يحي المسيحي .... تأملات في المساله الشيعيه ....!!!!

Quote: سلام يا عمار Quote: متى تاسس الخلاف بين المسلمين ؟ ومن هو الذي وضع اسس الخلاف بين المسلمين ؟ وهل كان هذا الخلاف سنة حسنة ام سنة سيئة ؟ لا أنا لا إنت يا عمار ما كنا موجودين هناك لنحكي متى تاسس الخلاف ومن هو الذي وضع اسسه بين المسلمين ؟ ، الاتنين حا نعتمد علي رواه : حا أعتمد علي رواه ما عندهم مصداقيه عندك ، و ما تظنه إجابات صحيحه للأسئله دي إنت استسقيتها من رواه ما عندهم مصداقيه عندي ، عشان كده أنا مصر إنو حوارنا ده نعتمد فيهو علي القران و المنطق كارضيه مشتركه !! بقدر بس أجاوبك علي السؤال الأخير : (وهل كان هذا الخلاف سنة حسنة ام سنة سيئة ؟) : و الخلاف ما كان سنه أصلا عشان يكون حسنة ام سيئة ، الخلاف كان لانو الناس دي كلها بشر ما كان فيها معصوم ، لكن ده ما بيعني إنو في طرف مؤمن و طرف مشرك لانو الله تعالي بيقول ((وإن طائفتان من المؤمنين اقتتلوا فأصلحوا بينهما )) يعني ممكن - بنص الأيه - مجموعتين من الناس تتقاتل و يموتو ناس و يكونو الطرفين مؤمنين . و بيقول (و نزعنا ما في صدورهم من غل إخوانا على سرر متقابلين) ، شوف (ونزعنا ما في صدورهم من غل ) دي كيف يا عمار : هسي لو يوم القيامه ربنا سبحانه و تعالي نزع ما في صدر سيدنا علي إبن أبي طالب و صدر من قاتلوه من الصحابه : الناس العملو الخلاف ده دين : بيودو وشهم وين منه تعالي ؟ ------------ ما حا أعلق علي اجابتك بتاعت الرده حتي أسمع تعليقك علي اجابتي عشان المواضيع ما تتشعب .