|
|
 اعلان نتيجة اللوتري 2015
|
الالاخوة والاخوات الزملاء وقراء المنبر العام تحية طيبة
سيتم في الخميس القادم 1/ مايو 2014 - باذن الله وفي تمام الساعة الثانية عشر عند منتصف النهار بتوقيت الساحل الشرقي للولايات المتحدة الامريكية - اعلان نتيجة الاقتراع للوتري العام 2015
امنياتي لجميع المتقدمين بحظ وافر
|
|
 
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
ثلاثة معلومات هامة بدونها لن يسطيع المتقدم من معرفة اذا كان قد فاز ام لا وهي :
1/ الاسم الاخير او اسم العائلة كما تمت كتابته تماما في فورم التقديم - LAST NAME
2/ رقم التاكيد - CONFIRMATION NUMBER
3/ سنة الميلاد ( سنة ميلاد المتقدم وليس تاريخ ميلاد المتقدم , يعني لا تكتب شهر لا يوم فقط السنة ) YEAR OF BIRTH
يللا يا اهلنا كل واحد يجهز بيانته الثلاتة دي ويستعد لمراجعة نتيجته في يوم واحد مايو القادم باذن الله
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
سلام يالخير
ويجيك الخير محل ماتقبل
والله انا مبسوط منك وفرحان انو في ناس طيبين زيك يحاولوا يخدموا لوجه الله
ان شاءالله وشك دايما منور بالخير والايمان وحب الناس ليك وحبك ليهم
بارك الله فيك وفي شغلك ومالك واولادك حاضرا ومستقبلا
ماقصرت تب والله
الخير ده ماكسير نلج ولا انا عايز اقدم
لكن شهادة حق في زمن الماديات
| |
|
|
|
|
|
|
|
|
|
Re: اعلان نتيجة اللوتري 2015 (Re: عادل خياري)
|
Quote:
سلام يالخير
ويجيك الخير محل ماتقبل
والله انا مبسوط منك وفرحان انو في ناس طيبين زيك يحاولوا يخدموا لوجه الله
ان شاءالله وشك دايما منور بالخير والايمان وحب الناس ليك وحبك ليهم
بارك الله فيك وفي شغلك ومالك واولادك حاضرا ومستقبلا
ماقصرت تب والله
الخير ده ماكسير نلج ولا انا عايز اقدم
لكن شهادة حق في زمن الماديات |
صدقت يا عادل خياري
تفاني ونُكران ذات وتجرُّد
سلام تعظيم يا الخير أخوى
كلك خير ووشك خير
متابع برغم إنّي ما قدمت
كل وُدّي وإحترامي
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
العزيز محمد ابو زيد سلامات يا رجل
تشكر يا سيدي لحسن الظن والفيها ( الخير ) ربنا يسويها :)..... خيارات الشاب السودان السوداني في الهجرة من السودان هي من امر الخيارات ( احلاهما مر ).... ولكن
ولكن سوداننا - رفع الله عنه البلاء - اصبح لا يطاق واصبح مببدا لكل حلم جميل يحلم به الانسان في ارض - ما كانت تسمى- المليون ميل مربع. تحيتي يا رجل وكل الود.
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
شكراً يا الخير على مسادتك للمحتاجين بخصوص الموضوع ده ونتمنى التوفيق للمحتاجين ليهو فعلاً
ولحدي ما تظهر النتيجة ونجي نبارك للمحظوظين عندي سؤال:
انسان عايش في بلدوا مبسوط مثلاً وأمورو تمام وما مفكر يهاجر فعلياً - لكن في نفس الوقت فاز باللوتري وعايز يستغل الفرصة دي ويحصل على الجواز الامريكي ليهو لأولادو
هل ممكن يتم الاجراءات بدون العيش فعلياً في الولايات المتحدة - بمعنى هل ممكن يتم الاجراءات بالسفر لمدة شهر بس والعودة لبلدوا مثلاً؟
والا لازم ينتقل للعيش فعلياً في الولايات المتحدة حتى يحصل على الجواز؟
| |
|
|
|
|
|
|
|
|
Re: اعلان نتيجة اللوتري 2015 (Re: أيمن محمود)
|
الاخ ايمن محمود تحياتي يا رجل وكامل التشكرات
والله يا ايمن ما عندي اجابة قاااطعة لسؤالك لكن خليني اسأل واتاكد ليك. الشي العارفه انا وما متاكد منه هو انك لازم تعيش خمسة سنوات داخل الاراضي الامريكية للحصول علي الجنسية الامريكية
ويمكنك الخروج من امريكا خلال هذه الخمس سنوات للاجازة علي ان لا تكون فترة الغياب لاكثر من ستة شهور ..... خلال الخمس سنوات دي لازم تكون مواظب علي دفع
الضرائب - طبعا دا ما بيعني انك تتوقف عن دفع الضرائب بعد حصولك علي الجنسية . لكن خليني اتاكد ليك اكتر وارجع ليك بالافادة في الموضوع دا.
تحياتي وودي
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
الاخ طلال بهاء تحياتي
Quote: انسان
ما مفكر يهاجر فعلياً - لكن في نفس الوقت فاز باللوتري وعايز يستغل الفرصة دي ويحصل على الجواز الامريكي ليهو لأولادو
هل ممكن يتم الاجراءات بدون العيش فعلياً في الولايات المتحدة - بمعنى هل ممكن يتم الاجراءات بالسفر لمدة شهر بس والعودة لبلدوا مثلاً؟
والا لازم ينتقل للعيش فعلياً في الولايات المتحدة حتى يحصل على الجواز؟ |
هي ذات الاجابة التي اجبتها للاخ ايمن . ارجو مراجعتها ووعدي قائم بان ابحث لاجابة لسؤالكم الهام جدا.... تحيتي
الاخ سيد الكاهلي يمكنك مواصلتي عبر حسابي في الفيسبوك وباذن الله ساقوم بمساعدتك في هذا الامر.
الاخ محمد عيسى بابكر سلامات يا زول
| Quote: ك التحية دوما -س أكبر خطأ ارتكبته يا الخير انك سبت البوست حقك الحصري المهم من هنا لقدام دا حقك وما تسيبوا |
باذن الله يا محمد حا اواصل ان امد الله في الاجال فالبوست السنوي اصبح التزام واجب علي اداءه وارجو ان يوفقني الله في المواصلة فيه.... سلمت يا حبوب
الاخ احمد الحسين تحياتي يا رجل
Quote:
Thanks a lot for the kind concern and willing to help. I have just one questing if you could answer it I will be more grateful. I applied through an office in Aobaied Khatim Street but when I received the confirmation letter from the office I found that the guy has written my middle name in a wrong form not like in my passport...the first and the last names are ok...is it a problem? I mean is that making me lose my chance?? thanks for feedback
|
الخواجات ديل يا احمد ناس دقيقين جدا وتحديدا في حتة الاسماء دي لكن احب اطمئنك انه مشكلتك ما كبيرة .... طيب يا سيدي خليني اشرح ليك كيف مشكلتك ما كبيرة. لما المتقدم يفوز برسلو ليهو خطاب تهنئة وكم فورم يقوم بتعبئتهم, في الفورمات دي تقوم تكتب الاسم الاوسط بتاعك بالصورة الصحيحة
وترفق مزكرة صغيرة توضح فيها انك غلطت عند التقديم وكتبت الاسم الاوسط دا خطأ وامورك بتسلك باذن الله....... تقبل امنياتي بالفوز
الاخ عبد العظيم مكي سلمت يا رجل لحسن الظن وتقبل كامل الود والاحترام
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
تحية طيبة لك أخي الكريم
بارك الله فيك وزادك من نعيمه فأنت رجل فاضل
عندي ولدي قدم للوتري وعندي الان كل المعلومات المطلوبة
السؤال ابحث عن ذلك وين يوم الاحد والتوقيت بيساوي
كم بمواعيد السعودية
لك المودة والتقدير
| |
|
|
|
|
|
|
|
|
|
Re: اعلان نتيجة اللوتري 2015 (Re: معتصم سليمان)
|
تحياتي أخي الخير ...
واتمنى النجاح والتوفيق للمتقدمين ..
وبخصوص سؤال م. أيمن ..
Quote: هل ممكن يتم الاجراءات بدون العيش فعلياً في الولايات المتحدة - بمعنى هل ممكن يتم الاجراءات بالسفر لمدة شهر بس والعودة لبلدوا مثلاً؟
والا لازم ينتقل للعيش فعلياً في الولايات المتحدة حتى يحصل على الجواز؟ |
عندي أكثر من صديق تم قبولهم في برنامج الهجرة (اللوتري) قبل سنوات .. ولا يقيمون في الولايات المتحدة لظروف عملهم في الإمارات ..
ولكنهم يسافرون كل 6 اشهر لمدة 15 يوم .. ومنهم من تحصل على الجواز الآن ..
| |
|
|
|
|
|
|
|
|
|
Re: اعلان نتيجة اللوتري 2015 (Re: ملهم كردفان)
|
شايله الكونفيرميشونات بتاعتي ومنتظره... الله يجيبك يا يوم 1... كدي النشوف آخرتها.....
ود الصايم وين السنة دي؟
بختك يا الخير.. والله الخير كله في مساعدة الناس... الله يديك لمن يرضيك ان شاء الله
| |
|
|
|
|
|
|
|
|
|
Re: اعلان نتيجة اللوتري 2015 (Re: Elmosley)
|
سلامات يالخير وبارك االله فيك وفي كل من يقدم المساعدة للراغبين في الهجرة لامريكا دون مقابل ودون من او اذي
وجعله الله في ميزان حسناتكم وهو يمثل نقلة نوعية لكل من حظي بهذا اللوتري
Quote: اذا اضاع احد المتقدمين رقمه ( الكونفيرميشن نمبر ) فلن يتسني له التحقق من ماهية فوزه . اتمنى ان يكون احتفظ كل المتقدمين بارقامهم
|
بالنسبة للاقتباس أعلاه من فقد الكونفرميشن نمبر يمكنه ان التحقق ومعرفة فوزه وقبوله او رفضه ولكنه يجب عليه معرفة الاسم الذي قدم به كاملا بالاسبلنق مع تاريخ ومكان الميلاد
وهناك خيار تضغط عليه اذا كنت لاتعرف هذا االرقم او فقدته...
كل الشكر وحظ وافر لكل المتقدمين هذا العام
| |
|
|
|
|
|
|
|
|
|
Re: اعلان نتيجة اللوتري 2015 (Re: Ehab Eltayeb)
|
Quote: انسان عايش في بلدوا مبسوط مثلاً وأمورو تمام وما مفكر يهاجر فعلياً - لكن في نفس الوقت فاز باللوتري وعايز يستغل الفرصة دي ويحصل على الجواز الامريكي ليهو لأولادو
هل ممكن يتم الاجراءات بدون العيش فعلياً في الولايات المتحدة - بمعنى هل ممكن يتم الاجراءات بالسفر لمدة شهر بس والعودة لبلدوا مثلاً؟
والا لازم ينتقل للعيش فعلياً في الولايات المتحدة حتى يحصل على الجواز؟ |
سلام يا ايمن وبالنسبة لسؤالك والاخ طلال اعتقد ان إجابة العوض صحيحة حيث ان شروط الجنسية :
ان تكمل خمسة سنوات من تاريخ الدخول وان تدخل كل ستة شهور لامريكا بمعني الا تظل خارج أمريكا اكثر من ستة شهور متواصلة
مع دفع الضرائب لفترة 5 سنوات ثم عدم الإدانة بجريمة ويحاكمك عليها القانون
الشرط الأخير هو ان تكون متواجد بامريكا مدة ثلاثة سنين من هذه الخمسه ولكن من تجارب الكثيرين لا يهتم به اذا توفرت بقية الشروط....
| |
|
|
|
|
|
|
|
|
|
Re: اعلان نتيجة اللوتري 2015 (Re: Ehab Eltayeb)
|
الاخ ايهاب يا سلام يا والله جد اسعدتني بهذه المعلومة المفيدة والصحيحة مية المية . غايتو يا اما ما كانت كدا في التقديمات الفاتت يا اما انا ما انتبهت ليها
لكن بعد التحقق من موقع الهجرة وجدت علا كلامك سليم مية المية وللتاكد من صحة كلامك جلبت صورة من الموقع
ساقوم بتصحيح معلومتي في البوست واشكرك كثير الشكر اخي ايهاب لهذه المعلومة التي اسعدتني وصححت لي معلومتي المغلوطة
سلمت ولك خالص الاحترام
| |
|
|
|
|
|
|
|
|
|
Re: اعلان نتيجة اللوتري 2015 (Re: Elmosley)
|
سلام يا موصلي واسعدني مرورك
Quote: هذا البوست مهم جدا للناس في السودان
انا براي قدمت لي عشرين زول |
تعرف يا موصلي انا قبل التقديم ما يبدأ بكون قدمت لي اربعين هههههههههههه
سلمت يا حبوب وشكرا للتنبيه المفيد الذي وصلني من جانبك في الماسنجر الداخلي
| |
|
|
|
|
|
|
|
|
|
Re: اعلان نتيجة اللوتري 2015 (Re: بدرالدين بابكر مصطفى)
|
سلام عزيزي الخير
سؤال : اذا واحد قدم لنفسو ومتزوج وكتب عازب single لعدم توفر صور للزوجة .. الأولاد وشالوهو هل من السهل يلحقو بيهو أولادو لاحقاً أم أن القصة فيها تعقيدات؟
شكرا ليك وبارك الله فيك
-----------------------
أنا برضو بعرف ناس وقع ليهم لوتري من زمن وشغالين كويس هنا في السعودية وبمشو وبيجو كانو بس شغالين هنا لحدي ما أخدو الجواز الأمريكي..
| |
|
|
|
|
|
|
|
|
|
Re: اعلان نتيجة اللوتري 2015 (Re: مجاهد محمد الهادي)
|
الاخ مجاهد تحياتي يا حبوب
| Quote: سؤال : اذا واحد قدم لنفسو ومتزوج وكتب عازب single لعدم توفر صور للزوجة .. الأولاد وشالوهو هل من السهل يلحقو بيهو أولادو لاحقاً أم أن القصة فيها تعقيدات؟ |
حا اكون صادق وصريح معاك جدا ..... البتصرف كدا يشيل شيلتو ويتحمل التمن الفادح للخطا بتاعه دا ..... كييييييف يعني زول ما يقدر يتحصل علي صورة لزوجته وعيالة في العالم الهسي دا
فيهو كل وسائل التكنلوجيا والاتصالات ومسالة ساااااااهلة جدا ..... عموما لو الزول عنده اسرة وكتب عازب السفارة حا تتعامل معاهو علي اساس انه عازب ولاحقا حا تواجهة تعقيدات لا اول
ولا اخر لها لذا بنصح الناس الزول من بدري بدري ويجهز للتقديم بما يرضي الخواجة ومكتب هجرته :)...... تحياتي يا مجاهد
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
Quote: حا اكون صادق وصريح معاك جدا ..... البتصرف كدا يشيل شيلتو ويتحمل التمن الفادح للخطا بتاعه دا ..... كييييييف يعني زول ما يقدر يتحصل علي صورة لزوجته وعيالة في العالم الهسي دا
فيهو كل وسائل التكنلوجيا والاتصالات ومسالة ساااااااهلة جدا ..... عموما لو الزول عنده اسرة وكتب عازب السفارة حا تتعامل معاهو علي اساس انه عازب ولاحقا حا تواجهة تعقيدات لا اول
ولا اخر لها لذا بنصح الناس الزول من بدري بدري ويجهز للتقديم بما يرضي الخواجة ومكتب هجرته :)...... تحياتي يا مجاهد |
كفيت ووفيت يا حبيب
في الحالة دي معناها ضاقت فرص عائلتو
الأول كدي خلي اللوتري يقع بس .. دي المرة التالتة يمكن ههههه
بس ظنيت خيار المشية والجية هي الباقية للحالة دي لحدي ما ياخد الجواز الخ صح..؟؟
| |
|
|
|
|
|
|
|
|
|
Re: اعلان نتيجة اللوتري 2015 (Re: بدرالدين بابكر مصطفى)
|
الاخ بدر الدين بابكر مصطفي
تحياتي
Quote: أنا غلطت في تاريخ ميلاد واحد من ولادي
يعني بدل June عملتها July
إذا تم اختياري
الغلطة دي يعالجوها كيف ؟؟
|
دي غلطة بسيطة ويمكن علاجها في الفورم الذي ستقوم بتعبئته قبل المعاينة في السفارة ... لو رجعت للمداخلات السابقة بتلقى انه في عضو سال نفس سؤالك دا
عموما ما اظن تواجهك مشكلة كبيرة لو قمت بتصحيح الخطا قبل الدخول للسفارة للمقابلة.
احترامي
| |
|
|
|
|
|
|
|
|
 Re: اعلان نتيجة اللوتري 2015 (Re: الخير محمد عوض)
|
عليك....الله يالخير قدم لكل الشعب السودانى الفضل....و كمـــــــــــــــــــــــــــان معاهم....البشير و الترابى و ريحنا من الشغلة دى!!!!!!
صديق القاعد بعيــــــــــــــــــــــــــــــــــــــــــــــــــد
| |
|
|
|
|
|
|
|
|
|
Re: اعلان نتيجة اللوتري 2015 (Re: Siddig A. Omer)
|
يا الخير يا وجه الخير ..
ياخي ربنا يجعلو في موازين حسناتك وحسنات كل من ساعد الشباب ديل ..
وحقيقة الواحد فخور بي زول زيك كدة ..
بالنسبة للخطأ البيحصل في اي أدخال للبيانات ، كان وصلني إيميل من الحبيب الأستاذ "السر جميل" عضو المنبر ..
وهو راجل كلس واخو أخوان وساعد الكتيرين في التقديم السنة دي ، وكان صاحب بوست مشهور ..
المهم هو أرسل لي الكلام دا إذا حصل أي خطأ في التقديم "بتصرف" :
Quote: وفي حالة فاز طلبك يمكننا الإتصال بمكتب تابع للهجرة الأمريكية أسمه KCC التابع للهجرة الأمريكية .. قبل الشروع في أجراءات الفيزا لتعديل الإسم "أو اي بيانات أخرى" وعنوان المكتب ..
[email protected] |
ودا تلفونهم كمان : 7500-526-606
وبوضوح دا الغرض من المكتب بتاع ناس KCC
| Quote: Contacting KCC: If you need to contact the KCC, always refer to your name and case number exactly as they appear on your original Selectee Letter. Your case number should be clearly written in the upper right hand corner of all documents and correspondence sent to the KCC. The KCC telephone number is 606-526-7500 (7:30 a.m. until 4:00 p.m. EST), or send an E-mail inquiry to [email protected]. |
| |
|
|
|
|
|
|
|
|
|
Re: اعلان نتيجة اللوتري 2015 (Re: هشام كمال عبادي)
|
اخونا صديق القاعد بعيد يا راجل اخوك داير اغترب في قطركم دي مش اسمها ( قطر الخير ) ههههههههههه وما تيب ياخ امرقوا اخاكم قبلما رحو تمرق هنا ساي :)
تحياتي يا جميل
الاخ هشام كمال سلامات يا رجل وتشكراتي لطيب الدعاء
Quote: بالنسبة للخطأ البيحصل في اي أدخال للبيانات ، كان وصلني إيميل من الحبيب الأستاذ "السر جميل" عضو المنبر ..
وهو راجل كلس واخو أخوان وساعد الكتيرين في التقديم السنة دي ، وكان صاحب بوست مشهور ..
المهم هو أرسل لي الكلام دا إذا حصل أي خطأ في التقديم "بتصرف" : |
في مكتب هنا في ولاية كناتكي اسمة KCC المكتب دا لما الزول يفوز بقومو برسلو ليهو فورمات لتعبئتها .... الزول يعبي الفورمات دي بالبيانات الصحيحة ويوضح انه اخطأ في تعبئة البيانات
لما قام بتعبئة فورم التقديم وهم في الغالب بقبلو التصحيحات دي فما تشيل هم وان شاء الله من الموفقين.
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
في الغالب السيرفر في اليومين الاوائل من نشر النتيجة بكون مزدحم شديد ولو كانت شبكة الاتصال تعبانة في الحتة الانت فيها فغالبا ما حا تقدر تراجع نتيجتك من اول يوم
في الغالب احسن وقت تراجع فيهو نتيجتك دون ما يعاكسك السرفر هو منتصف الليل او الساعات الاولى من الصبح ..... اذا بتستعمل قوقل كروم وما نفع جرب انترنت اكسبلورر
وبرضو حاول اي سيرفر تاني يعني ما تبقى علي البتستعملو دا ونفسك يقطع هههههههههههه تحياتي للجميع واطيب التمنيات
| |
|
|
|
|
|
|
|
|
|
Re: اعلان نتيجة اللوتري 2015 (Re: Ahmed Alim)
|
العزيز احمد عالم
كيفك يا صديقي في الحتات البعيدة .... تلفوني اتعرض لهزة ارضية اضاعت كل ما كان يحمل من ارقام ورقمك كان من الارقام التي تهاوت واندثرت
في ركام الزلزلة, عليه: ارجو التصال علينا اذا كان تلفونك نصيح وما اتعرض لاي هزة كونية .... اخاك في الله الخير محمد عوض :)
الاخ صديق رحمة تحياتي يا رجل
Quote: ارجو التكرم بكتابة العنوان الرسمي لموقع الهجرة والذي يتم عليه التأكد من النتيجة حيث ان هناك كثير من المواقع المشابهة والمقلدة لهذه الخدمة بغية الحصول على أناس تتولى عنهم التقديم للهجرة مقابل مبلغ معين
|
وهاك يا صديق اهو الرابط
https://www.dvlottery.state.gov/ESC/
الاخ مجاهد سلام
Quote: الناس العندها أكتر من زوجة عاااادي وكيف ديل هسي بيقدمو - الفورم ما فيهو الا مساحة عائلة واحدة فقط صح؟
سؤال ما في تاني بعدو : برضو - زول مطلق مثلا - قام كتب انو عازب - وتاني رجع زوجتو . دا هسي كيف بيكون وضعو ههه |
القانون هنا يا سيدي لا يسمح بتعدد الزوجات - علي حسب علمي - في الابلكيشن عندك فرصة ملئ خانة واحدة فقط لزوجة واحدة فقط ..... طيب بالنسبة للسؤال التاني
يمكن للمطلق حين ملئ الفورم يعبي خانة ( مطلق ) ويقدم عادي ولو عايز يضيف عياله ممكن لكن بمجرد ما كتبت انك مطلق اوتماتيكللي الخانة بتاعة الزوجة تاني ما بتظهر
في الابلكيشن .... طيب اذا اعاد المطلق طليقته بعد التقديم وفاز يعمل شنوووووو..... اها في الحالة دي تقوم تعبي اسم زوجتك في الفورم البرسلوهو ليك بعد تفوز ولما تمشي
السفارة تقوم تشيل معاك ورقة الطلاق وقسيمة العقد التي اعدت بموجبها زوجتك وتوري القنصل انك لما قدمت كنت مطلق ولكن حصل ورجعتو وهدي قسيمة الطلاق وهدي قسيمة
الزواج وبي كدة بتكون في السليم.
الاخ ياسر زميلي في الزمن الجميل كيفك يا صاحب وان شاء الله السنة دي بدري بدري واي مساعدة تأمر وما بقصر معاك باذن الله.
الاخ متوكل حسن تحياتي
Quote: تم التقديم لاسرة وجاهم الوتري بس
المكشلة انو اثناء التقديم الزوجة كانت حامل شاحنة يعني
ولمن جاء اللوتري الطفل الجديد اكيد لم يسجل في اللوتري
الوضع ده بيكون كيف
سلام ومحبة |
اذا قدر لك الفوز في الحالة دي تقوم في الفورم البرسلوهو ليك بعدما تفوز تكتب اسم مولودك الجديد ولما تمشي المقابلة في السفارة تشيل معاك شهادة ميلاده وامورك بتسلك عادي وما عندك مشكلة تب
العزيز وليد طه كيفك يا حبوب
| Quote: كُلّي يقين بأننى سأفوز هذا العام لأننى لم أُقدِّم :) |
بتحصل بتحصل يا وليد ههههههههههههههه
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
الأخ العزيز الخير
السلام عليكم ورحمة الله وبركاته
ارجو التكرم بكتابة العنوان الرسمي لموقع الهجرة والذي يتم عليه التأكد من النتيجة حيث ان هناك كثير من المواقع المشابهة والمقلدة لهذه الخدمة بغية الحصول على أناس تتولى عنهم التقديم للهجرة مقابل مبلغ معين
لك تحياتي
| |
|
|
|
|
|
|
|
|
|
Re: اعلان نتيجة اللوتري 2015 (Re: مجاهد محمد الهادي)
|
الحبيب الخير الرجل الطيب ياخ نحن مش درسنا في جامعة واحده يا الخير , طيب ليييي ما قدمت لي مع الشعب السوداني الفضل ده يا خي ,,, ياخ الله يعدلها عليك محل ما تقبل يا الخير والواحد كان بودو يقدم مع الناس في السنة دي لكن الكسل والدوامات الما بتخلص دي حرمتنا من ذلك ولكن اذا ربنا مد في الاجال وادانه الصحة والعافية السنة الجاية من هسة عودنا راكب باذن الله ... وربنا يجعل هذا العمل في ميزان حسناتك يا حبيب .. اها نحن منتظرين نعاين لانو فرح الاخوان والاخوات برضو بيفرحنا ,, وافر معزتي التي تعرف .. والتحية عبرك لكل الاخوه الذين سهامو وساعدو في تسهيل التقديم لجميع السودانيين ..
تحياتي : ياسر العيلفون
| |
|
|
|
|
|
|
|
|
|
Re: اعلان نتيجة اللوتري 2015 (Re: ياسر السر)
|
الخير الحبيب سلام
تم التقديم لاسرة وجاهم الوتري بس
المكشلة انو اثناء التقديم الزوجة كانت حامل شاحنة يعني
ولمن جاء اللوتري الطفل الجديد اكيد لم يسجل في اللوتري
الوضع ده بيكون كيف
سلام ومحبة
| |
|
|
|
|
|
|
|
|
|
Re: اعلان نتيجة اللوتري 2015 (Re: فتح العليم محمد أبوالقاسم)
|
الاخ فتح العليم تحياتي يا رجل
كدي النشوف الاسئلة واحد واحد ونبدأ بي:
Quote: هل تستطيع ان تقدم لنا احصائية عن السودانيين الذين فازوا في البرنامج
وكيف تتم القرعة ؟ |
موقع الهجرة الامريكي يقوم بانزال احصائيات سنوية بعدد كل الذين فازوا في قرعة الاختيار العشوائ DV LOTTERY ارجو العودة للموقع واكيد حا تلقى المعلومة
والكويس في الموقع انك بتقدر تقارن بعدد الذين فازو مقارنة مع عدد السنين السابقة ..... السودان عموما عدد الفائزين فيه كل عام بيتناقص ولا اعلم السبب لهذا.
القرعة تمر بمراحل اول المراحل فيها مراجعة الطلب والتاكد من سلامة البيانات والصورة .... اذا كان الطلب صحيح والصورة صحيحة بدخلو رقمك واللهو الكونفيرميشن نمبر
بتاعك لنظام معين - computer system - الكمبيوتر سيستم دا بقوم بعمل فرز عشوائي للارقام ...... يعني مثلا السودان مقدمين فيهو مليون طلب وبعد الفرز لقو انه الابلكيشنات
الصحيحة 800 الف مثلا, وهم مثلا دايرين من السودان 2 الف بس .... بقومو بيامو الكمبيوتر سيستم دا بانك يا كمبيوتر شيل لينا 2 الف سوداني من وسط ال 800 الف ديل ويقوم
الكمبيوتر هوووووبا يختار ال 2 الف ديل.
| Quote: هل هل يقسم المتقدمين الى مجموعات يعنى متزوجين وعزاب |
والله يا فتح العليم دي ما متاكد منها المعلومة دي لكن خليني اتاكد وبرجع ليك بالاجابة ان شاء الله
| Quote: هل يقسم المتقدمين على اساسس القارات الدول |
الاجابة نعم
| Quote: هل محدد لكل قارة اودولة نسبة معينة |
الاجابة نعم
| Quote: هل حدث لاي من الدول المسموح لهاتعثر حظ في فوز المتقدمين المنتمين لها |
ما فهمت السؤال بالضبط فتح العليم لكن اذا كنت بتقصد انه انه هل النسبة ثابته في عدد الفائزين كل عام فهي متغيرة.... يعني كل سنة الفائزين من اي دولة يا بكون زايد يا اما يكون ناقص
السودان من الدول الكل مرة ماشة في نقصان عدد الفائزين فيها.
| Quote: هل يتكفل الفائز بتذاكر سفره |
نعم يتكفل الفائز بالتزاكر تماما
| Quote: هل يختار الفائز محل الاقامة في امريكا |
نعم يمكن للفائز اختيار اي ولاية للاقامة والعيش فيها وتكفل له حرية الحركة تماما اذا حب التحول لاي ولاية وفي اي وقت يشاء.
| Quote: هل توجد مدة معينة لدخول الفائز |
نعم توجد مدة معينة .... مثلا الحا يفوزو هسي في النتيجة الحا تعلن في يوم واحد مايو دا ... ديل حا يخشو امريكا في النصف التاني من عام 2015 يعني بعد شهر ستة
| Quote: من يتكفل باعائة الفائز وعائلته ان وجدت |
اذا اثبت الفائز عند المقابلة انه بيستطيع يتكفل بي نفسه وبعائلته ماليا فما بكون عنده مشكلة والاثبات المالي دا عنده حاجات كتيرة مثلا تمتلك قطعة ارض ... عندك حساب في البنك...
عندك ودائع ...الخ اما اذا كان الفائز ما عنده اي مقدرة مالية تكفله في فترة اقامته الاولى بامريكا الي حين يستقر في عمل فبقومو يطلبو منه حاجة اسمها affidavit of support
ودا عبارة عن خطاب من شخص اخر - لا يشترط ان يكون احد اقرباءك - بيقر بانه حا يتكفل بيك ماليا لو واجهتك اي مشكلة مالية ..... الكلام دا كله عشان بعدين الزول لو واجه اي
مشكلة مالية ما يجري للحكومة يقول ليهم انا زول معلم الله وانتو ما وريتوني انه ما ممكن تساعدوني ..... يعني الموضوع كله خلو طرف من الحكومة .... اتمنى اني اكون وفقت في
الاجابة عن اسئلتك وارجو ان كنت مخطئا في اي واحدة منها ان يصححني من هم ادرى منى بذلك.... تقبل احترامي وكل الامنيات.
| |
|
|
|
|
|
|
|
|
|
Re: اعلان نتيجة اللوتري 2015 (Re: الخير محمد عوض)
|
شرح عملية مراجعة النتيجة :
1/ يجب عليك التاكد من مراجعة النتيجة بالموقع الصحيح والموقع الصحيح هو الموقع الموضح اعلى الصورة بالمربع الاحمر وهو https://www.dvlottery.state.gov
2/ النقر علي الرابط الثاني الموضح بالمربع الاحمر. هذا الرابط يقودك للصفحة ادناه:
في هذا الرابط مطلوب منك تعبئة اربعة خانات والخانات هي :
1/ رقم التاكيد confirmation number. يجب التاكد من كتابته صحيحا ....... ملحوظة : رقم التاكيد لابد في هذا العام ان يبدأ بي 2015 وارقام اخر. مثال لذلك 20154M91AB4N4F7E
2/ كتابة الاسم الاخير او اسم العائلة تماما كما قمت بكتابته في فورم التقديم ..... ملحوظة : يجب الانتباه لكتابة الاسم الاخير فقط Last Name
3/ سنة الميلاد ...... ملحوظة : سنة الميلاد فقط وليس تاريخ الميلاد كاملا اي لا يجب عليك كتابة يوم او شهر ميلادك ( فقط سنة الميلاد )
4/ التاكد من كتابة الارقام او الحروف او الارقام والحروف التي يطلب منك تعبئتها في الخانة الرابعة تماما كما وردت.
بعدها تقوم بضغط Submit وهذه ستقودك للصفحة التي ستجد فيها نتيجة تقديمك ..... اذا لم يحالفك الحظ ستأتيك صفحة كهذه:
اما اذا وفقت ستظهر لك صفحة كالصفحة ادناه:
ملحوظة: النتيجة اعلاه لاحد الذين قد فازوا معي في تقديم السنة الماضية قمت بمسح بيانات اسمه وبعض البيانات الاخري واستعضت عنها بمربعات حفاظا علي السرية
اتمنى ان اكون قد وفقت في شرح عملية مراجعة النتيجة واذا خطر ببالكم اي سؤال يتعلق بعملية مراجعة النتيجة ارجو ايراده اليوم لانه تبقت فقط سويعات قليلة لفتح باب المراجعة
ودي واحترامي للجميع
| |
|
|
|
|
|
|
|
|
|
Re: اعلان نتيجة اللوتري 2015 (Re: Abu Baker Ahmed Abdel Rahman)
|
Quote: الدور دا الظاهر الكوتة بتاعة السودانين حبببببببببببببببة هههههههههه
|
صديقنا ابو الخيرات،، ياخ قليل من التفائل! انا غايتوا متوقع زيادة الكوتة السنة دي
يعني حتكون اكتر من 2100. لانوا تحديد الكوتة زي ماعارف داخلة فيه حاجات كتيرة
واهمها عدد الناس الدخلوا البلد في الخمس سنين الماضية وعدد الطلبات الصحيحة المقدمة.
الموقع مصتكي تماماً يا عمك ههههه
| |
|
|
|
|
|
|
|
|
|
Re: اعلان نتيجة اللوتري 2015 (Re: Ahmed Alim)
|
الدكتور احمد الحسين
Quote: لاخ الخير تحية طيبة
اذا واحد تم اختياره كم نسبة انو يتجح فى الحصول على الفيزا؟ |
دي يا دكتور بتعتمد علي رقم الفوز بتاعك لحد كبير.... اذا كان رقم فوزك قريب بيمنحك فرصة اكبر انك تتحصل علي الفيزا وكلما بعد رقم فوزك كلما قلت فرصتك
تحياتي واحترامي
| |
|
|
|
|
|
|
|
|
|
Re: اعلان نتيجة اللوتري 2015 (Re: دينق عبد الله)
|
Quote: Session timed out
يا اهل الخبرة و سادة اللوتراب
سلام و احترام
عندي قريبي كل ما يدخل معلوماته تجي الرسالة دي |
أخونا دينق سلامات،
طالما كان الأمر متكرراً، ولا علاقة له بتحديث الصفحة، فغالباً ما يكون السبب
هو عدم تفريقه بين كتابة الـ "0" Zero و الحرف "O" ، أو الرقم "1" و الحرف "I"، في الكونفرميشن نمبر!
عموماً الـ Zero دائماً بيكون مصحوب بخط داخل الدائرة.. امنياتي لقريبك بالتوفيق..
| |
|
|
|
|
|
|
|
|
|
Re: اعلان نتيجة اللوتري 2015 (Re: د.أحمد الحسين)
|
بالله الناس ديل مش حقارين ههههههههههههههههههه ..
يعني شنو لا أنا ولا مرتي ما يشلونا ساي يقولو الناس دي ليها سنتين تحاحي ..
وبعدين ليه مختارين بس 2281 زول والمصريين فوق 5757 والكنغو الديموقراطية 6025 ..
جنس حسادة ..
ما مشكلة يا الخير شهر عشرة زاتو قريب ما بنشيل هم بس المرة دي تقدم لينا انتا بي نفسك ..
وراك وراك ..
مودتي ..
| |
|
|
|
|
|
|
|
|
|
Re: اعلان نتيجة اللوتري 2015 (Re: د.أحمد الحسين)
|
الخير
سلامات
قدمت لعشرة اشخاص والنتيجة كانت ( امة محمد بتسلم عليك ) !
بالله اكدوا لينا حقيقية وجود فرصة الفرز الثانى فى اكتوبر القادم؟
على العموم التقديم لعام 2016 فى شهر اكتوبر ان شاء الله حيكون عن طريقكم انت واخونا احمد عالم ونشوف الحظ عن طريقكم !
| |
|
|
|
|
|
|
|
|
|
اللوتري (Re: الخير محمد عوض)
|
اخونا الخير
صباحك برتكاني
مشكور شديد علي البوست
امس اخوي طلع ضمن المحظوظين
اذا تكرمت عايز تفاصيل عن الخطوات التالية لحدي الانترفيو والفيزا
ومشكور حتي النخاع
| |
|
|
|
|
|
|
|
|
|
Re: اللوتري (Re: Mohamed Osman Zooalnoon)
|
سلام يا الخير يا وجه الخير ... سؤال مهم لكل الناس
يوم 03 مايو قمت باللازم ووجدت نفسي لم افز ...
هل أكتفي بهذا القدر وأقدم للوتري 2016في شهر أكتوبر 2016م أم أن يجب علي أن أحاول مرة أخرى وبعد مضي كم شهر في كل مرة ...
مع فائق الشكر والتقدير...
| |
|
|
|
|
|
|
|
|
|
Re: اللوتري (Re: othman mohmmadien)
|
Quote: Based on the information provided, the Entry HAS NOT BEEN SELECTED for further processing for the Electronic Diversity Visa program at this time.
Please verify that you have entered all information correctly. You may re-check the Entry status by clicking on the ESC Home Page link below. |
وجأت النتيجة مثل كل عام صديقي الخير منذ أوائل التسعينات ، ودا حظنا لكن الفورة معاكم يا ناس اللوتري مليون وبقى الموضوع دا شخصي بيني وبينكم
هههههههههههه
تحياتي وحظاً أوفر لأمثالي ومبروك لأمثال الخير
| |
|
|
|
|
|
|
|
|
 Re: اعلان نتيجة اللوتري 2015 (Re: الخير محمد عوض)
|
الأخ الخير محمد عوض
تحية طيبة وبعد
نشكر لكم جهودكم في مساعدة المتقدمين لبرنامج الهجرة المتعدد للولايات المتحدة
عندي استفسار هام وعاجل بخصوص تعبئة طلب التقديم للهجرة ، لدي ابن أختي قدمت له وأنا في قطر والحمد لله تم اختياره لبرنامج الهجرة للعام 2015 ، طبعاً أنا قدمت له الطلب على أساس انه موجود في السودان ولكنه حالياً موجود معي في قطر
السؤال هل يمكنه تعبئة ال'DS-260 وهو في قطر أم لابد من تعبئة الطلب من السودان يعني هل هنالك IP CHECK للطلب المقدم والله ما فارقه أنه تقوم بتعبئة الطلب من أي مكان في العالم .
أتمنى من لديه معلومة الإفادة والتعليق بأسرع وقت وجزاكم الله خيراً
| |
|
|
|
|
|
|
| |
الخير محمد عوض
عادل خياري
Mohammed Abuzaid
أيمن محمود
عمر عبد الكريم علي
معتصم سليمان
ملهم كردفان
مريم بنت الحسين
أيمن الفاضل
Elmosley
Ehab Eltayeb
بدرالدين بابكر مصطفى
مجاهد محمد الهادي
Siddig A. Omer
هشام كمال عبادي
Ahmed Alim
Sidig Rahama Elnour
ياسر السر
متوكل حسن
walid taha
فتح العليم محمد أبوالقاسم
الشيخ صالح محمد
ناصر حسين محمد
د.أحمد الحسين
دينق عبد الله
مهند عبدالسلام
يسرى معتصم
Mohamed Osman Zooalnoon
othman mohmmadien
فيس بوك
تويتر
انستقرام
يوتيوب
بنتيريست