جوهر صدر المحافل ياجوهر صدر المحافل روحي معاك اتلطفيلها مالدور الفي حليه رافل في حكمك لقلوبنا قافل كالظبي الفي مقيله غافل تارة يميل والتانية جافل وجه ينور والبدر آفل فوق للبدر يزيد نفيله
ليك جوز عين نعسان وكاحل زي وجدي اللي جسمي ناحل بحر الشوق ماليه ساحل بنسب نوحي علي البلابل وانتي القمره بتنسبيله
الغصن البتنى مايل طيره ينوح بي غصنه مايل أهوى نسيم لي فكري شاتل الأسد الفي القيد يناتل يتأكد ماليه كاتل غير مكحول ظبي النتيله
المرنوع بي كنفه هادل درعه يميل بي خصره جادل أنا نايم والليل سادل شرط الحاكم يبقى عادل مايمنع طيفك يغازل أنا في الحب لي روحي بازل داخل قلبي ليك منازل يا لايم لاتبقى هازل هل عاشق يسمع لعادل خلي نصيحتك عني زيله
يوقد شوقي ودمعي هامل جمر الحب لي جسمي شاعل كيف لا تشعل في مشاعل لو الدهر بي حالي جاهل في الأنجم أسأل سهيلة
أنا في الريد مالقيت وسائل غير بث النسمات وسايل أغرب شي وعجبنا سايل حلم الصاحي ودمعه سايل لو شكيت في أمري سائل البدري كونك مثيله
يوقد شوقي ودمعي هامل جمر الحب لي جسمي شاعل ضاق بي الكون مع إنه ماهل دمي يخضب للأنامل هل يرضيك كدا ياجميله هل يرضيك كدا ياجميله هل يرضيك كدا ياجميله
11-09-2010, 06:00 PM
omer osman
omer osman
تاريخ التسجيل: 06-09-2007
مجموع المشاركات: 15218
معظم اغانى ابوصلاح يسكب فيها عبراته وتغرقها الدموع وأغنية جوهر صدر المحافل من هذه الاغانى ...وهى أغنية مشهورة وخالدة عاشت في الوجدان لسهولة وجمال مفرداتها وصدق معانيها و لحنها الرائع...والأغنية يصف فيها ابوصلاح الملهمة وهى في ساحة الرقص أو الحفلة وجعلها جوهرة هذه الحفلة وتوسل إليها أن تتلطف بروحه التي سلبتها منه ولقد سكب فيها ابو صلاح الكثير من الدموع خاصة فى المقاطع الثلاثة الاخيرة...
يوقد جمري ودمعي باهل .............كيف نار تشعل في مناهل ضاق بى الكون مع انه ماهل........نومي تصعب ووجدي ساهل لو بى حالة سهري جاهل ..........دى الأنجم فأسال سهيلا
إنها وصف بديع لحالة العاشق وهو يتلظى في جمر الحب ويتقلب في نار الهوى وهى تشتعل وتستعر في دواخله وهو يتألم ويتوجع وتنهمر دموعه لذلك .....وكيف أن هذه الدنيا الواسعة صارت للشاعر ضيقة كخرم الإبرة بعد أن فارقه النوم وصادقه الوجد ويطلب من الملهمة أن كانت جاهلة بحاله فعليها بالأنجم لتسألها عن سهره ووجده وعذابه..
لي طيفك ما لقيت وسائل..................غير بسط النسمات رسائل اغرب شئ وأعجب مسائل................حلم الصاحي ودمعه سائل لو شكيت في امرى سائل................البدرين كونك مثيلا
وهنا أبو صلاح لم يجد وسيلة للتواصل مع الطيف إلا النسمات ليحملها الرسائل ويقول إن الشئ العجيب والغريب هو الحلم دون نوم ونزول الدموع مع هذه الأحلام .....وأيضا يطلب منها التأكد من حالته بسؤال البدرين لأنه يشبههما.
زايد شوقي ودمعي باهل..........جمر الحب لي جسمي شامل حتى الطيف لي لا يجامل............مع كلا ما كنت آمل دمى تحنن بى الأنامل............وهل يرضيك كده ياجميله
هنا يتحدث عن ازدياد شوقه وانسكاب دموعه وان جمر الحب قد حرق كل جسمه وحتى الطيف لم يجامله ولم يزوره ..وان دماءه قد خضبت أصابعه فهل هذا يرضيك أيتها الجميلة ..
وأغنية صدر المحافل تتكون من عشرة مقاطع كل مقطع يتكون من ستة شطرات كل مقطع له قافية مختلفة ملتزمة.... مع الالتزام بقافية موحدة في الشطرة السادسة ...الأغنية من الحان كروان السودان كرومه ولقد سجلها بنفسه على الاسطوانات بينما سجلها للإذاعة أولاد شمبات كما تغنى بها بادي محمد الطيب في مهرجان الثقافة الأول في ليلة كرومه وهذا التسجيل موجود بالتلفزيون كما تغنى بها الفنان مبارك حسن بركات...
يا عمر صديقي دكتور محمد الامين حايكون معاكم فى السودان فى اجازة قصيرة .. لو ما اشتريت الاصطوانة دى واديتا ليه يجيبا لى معاه بجى السودان بفتح ليك بلاغ تحت المادة 20461 التعذيب باهمال..
رسل لى تلفونك فى الماسنجر يا حبيب.. وما تتقاتت
11-09-2010, 07:12 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: يا عمر صديقي دكتور محمد الامين حايكون معاكم فى السودان فى اجازة قصيرة .. لو ما اشتريت الاصطوانة دى واديتا ليه يجيبا لى معاه بجى السودان بفتح ليك بلاغ تحت المادة 20461 التعذيب باهمال..
رسل لى تلفونك فى الماسنجر يا حبيب.. وما تتقاتت
حاضر ياسعادتك ......
رغم انو الاغنية دي في شريط نانسي ما اظنها في .....
لكن مافي مشكلة ياسعادتك بسيطة نخليها تعمل شريط تاني ....
اى تعليمات اخري ........
11-09-2010, 07:21 PM
علاء الدين يوسف علي محمد
علاء الدين يوسف علي محمد
تاريخ التسجيل: 06-28-2007
مجموع المشاركات: 19580
يا جنابو مرّة واحد في المِنْبر دة لقاني كاتب لي حرف جر زي "في" حقّتك دي الفي العُنوان دي و البعدها ما عارف كان مفتوح أو مضموم قال لي دي تجُرّك و تجُرْ قبيلتك كُلّها قُمت قُلت ليهو يجُرُّوك من بلابيطك قام زِعِلْ إتخيّلْ
ـــــــــ مشتاقون والله
11-09-2010, 07:52 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: يا جنابو مرّة واحد في المِنْبر دة لقاني كاتب لي حرف جر زي "في" حقّتك دي الفي العُنوان دي و البعدها ما عارف كان مفتوح أو مضموم قال لي دي تجُرّك و تجُرْ قبيلتك كُلّها قُمت قُلت ليهو يجُرُّوك من بلابيطك قام زِعِلْ إتخيّلْ
ـــــــــ مشتاقون والله
اووووووووو علاءالدين يوسف الليلة دي استراحة محارب عديل كده الدخلتك بوست اغاني
طبعا اخوك علاقتو بالعربي المشكل ده زي علاقة ابراهيم الرشيد بالطب (مش ياها الونسة البسمعه من المدام)
والله كويس , آخر راحات وكمان فيها رسلى اسطوانة ورسلى سى دى , من هنا ولى قدام ولحين صدور تعليمات اخرى فمسموح لكم بالسماع لاولاد شمبات وميرغنى المأمون واحمد حسنين جمعة ولحدى عوض الجاك واولاد الموردة مقبولة , قال نانسى عجاج قال والله ياهو الفضل , تعرف يا على وعمر , نحن طلبة فى الكلية فى واحد دفعتنا أهلوا آهدوا ليهو أغنية فى برنامج ما يطلبه المستمعون , ولسوء الحظ كان بعض الضباط المشرفين على دفعتنا فى استعداد بالكلية وسمعوا حكاية اهداء الاغنية , وكيلكم الله نحن يومين ما شمينا عافية , اما ذلك الزميل بتاع الاغنية , أظنو كلما يسمع تلك الاغنية تجيهو حالة .
11-09-2010, 08:14 PM
omer osman
omer osman
تاريخ التسجيل: 06-09-2007
مجموع المشاركات: 15218
Quote: تعرف يا على وعمر , نحن طلبة فى الكلية فى واحد دفعتنا أهلوا آهدوا ليهو أغنية فى برنامج ما يطلبه المستمعون , ولسوء الحظ كان بعض الضباط المشرفين على دفعتنا فى استعداد بالكلية وسمعوا حكاية اهداء الاغنية , وكيلكم الله نحن يومين ما شمينا عافية , اما ذلك الزميل بتاع الاغنية , أظنو كلما يسمع تلك الاغنية تجيهو حالة .
والله اهلو اتلومو معاهو شديد ....
طبعا الواحد متخيل كمية النظريات الاطبقت فيه وفيكم بسبب الاغنية دي ...
11-09-2010, 09:59 PM
عبدالمجيد المقابل
عبدالمجيد المقابل
تاريخ التسجيل: 02-01-2010
مجموع المشاركات: 1099
تعرف ياعمر الكلام ده بنطبق على منو? على اخوانا الرشاشات ,,,, السماء: هى كأس الكنفدرالية بدت لنا: اى شافوا ان تخطيهم للصفاقصى مسألة وقت. إستعصمت بالبعد عنا: بعدت وانقطعت الآمال فيها بذهابها الى فاس الما وراها ناس اى استعصمت باستئثار الفتح بها.
11-10-2010, 06:04 AM
omer osman
omer osman
تاريخ التسجيل: 06-09-2007
مجموع المشاركات: 15218
Quote: تعرف ياعمر الكلام ده بنطبق على منو? على اخوانا الرشاشات ,,,, السماء: هى كأس الكنفدرالية بدت لنا: اى شافوا ان تخطيهم للصفاقصى مسألة وقت. إستعصمت بالبعد عنا: بعدت وانقطعت الآمال فيها بذهابها الى فاس الما وراها ناس اى استعصمت باستئثار الفتح بها.
تعرف اى هلالابي يخش البوست ده يسمع الاغنية ينبسط ...
يقرا كلامك ده يمرق وقفاهو يقمر عيش ...
11-10-2010, 06:01 AM
omer osman
omer osman
تاريخ التسجيل: 06-09-2007
مجموع المشاركات: 15218
ياخي والله إنت زول بركة و البجي منك كلو سمح! عجيبة البنية دي يا عمر و كمان في بنية صغيرة تانية إسمها منار عجيبة ياخي و بين تكية جيدها وهي تصدح و أنامل نانسي عوالم من لحن و شجن و فن
سمعت الأستاذ عثمان مصطفى يتحدث عن أنواع المستمعين و قسمهم لإتنين Foot listener .. ده بكون معاهم الناس البشرطوا مراكيبم و كدا و Head listener و ده النوع الببقى هندي و بيشتغل هزاز داك أعتقد إنه نحن من النوع اللي لما يسمع غناء سمح تطرب حتى جلابيته المعلقة في حبل الغسيل أو الدولاب.
11-10-2010, 03:38 PM
omer osman
omer osman
تاريخ التسجيل: 06-09-2007
مجموع المشاركات: 15218
عمر جنابو .. يامتعة اغاني الحقيبة ممتعة كلمات والمتعة الجد جد تلحين هذه الكلمات لانها مصوره بصورة بديعة وبها كل المحسنات
Quote: وهنا أبو صلاح لم يجد وسيلة للتواصل مع الطيف إلا النسمات ليحملها الرسائل ويقول إن الشئ العجيب والغريب هو الحلم دون نوم ونزول الدموع مع هذه الأحلام .....وأيضا يطلب منها التأكد من حالته بسؤال البدرين لأنه يشبههما.
زايد شوقي ودمعي باهل..........جمر الحب لي جسمي شامل حتى الطيف لي لا يجامل............مع كلا ما كنت آمل دمى تحنن بى الأنامل............وهل يرضيك كده ياجميله
وكما يقولون خلي العيش حرام ما دام ارى الموت يحل ما بين الطريف فوق للرميش الكحيل طيف الخيال من غير منام مستحيل والعاشق يحاكي الشوله دمعوا الهميل . . ياعمر غايتو نانسي بتعذب اجمل اغنية وهي (شقي ومجنون ) للفنان الكحلاوي دي بتدخل حالة تانية لاني فيها اتذكر الكحلاوي بكل تفاصيلة عند الاداء وعاطف السماني اداها اجمل من فرفور صديقي وقلت له هذا الكلام وروعتها عند نانسي عجاج بالله حاول شوفها لينا (شقي ومجنون ) هنا معاك لو سمحت
11-14-2010, 11:40 AM
اسماء الجنيد
اسماء الجنيد
تاريخ التسجيل: 03-31-2010
مجموع المشاركات: 4731
ارجو السماح لي بهذه المداخلة، كمهتم بالحقيبة اولا ومعجب بنانسي ثانيا -------
نانسي عجاج مبدعة بلا شك.. واداءها للأغنية جميل وآسر وان كنت اعيب عليها عدم الاهتمام بالمخارج وطريقة نطق الكلمات في هذه الاغنية بالذات مثال كلمة (تنسبيله) بمعني (تُنْسبي لها)، فهي لاتهتم بضم التاء وتنطقها بالفتح وحينها لا ادرى ما المعنى المراد!!؟ وكذلك (بُسط النسمات) بضم الباء.. وتعنيها نانسي بالفتح
وكذلك نانسي وغيرها من الشباب الجدد يبترون بعض الابيات من اغاني الحقيبة لا ادرى اهو رقابة ذاتية؟ أم خارجية؟ ام ذوق فني ام عدم قدرةعلى الأداء؟
مهما يكن الأمر، فإن حذف مقاطع من الاغنية هو تشويه لها وعدم أمانة في الأداء لهذه الروائع التي صارت تراثا للشعب السوداني
اهديكم نفس الأغنية كما كتبها ابوصلاح في ديوانه المنشور وكما اداها كرومة و اولاد شمبات من بعده
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة