|
Re: كوستي ضم فاتورة الموية للكهرباء (Re: عبدالحفيظ ابوسن)
|
الحكومة حريصة علي تحصيل مستحقاتها من الناس ,, ولا تحرص علي تقديم ما يليها من حقوق للمواطن وغاب عنها انها حكومة واجب عليها تحقيق حياة كريمة للمواطن ورفع معاناته ,, وان لا تكون كتاجر يقلقه دينه علي الناس فيسعي للخلاص ولو علي طريق شيلوك المرابي اليهودي ضج الناس الذين يشترون كهرباء اول الشهر ب 10ج تزيد او تنقص قليلا ضجوا لأنهم لا يملكون دفع 30 ج دون ان يحصلوا علي كهربا وضجوا لأنهم يدفعون فاتورة مياه لا تصلهم وضجوا لأن صاروا تحت رحمة زيادات لن يعلمونها إلا اول كل شهر امام كاونتر الكهربا
| |
|
|
|
|
|
|
Re: كوستي ضم فاتورة الموية للكهرباء (Re: عبدالحفيظ ابوسن)
|
رمضان كريم وأعاده الله علي المسلمين كافة والسودانيين خاصة بالخير واليُمن والبركات..
مبروك يا ود اب سن عقبال الموية توصل بعد الدفع وتكون نضيفة كمان
رمضان كريم. زر قناتي في اليوتيوب من فضلك واشترك معنا http://www.youtube.com/user/KabbashiSudan
كبـّاشي الصافي
| |
|
|
|
|
|
|
Re: كوستي ضم فاتورة الموية للكهرباء (Re: cantona_1)
|
مرحبا كباشي وحبابك الموية ######انة ولها رائحة وطعم ولون ,, وتترسب تاركة مادة لزجة في قعر الاناء ويطاردها الناس ليلا مستعينين بالمضخات الكهربائية ,, فينجحون مرة ويفشلون مرات ودي ما القضية للاسف الآن القضية ان الحكومة ستساهم في حرمان الفقراء من الماء والكهرباء لعدة ايام كل شهر فالحياة ضنينة وضنكة اكيد الود
| |
|
|
|
|
|
|
Re: كوستي ضم فاتورة الموية للكهرباء (Re: عبدالحفيظ ابوسن)
|
بالله يادوب جوكم؟
نحن فى تمبول لينا 3 سنة
مويتكم البتشبه موية الليمون ديك و لا حسنوها؟
وطبعا بيتنا دفعوه اكتر لانو عندنا شجر فى الشارع: الناس دى ضد البيئة و الخضرة برضو
الشدر قلته ليهم ببترو عشان ننقص القروش شويه جنيهات
يشربو الدغنى زى مابتقول ام فرحولا
| |
|
|
|
|
|
|
Re: كوستي ضم فاتورة الموية للكهرباء (Re: Abu Baker Ahmed Abdel Rahman)
|
الأرجح : انه و في ظرف ما لتطور الازمة .. فان النظام الحاكم ( و ليس الحكومة ) سيكون غير قادر و غير ( راغب ) ، و لا يرى ( ضرورة ) لإنتاج و إعادة انتاج سلعتي الماء و الكهرباء و توصيلها للمنازل
الي ذلك الحين، فان المجتمع و الناس سيواصلون التماهي مع الزيادات، و المستجدات، و مخرجات الازمة ، و سيواصلون انتاج و إعادة انتاج حياتهم اليومية بكافة الوسائل المشروعة و غير المشروعة، المالوفة و غير المالوفة، و في ذلك فانهم ضمنا يعيدون ايضا انتاج الدولة و نظام الحكم
| |
|
|
|
|
|
|
Re: كوستي ضم فاتورة الموية للكهرباء (Re: أحمد طراوه)
|
مرحبا ابوبكر وحبابك أياها زاتا ولامن ينعصرو بزيدوها كلور والكلور ريحتو تجيك وانت راقد في سريرك وتحتاج كل فترة تغسل برميل الموية عندي حفاظة شراب الموية إلا احكها بالسلك حتي امرق منها ما لصق بأسفلها من شنو ما بعرف ده كلو وهي مافي
| |
|
|
|
|
|
|
Re: كوستي ضم فاتورة الموية للكهرباء (Re: عبدالحفيظ ابوسن)
|
مرحبا احمد طراوة لا مجال للناس سوي التحايل علي الحياة نحن داخل الوطن لا نحيا بل نتحايل علي ان نحيا ضد رغبة السلطة الشعب قادر علي هزيمة السلطة ,, قادر علي حل مشكلاته معها ليزداد سخطا عليها كل يوم والآن السلطة لا تنتج خدمات من اجل المواطن بل سلع باهظة الثمن , السلطة رفعت يدها زمان ,, , فأنت مثلا تدفع لإدخال الكهربا والماء لدارك , وتدفع لأصلاح مشاكلها لك ,, ممكن تبلغ وتكتب اسمك وترجا الصف ,, وحا تقنع من الرجيان اجلا او عاجلا
| |
|
|
|
|
|
|
Re: كوستي ضم فاتورة الموية للكهرباء (Re: عبدالحفيظ ابوسن)
|
عطفا علي قول ابوبكر بالله بلد يحاصرها التحصر وناس الغابات لو قطعت شدرتك يحاسبوك ,, داير تقطع شدرتك الجوة بيتك ,, تمشي ناس الغابات وتطلع أذن وتتم معاينة الشدرة وقد تدفع رسوم ,,, وناس الموية يدفعوك قروش في الشدر , مرة اخدو ليهم استبيانات وكم عدد السكان ,, يعني دايرين يضربوا بالراس الواحد ذكروني قصة الجاحظ في كتاب البخلاء , الزول الحاسب المؤجر علي الضيوف لأنهم بستهلكوا الحيط والسقف
| |
|
|
|
|
|
|
Re: كوستي ضم فاتورة الموية للكهرباء (Re: عبدالحفيظ ابوسن)
|
ما نسحركن يا ود أب سن يا دوب جوكن - لينا بي حالكم نحن عليك أمان الله دي أظنها سنتنا الخامسة في دفع الدقنية دي أسكتوا ساي وأحمدوا سيدكن ما يقولوا نساويكن بالتانيين نحسبا ليكن بي أثر رجعي
حبابك وضيوفك ــــــــــــــــــــــ الحليلة
| |
|
|
|
|
|
|
Re: كوستي ضم فاتورة الموية للكهرباء (Re: elhilayla)
|
هههههه ياخ اسحر ساي تعرف يا الحليلة آ خوي المدهش في الامر ,, آي والله مدهش وقاعد افكر فيهو ,, شوف الابداع في سبل تحصيل الرسوم ,, اي رسوم حكومية ,, الحكومة عملت آلية تخلي المتحصل يحرص علي التحصيل لأنو شريك في التحصيل ,, شريك قانونا ولا نزل بيك الدقداق وبقا لا شريك لهو شوف الفكر التفاكير ده سوداني , وغالبا موظف في الدرك الاسفل الوظيفي ,, فكر التفكير الشيطاني ده وتم التنفيذ فورا ووصل وعم القري والحضر ,, وطيلة الفترة الماضية لم يفكر احد في الوطن ولا المواطن ,, لأنو الجكومة حكومة جبايات,, زيادة الكهربا تسمعها في الرادي هسه وتطبق فورا ,, وزيادة الراتب تسمعها بس
| |
|
|
|
|
|
|
Re: كوستي ضم فاتورة الموية للكهرباء (Re: عبدالحفيظ ابوسن)
|
أخوي عبدالحفيظ .. ياخ رمضان كريم وتقبل الله منا ومنكم ..
Quote: مناظر محزنه والله في مكاتب الكهربا دعوات الناس دي ما بتقع واطه |
صديق قديم .. قال لي : الحكومة دي زي الحمام .. كل ما تدعي عليها تزيد ههههههههههههههههههه
فنسأل الله أن يغني أهلنا أهل السودان من حيث لا يحتسبون ..
وربنا يصلح حال البلاد والعباد ...
| |
|
|
|
|
|
|
Re: كوستي ضم فاتورة الموية للكهرباء (Re: Dr. Ahmed Amin)
|
يا صاحب رمضان كريم
المدهش تزور البلد لأسبوعين تمشي تشتري كهرباء يقولوا ليك عليك متاخرات موية 12 شهر..
يا تدفع او تثبت لهم بانك غير موجود في البلد في تلك الفترة وإجراءاتها اخير تدفع وتريح بالك وتكسب زمنك وتنور بيتك ..
كان الله في عون الغلابة المساكين المحتاجين
| |
|
|
|
|
|
|
Re: كوستي ضم فاتورة الموية للكهرباء (Re: عبدالحفيظ ابوسن)
|
عزيز يا صاحب رمضان كريم وإجراءات وقف فاتورة المياة برضو ممكن ما تحلك , يعني تقدم طلب بوقف الامداد وتقنب تسكهم لامن تسافر ما ينتهي وحقيقة مشكلة , ياخ شهرين ثلاثة ما جيت شوفني كعميل ليك الحصل لي شنو والمتأخرات حقت الموية دي قصص
| |
|
|
|
|
|
|
|