Quote: أول ما انتهيت من قراية البوست حقك دا .. اتحسست راسي طوالي .. .. ياخ كتابتك عميقة ومعبره بتدل على انك متصالح مع (شعــورك) .. التحية للطحنية ولي تيسير عووضة .. التي رمت حجرا في بركة السكون وفتحت الباب على مصراعيه لمناقشة هذه القضية الحساسة.. من ناحية أخرى .. والله انا متضامن معاكم شديد .. لانو قبل كدا جاتني صلعة مؤقته .. (سعلبه) .. تلاتة شهور انا شايف ليك الدنيا دي مسيخــه خلاص .. اي زول اللقاهو حالق يا بيسرح في شعرو .. بخط تحتو مية خط .. قطعت علاقاتي مع اي زول بيعمل (قطعية) .. الهنود والفلبينيين ديل بشتبك ليك معاهم بدون اي سبب المهم طلعت من التجربة دي بي فهم جميل وفلسفة عميقة .. إنو الصلعة دي حاجة اصلو ما كويسة ولذلك .. ما تشبكنا متصالح مع نفسي .. والعلماء وتقوم تصنف لينا أنواع الصلع كمان .. يازول الصلعة دي تجي للعدو عديل كدا .. والله يا امين الواحد كان يتمنى إنو يقول كلام غير دا .. لكن دي النجيضة حقتي .. والموضوع دا ما بجامل فوقو لاني جربتو .. وشفت الفرق بين إنك ما يكون عندك شعر .. وبين عندك شعر تتحكم فوقو وتسرح بي الطريقة البتعجبك
النصيحه لله أنا ما إتصالحت مع (شعوري ) إلا بعد ما دخلت سن الياس !! يعني مجبر أخاك لا بطل !! (الثعلبه ) يا علاء ما صلعه !! الصلعه دي حاجه تانيه جدا و فيها عوامل نفسيه عجيبه : الاحساس البجيك لمن تشوف شعرك بيقع زيو و زي صفق الشجر في الخريف إحساس ت ا ف ه و ج ب ا ن و لا يمت للانسانيه و لا للأحاسيس النبيله بصله : صفق الشجر برجع لكن شعرك ما برجع !! و شعرك يقع من هنا و الجكس ي س ت و س خ ك من هنا !!
-------- يا بكري ياخي ارحمنا من الالتفاف حول برنامجك التعيس ده عشان نشتم !!
07-23-2010, 09:41 PM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
امين صورة بروفايلك شينة..كعبة عديل كدة يا هداك الله ساعدنا بشكل جميل برانا قرفانين من المنبر وصفحته الاولي الصفراء دي العاملة زي لون الطراش ده محبطين طبيعي وانت تحبط فينا اكتر
خت لينا انجلينا جولي.. سلاف فواخرجي..وكان خجلان من صور الجكس خت اندرياس انيستا،ويسلي اشنايدر روبن كلهم مصلعين
خت محمد فتحي ابراهيم (مو) سوداني خطير وصلعته من حلفا واصلة الكويت هسة
_ قرد يا امين في صورة بروفايل؟؟ياخي انت لا عميق لا حاجة..شكلك بتخت دبة كبيرة في السرير وباربي وتنوم..الله يعلك ياخ..
07-23-2010, 11:37 PM
عمر التوم
عمر التوم
تاريخ التسجيل: 08-13-2009
مجموع المشاركات: 418
وكت لسه الرد ما وصلني أسمح لى أتبع المداخلة بالشرح ده للأخ قمر بوبا أنو أستاذنا د. أمين سليمان في بروفيلوا للربع ده ضرب قردين قصدي موضوعين بقرد متماشي مع قصة الصلع ومن ناحية متسق مع ربع القرود لاخونا الحبشي فالفكرة في حد ذاته فيها تجديد وإبتكار أنا شخصيا قاعد أفتش في القوقل لصورة قرد يكون مناسب لبروفيلي ما مصلع زي قرد دكتور امين ممكن بس جلحات
------------------------------- ومساء الجمال على كل الناس هنا في بوسط الصلع
07-25-2010, 00:45 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
قيقا يا ريح الصبا الجايه من زمن لسه !! ترحيب و شوق شديد و إن شاء الله تكون لقيت الأهل و الناس في سوداننا الشقيق بخير و صحه و عافيه !
Quote: بما انكم عدمانين شعر ركزوا في الاخلاق و العلمية و الحاجات الزي دي بالله . . ما يطلع نصيبكم فيها كحظكم مع الشعر . . انا بعمل لي في بحث - ما بتاع دكتوراة و لا حاجتين . . ساي كدا - و بدرس في علاقة الشعر بالشعور . . . و صراحة النتائج ما في صالحكم
عن علاقة الشعر بالشعور : أقول و بالله التوفيق : العلاقه عكسيه : فكلما زاد شعرك قل شعورك !!! الشعور ده خليه لينا نحن الذين طمس الله خلايانا المنبته لشعر الراس : عميقين ، حساسين ، وجاهتنا و ضيائنا بجوه !! المافي شنو يا قيقا ؟!! كونو زول زي قمر بوبا صلعه و سمين و ما تقدر تعاين ليه إلا تقرا المعوذتين ، ما معناتها إنو ما بحس و ما بمنع إنو من جوه وجيه و جاهة الأولاد الما شادين حيلهم الجابتهم أماني في الصفحه الفاتت !!
Quote: اوع خيالك الامار بطوف في اني معاكم . . الا دي . . دي عماكم فيها براكم يا عمك
يا قيقا ياخي عمانا ده ما دايرين فيهو زول معانا ، و صلعاتنا دي نباهي بها الشمس ، و ما شايفين أي زول أحسن مننا و محل الرهيفه التنقد !!!
07-25-2010, 00:52 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
أكون واضح و صريح معاك يا ناصر : أنا ما بحترم ناس الجلحات ديل علي الأطلاق و في نظري أخير منهم الأولاد أبان شعور الما شادين حيلهم ا الجابتهم أماني ديل !!! ياخي قصة الجلحات دي ما نافعه ابدا لانها موقف رمادي و ضبابي و بينم عن نفس مرتبكه و متذبذبه : يا صلعه زوت كده ، يا كمان عندك شعر بادي بعد حواجبينك : باختصار كده :الجلحات موقف ما رجولي ابدا : أسال الله أن يرزقك بصلعه بلاطيه النوع و أن يفرغ عليك معها صبرا لا حدود له !!!
Quote: فالفكرة في حد ذاته فيها تجديد وإبتكار أنا شخصيا قاعد أفتش في القوقل لصورة قرد يكون مناسب لبروفيلي ما مصلع زي قرد دكتور امين ممكن بس جلحات
اللهم اني ابرا اليك من أبان جلحات : انسهم و جنهم ، رجالهم و قرودهم !!
07-25-2010, 01:54 AM
Amjed
Amjed
تاريخ التسجيل: 11-04-2002
مجموع المشاركات: 4430
Quote: امين صورة بروفايلك شينة..كعبة عديل كدة يا هداك الله ساعدنا بشكل جميل برانا قرفانين من المنبر وصفحته الاولي الصفراء دي العاملة زي لون الطراش ده محبطين طبيعي وانت تحبط فينا اكتر
خت لينا انجلينا جولي.. سلاف فواخرجي..وكان خجلان من صور الجكس خت اندرياس انيستا،ويسلي اشنايدر روبن كلهم مصلعين
خت محمد فتحي ابراهيم (مو) سوداني خطير وصلعته من حلفا واصلة الكويت هسة
_ قرد يا امين في صورة بروفايل؟؟ياخي انت لا عميق لا حاجة..شكلك بتخت دبة كبيرة في السرير وباربي وتنوم..الله يعلك ياخ..
ده جدنا الكبير يا قمر !!! الخليفه الفي بروفايلي ده جدي و جدك و جد كل من طمس الله خلاياه المنبته لشعر الراس !!! إنت كنت قاعد وين لمن عمك داروين طلع أصولنا قرديه و جو ناس هشام أدم و شهاب كونان ايدو الكلام ده ؟!! يعني إنت داير جدنا يكون قرد بخلايا شغاله ؟!! كنت دايرنا نشبه الأولاد أبان شعر الجابتهم أماني ؟!! يا قمر ياخي لازم تتصالح مع نفسك و مع صلعتك التي لا حدود لها دي و تبطل الاستلاب و كراهية ذاتك الحاصله ليك دي ياخي !!!
------------ محمد فتحي ابراهيم (مو) لو بدفع أخت صورتو تاتو في صلعتي ذاتها خليه من البروفايل !!!
07-25-2010, 07:15 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: رغم غزارة شعري وكترت اعلن كامل تضامني مع الصلع لان من اطيب من قابلت في حياتي كانوا اصحاب الصلع اوقع
سعيد جدا بتضامنك معانا و البوست أصلا مفتوح للدعم و المؤازره : ظروفنا صعبه و نفسياتنا بطاله جدا لكننا صامدون !!! بعدين لمعلوميتك الصلع لازم يكونو طيبين و فيهم كل صفات الخير المكتسبه ، مجبورين يا حبيبنا ، ما عندنا سكه تانيه !!!
----------- يا علي في إحتمال نكون اخوان و ما عارفين ؟
07-25-2010, 07:25 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
Quote: والله يا نوتة اخشى ما اخشى ان يكون مصيرك مصير احدهم ويدعى ود منصور !!
البدري يذكر أسم ود منصور ولا يذكر قصته ويلعب الباص البيني لحسبو عكاشه الذي هو عم الكاتب المصري الراحل أسامه أنور عكاشه بالسلّبطه ليأتي ألينا حسبو ويروي قصة ود منصور !!!
يا عمو أمين تكتيكات بت الشيخ بقت مكشوفه والفضل يرجع ليك ولي صلعتك الكبيره دي
07-25-2010, 07:55 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
Quote: البدري يذكر أسم ود منصور ولا يذكر قصته ويلعب الباص البيني لحسبو عكاشه الذي هو عم الكاتب المصري الراحل أسامه أنور عكاشه بالسلّبطه ليأتي ألينا حسبو ويروي قصة ود منصور !!!
طبعا يا مورتا انا لي فترة طويلة وعندي شك قوي تسنده معايير وبراهين لا قبل لك بها انو المدعو حسبو عكاشة شخصية من نسج الخيال ..وهو شك اشبه باليقين ..لكن الشي المانعني افتح بوست تحت عنوان (من هو حسبو عكاشة؟) انو انا شغال اليومين ديل في منهج جديد بعيد عن نقة الاي بي والجوطة البيعملوا فيها المتحوسبين ومن شاكلهم ...وهو منهج لو تعلم شديد الاحكام ونتائجه نسبة نجاحها تفوق المائة بالمائة ...عموماانا قربت اوصل لي الزول المنتحل شخصية حسبو عكاشة ..تابعونا..
07-25-2010, 07:40 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: السلام عليكم يا قبيلة (الصلّعاب ). . . . والله يا نوتة اخشى ما اخشى ان يكون مصيرك مصير احدهم ويدعى ود منصور !!
و عليكم السلام و رحمة الله يا أخا الأسلام ... قبل ما نخش في قصة ود منصور ، داير اتاكد إنو خلاياك المنبته لشعر الراس شغاله : أرجو انك ترسل لي صوره حديثه بالاشعه المقطعيه لراسك من كل الجهات و تجيب لي إقرار مشفوع باليمين و شهادة نفرين ممن يعتد بهم و الأيبي أدرسس حقتهم : غير كده يا البدري ما حا يكون في تفاهم من اي نوع معاك !!! الأيبي أدرسس لازم يكونو ستاتيكس ، داينمكس ما بنفعو و لا تتعب روحك !!
07-25-2010, 08:03 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
Quote: داير اتاكد إنو خلاياك المنبته لشعر الراس شغاله : أرجو انك ترسل لي صوره حديثه بالاشعه المقطعيه لراسك من كل الجهات و تجيب لي إقرار مشفوع باليمين و شهادة نفرين ممن يعتد بهم و الأيبي أدرسس حقتهم : غير كده يا البدري ما حا يكون في تفاهم من اي نوع معاك !!! الأيبي أدرسس لازم يكونو ستاتيكس ، داينمكس ما بنفعو و لا تتعب روحك !!
يا نوتة بيني وبينك اخوك منتسب للنادي بتاعكم ليه فترة من الزمان ..وقريبا سيصبح لديه عضوية كاملة ان شاء الله بذلك ..عموما كترة الشعر غير القشرة والتهابات فروة الرأس والمساسقة من حلاق لي حلاق .... الناس بتستفيد منها شنو عليك الله ؟!!
07-25-2010, 08:03 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: طبعا يا مورتا انا لي فترة طويلة وعندي شك قوي تسنده معايير وبراهين لا قبل لك بها انو المدعو حسبو عكاشة شخصية من نسج الخيال ..وهو شك اشبه باليقين ..لكن الشي المانعني افتح بوست تحت عنوان (من هو حسبو عكاشة؟) انو انا شغال اليومين ديل في منهج جديد بعيد عن نقة الاي بي والجوطة البيعملوا فيها المتحوسبين ومن شاكلهم ...وهو منهج لو تعلم شديد الاحكام ونتائجه نسبة نجاحها تفوق المائة بالمائة ...عموماانا قربت اوصل لي الزول المنتحل شخصية حسبو عكاشة ..تابعونا..
متابعه لصيقه وها نحن نجلس القرفصاء بإنتظار بوست كشف الإنتحال الكبير بس عليك دينك ابعد لينا المحقق خضر حسين من بوستك لمن تفتحو الزول دا ليهو 5 يوم عامل فيها مخبر في بوست الإنتحال بتاع بوكرامي وشايل ليهو جريده مخرومه ولابس نضاره سوداء وبراقب في المداخلات والناس وصلنا الصفحه الخمستاشر لا جاب نتيجه لا جاب دليل
يا عمك راجينك تقول الو
07-25-2010, 08:17 AM
البدري عبد الله
البدري عبد الله
تاريخ التسجيل: 07-30-2009
مجموع المشاركات: 1911
هي هي لابورتا و البدري ، شايفكم عاملين لي فيها شهاب كرار !! البوست ده عن الصلع انسلو أمرقو : البدري بصفتك معانا صباحاتها بيض عندنا إن شاء الله تعال لموضوع تقديمك و تعريفك باخوانك الهنا ، لابورتا خلاص اتخارج !!!
07-25-2010, 08:34 AM
مرتضى احمد عبد القادر
مرتضى احمد عبد القادر
تاريخ التسجيل: 12-30-2009
مجموع المشاركات: 2484
Quote: والله يا مورتا زمني دا كلو كنت قايل اخونا الناشط شايل ليهو (قربة مخرومة ) اول مرة اعرف انو القربة دي جريدة !!!
القربه المخرومه ديك ينفخ فيها في نفس البوست يا بدروز ياخ ركز معانا الجريده المخرومه ديك بيعاين من خلالها للأشخاص موضع الإتهام حسب رأيو كمخبر سري في ذاك البوست
يا بدروز شايف حيلتك بتاعة أنك عندك صلعه صغيرونه انطلت على عمو أمين ياعمو وحاة مدينه أم أحمد البدري دا غير حواجب وشنب ما عندو شعره في راسو قال قريبا سيصبح لدي عضويه كامله ،، يعني متين لمن حواجبينك وشنبك يتحتو
عالم كلها ضلع أقصد صلع طبعا جات ضاضد بدل صاد لانو شعري بيقع لي قدام عيوني فما بشوف الكيبورد كويس
07-25-2010, 08:37 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: يا بدروز شايف حيلتك بتاعة أنك عندك صلعه صغيرونه انطلت على عمو أمين ياعمو وحاة مدينه أم أحمد البدري دا غير حواجب وشنب ما عندو شعره في راسو قال قريبا سيصبح لدي عضويه كامله ،، يعني متين لمن حواجبينك وشنبك يتحتو
قاتل الله الاستلاب و كراهية الذات يا لابورتا ، لكن إن شاء الله أعالجو ليك زي ما عالجت قمر الحقد الأصلع !!!
07-25-2010, 03:38 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
يعجبني فيك يا دكترة تصالحك مع ذاتك ( المصلعة ) و واقعيتك - امانة ما وقعة ما سوداء هي لكن !؟ ، تلقاكم تحلموا بالشعر حلم - اهو كدا بقيت تتنبأ كويس :
Quote: بعدين لمعلوميتك الصلع لازم يكونو طيبين و فيهم كل صفات الخير المكتسبه ، مجبورين يا حبيبنا ، ما عندنا سكه تانيه !!!
نحن قبيل شن قلنا
اسمع يا دكترة : اوع يكون زي نوع ( الصلعة الحقارة )* الظاهرة على مؤخرة راس البوردابي الجداوي ( اساسي ) دي محسوبة برضو !؟ حليلو قبلو طيب كان الاجابة آآآآآآآي !! . . ما بالسمنة ؤ كدا . . آآآآآآآآآيه يا حليلنا فيها !!
---------
يا دكترة انت صدقت انو البدري حيث لا بدر هناك منتسب سااااااااااي !؟ يا زول !؟ لومك علي كان ما نصبتوه قائد و أب روحي للصلعان ببلاد السودان و وما وراء مجاهل افريقيا شوف عين . . و المثل بقول " و ليس من رأى كمن سمع . . او جابوهو ليهو " اها يا بدري تجي و لا نجي ؟ توجد صور و آي بي و فحص حمض نووي . . النشوف آخر منهجك البتشكر لينا في راكوبتو قبل ما نشوفو دا حدو وين ؟
07-25-2010, 03:44 PM
saadeldin abdelrahman
saadeldin abdelrahman
تاريخ التسجيل: 09-03-2004
مجموع المشاركات: 8857
الناس في شنو و سعد الدين في شنو !؟ ياخ خليك عميغ ياخ ! . . ما تعاين لاساسي (المتجلي ) . . عاين للاساساً ( مجلي ) القدامو دا الموضوع خطير يا سعد اخوي . . موضوع نكون او لا نكون . . فركز معانا ياخ
---------
سلامات يا زول يا زين
07-26-2010, 02:44 AM
محمد عثمان ابراهيم
محمد عثمان ابراهيم
تاريخ التسجيل: 03-14-2007
مجموع المشاركات: 1321
يا أمين عندي مزاج أفتح لي بوست بعنوان: صلعة أمين محمد سليمان لأنو عندي معلومات إنو ما عندك صلعة ولا أي حاجة وإنك منتحل بس. أرسلت الآي بي بتاعك للفحص حتى أحصل على الأكيدة. صحيح إنت صاحبي لكن ما أقدر أسمح ليك إنك تنتحل شخصية اصلع وإنت ما أصلع ... _________________ هذا بالإضافة إلى إنو إنت ما عندك دكتوراة ولا ناشط في حقوق الإنسان ذاتو
07-26-2010, 02:52 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: عندي معلومات إنو ما عندك صلعة ولا أي حاجة وإنك منتحل بس. أرسلت الآي بي بتاعك للفحص حتى أحصل على الأكيدة. صحيح إنت صاحبي لكن ما أقدر أسمح ليك إنك تنتحل شخصية اصلع وإنت ما أصلع ... _________________
والله يا ريت يا محمد عثماننا : صلعتي دي شرف أدعيه و تهمه لا استطيع انكارها !!
Quote: هذا بالإضافة إلى إنو إنت ما عندك دكتوراة ولا ناشط في حقوق الإنسان ذاتو
دي دونها خرط القتاد !!! دكتوراتي دي نوقشت في المنبر ده و أي تشكيك فيها معناتو تشكيك في الالاف الشاركت و ناقشت دي و قد تجبرك لاعتذار !!! و نشاطي في حقوق الأنسان لا ينكره إلا مكابر !!
--------- يا محمد عثماننا ياخي ما عندك معلومه - كان بالحق كان بالباطل - تدين الحبشي : الناس دي بقت desprate
07-26-2010, 03:05 AM
محمد عثمان ابراهيم
محمد عثمان ابراهيم
تاريخ التسجيل: 03-14-2007
مجموع المشاركات: 1321
Quote: يا محمد عثماننا ياخي ما عندك معلومه - كان بالحق كان بالباطل - تدين الحبشي : الناس دي بقت desprate
يا زول أي حاجة ولا كلام الإيبيهات دة.. ياخي أنا بحسن نية عملت لي مداخلة هناك قام إتعلق ليك في رقبتي واحد وسألني إنت من وين؟ ووين كنت الساعة 8:15 يوم 17 شعبان 1427؟ وهل في حلتكم في أي زول عندو موبايل ألكاتيل؟ وهل تفكر في زيارة إيسلندا؟ قمت يا حبيب خميت مداخلتي كلها بلا تحريات بلا وجع راس ..(وجوه ضاحكة)
07-28-2010, 01:17 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: اوع يكون زي نوع ( الصلعة الحقارة )* الظاهرة على مؤخرة راس البوردابي الجداوي ( اساسي ) دي محسوبة برضو !؟ حليلو قبلو طيب كان الاجابة آآآآآآآي !! . . ما بالسمنة ؤ كدا . . آآآآآآآآآيه يا حليلنا فيها !!
يا قيقا ياخي صلعه يعني مافي شعر ، يعني الراس بفوق بكون زيو و زي سيراميك الحمام : قدر ما عاينت في الصوره عشان أشوف لي صلعه ما لقيت !!!
Quote: لومك علي كان ما نصبتوه قائد و أب روحي للصلعان ببلاد السودان و وما وراء مجاهل افريقيا شوف عين . . و المثل بقول " و ليس من رأى كمن سمع . . او جابوهو ليهو " اها يا بدري تجي و لا نجي ؟ توجد صور و آي بي و فحص حمض نووي . . النشوف آخر منهجك البتشكر لينا في راكوبتو قبل ما نشوفو دا حدو وين ؟
ياخي سالتك بالذي سواك تنزل صورة البدري ده !! علي الأقل نثبت للناس دي إنو شخصيه حقيقيه !!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة