|
Re: فليذهب كامبوس ولاعبي الهلال والإدارة غير مأسوف عليهم (Re: الامين موسى البشاري)
|
Quote: انت ياباهي الواو الضكر ده شنو؟ انا زمني ده كلو اسمع بيهو وماعارفو. بكده انفع العب في الهلال؟ |
Quote: انت ياباهي الواو الضكر ده شنو؟ انا زمني ده كلو اسمع بيهو وماعارفو. بكده انفع العب في الهلال؟ |
الفاضلابي ياجبوب رمزية عدم التفريق بين الالف والواو الضكر كناية علي جهل الشخص بالشيء والله أعلم
Quote: والله ياباهي دي امنية تروادني منذ وقت . مش لعيبة الهلال براهم كل الفرق التي تمثل بنا في المحافل القارية... ولو المقاطعة دي حصلت اول قطاع يتم تأديبه هو القطاع الإداري وعلي راسهم الإتحاد العام... |
دا المفروض يحصل مقاطعة الجمهور لدخول الاستادات يأخ لا خير في الاتحاد العام لا إدارت الاندية ولا اللاعبين جابو لينا الزبحة . فشل في فشل في فشل .
| |
|
|
|
|
|
|
Re: فليذهب كامبوس ولاعبي الهلال والإدارة غير مأسوف عليهم (Re: عادل الباهي عبدالرازق)
|
Quote: يا عادل .. الهلال أضاعه مدربه الذي تورطت الادارة في التعاقد معه .. مستوى الهلال في هبوط متواصل منذ قدم كامبوس ..
------------------------------------------ تدني مستوى الهلال تسأل عنه ادارة النادي بشكل مباشر ... |
فتحي الصديق ياحبيب كامبوس فأل شؤم علي الهلال ، أنا ماعارف مدرب ماقادر يقراء الملعب شنو فايدتو ؟ كان عندو بكري المدينة بالخارج وصلاح الجزولي أحسن مليون مرة من هذا الكهل الاسمو سيرجيو . مافي نادي محترم في الدنيا وبيفهم في الكورة بيتعاقد مع لاعب قارب للخمسة وثلاثون عام . سيرجيو دا وأن بعض الطن أثم أتي به كامبوس كسمسار ووجد إدارة نادي الهلال لا علاقة لهم بالكورة ودبسو فيهم . طيلة وجودو في الملعب كان لافي زي السخيل الرايح وحتي الهدف الاحرزو ورب الكعبة لو كان لاعب عباس الاعور بتاع الطعمية الفي حلتنا يحرز منو هدف .
| |
|
|
|
|
|
|
Re: فليذهب كامبوس ولاعبي الهلال والإدارة غير مأسوف عليهم (Re: عادل الباهي عبدالرازق)
|
Quote: الهلال محكوم عليه بالاعدام من قبل هؤلاء فرطوا في النابي لانه مدرب مسؤول وحيادي وجادي بنى فريق جيد ولكن حاربوه اعتقد ان هناك مجموعة من اللاعبين كانت لا تريده وأظن انهم المعز مساوي مهند كاريكا خليفة |
الصادق أخوي سلام مشكلة اللاعب السوداني ماعاوز يلتزم بأهم أبجديات كورة القدم الواحد فيهم عاوز يساهر من حفلة الي حفلة وآكل غير صحي والخ عشان كدة المردود البدني لو بالغ بيمشي اللاعب 20 دقيقة وباقي الزمن عك ساي والمشكلة الكبري عندنا الصحافة الرياضية يأخ بلد فيها مليون صحيفة رياضية و أنجازاتنا الرياضية صفر . محتاجين شغل كثير من كل الاطراف حتي نصل مستوي أقل الدول بالقارة .
| |
|
|
|
|
|
|
Re: فليذهب كامبوس ولاعبي الهلال والإدارة غير مأسوف عليهم (Re: عادل الباهي عبدالرازق)
|
Quote: Faisal Mohamed Ahmed · Jeddah, Saudi Arabia
(( مشروب فيتا المنعش ومدهش ))
ياافطة كبيره وفيها كتابة وكم مسكين واقفين يتهجو
كااا كامبوس .. خاا خليفه مااا مساوى ,, سااا سيرجو
لما اللوحة الفوقن وقعت وهرجو ومرجو
واحدين وقعو وحدين خرجو طلعوا مظاهرة بدوا يحتجو
قالو انهارت سبب الوقعه مسامير سيرجو
واحدين تانى قالوا مؤامرة قالوا مهند غير نهجو
وبجرى مدينه الكان راجنو ويحرسو يرجو
قالوا مو نااافع قنعوا نهائى منو وزهجو
زى ساعتين .. جاتن فاطمه خطبت فيهم هتفو احتجو
ولمن قالت انا متأكدة فيها مؤامره المريخ جايبلو كجور اسمو هجو
هتفوا جميعا كضبن كاضب اعلام فول .. اعلام سالب
وقامت تجرى لمن واحد شال صوت عنجو
وطلعوا مظاهرة ماافى مؤامرة الماساه جات من مساوى نحن بقينا خلاص بنكجو
والكابوس اصلا من كابوس سمسر فينا استورد سيرجو
واحده صفوه مبسوط جدا فرحاان قاعد فوق فى برجو
قام اداهن مشروب فيتا راسن لفه .. بقوا يتونسو بقوا يتحجو
لو مازيمبى غلب ناس فيتا ولو اتعادلو .. ونحن غلبنا فريق مازيمى ضربو وقسمو وجمعو وطرحو مرقوا خليفة ودخلو سيرجو
وصاحبك يضحك فووق فى برجو ناسك طلعو وطارو وخرجو |
التمهيدابي فيصل محمد أحمد من نافذة الفيس بوك الفي لاعبين الهلال عرفناها لكن المحيرني قوة عينكم هاك حوض البط دا
| |
|
|
|
|
|
|
Re: فليذهب كامبوس ولاعبي الهلال والإدارة غير مأسوف عليهم (Re: عادل الباهي عبدالرازق)
|
Quote: Dungal Bkr · يعمل لدى West Virginia University مغلوب من أمركم وسأتوب عندما تتركون الهلال للحادبين عليه لجنة تسيير كرت أحمر سيرجيو تسليمه للانتر يجمع كور التماس كامبوس يلبس البدله الزرقاء وبدون وداع يتخارج اللاعبين خجلتونا الجمهور دفن ف المقبره أحلام الهلال الطاير |
Dungal Bkr حبابك
المفروض بمستوانا دا نقنع من الدور القادم لجنة التسيير والجهاز الفني وبعض اللاعبين الاشباح يدونا عرض أك########م أذا أردنا تصحيح المسار والا هو الفشل وحرق الاعصاب في كل عام .
| |
|
|
|
|
|
|
Re: فليذهب كامبوس ولاعبي الهلال والإدارة غير مأسوف عليهم (Re: عادل الباهي عبدالرازق)
|
عادل الباهي يا دفعة نحن ناس عندنا اولاد ووجع الكورة ووجع القلب ما بنقدر عليه. كفاية وجع الحكومة ووجع فسادها كل ما نقول كورتنا اتصلحت نلقي نفسنا بعييدين حتي عن المحلية خليك من العالمية والافريقية. غايتو الحل الطلاق بالثلاثة والتحريم المؤبد للكورة السودانية بالرغم من انو مرة الفكي مجبورة علي الصلاة. ..................................... كسرة : يا اخوي انا لا زلت منتظر اتصالك ومر علي اكثر من سنة من ما جدعت ليك الرقم
| |
|
|
|
|
|
|
Re: فليذهب كامبوس ولاعبي الهلال والإدارة غير مأسوف عليهم (Re: يوسف أبو صالح)
|
Quote: Mohammed Shil · محاسب في Riyadh, Saudi Arabia الهلال فاقد قايد محنك زي صلاح ادريس وكابتن زي هيثم مصطفي |
محمد ياحبوب بالزبط كدة مع احترامي للاكاديمين ناس دكتور فلان والمهندس علان لكن ادارات الاندية عاوزه شخص شفت وزول سوق ومتلقي حجج ، مثل هيثم مصطفي لن يتكرر ككابتن ونأمل في عودة الارباب صلاح أدريس حتي ينصلح الحال المائل .
| |
|
|
|
|
|
|
Re: فليذهب كامبوس ولاعبي الهلال والإدارة غير مأسوف عليهم (Re: عادل الباهي عبدالرازق)
|
Quote: السلام عليكم وأين هى هذه القامة ؟ يا جماعة عشان الناس ما يضيعوا زمنهم وقروشهم فى الفاضى ساى ما فى كورة فى السودان ولا اظن تكون وشخص واحد مثل كاكى ومع عدم تلقيه للدعم الحقيقى الا انه أنجز للسودان ما عجزت عنه هذا الجيوش الجرارة من لاعبين وادارات ومدربين . |
العزيز يوسف أبو صالح وعليكم السلام ، حياك الله وزارتنا البركة الموج الازرق قامة ولكن الاقدار عصفت بأنصاص الاداريين واللاعبين هم سبب تدهور الكورة السودانية ومن هنا نحي البطل كاكي متمنين له التوفيق دوما ومثله هو الذي يحتاج الدعم والمؤازرة هو فقط البيدخل السرور في قلوبنا حفظة الله
| |
|
|
|
|
|
|
Re: فليذهب كامبوس ولاعبي الهلال والإدارة غير مأسوف عليهم (Re: عادل الباهي عبدالرازق)
|
Quote: عادل الباهي يا دفعة نحن ناس عندنا اولاد ووجع الكورة ووجع القلب ما بنقدر عليه. كفاية وجع الحكومة ووجع فسادها كل ما نقول كورتنا اتصلحت نلقي نفسنا بعييدين حتي عن المحلية خليك من العالمية والافريقية. غايتو الحل الطلاق بالثلاثة والتحريم المؤبد للكورة السودانية بالرغم من انو مرة الفكي مجبورة علي الصلاة. ..................................... كسرة : يا اخوي انا لا زلت منتظر اتصالك ومر علي اكثر من سنة من ما جدعت ليك الرقم |
أوووو حبيبنا أحمد عزالدين طابت اوقاتك بكل خير مع كل فشل للهلال أو المنتخب القومي أعاهد نفسي تاني الكورة السودانية أطلق شوطا بلا وجع قلب ولكن سرعان ما أجد نفسي بدون ما أشعر رجعت تاني لمتابعة الاشباح ديل ، طلاق الكورة طلاق ثلاثة حاجة كويسة الا أننا ضعيفين امام حب الهلال .
كسرتين :- والله أخوك جري وطيران مع أكل العيش وعارف نفسي متلوم لؤم تنوء عن حمله الجبال ،غايتو أمسحها لينا فوق وشنا وهاك مني الكلام الما بتدخلو الريبة بتصل بيك في اليومين القادمات بأذن الله
| |
|
|
|
|
|
|
|