|
|
|
 Re: موسم دق الدلجة ،،للعقارات ،والعربات،،بدا الان،،فراقبوه.... (Re: عبدالعزيز عثمان)
|
غايتو انا شايف انه الغربة أو هجرة الكثير من الشباب من البلد بتزيد اسعار الاراضي ..
قول لي ليه ؟؟
مافي شئ مطير الاسعار السماء الا الناس البيجوا عندهم شوية قريشات ..
كان الناس كلها قاعدة جوه البلد مافي زول حيشتري واسعار الاراضي حتنزل ..
لكن طالما في قوة شرائية جايبنها المغتربين حترتفع اسعار الاراضي ..
لانه الطلب حيزيد وطالما العرض محدود طوالي حيرتفع السعر .. ..
طبعا انا بتكلم عن الاراضي المتوسطة والتي يمكن للمغترب ان يشتريها ..
لكن في حتات كده محصورة فقط على تماسيح جوه ..
ولو جبت طرشمية مغترب وضربتهم في بعض ما حيقدروا يشتروها ..
والله مافي حاجة دقت الدلجة ياعزو يا اخوي ..
الا جنيهنا التعبان ده ..
كل يوم اصبح ينزل يتضاءل حتى امام اهيف العملات العالمية ..
سيبك من ناس دولار واسترليني ومارك وفرنكـ وما لف لفهم من عملات قوية ..
جنيهنا مافي زول دايرو عشان كده كل يوم بيدق الدلجة زيادة ..
ومقابل ذلك اسعار الاراضي في زيادة ..
ومافي حتة عليها اقبال في الخرطوم بنعرفها نزل سعر الارض فيها ..
بعدين الخرطوم تحديدا ما فضل فيها مكان يتعرض للبيع .. تقريبا شبه قفلت الا حتات قليلة جدا ..
بحري افضل حالا وام درمان افضل من بحري في المعروض ..
ليس تحيزا للريف الجميل .. فرغم خرطوميتنا مولدا ونشاة ..
لكننا بنموت في الريف بالذات الحتات الحول الخرطوم ..
وكان عندك حاجة جوه البندر تنزل تختفها وتجي راجع لي واحتك ..
لكن ما تكون بعيدة وفيها تلتلة ..
غير كده شوف لينا حتة جنبكـ ..
وسيبك من زحمة الخرطوم البتاكل يوم الواحد كلو ..
من تصبح لامن تمسي الا زول يلكزك ويوريك انه اليوم خلاص انتهى ..
اللهم اصلح حالنا وحال الجميع ......
ربنا ينزل الاسعار وتصبح في متناول الجميع ..
| |
 
|
|
|
|
|
|
|
|
Re: موسم دق الدلجة ،،للعقارات ،والعربات،،بدا الان،،فراقبوه.... (Re: عبدالعزيز عثمان)
|
اتابع الردود علي بعض الاخوة والتي تهت عن٨ها في وقتها نسبة لظروف ااسرية قاهرة مرت علي وقتها،،اعتذر رغم ان االاخوة عرفو بالظروف...
ابدا بماكتبه الاخ سامي عطا المنان قريبي ودفعتي وابن قريتي الذكي والخبير الاقتصادي المتميز،طبعا بره البلد...الخليج...
.الأخ عبدالعزيز
تحية وسلام
يخيل لي أن الكل متفق علي أن أسعار العقارات في السودان فيها تضخم كبير جدان وعودتها الي أسعارها الطبيعية أمر حتمي، ولكن هنالك عوامل كثيرة تساهم سلبا وإيجابا في تسريع أو تأخير هذا التصحيح في الأسعار
ولعلا الأمر المطروح هنا هو هل قرار بنك السودان بمنع تمويل العقارات سيساهم سلبا أم إيجابا في تصحيح الأسعار؟ ثم بعد ذلك يحسب كل من الجهة التي تليه هل سوف يربح أم يخسر؟
طيب في الإجابة علي قرار بنك السودان يجب أن نثبت بعض المتغيرات التالية حتي يتسني لنا التحليل.
1) أن الإقتصاد عموما ينشد نقطة التوازن بين العرض والطلب ويفترض أن السعر عند هذه النقطة هو السعر العادل للسلعة أو الخدمة والمحفز الأساسي للنمو والإستمرارية.
2) زيادة العرض علي الطلب بصورة كبيرة تؤدى الي هبوض السعر ....... وإذا السعر صار أقل من تكلفة الإنتاج ( تكلفة الشراء) ربما في النهاية تؤدى الي توقف الإنتاج أو خسارة البائع ( المغترب) .....
3) زيادة الطلب بصورة كبيرة جدا تؤدى الي إرتفاع الأسعار ...... تقل المقدرة علي الشراء ...... تهبط الأسعار ....... ويمكن أن تحدث نفس النتيجة التي حدثت في الفرضية الثانية
قرار بنك السودان بإيقاف تمويل شراء وبناء العقارات يمكن أن يحدث الآتي:
1) يقل الطلب علي شراء الأراضي يزداد المعروض ,,,, تهبط الأسعار ولكن هذا يعتمد علي ضرورة معرفة النسبة من الأراضي التي كان يمول شرائها عن طريق البنوك فإذا كانت قليلة يكون الأثر قليلا
2) يتوقف بناء المباني الجديدة يزيد الطلب علي المعروض منها .... ترتفع أسعار المباني والشقق ، وكذلك يجب أخذ نسبة المباني الممولة عن طريق البنك في الحسبان.
واضح جدا من التحليل صعوبة التنبؤ بأثر قرار بنك السودان في ظل غياب معلومات مفصلة ودقيقة.
ما أو أن أخلص إليه أن الأخ عبدالعزيز لفت إنتباه الناس لحاجة مهمه وهي أن الإستثمار في الزراعة والصناعة أفيد للمستثمر وللبلد من حبس الفلوس في شراء الأراضي التي يمكن أن تدق أسعارها الدلجة في
أي لحظه طالما سلمنا بعدم واقعية أسعارها، وخير مثال ما حدث للعقار في أمريكا وغيرها من الدول.
الحاجة الثانية أن النفع المتوقع من العقار في شكل ( ايجارات وأرباح رأسمالية) لا يكاد يساوي واحد في المائة كعائد علي الأستثمار في ظل التضخم الحالي في السوداني بل يمكن أن يكون العائد سلبيا (خسارة) عمارة
قيمتها تساوي عشرة مليار جنية سوداني عائد إيجاراتها 60 مليون جنيه في السنة.
| |
|
|
|
|
|
|
|
|
|
Re: موسم دق الدلجة ،،للعقارات ،والعربات،،بدا الان،،فراقبوه.... (Re: عبدالعزيز عثمان)
|
سامي ع االمطلب
اورد ماكتبته
انت
من غير تعليق
فيافي الصي وبيوضة
البراسيم فيها مفروضة
خدارا يراري شوف عيني
على الأبواب
قماريها طواريها
وحواريها بقت روضة
بقت تشرب من الحامداب
تشوفي رهاب بعد نجمي
واشوفو قريب قرب نضمي
أشوف العالم التحتاني
هيلا هوب واقف ناهض
هد عمائد الفوقاني
جوه الجب رمى العارض
سلام اخونا عبد العزيز بوست جميل ونظرة ثاقبة
صدقاً لكلامك معانا اخونا شغال معانا هنا عندو اراضي في الخرطوم قال لي سعرها نقص بنسبة 30 % في يوم واحد بس وقال لي شوف لي زول عاوز اشتري
اخونا زمراوي كتب بوست يعتبر من اجمل ما كتب هنا عن تجربته بالارقام والصور في الانتاج الحيواني واستثماره في مزرعة ابقار يا ريت الناس تستفيد منو في الاتجاه للانتاج الحقيقي
| |
|
|
|
|
|
|
|
|
|
Re: موسم دق الدلجة ،،للعقارات ،والعربات،،بدا الان،،فراقبوه.... (Re: عبدالعزيز عثمان)
|
عزيزي محمد مجيدو
ان تاتي متاخرا خير من ان لاتي
هذا البوست الحيوي انقطعت عنه رغم اهميته لاسباب خارجة عن االارادة،،اورد محييا لك مشاركتك القيمة.....هنا
الاخ عبد العزيز وضيوفك الكرام
السلام عليكم ....
اعتقد ان قرار بنك السودان قرار صائب لا ريب فيه .. وكان من المفترض تطبيقه منذ مدة طويله ..
حيث ان البنوك الان قاربت على الانهيار بسبب هذه التمويلات الغير مدروسه وفشلها في استعادة قروضها الداخلية
واصبح كثير من العملاء الذين تم منحهم تلك التمويلات في شكل قروض الان في السجون لعجزهم عن السداد ....
كما لا اعتقد ان هذا القرار سيؤثر في اسعار العربات والعقارات بنسبة كبيره وانما بنسبه طفيفه جدا تكاد لا تذكر ..
حيث ان اغلب المشترين للعربات يتعاملون مباشرة مع وكالات السيارات التي تقدم لهم تسهيلات في السداد
وباقساط مريحه دون طلب تمويل من البنوك ...
وكذا الحال في الاراضي والعقارات ....
ولا يخفى علينا ان الذين يتعاملون في هذه الاستثمارات لديهم السيوله النقديه ولا يحتاجون لتمويل البنوك ...
اما فيما يختص بالمشاريع الزراعية وعائدها الربحي مقارنة بالاستثمار في الاراضي والعقارات ..
فانا اختلف مع الذين يرون ان الاستثمار الزراعي افضل من العقاري في السودان ...
وذلك بسبب عدم وجود رؤية واضحه لسياسات الحكومه في هذا الاتجاه...
وخير مثال لذلك ...
لدينا صديق عاد من الاغتراب .. واشترى مزرعة .. وصرف فيها ما صرف من جهد ومال ..
واستورد لها ابقار ودجاج من الخارج .. واصبحت المزرعة يشار لها بالبنان ..
وبعدما المشروع اصبح مربح .. تدخلت السلطات المحلية وصادرت منه الابقار وباعتها بابخس الاسعار ..
بحجة التهرب من الضرائب .. واغلقت المزرعة والان صديقي رجع للاغتراب مره اخرى ....
وهو ينعل ام اليوم الرجعو للسودان ... وبداء من الصفر ..
وبالمقابل اعرف شخص .. كانت لديه مزرعه 20 فدان في شرق النيل ..
لم يفلحها .. بل حولها الى قطع استثمارية سكنية بعد ما سدد الرسوم النظاميه للحكومه ..
وتم التصديق له بـ 50 قطعة ارض ... والقطعه الواحده باعها بـ 100 مليون فقط ( يعني 50 قطعه بخمسة مليار جنيه )
اشترى بها شهادات شهامه والتي عادةً ما تعطي فائدة سنويه 20% ( مليار جنيه ربح سنوي ) ( 83 مليون شهري ) –
وعلى اسوى الفروض لو وضع هذه الاموال كوديعه في احد البنوك لاعطته عائد سنوي 12%
( واحسبها برااك ) - وهو نائم في بيته ....
لا اتصور لو استثمر صاحبنا هذا تلك الارض في الزراعه وعمل مزرعه كانت سوف تدر عليه مثل هذه الارباح الطائلة ( مع احتفاظه براس المال كما هو )
هذا خلاف وجع الراس والمتابعه اليوميه في امور المزرعه ..
البقره ماتت .. والجازولين غير متوفر .. والعلف ما عارف شنوو ....
والمحصول جاهو كساد .. ولا . جراد .... وقصه طويله .... وبعدين تطلع مديون ...
وحسب ما بقول واحد ما بعرفو .....
مالي ومال المغطه .. ومليان شطه ....
تحياتي ,,,
Subscribe on YouTube
| |
|
|
|
|
|
|
| |
عبدالعزيز عثمان
سليمان القرشي
فيس بوك
تويتر
انستقرام
يوتيوب
بنتيريست