طفل امريكي عبقري في الخامسة من عمره ... مخزن معلومات متحرك - قال شنو عن السودان !

Quote: الشافع ده مسكون،،،معقولة يايحي،،،اقرو فينا من اكتوبر في العواصم،،لي الليلة دي عاصمة المغرب شنو ما فارذنها..مراكش- الدار البيضاء..

Quote: الفاضل يحي قباني فعلا طفلا مدهش ربنا يحفظه….لطفولته و لاسرته ….غالبا حيتطع عبقري.

Quote: فعلا عبقرية فذة ربنا إحفظه تحضرني مقولة لصديقنا محمد حبوب فضل الله كان دائما ما يردد جماعتنا ضيعوا زمننا كله بي أعرب ما تحته خط

Quote: والله يا يحي أنا عندي ود خالتي إسمه رشاد عثمان حمد مولود سنة 72 وهسا شغال في سيقا ...لما كان عمره خمسة سنوات كان بيرسم خريطة العالم ويكتب في كل دولة عاصمتها وإسم رئيسها بس الله غالب

Quote: عندى صاحبى احيانا بشوف النصف الفاضى للكبايه . قلت له لماذا عندما كنا اطفال نحفظ الاناشيد والسور وبسرعه خياله وحتى احيانا نحفظ الملخصات والان ما بنقدر نحفظ قال لى عشان زمان الراس فاضى حتى الونسه بحفظها.

Quote: طفل موهبة فذة عندو حضور قوي ومرتب جدا ومذهل ربنا يحفظو

Quote: دجاجي يلقط الحب و يجري وهو فرحان

Quote: وبرضو علمونا ـ الدجاجة الصغير الحمراء اللي قالت: الفول فولي زرعته وحدي وحصدته وحدي وسآكله وحدي يعني ياولاد اتعلموا الانانية وحب النفس

Quote: شكراً يحيى علي مشاركتنا هذه الموهبة الفريدة.. حقيقة استمتعت غاية الاستمتاع وذهلت بقدراتو العجيب، وحا افتش لي باقي حاجاتو الشافع المصيبة ده ، وشكراً ليك تاني لأني دايماً بلقى عندك الحاجات البتفرح وتشرح القلب، كان غنا كان خلافو.. كأنك وكر جمال البجي مارق منك كلو سمح ، ،