|
|
 Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
سلام يا سيدنا Quote: لما شفت إسم عمك وهبة والطريفي فوق أفتكرتك جادي !
بس لما لقيت ناس خدر وقيقراوي وأماني الأمين وشخصي الضعيف .. تأكد لي انك ماأتيت لحوار !! |
كيف ما جادي ؟!!
أولن : أماني الأمين دي فتحت ليها بوست كركبه مع صلاح غريبه قبل اسبوعين ، تتفضل تمشي .
سانين : قيقا ده إختلف معاي في الراي ومع محمد عثماننا الذي نحب و ومع هاشم ود سيدي الحسن ، يتفضل يمشي برضو .
إنت : ولا مافي داعي !! خليها مستوره !! 
-------
أي زول بفتكر اللسته دي عشوائيه يرجع البصر كرتين !
| |
 
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
فيصل !! ياخي سئيلي الله مشتاقين !! Quote: لا يصلح حال هذا المنبر مالم يتخذ بكري قرارا نهائيا بأقالة كل من ..
|
و أنا كلامي الفوق داك كان بلاوندي ؟!! المنبر ده لو ما حصلت فيهو مجازر و سالت فيه دماء ما حا ينصلح حالو !!
Quote: المسلمي Group
وهبه والاسرة الكريمة
حميده
تمبس
حيدر الزين
علاء الدين والمصباح السحري
ود الصايم وشيشته
ابو حسين
صراحه البورد محتاج دماء شابه جديده ..اتخارجو يرحمكم الله ...
|
لسته عميقه يا ود الرشيد ، وفعلا عايزين دماء جديده بعد ما الضباح يريق دماء القدام الفي اللسته !
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
أحمد يا حبيبنا ، سلام Quote: معليش اسمح لي اختلف معاك
الحبشي وحيداً يحتاج ثلاثة منابر مختلفة
1- منبر لفقع مرارة القراء باقتباسات الخمسين عاماً التي سبقت انضمام بكري أبوبكر لسودانيز اونلاين
2- منبر لبوستات الإقذاع السيموطيقي الخائلي ذو النواعير
3- منبر لمطاردة هشام آدم |
دكتور محمد الحسن سليمان الشهير بالحبشي واحد ممن تضرب لهم أكباد الابل و وتثنى لعلمهم الركب ، شاء من شاء و أبي من أبي !!
الزول ده بس محتاج انك تفهمو ، لا أكتر لا أقل !!!
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
البوش يا حبيبنا ، سلام Quote: ..... عشرة ساي ما عندك ... عشرة اربعين سنة مابتقدرا بحطب ؟
|
والله عندي عشره ، و الناس الفي اللسته دي كلهم حبايبنا ، لكن زي ما قلت ليك : دايرين نضحي بالام و الجنين عشان خاطر الزوج !!
باقي الناس الهنا ديل ما عندهم ذنب يتبلو بعمايل الناس الفوق دي ...... فلترق منهم الدماء !!! 
| |
|
|
|
|
|
|
|
|
 Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
الاديب امين محمد سليمان
تحية طيبة,,
يبدو أنك من المحظوظين لان السواد الاعظم من الردود في هذا البوست الظريف نحت منحى انك تمزح معهم - اي ردود اصحاب الاسماء الموجودة في اللسته- و سبب اعتقادي انك محظوظ هو عدم اطلاع الاخوة المذكورين على مثل روسي يقول ( في كل مزحة يوجد شئ من الحقيقة ).. يعني بالحساب كدا في كل مزحة في 25% حقيقة.
اها يا اخو بعد ما يقروا المثل دا و يقيموا بي فكرهم الثاقب شيل شيلتك..و الله لو قدمتى استقالتك الا يجوك في البيت.(وش بشبه وش الترابي) ههه .
تحياتي،،
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
مجدي يا حبيبنا ، سلام Quote: يبدو أنك من المحظوظين لان السواد الاعظم من الردود في هذا البوست الظريف نحت منحى انك تمزح معهم - اي ردود اصحاب الاسماء الموجودة في اللسته- و سبب اعتقادي انك محظوظ هو عدم اطلاع الاخوة المذكورين على مثل روسي يقول ( في كل مزحة يوجد شئ من الحقيقة ).. يعني بالحساب كدا في كل مزحة في 25% حقيقة.
|
أنا لا أمزح يا أخ العرب !!
بعدين الناس دي لو كان عندها فكر ثاقب ، ما كان ختيناهم في اللسته من الأساس !!
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: قيقراوي)
|
أمين ياسمين,,
| Quote: أولن : أماني الأمين دي فتحت ليها بوست كركبه مع صلاح غريبه قبل اسبوعين ، تتفضل تمشي . |
ماقايلاك شاركت بكري في البورد وبقيت بتدي كروت حمر !
بعدين تعال انت ما عارفني قبل كأس العالم ما يبدأ ناويه ليك نيّه أسود من قرن الخرّوب؟ (ما تسألني قرن الخروب ده شنو لأني ما عارفه)
المهم خليك عارف انه حدك معانا 1/6 بعديها عندك وقوف اضطراري لغاية كأس العالم ما يخلص,
في المسافه دي ممكن تكج ناس بيتكم بمزاج ..
ده مقترح لاصلاح حال الفيفا,
هذا أو الطوفان
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: Amany Elamin)
|
الفاتح سفيرنا في اليابان ، سلام يا حبيبنا | Quote: غايتو لو المقصود بندى ندى عثمان حسن فأنا اساند التوقيف بشدة، اما ود الصايم فرميا بالرصاص |
في الحقيقه : المقصوده ندي عثمان حسن ، لكن لانو المره الفاتت برد عليها قلت ليها يا أماني : قعدت اعتذر بالزمن لمن ريقي نشف حتي رضيت ، و لانو هسي ما عندي حيل اعتذر : فالحل إنو أقول إنو المقصوده ندي عثمان حسين بت جيرانا و عندها عضويه هنا !!
------
عجبتني جدا حكاية إعدام ود الصايم دي !!
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
قيقا يا التهابات الجروح الكامنه في نهر الأسي !!!
Quote: العرب تقول " الاختلاف لايفسد للود قضية . . الخ " مالو جاب ليهو طوفان راسو عديل
|
والله كان لا يفسد للود قضيه ما عارف !!
ما يا نحن كوولنا كسودانيين الأمثال الوهميه زي مثلك ده ما بتمشي فينا ، يا كمان عمك الضباح بلقط الناس دي بمواصفات معينه !!!
يا قيقا إنت مصنف من الناس العميقه هنا : عاين لاقتراحاتي دي تجدها منطقيه جدا : جزء كبير من من الناس دي - إنت في نصهم لخلافك معاي - لا ينفع و لا يجدي معهم إلا البتر !!
بعدين قال ليك السمان بلداء !!! قلنا يوزنو لينا الناس دي قبل ما يجيبوها لينا، و بعداك يودوها كورسات في فورول بغرض الاحتكاك : الكلام ده الكعب فيهو شنو ؟!
بعدين ياخي الطوفان ده مدور ليهو سنين عددا ، لو ما الناس الزيك البتجي انصاص الليالي تتفقدنا كان قضي علينا منذ أمد بعيد !!!
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
أماني المستلبه ، يشهد الله مشتاقين . Quote: ماقايلاك شاركت بكري في البورد وبقيت بتدي كروت حمر !
|
والله يا ريت يا أماني ، كان انتي تكوني بتكتبي في مذكراتك في الفيس بوك ! دي إقتراحات لعمك الضباح ، مساهمه فكريه متواضعه مني لا أكتر لا أقل !
Quote: بعدين تعال انت ما عارفني قبل كأس العالم ما يبدأ ناويه ليك نيّه أسود من قرن الخرّوب؟ (ما تسألني قرن الخروب ده شنو لأني ما عارفه)
المهم خليك عارف انه حدك معانا 1/6 بعديها عندك وقوف اضطراري لغاية كأس العالم ما يخلص,
في المسافه دي ممكن تكج ناس بيتكم بمزاج ..
ده مقترح لاصلاح حال الفيفا,
هذا أو الطوفان |
يا زوله إن شاء الله لمن كاس العالم يبدا ، ما تفرزيني من عمك بوتفليقه إلا بالصلعه !
كان ربنا مد في العمر : سنغني للجزائر و نحتفل بتقدمها في التصفيات و لا عزاء للذين يغيرون فرقهم و مبادئهم كلما قسي عليها الزمن !!!
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
| Quote: الفاتح سفيرنا في اليابان |
وين الدبلوماسية هنا, سفيركم وبكل بساطة ايدك على فصلى من هنا, الدبلوماسية دى نقلوها ولاشنو؟
| Quote: الحقيقه : المقصوده ندي عثمان حسن ، لكن لانو المره الفاتت برد عليها قلت ليها يا أماني : قعدت اعتذر بالزمن لمن ريقي نشف حتي رضيت |
وين البدرى ياجماعة؟
| Quote: لانو هسي ما عندي حيل اعتذر : فالحل إنو أقول إنو المقصوده ندي عثمان حسين بت جيرانا و عندها عضويه هنا !! |
قلت كدة اخير مش؟
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: ندى عثمان حسن)
|
| Quote: وين الدبلوماسية هنا, سفيركم وبكل بساطة ايدك على فصلى من هنا, الدبلوماسية دى نقلوها ولاشنو؟ |
يا ندى بالله في حاجة إسمها " Offensive diplomacy "ودي بتختلف عن الـ " Shuttle diplomacy " والـ "Tradditional diplomacy "
يا امين ياخي تعال بسرعة عشان تشوف باقي لستتك(لوول)
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: الفاتح ميرغني)
|
خلفية ( العام 1987م )
الناس تتجرع الحريات الديمقراطية حتى الثمالة ..
خرشمية حــزب يقدلون فى الساحة ..
الشعبيــة ..(أأأأأأأأأأأأأأأأأأأأأخ ) منها
قاعـدين فى الحجـر ..
تحت حيطة بيت ناس وهبــة ..
وكان الزمان مساءا ..
واحدنـا يحكــى ويعصر ذهنــه بجملة من الافكار
حقــو ( المفردة الافتتاحيــة المعهودة ) قبال مــا (مفردة حقيقة ) تظهر فى السوق
حقـو البوســت الســودانــى ده اى زول فينا يشيلو يمشــى يقعد بيهو فى حجر حلتهم
ويجيب لينـا التوصيات ..
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: بدر الدين اسحاق احمد)
|
قيقا يا نفس الجروف الشايله أحزان الغلابه !! Quote: ياخ اعفوني من الرفد و عيني مساعد ليك و فكي ديقيتل
ياخ في ناس هنا راسا دا كعب بعيد عنك . . دايرين يعزموا ليهم في راسم دا
اها قلت شنو ؟
|
يا سيدي ما بنرفدك إذا ما اختلفت معانا في راي !! و كان ساعدتها بتلج مكسر كده بين الفينه و الأخري برضو ما كعب !!! المشكله انك ما مضمون !!!
ياخي بالجد : ليه هنا الاختلاف في الراي بيؤدي للاختلاف مع الزول في عضمو ، مافي رايو بس ؟! ليه لو زول قال راي سطحي - حسب ما نري مثلا - بنصنف الزول في عضمتو سطحي ما في الراي ده بس !!! و ما بنكتفي بده بس : لابد من أن يشنق و يعلق في مدخل المنبر ؟
Quote: اماني اصلو ما تستثنوها لأي سبب كان . . تمشي . . تمشي . . اماني هوي قيقا بالله
اتخارجي لينا من هنا . . امشي شوفي قرايتك وين ! |
اتفق معاك جزئيا في كلامك ده : أماني تمشي قبل كاس العالم و ممكن تجي بعدو طوالي !!
ياخي أخير لينا أماني من ناس ندي و اميره الشيخ !!!
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: أمين محمد سليمان)
|
بدر يا حبيبنا ، سلام Quote: حقـو البوســت الســودانــى ده اى زول فينا يشيلو يمشــى يقعد بيهو فى حجر حلتهم
ويجيب لينـا التوصيات ..
|
مش كده و بس : البوست ده مفروض يطبع و يدرس ضمن المواد المدرسيه في كل المراحل التعليميه المختلفه و يوزع للناس في الطرقات و المدارس و المستشفيات عل الله يقيل به عثرة وطننا الجريح !!
شكرن يا بدر و أنت تري في بوستنا هذا خارطة طريق لحل مشاكل السودان الشقيق !!
| |
|
|
|
|
|
|
|
|
|
Re: مقترحات لاصلاح حال المنبر : هذا أو الطوفان !! (Re: Amira Elsheikh)
|
| Quote: يا سيدي ما بنرفدك إذا ما اختلفت معانا في راي !! و كان ساعدتها بتلج مكسر كده بين الفينه و الأخري برضو ما كعب !!! المشكله انك ما مضمون !!! |
انت كان بتضمن لي " فادي " و " الكفيل " . . انا ساااااااااهل
ياخ فادي عندو نقاشات بيض بشااااااااكل . . من عينة الببدوها بـ " لما ابقى ( كبير ) قدرك كدا بجيب ليك . . . "
يا بيض لما تبقى قدري انا بكون اتلحست ذاتو . . انا عندي شلل اطفال اصلو ؟! . . بس اقعد راجيك كدا لما تحصلني ؟!
دي نفس النقطة الما واقعة لي حمور معاك في موضوع الادب و الفكر و السغافة!! . . ذااااتا لكن نسوي شنو بس ؟!
Quote:
ياخي بالجد : ليه هنا الاختلاف في الراي بيؤدي للاختلاف مع الزول في عضمو ، مافي رايو بس ؟! ليه لو زول قال راي سطحي - حسب ما نري مثلا - بنصنف الزول في عضمتو سطحي ما في الراي ده بس !!! و ما بنكتفي بده بس : لابد من أن يشنق و يعلق في مدخل المنبر ؟ |
الكلام دا بمشي على الجميع و لا فيها خيار و فقوس ؟
الناس الشانة هجوم على " البورد كلو " . . اقصد على " منال " ديل ما تكلمم برضو ياخ !
مقياس الكتابة الما محرجة كيل و لا وزن و لا بالكورجة ساي ؟ . . و الحرج دا ذاتو ما درجات ؟ . . الكتابة البيض ما محرجة برضو لبقية السكان ( ذوات الاربعة ) ديل برضو ؟ . . الجاب الوصف للسكان هنا دا منال ؟
كامل تضامني مع حق الزميلة منال في الكتابة بالطريقة البتناسبا
----------
الضمان ضمان الله و الرسول . . انا ذاتي ما بضمني
| |
|
|
|
|
|
|
| |
أمين محمد سليمان
ABUHUSSEIN
الفاتح ميرغني
قيقراوي
ندى عثمان حسن
بدر الدين اسحاق احمد
محمد مكى محمد
فيس بوك
تويتر
انستقرام
يوتيوب
بنتيريست