|
|
 Re: مهارات تقنية للتعامل مع المنبـــر!! (Re: عبد الله عبد العزيز)
|
الصديق الحبوب الامين البشاري لك الوقفة
والله انت بتنفع معلم رياضات بلا شك .. حتي لو ما بتعرف زاتو
وليعلم الله انا من محبي بوستاتك وكتاباتك التي لا تخلو من الدعابة والمزح
فانت بالذات من فنانيي المفضلين .. عفواً اقصد كتابي المفضلين
ولكن هذا لا يعني بانني لا اختلف مع بعض من ارائك!
نعم اختلف مع بعض من ارائك في بعض الجزئيات
ولكن ما تشيل هم احتمال نصل لاتفاق ما دمنا سويا هنا الان (ولو بالرشوة)!!
لقد استفدنا كثيراً من بوستك هذا
ولكن لدي ملاحظة:
انت لم تراعي خصوصية الذين لم يتعاملوا مع الحاسوب باللغة العربية!
يعني انا مثلا اجد صعوبة في فهم تسمية اليات التشغيل باللغة العربية
مثلا زي (نسخ شفرة التضمين) والله دي لو قلت تضبحني ما بعرف ليك فيها شئ
والله الا ترجمتها حتي وجدتها تعني (copy embed html)
يجب يا عمك ان تسمي الاشياء كما اوردها العم سام وليترجمها الاخرون (not the other way around)
Quote: طلب مني العديد من الاخوة كتابة هذا البوست
وعمل الشروحات بالصور
ولكن الفترة الماضية ربنا ما طلق
المهم ربنا يقدرني واقــدم حاجة تفيد الناس
هناك الكثير من الاخوة قاموا بكتابة مثل هذا البوست
ولكن لا بس من التكرار
هناك الكثير من الاعضاء القدامى يجهلون الكثير من الامور
وكذلك انضم الينا عدد من الاعضاء الجدد
ارجو ان تعم الفائدة من البوست الجميع
طبعا |
والله كلامك الفوق ده عجبني شديد !
"اتاري" السناير ذاتهم طلعو فارات زينا كده!! هههههه
وريهم بالله ما يمثلوا ليك فيها عارفين وقول ليهم بعد شهر في امتحان واليرسب يفقد الباسورد
Quote:
1.افتح الصفحة الرئيسية لموقع اليوتيوب.
2. ابحث عن الفيديو الذي تود تنزيله.
3. شغل الفيديو في نفس موقع اليوتيوب.
4. تابع الشــرح في الصور أدناه: |
دي استفدت منها تب والله
الله يريحك في دينك
برجع تاني اسرق لي حاجة حاجتين!
لك الود
| |
 
|
|
|
|
|
|
|
 Re: مهارات تقنية للتعامل مع المنبـــر!! (Re: حامد بدري)
|
.
الأخ العزيز البشاري....
تشكر على هذا المجهود
كلما احاول تحميل صورة يجينى الكلام ده:
Quote: Internal Server Error
The server encountered an internal error or misconfiguration and was unable to complete your request.
Please contact the server administrator to inform of the time the error occurred and of anything you might have done that may have caused the error.
More information about this error may be available in the server error log.
--------------------------------------------------------------------------------
Web Server at sudaneseonline.com |
أها الحل شنو ؟؟؟؟؟؟
.
| |
|
|
|
|
|
|
|
|
|
Re: مهارات تقنية للتعامل مع المنبـــر!! (Re: عبدالحفيظ حسن)
|
محمد الحبيب
تحياتي .. الخاصية دي ما مفعلة هنا في حوش بكري دا
___
عبد الله عبد العزيز
ما شاء الله بقيت خبير شايفك ..
علا صورك كببيرة ومحتاجة تظبيطات
ها البرنامج دا للتعديل على الصور
البرنامج على الرابط هنا
___
محمود علي
تحياتي .. تصدق انا زاتي اجتهدته شديد عشان العربي
بس ولا يهمك المرات الجاية بنعمل حساب الخواجات الزيك 
__
عز الدين الفحل
أول حاجة لازم تعمل ليك بريد على gmail
والبريد دا حيكون هو حساب بريد الكتروني وهو حسابك في قوقل وقوقل بلس
بعد ما تعمل الحساب تفتح صفحة اليوتيوب وتعمل تحميل للفيديو حقك
وتكتب معلومات عنه ... هناك شروحات كثيرة عن تحميل المقاطع فقط ابحث عنها
أو بالعدم سمعنا صوتك عبر الآيفون
تحياتي
___
Quote: البشاري صباح الخير
لامن تشيل وتنسخ الرابط وتختو url وتمسح المربع وتضغط اوكي المربع الابيض الفاضي مابجي
اشرح لينا بالصور وفي ميزان حسناتك |
حامد بدري .. سلامات
الخطوات:
1. انسخ الرابط الانت عايز تشير اليه.
2 . اضغط على URL الموجودة فوق في المربع البتكتب فيهو دا
3. حيظهر ليك مربع قم بلصق الكود فيه ثم موافق/ok
4. تاني حيظهر ليك مربع اكتب الانت عايز تكتبه ثم موافق/ok
5. انتهينا ... wallahi sahi
____
عبد الحفيظ
تحياتي ... الظاهر والله اعلم امتداد الصورة غير مدعوم أوحجمها كبير
يعني مثلا الصور المتحركة والتي امتداها gif بكري موقفها
أها العمل شنو ؟!
تفتح الصورة بأي برنامج محرر للصور زي هنا
وبعد ما تصغر الصورة تقوم تعمل save for web
وبعد كدا تجي ترفعها يا ملك
تحياتي
| |
|
|
|
|
|
|
|
|
Re: مهارات تقنية للتعامل مع المنبـــر!! (Re: الامين موسى البشاري)
|
.
العزيز البشارى .....
كتر خيرك ما قصرت ..... ولكن.....
أنا عملت كل القلتو لى :
1/ نزلت IRFAN
2/ صغرت الصورة
3/ عملت ليها save for web
4/ قمت رفعتها
5/ جانى نفس الكلام القلتو ليك فوق داك
علما بأن هذه هى ال proprties بتاعت الصورة:
Type of file: JPEG (jpg
Opens with: windows photo viewer
28 KB
27 KB
فما رأيكم ؟؟؟
دام فضلكم!!!
.
| |
|
|
|
|
|
|
|
|
|
Re: مهارات تقنية للتعامل مع المنبـــر!! (Re: الامين موسى البشاري)
|
الاستاذ الآمين البشاري
السلام عليكم ورحمة الله
يا اخي عندي مشكلة ممكن يكون اتطرقوا ليها في الصفحات الفاتت وهي انو الصورة في اغلب الاحيان بتكون اكبر من 40 كيلوبايت
ولما امشي الفوتوشوب واحاول اصغرها بتفقد جودتها - سؤالي هو
في حال كانت الصورة كبيرة امشي واحد من مراكز التحميل واحملها من هناك ؟؟؟؟ وكيف تتم عملية الاسترجاع بعد التحميل ؟؟؟؟ بنسخ الرابط ولصقه هناك
لو كنت جاوبت على السؤال سابقا ارجو نسخ الاقتباس هنا - وشكرا ليك على التلتلة
التوقيع : واحد مريخابي بس ما على السكين
بمناسبة على السكين دي احكي ليك نكتة
مرة قاعد أدرس لي في طلاب سعوديين وجاء مثال فيه (اشترى رجل 3 بطيخات) قبل ما أكمل واحد من الطلاب قال لي يا أستاذ على السكين :)
النكتة نظام رشوة وكدة
| |
|
|
|
|
|
|
|
|
|
Re: مهارات تقنية للتعامل مع المنبـــر!! (Re: عبدالحفيظ حسن)
|
سلام يا البشاري يا دفعة
أنا والله كنت قايل بوستيك ده مأرشف لكن
ما دام valid قلنا أحسن نرفعو عشان تعم
الفائدة .
أها ما غيرت رأيك تبقى رشاشة .
شفتنا ظريفين كيف ....... يعطيك العافية
على فكرة عندك بوست بتاع مشاطيب
المريخ داك ...... أخبارو شنو ....هههههههههه
| |
|
|
|
|
|
|
|
|
 Re: مهارات تقنية للتعامل مع المنبـــر!! (Re: الامين موسى البشاري)
|
Quote: عبد الله عبد العزيز
سلام ولو سمحت امسح الصور بتاعتك دي لأنها فتلت البوست
كتبت ليك رسالة بالماسنجر وما اشتغلت بينا
الرجاء حذف الصور .. مع خالص الود والتقدير
والبعرف عبد الله دا يلكزه يا جماعة |
 علا بي منجل او مسطرين عييك ياعبدالله الحق الصورة المرطبه دي كااااااااااااك
| |
|
|
|
|
|
|
|
|
 Re: مهارات تقنية للتعامل مع المنبـــر!! (Re: حامد بدري)
|
ياهندسة ماتنضوييق اخوك من زمن الرملة والصمغ علم ابو نظر
ده مازمنا حليلك يااستاذ الطاهر الغلط الكنتا واقع فوقو بنسخ رابط البوسط نفسو عشان كده ابت بت ام زقده
سمعت نكتة الجاي بي رتينه للجامعه تعبتو معانا كاااك
تشكر ياانيق
| |
|
|
|
|
|
|
| |
محمود على
عبد الله عبد العزيز
الامين موسى البشاري
حامد بدري
عبدالحفيظ حسن
قسم الفضيل مضوي محمد
د.يوسف محمد طاهر
أمير محمد ادريس
فيس بوك
تويتر
انستقرام
يوتيوب
بنتيريست