الجمهوريون و( حديث السوفات السبعه ) !!!

Quote: و الله لو قالوا محمود رسول فما كذبوا. انتا يا أمين داير ليك رسالة تانى شنو فوق للابتســــامة من على منصة الاعدام، يا زول دى لا شفناها لا فى الناس و لا فى الريل على قول محمد ميرغنى.يا أمين انتا لو مسلم متمسك بالدين (انا متمسلك بالمنهج المعلمى) فاعلم انو خلاص الدين دا فى مشروع الفكرة الجمهورية التى قدمها الاستاذ محمود، هسه الليلة اليوم العلينا تجد العقلاء من الاسلاميين ينقحون الدين -المفاهيم و الممارسة- على ضوء ما جاءت به الفكرة الجمهورية لكنه لا يجرؤن على قول ذلك صراحة. هسة يا أمين انتا بتواجهه العالم بشنو اذا قالو لك ان دينك: 1 ‫-‬ يبيح الرق و لم يحرمه (حتى الرق موجود اليوم فى بعض الدول الاسلامية منها اليمن و مورتانيا) و هو غير محرم دينياً. القوانيين الانسانية -العلمانية0 هى التى حرمت الرق 2 ‫-‬ دينك لا يحترم المراة، ليسمح للرجل بتزوج اربعة من النساء. 3‫-‬ يأمر المرأة بطاعة زوجها بطريقة تلغى شخصيتها ذاتها، بل و يسمح بضرب المراة و هجرها فى المضجع و الزواج من أخريات. 4‫-‬ الفرق شنو يا امين بين التمتع بما ملكت ايمانك (اى شراء الجوارى) و بين شراء الدعارة من بنات الهوى؟ 5‫-‬ العقوبات الحدية التى يشرعها الدين هل تتناسب باى شكل من الاشكال مع روح الحضارة الانسانية المعاصرة، قطع اليد، قطع الايدى و الارجل من خلاف، بل فى السعودية قبل ايام طلب قاضى من مستشفى اٍجراء جراحة لاعاقة مواطن و التسبب له فى الشلل تنفيذا لامر الشريعة السلفية. غايتو يا أمين قدر ما اشوف معاندة السودانيين و هجومهم الغوغائى على الاستاذ محمود محمد طه أعرف ليك انو هذه البلاد من المستحيل ان ترى النور فى عصر قريب. نحنا شعب مصطّكى اٍصطكاكة عجيبة و عنده قدره خرافية على مقاومة التطوّر و التحديث، بس ثابيتن على ما وجدنا عليها اباؤنا نقبله بتسليم نهائى منقطع النظير و الدنيا دى ما بتطور الا بهدم القديم و البناء فوقه. عرفنا الشيوعية قالوا كفر، الجمهوريين ديل يتكلموا ليهم بالقرأن و الاحاديث و يقدموا صورة و تفسير عقلانى للدين بعد كلوا لم يجدوا غير الانكار و التشنيع، ياخ دى حكاية عجيبة. و الله لو اتبع مسلمى السودان ما جاء به الاستاذ محمود محمد طه و ما قدمه من نموذج للاتساق الفكرى و السلوك الانسانى المهذب الرفيق بالانسان لكانوا اليوم نموذج يحتذى فى العالم، لكن تقول شنو يا أمين ما لهم فى الطيّب نصيب، دعموا الاتجاهات السلفية و الغوغائية فجابت اعاليها اسافلها.