بلطجية ورباطة قنصلية السودان بجـدة يوم 16-6-2014

Quote: سلامات يا خالد العطا الحراس او بتاعين الأمن في ما يعرف بقنصلية السودان في جدة ليس لهم من الطيب و حسن التعامل اي نصيب، و حسنا فعلت بوصفك عبد الحي ده بالبلطجي و يا يريتك لو كنت كتبت اسمه كاملا. شوف القصة دي : في مرة مشيت القنصلية و للا الطبلية دي ايام كانت في الثعالبة و لقيت اخ سعودي اعرفه يسأل عن إجراءات التأشيرة السياحية للسودان و زول لابس سفاري - يمكن عمك البلطجي ده ذاتو- شغال ليك فيهو تريقة و نهير يعني مثلا لما قال انو قيمة التأشيرة اكتر من حقت فرنسا صاحبك ده قال ليهو سمح أمشي فرنسا، و لما تسآل عن ضرورة إحضار كفيلين و هو مجرد سائح قال ليهو يا زول ده نظامنا كده، هسه انتو بلدكم دي مش بتشترطوا فيها كفيل قبل ما تدوا الزول التأشيرة ، السعودي قال ليهو انا ماشي عمل.. المهم انا لتدخلات و قلت ليهو انا بكفلوا قام جاط فيني و قال دي مسؤولية و شنو ما عارف، قلت ليهو انت شايفني طفل قدامك؟ جيب الفورم ده هنا و قمت مليت محل الكفيل و كمان كتبت اخوي في المحل التاني، و قلت لصاحبنا السعودي ياخ انت أساسا الموديك هناك شنو؟ شوف ليك بلد تانية ياخ.

Quote: قلت لى ده كلو حصل فى مكتب جباية الاتاوات المسمى مجازاً قنصليه اها وين العناتر القنصل والمستشار الامنى و و و و و من بقية موظفى المؤتمر الوطنى ورئيسهم يسب امامهم، السفير ما فاضى ليكم غايتو مشغول بالبزنس حقو،،،

Quote: سلام عليكم هذا التصرف غير مقبول ولو صحت الرواية ما كان يجب عليك السكوت وكان يجب تصعيد هذا الأمر لأعلى مرحلة

Quote: · Manama, Bahrain لك الله ي أخي هَؤلاء من أمثال عبدالحي المفروض أن لايتم توظيفهم في مثل هذه الجهات بالخارج بل يتم إلحاقهم بإخوانهم في الخرطوم نظراً لتشابه التعامل بينه وبين بعض من موظفين السلك الدبلوماسي في الخرطوم لأنه تقاس الشعوب بأخلاقها (ودي نهاية الواسطة)لا أنكر وجود بعض من الموظفين في غاية الرقي ولكنهم للأسف يحسبو بأصابع الإيد رد · أعجبني · متابعة المنشور · منذ حوالي ساعة المكوّن الإضافي الاجتماعي لفيس بوك

Quote: استغرب من عدم مشاركة الاخوة المدافعين دائما عن القنصلية واللذين يكتبون دائما مواضيع تخص القنصلية في هذا المنبر طلب خاص ومن دون ذكر اسماء عاوز رايكم في الحصل