|
ياكـــروجــــــــــــــــر خلي بالك من ديل ...تاني الحبة ما بتجينا ...( صور)
|
مايقولوا ليك كبر وعجز ... باص واحد منو بودينا التوج ويوديك المانيا بلاعودة
ده ماتشوف مسكنتو دي اتخيل ممكن الهلال ده كلو يكون كعب ومزنوق الافة ده برأسية واحدة يفك الزنقة
ح يقولوا ليك ميتان ولعبو ناعم ... يمين ده كتال كلاب عديل كده تغفل منو اهاااا دربك اخضر يامطار الخرطوم جاك زول
اقعد راقب لي ناس سادومبا وحصين السبق ديل وانسي الشافع ده ... اهاااا كان ماخلي خشمك وخشمنا ملح ملح اضحك علي
|
|
|
|
|
|
|
|
Re: ياكـــروجــــــــــــــــر خلي بالك من ديل ...تاني الحبة ما بتجينا ...( صور) (Re: خالد عبد الله محمود)
|
Quote: طبعا عادي ممكن هلالابي يقعد في السايد بتاع الصفوة .. |
يا جنابو أهداء، ما للدرجة دي. ذكرتني مرّة خشينا مباراة المريخ والزهرة، وقعدنا في مساطب المريخ. معانا وآحد هلالآبي النوع المابيعرف يمسك خشمو دآك. قبل المباراة وقف وقال لناس المريخ: اسمعوا يا جماعة، انا والله ما بقدر امسك خشمي وحا اشجع الزهرة، بعدين انا ما بتاع مشاكل ما فيكم واحد يقعد يضارب. الراجل فضل يشجع في الزهرة، والجماعة موجوعين منو وجع شديد جداً. قام توفيق بتاع الزهرة هجم هجوم خِشِن جداً علي ابراهيم عطا. بس قام واحد مريخابي، وبإنفعال شديد كورك لتوفيق: يا اخ حرآم عليك ده ود العطا. صاحبنا الهلالآبي طوالي راح قايل ليهو: ود العطا يعني شامي كابور. المريخابي طوالي راح شاختو ليك في وشو شختة الحقارة ديييك، وقال ليهو: يا ثقيل، إنت من زمن شامي كابور. قوم من هنا. الهلالآبي قال ليهو: اهاااااا، انا من الأوّل ما قلت أنا ما بتاع مشاكل...
| |
|
|
|
|
|
|
Re: ياكـــروجــــــــــــــــر خلي بالك من ديل ...تاني الحبة ما بتجينا ...( صور) (Re: omer osman)
|
عمر عثمان .... علي الرغم من مرارة الهزيمة من ذاك وطعم الفوز لهذا ....... ومناكفات هلالية مريخة .. وضجة القري والحضر بدريبي امدرمان ... وحردان العشاء .. وشليت الواطة .. وكترة المنابيز .. وصبارة الموية البلموها مرتين .. والزعل التكنولجي (قفيل الموبيلات)والخستكات عبر الوسائط والاسافير ثم مرورا بالفيس بوك و سيد الاسم (منبرنا العامر بزيارتكم )و شريط التمرير بالقنوات التلفزيونية والرسائل (اياها) وكل الحمي والهترشات المصاحبة .... وحديث المدينة .. والكرة (الدقة في العراضة والتسلل وخيانة الحكم) وكل ما لذ وطاب من مشهيات مناشتيات الصحف واعمدتها وكتابها ...... وووووووووووووووووووووو
بعضهم يحاول ان يجعل هذه البانورما الكروية ماسخة وباهته ..... منهم لله
علي العموم (انت وصي اللورد كرومر عفوا كروجر)
ونحن نهمس في اذنك ... خلي بالك من اعصابك من الدقيقة صفر لحدي ما يبدا الجديع وثورة ( الكريستال)
بوست ممتع للطرفيين (اليمن والشمال للهلال)......
| |
|
|
|
|
|
|
Re: ياكـــروجــــــــــــــــر خلي بالك من ديل ...تاني الحبة ما بتجينا ...( صور) (Re: omer osman)
|
تحية الي قريبي عمر...وكتين كلها نسويها مراقبة للخصم اين خطتنا النافذة الناجعة ...امتلاك نصف الملعب هو الاساس...لاعب المحور هيثم مرابط يجب ان يكون ضمن التشكيلة لان المنافذ التي يتركها توهان الشغيل(الذي لا اري اشراكه) يصعب معالجتها...ظهيري الجنب عليهما الحذر والانطلاق المتوازن في حالة ارتداد الخصم... سفاري يحتاج الي قلب دفاع اخر الي جواره يمتاز بالسرعة ودونك السعودي ومستواه المتطور لكن يجب شحنه نفسيا لتهيبه في بعض الاحيان.. النفطي مطلوب ومرغوب وتعاونه وتبادله المراكز مع المهاجم بجواره يصنع الكثير من الفرص...
كيف تري التشكيلة المثالية بالاضافة الي العناصر التي ذكرتها....طبعا يحاول الخصم عن طريق صحافته الرياضية الغير رياضية قتل المعنويات وتسميم الجو الرياضي بالهتر الهاتر لذلك يبدو الاعداد النفسي مطلبا ضروريا...
لك الاحترام
| |
|
|
|
|
|
|
Re: ياكـــروجــــــــــــــــر خلي بالك من ديل ...تاني الحبة ما بتجينا ...( صور) (Re: محمد الكامل عبد الحليم)
|
Quote: توهان الشغيل(الذي لا اري اشراكه) يصعب معالجتها |
لم يتطور مطلقاً وكثيراً مايشكل مصدر خطر داهم على المريخ .......
Quote: سفاري يحتاج الي قلب دفاع اخر الي جواره يمتاز بالسرعة |
القلوب شواهد ياقريبي ..... مهاجمي الهلال جميعهم يمتازون بالسرعة
Quote: كيف تري التشكيلة المثالية بالاضافة الي العناصر التي ذكرتها |
وجود طمبل منذ البداية مهم ...... لازم العجب يدخل الشوط التاني على الاقل
للاثنين تأثير نفسي قوي على لعيبة الهلال ومشجعيه ...
| |
|
|
|
|
|
|
|