|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: Kamal Karrar)
|
واحد بيدرس بيطرة عندو ورقة امتحان كسر ليها كسر مزبوط ما خلي حاجه ما زبطها لقي ورقة الامتحان عبارة عن صور أرجل طيور وعليها سؤال حدد نوع الطيور من ارجُلها ؟؟؟؟؟ قدر ما فكر وفكر ما لقي حاجه يجاوب بيها في النهاية قرر يسلم الورقة فاضية حتي اسمو ما كتبو سلم الاستاذ الورقة وقال ليه: انت اسخف استاذ في الكلية والمادة بتاعتك سخيفه زيك الاستاذ: اعتبر نفسك راسب يا بني فجاة الاستاذ انتبه انو الاسم في الورقة مافي ياولد تعال هنا اسمك منو انت ؟ الطالب رفع ليهو البنطلون ووراه رجُلينو وقال ليهو : عامل فيها شفت اها اعرفني
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: احمد محمد بشير)
|
سلامي للجميع وعلى رغم بساطته إلا أن هذا البوست جميل ودمو خفيف وبتفق مع ود الصائم والبقية في إنو أنا ما شايف تموت تخلي هنا وبكري دة أكثر واحد مفروض ما يفضحنا في التموت تخلي دة لأنو ود حلتنا وعارف التموت تخلي بصنعوا من شنو وأكياس الخضار بصنعوها من شنو وزي ما قال المصرييين غلطة الشاطر بألف .. دي ما حنفوته لبكري لانو التموت تخلي دة عملاق لا يمكن نسيانه ... على العموم نمشي لي قدام زي ما قالو الجماعة وأنا أقول انو الشخص دة زي ما قلتوا هو الأستاذ سالم أحمد سالم لأكثر من سبب الأول : التأكد التام من شخصية اسماعيل حسن والثاني الرد القوي والمقنع الذي رد به على تحويل مسار البوست ولو بإشارات عفوية غير مقصودة ودي تأكد معرفتوا التامة بكل شخصية في هذه الصورة ... وأتفق تماما مع الأستاذ سالم أحمد سالم بأن التعليقات مهما كانت يجب أن تكون منضبطة من أي طرف كان المستفز ( بكسر الفاء) والمستفز ( بضم الفاء) ... يعني نحن ناس مزاج عايزين نخش سودانيز أونلاين نفرح ونعبر عن ذاتنا بلطف مهما كانت الظروف ... ولسة السؤال قائم ... وين التموت تخلي ... ربما يكون يا بكري تطور إلى هذا النعال الشايفو والله يابكري عاينت للصورة دي من غير نظارة نظر واتلخبطت عليك الشباطة ....
تحياتي للجميع ... وأخص الأديب الأريب عبد الله الشقليني وأخص كذلك صاحب الأسئلة المنطقية ود الصائم ... وتحياتي بدون فرز بعد الفرز الفات دة لكل المتداخلين ...
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: سالم أحمد سالم)
|
Quote: أها يا هدير - ود الصايم هل هو نفس الزول الفي صورة بكري؟
إن شا الله نكون ساعدنكم وما عقّدناها عليكم زياده .. على بال ما يجي المهندس بكري
|
هههه ياهو زااااتو !
لا خلاص ثبت شرعآ إنو البوردابي الفي الصورة هو انت بعدين الباشمهندس بكري زمااان أدانا نص النجيضة وخلى الباقي عليك
ود الصايم يا شغيغ .. المولد خلاص إنفضا إلا إذا حا تعلق من جديد في التموت تخلي
______________
أستاذ عبدالله الشقليني طلعت براءة وشكرآ على الدعم والمساندة ولا عدمناك!
كما ولا يفوتنا أن نشكر الريس بكري على البوست الجميل !
_
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: yasir tamtam)
|
الأستاذ ود الصايم تصوم الشهر وتفطر على عيد سعيد
Quote: أها النجيضة: في الصورة الأستاذ إسماعيل حسن والأستاذ سالم أحمد سالم
|
وجاء من بعدك ا|لأستاذ ياسر تمتام بالقول الفصل:
Quote: والله على حسب علمي أبو خنفس دا عبداللطيف خضر( ودالحاوي ) مع شاعرنا الجميل إسماعيل حسن في بداية السبعينيات |
شن قولك؟
أما موضوع تموت تخلي فسوف أفتيك فيه بع الفطور .. أصلو صيامنا في باريس 17 ساعه !!
ويا هدير إيه رأيك في كلام الاستاذ ياسر تمتام؟ تمام؟ المهم لسه المفاجأة في الطريق .. بس سجلي حضور!
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: سالم أحمد سالم)
|
تحيات
دي بالظبط المداخلة رقم 10000 (عشره ألف) في هذا الخيط .. لوتري يا ود الصايم مع اني غير محتاج للوتري .. خواجه عديل !
ود الصايم وفردته هدير .. لو جيتو بلغتو هنا عندي "ليكما" هديتين للتاريخ .. زائدا التموت تخليها .. أو التموت تخليك لود الصايم .. ولو ما جيتو حنغير راينا ..
انا عارف هدير ما عاوزه تظهر لسببين السبب الأول عاوزه تحافظ على حكاية انو انا صاحب الصورة حتى ما تدخل في نشاف ريق جديد .. والسبب الثاني هي عارفاهو وانا متخيلو .. معليش يا زلمي .. الحكايه مش هيك!
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: سالم أحمد سالم)
|
Quote: ود الصايم وفردته هدير .. لو جيتو بلغتو هنا عندي "ليكما" هديتين للتاريخ .. زائدا التموت تخليها .. أو التموت تخليك لود الصايم .. ولو ما جيتو حنغير راينا ..
|
جينا جينا يا أستاذ ! بس المرة دي ما تغيب إنت لمن نسوق البوست للربع القادم!
Quote: انا عارف هدير ما عاوزه تظهر لسببين السبب الأول عاوزه تحافظ على حكاية انو انا صاحب الصورة حتى ما تدخل في نشاف ريق جديد .. والسبب الثاني هي عارفاهو وانا متخيلو .. معليش يا زلمي .. الحكايه مش هيك! |
_
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: Hadeer Alzain)
|
جلوس من الشمال لليمين: اسماعيل حسن، سالم أحمد سالم وقوف من الشمال لليمين: أحلام كبرى ابناء اسماعيل، بنت قريبة اسماعيل لا أعرف اسمها السيده أمنه النوحي موظفة في قاعة الصداقة، أماني اسماعيل حسن، أقصى اليمين التي تبتسم وهي تستمع لكلامي لن أذكر اسمها الآن سأذكره لاحقا .. في تفصيل شديد... والعارف يسكت ..!
الصورة التقطت في قاعة الصداقة أثناء معرض الزهور السنوي .. فقد كنت من مدمني معرض الزهور منذ طفولتي ..
ود الصايم قبل ما اوريك التموت تخليها ... سين سؤال: أين الدكتور منصور خالد في هذه الصورة؟ السؤال للجميع ... برضو العارف يسكت
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: سالم أحمد سالم)
|
بما انكم ما عرفتو وين الدكتور منصور خالد في الصوره، حنقوم يعملية تغيير حتى ننزل الموضوع الهام المرتبط بهذه الصورة .. حتى لا يحدث تضارب!
يالمناسة الشاعر زمرواي تعرف على شخصي الكريم في الصورة، ليس يالشبه ولكن بفرضية معرفته بالصداقة مع الشاعر الراحل اسماعيل حسن
والأخ الذي قال انها الصورة للاعب كرة لم يجانبه الوفيق تماما فقد كان هنالك لاعب كرة مشهور بخلط الناس بيني وبينه حتى اليوم سأعود لذلك ..
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: سالم أحمد سالم)
|
كمال عبد الوهاب وأنا ..
اللاعب هو كمال عبد الوهاب لاعب فريق المريخ آنذاك .. كلما كنت أمر في السوق وشوارع العاصمه كنت اسمع الناس يتهامسون .. ده كمال عبد الوهاب .. لا ما كمال ..! وفي مرات عديده كان يتم الترحيب بي: أهلا كابتن كمال ..!! وفي كثير من الحالات تفشل كل محاولاتي للنفي ..
فاوه شوكت الصحافية الزميلة الصديقة في دار الايام كنت آخذها بانتظام بسيارتي من الجريده إلى منزل أسرتها في اللاماب جنوب الخرطوم .. وفي مرة تعطلت سيارتي فركبنا المواصلات العامه .. نزلنا عند شارع الشجره الرئيسي ومشينا في اتجاه منزل أسرتها ... انتبهنا فجأة أن "سيرة" من الصبية تسير إلى جوارنا وخلفنا! وقفت وقلت لهم: أهلا يا شياب .. فبدأوا يصافحونني بحرارة وهم يقولون كمال عبد الوهاب .. كمال عبد الوهاب ..!! قالت لهم فايزه: ده مش كمال عبد الوهاب .. قلت لها: ما حينفع وما حيقتنعوا .. خليهم طالما انهم فرحانين !! وفي طريق عودتي إلى الشارع كانت السيه أكبر ..!!
والأعجب أنني عند زيارتي العام الماضي للخرطوم ذهبت لسوق أمدرمان لشراء بعض الهدايا .. وفي أحد المحلات قال لي البائع الشاب: أهلا يا كبتن .. نحن هلالاب لاكين بنشجع اللعبه الحلوه ... هذا الشاب يالتأكيد لم يحضر زمن كمال عبد الوهاب .. لكن تأمل كيف تحفظ ذاكرة الشعب المبدعين .. وحليل زمنك يا كمال ..
لا أملك صورة للاعب كمال عبد الوهاب .. كنت نزلتها ..
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: Mohammed Kaddam)
|
Quote: بالله شوف كيف هذا البلد الجميل رغم سعته لم يتسع لإبنائه فتشتتوا الأهل والأحباب في أرجاء المعمورة بفعل سوء السياسة وسوء التخطيط وسوء الإدارة.
|
الأخ حبيب بلدو
تعيدوننا دوما إلى هذا الزمن الجميل المكنون فينا وفيكم زمن جميل عائش يمشي بين الناس ولو أنه تاه مثل طفل تاه أثناء غارة حربية ..
نعم هي الحقيقة التي قلت .. بلد متسع وجميل .. يسعنا ويسع أضعافنا عددا وقدرة .. النفوس الضيقة هي التي ضيقته على أهله ..
يجب أن نتفاءل وأن نعمل لنجعل التفاؤل في محله الممكن
تحياتي
سالم أحمد سالم
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: سالم أحمد سالم)
|
الأخ العزيز محمد عبدالقادر محمد كدام
متهك الله انت كمان بالصحة والعافية
أشكرك على مقاربة الصورتين .. تعليقي هو: الزول ما بعرف شبهو .. وبما أن الناس كانوا يجدون شبها بيني وكمال عبد الوهاب وعبد اللطيف خضر يبقى ود الحاوي بيشيه كمال عبد الوهاب !! وكلاهما يشابه لآخرين .. وكده يطلع السودان كله شبه بعض .. !!
أذكر أن سفير الصين في السودان دعانا للعشاء وفي أثناء الحديث سالنا عن ملاحظات الشعب السوداني عن الصين والصينيين وطبعا لم يكن في نيتي أن أجيب على سؤاله فقلت له السودانيون يرون أن الصينيين متشابهون !! ضحك السفير طوبلا وقال لي: نحن أيضا نرى السودانيين شبه بعض وأحيانا لا نميز بينكم !
التموت تخلي في الطريق ..
تحياتي
| |
|
|
|
|
|
|
Re: صورة نادرة من الزمن الجميل لزولة تلبس " تموت تخلى" يا ربى الناس ديل منو؟ (Re: سالم أحمد سالم)
|
هدير وود الصايم
طالبكم تهنئة بالعيد أو ردتهنئاتي لكم وللجميع بالعيد !
المفاجأة التي وعدت بها هي رواية كاملة من 15 فصل انتهيت من كتابة مسوداتها قبل 3 سنوات ولم أنشرها بعد .. علاقة الرواية أن شخصياتها حقيقية .. وبعضهم في الصورة محور البوست ! تحكي الرواية عن أحداث حقيقية عاطفية وسياسية حدثت أنذاك .. اسم الرواية "تريدين أن أعترف ؟ نعم فقد كنت أحبها" ..
هديتي لكما ولجميع من تابعوا هذا الخيط هي أنني سوف أنشر الفصل ألأول في هذا الرابط على أجزاء .. مش الرواية كلها ! ويا هدير وودالصايم أظهرا ولا تظاهرا ..
| |
|
|
|
|
|
|
| |