|
|
|
 Re: يا جميل يا جميل يالا على شارع النيل يالا (Re: ذواليد سليمان مصطفى)
|
وكما قال قائل
في الشعر
نحن لا نطالب كل شاعر ليكون شاعر كما كان شعراء المعلقات
وكل زمان بلغته ....
ودوماً يترفع الشعر عن الكلام العام
وهنا أرى انه تدنّى من الكلام العام في الشارع
يلا للحاجات نشرب الجبنات
لكن أقله أن يحترم مشاعرنا كمستمعين
فهل هذا شعر؟؟؟
أختي أحترم ذوقك لكن ما هذا فن للنشر
والله تريني احترم كل كلمة
لكن اقله يكون فيها شئ من أحترام لي
ارجعي لفن السباتا وغنا البنات العادي وزي مابقولوا المصريين كلام الهقايص والله كانت كلمته رصينة
أكثر من القدو بي أضنينا اليومين دي
وهاك مثال من فن السباتا ( كلام الهقايص وقارني به قول هذا الذي يسمى فنان هو وشاعره )
وهذا فن كان في زمان منفذ تنفس به البنات هواهم
ونحترمه ونقدره كفن ( فن السباتا )
لكن أين نصنف هذا
واكرر أحترامي لك أختي الفاضلة لكن نقدي لهذا الفن
ولك التيحة والتقدير
| |
  
|
|
|
|
|
|
|
|
Re: يا جميل يا جميل يالا على شارع النيل يالا (Re: خالد علي محجوب المنسي)
|
اخى خالد
احترم جدا رايك واختلافنا
والاغنيه الاولى هى من النوع الخفيف يعنى ما بمعنى رساله ومضمون
قدر هى ترويح عن النفس بطريقه ظريفه وخفيفه
الاغنيتين التانيات اظن انهم جميلين المعنى
والفنان صوته دافىئ وحنون وجميل
اغلب كلمات اغانى هذا الزمان تفتقر فعلا للمعنى ولاحترام المستمع
ولو قارنه الاغنيه الاولى باغلب اغانى هذا الزمان حنلقى انها افضلهم من نواحى كتيره
الاغنيه الاضفتها جميله جدا
ممتنه ليكى ردك ورايك
يديك العافيه
| |
|
|
|
|
|
|
|
|
|
Re: يا جميل يا جميل يالا على شارع النيل يالا (Re: رانيه محمد الشيخ)
|
| Quote: اغلب كلمات اغانى هذا الزمان تفتقر فعلا للمعنى ولاحترام المستمع |
بل تفتقد لكل شئ
وتسميتها اغنية هو ظلم لكلمة اغنية نفسها
رحم الله جيل الرواد وردي وعثمان حسين الفلاتية وسيد خليفة والكاشف وووو
فما تركوه لنا من ارث ثقافي يكفينا حتى اخر العمر
تحياتي رانيا
| |
|
|
|
|
|
|
|
|
|
Re: يا جميل يا جميل يالا على شارع النيل يالا (Re: عبد الله شم)
|
هذا الشاب صوته جميل اداءه رائع والموسيقى جميلة بس اغنية شارع النيل بالرغم من الموسيقى حلوة واللحن جميل الا انه الكلمات ركيكة جدا جدا هبطت من مستوى الاغنية
اعتقد انه فى اسلوبه يميل قليلا الى الفنان محمد الجزار
لكنه شخص رائع له مدرسة فنية مختلفة وله مستقبل
| |
|
|
|
|
|
|
|
|
|
Re: يا جميل يا جميل يالا على شارع النيل يالا (Re: عثمان عبد الوهاب العامري)
|
Quote: والفنان صوته دافىئ وحنون وجميل
اغلب كلمات اغانى هذا الزمان تفتقر فعلا للمعنى ولاحترام المستمع
ولو قارنه الاغنيه الاولى باغلب اغانى هذا الزمان حنلقى انها افضلهم من نواحى كتيره
الاغنيه الاضفتها جميله جدا
ممتنه ليكى ردك ورايك |
أختي الفاضلة
أولاً لك الشكر على هذه الروح الطيبة في شخصك لتقبل الرأي الأخر
لا أختي الفاضلة لا أتفق معك أن أغاني هذا الزمان تفتقر فعلاً للمعنى
أختي الفاضلة يجب أن نفرق بين المفردة البسيطة والمفردة الهابطة
المفردة البسيطة كتب بها غالب الشعراء ومن زمن بعيد مفردتنا العامية البسيطة
لكن صاغوها في قالب شعري بلاغي أرتقى بها لعنان السماء معنى سامي
أنظري لهذه الأمثلة
عقبال بيك نفرح يا زينة
نشرب شرباتك يأذينة
نوقد شمعاتك يا زينة
مفردة في غاية البساطة لكن عندما جمعها الشاعر في شعر سمت ونفخ فيها روح الحركة بالتراكيب البلاغية
لكن يقول لي يلا شارع النيل نشرب جبنة ونقعد في بنبر
دي مكان الترنم بها في عزلة وبصوت منخفض ما يسمعك زول يا رانية
قوام الأغنية
كلمة .. موسيقى ولحن .. صوت وأداء
وأحيانا يغطي عاملان ‘لى أخر
لكن في أغنية صاحبنا هذا وجدت كأنك وضعتي لي وجبة طعام فاسد في طبق من فضة
لو فرضنا أنا اللحن والموسيقى والصوت والأداء كما زعمتي جيد جداً
لست أنا بخبير في الموسيقى
لكن والحمد الله أذني جيدة بعرف أميز اللحن الجميل من غيره والصوت الجميل من غيره
وليت خبير موسيقي يفيدنا فيها
ارجع تاني واقول ليك شباب اليوم منهم الكثيرين هم لست فنانين بل وسيلة لجمع مال وثراء
الفن يجري من الفنان مجرى الدم والفنان يختار ألوانه قبل أن يدهن اللوحة بعناية وهذه مفقودة فيهم
لك الشكر أختي رانية
وأعتذر لو كلمة مست اي شئ فيك أو حسيتي فيها انها جارحة لكن نحن صرنا نجتر الاغاني
ونحن شعب عبر الأزمنة كان فنان ليه الإنحدار الفجاءة دا هل هو مشروع حضاري برضو ؟
ربنا يكون في عوننا نحمل هولاء
| |
|
|
|
|
|
|
|
|
|
Re: يا جميل يا جميل يالا على شارع النيل يالا (Re: خالد علي محجوب المنسي)
|
حبيبة سودانية أخبارك يا دفعة .. معاك جانوار (وش مفقوع من الضحك)
الشباب ديل تحس بى نضافة فى شغلهم .. كاميرات HD نضيفة .. مزيكا نضيفة لامن ترقش .. و موهوبين قطع شك ..
الواحد بفكر لو زول زى محمد عثمان وردى كان جا فى الزمن دا و إتوفرت ليهو الإمكانيات دى كان ممكن يعمل شنو ؟
هم عموماً محتاجين يجتهدو .. فى الزمن دا الشهرة أصبحت ساهلة جداً .. كل من إمتلك جهاز كمبيوتر نضيف و موهبة غنائية معقولة عمل غنية و رفعا على اليوتيوب ..
شخصياً مقتنع إنو الفنان الحقيقى يجب أن يعانى .. يعانى فى إنتاجو أقصد و ليس أى شى آخر ..يسهر و يتعب عشان يقدم عمل لأنو أى عمل هو جميل بقدر ما فيهو من الموهبة و التعب بنفس القدر و بالتساوى ..
أعجبنى جداً التصوير فى أغانى الشاب دا و أكتر أغنية عجبتنى ما نزلتيها لكن لقيتا فى اليوتيوب هى باللغة الإنجليزية ..
http://www.youtube.com/watch?v=Wxy_wNKL1OU
| |
|
|
|
|
|
|
| |
ذواليد سليمان مصطفى
خالد علي محجوب المنسي
عبد الله شم
مصطفى توفيق
عثمان عبد الوهاب العامري
فيس بوك
تويتر
انستقرام
يوتيوب
بنتيريست