرب احمد عوض الكريم ابوسن ..
وكان يتجول في احد المساءات بسوق القضارف فصادف حسناء سالته وقالت له : يا عمو انت عمرك كم؟
فاجابها باسما : والله يابتي "الروح شابة لكن العمر مو شوية" ..
دامت لك الصحة والعافية وراحة البال يا عم ارنست..
احترامي وتقديري
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: Mutwali Malik)
|
Quote: .. بعد غياب دام اثنتا عشرة سنة .. وامتد منذ نهايات العام 2001 .. |
كل سنة وانت بالف خير، وعودا حميدا.... ....................................................... واحد صاحبنا الله يطراهو بالخير، اعرفه مذ كان خاطبا، وتاتيه خطابات قابلة للكسر، في ذلكم الزمان الجميل... وفي ليالي الغربة الطويلة كان يحكي لنا انه لو بعد العرس جاءت بنت سيسميها أمل، ولان؛ اجمل الاطفال قادمون ساعة فساعة لان بذرة الحياة ليست الرصاص؛ جاءت امل، قابلتها وقد وصلت رابعة ابتدائي: وسالتها: يا أمل بتعرفيني؟ لا يا عمو... يا بنتي، والله انا بعرفك منذ ان كنتِ فكرة.... .................................................... كنت اظن ان سودانيزونلاين بدأت بشائر 2002؛ ولكنك كمحارب قديم ذكرت 2001... عموما ما بينا شهور، في انتظار ابداعاتك ... وتسلم
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: عادل ابراهيم احمد)
|
كل سنة وانت طيب اخي عبد المنعم الطيب..
شكرا للترحيب والقصة الجميلة المعبرة..
كل حياتنا وطموحاتنا وامالنا ومشاريعنا تبدأ بالفكرة..وكل اولادنا كانوا "فكرة" ..هاها
ما اتذكره انه ربما كانت بدايات سودانيز اون لاين في نهايات 2001 او بدايات 2002 لا اذكر تحديدا وقد طالت المدة وشابت الذاكرة ..
ولكنها قطعا كانت بدايات المنبر ابان هذه الفترة ما بين عامي 2001 و2002 ..
نضرها الله من ايام..
تحياتي واحترامي
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: عبدالمنعم الطيب حسن)
|
هاها .. بمناسبة الكوتشينة يا عبد المنعم ..
حكى لي والدي قصة طريفة حينما كانوا طلابا بالمعهد العلمي ام درمان في خمسينات القرن الماضي .. وكان معهم احد الطلاب مهووسا بالوتشينة ..
فكان ان حاضرهم احد الاساتذة جهوريي الصوت متحدثا عن الصلاة ..
وكان يرفع صوته عاليا عند ذكره كلمة " الصلاة " اثناء المحاضرة ثم يعود مرة اخرى للرتم الطبيعي في الحديث ..
فكان كلما رفع صوته عند كلمة "الصلاة" يقول الطالب بصوت خافت : "أتوو"
فكررها مرارا فلاحظه الشيخ المحاضر فجاء قرب كرسيه ووقف خلفه تماما ثم رفع صوته عند كلمة "الصلاة" فسكت الطالب .. ثك كرر حديثه فسكت الطالب ..
عند ذلك انحنى عليه الشيخ المحاضر وقال له : " ما تجلد ؟ .. ولو بوشتا ؟" ...هاهاها
فضجت القاعة بالضحك على الطالب .. وقد ظهر ان المحاضر حريف كوتشينة تمام..
تلك من قفشات معهد ام درمان العلمي الذي خرجت اجيال واجيال من العلماء الافذاذ ..
تحياتي
| |
|
|
|
|
|
|
Re: عدت بعد 13 عاما الى بستان سودانيز اون لاين .. حبابكم عشرة (Re: عبدالمنعم الطيب حسن)
|
Quote: حارة شنو كمان البتلقى فيها ود الامير. اسع
يجى يقولك دخلت هجو سودانيز ، يومو الرحب
|
اها شفت ياعادل تنكر المكفول للكفيل عمو هجو الاقرع تعرفت عليه لاول مرة وهو برفقة استاذك عمى على الامير له رحمة كانو اصدقاء وبعد داك توثقت علاقتنا من خلال اولاد ود حامد وباقى مناطق دار جعل كلام دا في بداية التمانينات وانا شاب صغيرون بس من يوم اكتشف انى نديد ولدو محمد بقى مقاشرنى في الرايحة والجايا
| |
|
|
|
|
|
|
|