|
|
|
 Re: باقي من الزمن ستة ايام ... لو كنت تحب السودان سجل اسمك و صوت ضد الكيزان (Re: Amjed)
|
أحفظ حقك ...
باقي من الزمن 7 يوم
التسجيل مستمر لحدي يوم 7 \ 12 \2009
شارك بسرية و بحرية في ايقاف نزيف البلد ...
شارك في انهاء الحرب في دارفور و الدمار في باقي البلد
شارك في انهاء مسلسل الغلاء في الاسعار و الفساد الحكومي...
لو انتا زول قرفتا من الوضع الحاصل في البلد دا
لو انتا زول بتحب السودان و ما منتمي لأي حزب سياسي و داير حال البلد اتصلح
سجل اسمك و صوت ضد الكيزان (المؤتمر الوطني)...
| |
 
|
|
|
|
|
|
|
|
Re: باقي من الزمن ستة ايام ... لو كنت تحب السودان سجل اسمك و صوت ضد الكيزان (Re: Amjed)
|
Quote: لو انتا زول بتحب السودان و ما منتمي لأي حزب سياسي و داير حال البلد اتصلح
سجل اسمك و صوت ضد الكيزان (المؤتمر الوطني)... |
يا أمجد
كان صوتنا لغير الكيزان عارف البيجي منو ؟؟
بيجونا ناس جربناهم في 86 ليـ 29 مايو 1989 م الساعه 11.30 مساء
وخلونا نموت من الجوع ومن المرض وقعدوا يفتشوا ليـ التعويضات ،،
وخلونا باليل بايتين في الفرن وبالنهار مقيلين في المقابر ندفن موتانا !!
عشان كدا قلنا نخلي الزمن يودينا باقي أيامنا وين ما يودي !
لا سجلنا ولا حارين نسجل بس نعاين بي عيونا العسلية دي !
يا اخوي نحنا كان ختينا قدر الله ، الجيل دا كلوا باقي ليهو ايام تجري
زي ما جرت ايام التسجيل دي
ونخلي الفوق الغتاها بي جيوب دي ونمشي ليـ دار ما فيها تصويت الا من اتى الله بفلب سليم !
ونحنا الصابرين والصابرين الله قال ليهم الجنة !!
نظرة مختصرة كدا ليـ الحال ،،
كل سنة وإنت طيب والوطن برضو طيب والشعب الطيب يلقى زولاً طيب .....
هشام
| |
|
|
|
|
|
|
|
|
|
Re: باقي من الزمن ستة ايام ... لو كنت تحب السودان سجل اسمك و صوت ضد الكيزان (Re: Hisham Ibrahim)
|
يا هشام ...
اتفهم جيداً الام كلامك
و لكن عسانا لا يأتي يوم علينا فنندم على شئ لم نجربه في طريق البجث عن حياة افضل لشعب بلادنا بارض بلادنا
و الشعب السوداني يستحق يا هشام ام نحاول ايقاف الساقية الحمقاء التي تصب ماء البحر الي البحر
على الاقل دعونا نحاول جاهدين ان لا نبكي وطناً لم نستطع الحفاظ عليه كالبني ادمين
خلونا نسجل و نصوت و ندع كثرة اصواتنا و اصرارنا تهزم جبن و مكر تزوير الكيزان
و سطوة الطائفية
و طعنات اخرى نخاف منها أن تأتي في الظهر
يا هشام
لو كنت تحب السودان
سجل اسمك
و امنح بلدك و ولدك و اخوك و صاحبك ، امنحنا جميعاً بصوتك فرصة اخرى يستحقها و نستحقها
و صوت ضد الكيزان
و دعنا نفكر
انا برغم كل شيئ
الي المستقبل الرائع حنتقدم
و ان طال السفر
| |
|
|
|
|
|
|
|
|
|
Re: باقي من الزمن ستة ايام ... لو كنت تحب السودان سجل اسمك و صوت ضد الكيزان (Re: Amjed)
|
أمجد وضيوفه
التسجيل أمانة ... في عنق كل شخص يحق له التسجيل ...
كثيراًُ من الناس لا تعلم أين ومتي وكيف يتم التسجيل ...
مهمتنا أن نبلغ كل شخص بمكانه وزمانه وحثه علي التسجيل ..
اخوي .. وأخوك ... أبوي وأبوك ... أمي وأمك .. الجيران ... زملاء العمل .. الأصدقاء ... الأهل ... الأقارب وكل شخص ....
والأهم أن نعمل علي تنقيح الكشوفات مما لحق بها من أسماء وهمية أو أسماء مدبلة ... التسجيل حتي البارحة حسب المفوضية بلغ إثني عشر مليون .... من أين أتوا ... المهمة عسيرة ... لا بد أن نمارس حقنا في المراقبة كما مارسناه في التسجيل ... إرتفاع نسبة التسجيل تعني التغيير ... ولكن إذا كان الأرتفاع حقيقي وليس بفعل فعلة ...
المفوضية : التسجيل حتي الآن تجاوز الـ 12مليون ناخب
| |
|
|
|
|
|
|
| |
Amjed
Hisham Ibrahim
الجيلى أحمد
اسعد الريفى
زهير الزناتي
خضر حسين خليل
فيس بوك
تويتر
انستقرام
يوتيوب
بنتيريست