|
|
|
 Re: جثة على شاطئ النيل الأزرق !! (Re: omer osman)
|
تحضر الى القسم كالمعتاد في الصباح الباكر ورأسك يزدحم بكثير من الاشياء التى تزعم القيام بها من ما اجلته من عمل
الأمس ..... مراجعة قضايا احد المتحرين ، مقابلة وكيل النيابة في بلاغ من نوع البلاغات المعمرة مثل بلاغات النزاعات في الاراضي
والمزارع التى تكثر في مناطق الجريف غرب وسوبا وتكون عادة معقدة وبها الكثير من الشهود والمستندات الرسمية والعرفية واطرافها
عادة مزعجين جداً .....
| |
 
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
يتغير برنامجك في لحظة ويتخذ يومك مسار جديد ربما يستمر الى عدة أيام أو شهور بحسب الحال ، ونحن جلوس في المصطبة
العالية أمام مباني القسم ثلة من الضباط ورئيس القسم يراجع في الاحوال ونحن نتجاذب اطراف الحديث وكبابي الشاي والقهوة تدور
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
الكلام كان موجهاً الى رئيس القسم ويبدو انهم عرفوا لمن يوجهون كلامهم ربما لاحظوا انه اكبرنا سناً فلا شأن لهم بعلامات
الرتب المربكة للملكية ، رئيس القسم هو ذاته المقدم الذي كنت قد حكيت عنه طويلاً في بوست عن ذكرياتي يوم 30 يونيو 89
التفت ناحيتنا مجموعة الضباط لاختيار واحد منا لتولي الأمر ....
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
مافي طريقة تقوم تمشي او تزوغ لكن كلنا حاولنا التشغال والاشاحة بوجوهنا عن نظراته خوفاً من ان يقع عليك الاختيار
وتبدأ يومك بهذه البداية الغير مبشرة ................ لم يطيل النظر وقال فتحية واحمد مدني وعمر قوموا
(بس ما قال قوموا لفو .......)
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
احمد مدني هو الملازم احمد مدني مهدي سبيل شرطي بن شرطي ، من الدفعة 54 وهم سنيرنا في الكلية شرطي لايحيد عن واجبه ولايجامل
ابداً عسكري كامل الدسم وفي ذات الوقت يملك أن اراد روح الدعابة والابتسامة ...........
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
انتقلنا الى مسرح الجريمة برفقة فنيي المعامل الجنائية والتصوير والبصمة ...... الخ وصلنا مكان الجثة وهي لذكر في العشرينيات
من عمره ...... الجثة متفسخة ومنتفخة في منظر بشع بشكل لايوصف كعادة جثث الغرقي ....... بعد إجراء اللازم من رسم وتصوير لمكان
الحادث والجثة من كل الزوايا والاتجاهات ومعاينة الجثة عن قرب كان من الواضح جداً وجود اثار لطعنات سكين في منطقة الصدر والبطن
وبالتالي وضح من الوهلة الأولي أن الحادث جنائي وليس حالة غرق عادية ...........
من أهم الاشياء في حالات الغرق التفريق بين الغرق والجريمة الجنائية وهي عملية يلعب فيها الطب الشرعي دوراً كبيراً ومهماً خصوصاً اذا
لم تكن هناك علامات ظاهرة تشير الى كون الحالة جنائية.
| |
|
|
|
|
|
|
|
|
|
Re: جثة على شاطئ النيل الأزرق !! (Re: مريم عبد الله)
|
Quote: سياتو مالك قطعتا القصه
واصل الادرينالين ارتفع
قاعدين وسامعينك |
دكتورة روما
انتى ما عارفة العساكر
جنهم شاي وقهوه
اسه يكون ادها زوقه
لكن اقول ليك شي هو كان كريم زمان وامكن يعزمنا
لكن اسه ماعارف قالوا الزمن بغير الحجر
| |
|
|
|
|
|
|
|
|
|
Re: جثة على شاطئ النيل الأزرق !! (Re: وليد عبد اللطيف)
|
Quote: دكتورة روما
انتى ما عارفة العساكر
جنهم شاي وقهوه
اسه يكون ادها زوقه
لكن اقول ليك شي هو كان كريم زمان وامكن يعزمنا
لكن اسه ماعارف قالوا الزمن بغير الحجر |
ازيك يا ولي مشتاقين .......
الزوغة في لكن زوغة فطور ..... زوغة الشاي بعد شوية ........
صاحبك الظاهر ما عندوا شغل اليوم كلو يرسل في الايميلات والغريبة الايميلات مرات حزب الله ومرات حزب الشيطان حيرنا معاهو ...
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
Quote: من أهم الاشياء في حالات الغرق التفريق بين الغرق والجريمة الجنائية وهي عملية يلعب فيها الطب الشرعي دوراً كبيراً ومهماً خصوصاً اذا
لم تكن هناك علامات ظاهرة تشير الى كون الحالة جنائية. |
العامل الاساسي في التفريق بين الحالتين هو وجود الماء في الرئتين من عدمه ولايظهر ذلك الا بتشريح الجثة لأنه بمجرد وصول الغريق
إلى حالة الغيبوبة بسبب نقص الأكسجين الواصل إلى المخ فإن البلعوم ينفتح ويدخل الماء الرئتين ويعرف هذا بالغرق الرطب ، بعكس
الشخص الذي يرمي في الماء بعد الوفاة تكون رئتيه خاليتين من الماء ، وفي حالات نادرة هناك غرق يسمي الغرق الجاف وهو يحدث نتيجة
لانغلاق البلعوم وبالتالي عدم وصول الماء الى الرئتين.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
جثث الغرقي تطفو عادة على سطح الماء نتيجة للتفسخ الذي يحدث بها والذي ينتج عنه كمية كبيرة من الغازات ترفع الجثة تدريجياً
حتى تظهر على سطح الماء وتختلف المدة التى تمكثها الجثة في الماء قبل ان تطفو وهي عادة مابين يومين الى ثلاثة في الصيف وقد
تمتد الى عشرة ايام في الشتاء ................
بعد استكمال الاجراءات في مكان الحادث قمنا بنقل الجثة الى المشرحة بموجب اورنيك 8 طبي في المشرحة استقبلنا كالعادة العم جادو
واظنه قد توفي الى رحمة مولاه ........ العم جادو مقيم بصفة دائمة في المشرحة في اى وقت تذهب تجده انصاص الليالي او في الظهيرة
لاتري في ملامحه اثر للحياة فشخص يعيش مع الموتي 24 ساعة واى موتي موتي الحوادث البشعة والغرقي والحرقي ...... الخ ومن شدة ما
اصبحت حياته عادية هناك قد تجده يحتفظ ببطيخة في يوم شديد الحارة داخل ثلاجة حفظ الموتي ...........
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
للعم جادو الكثير من القصص الطريفة واحدة منها بطالها احد الضباط حديثي التخرج (والله العظيم ما أنا) ومعه مجموعة من العساكر
حضروا للمشرحة في وقت متأخر من الليل يحملونا جثة من مكان حادث ، وجدوا باب المشرحة مفتوح فدخلوا الصالة مظلمة ولا اثر للحياة
او الحركة فيها هناك جثة موضوعة على نقالة ومغطاة بملاية بيضاء وضعوا الجثة التى يحملونها جوار تلك الجثة التى لم تكن سوي عم
جادو الذي ايقظته الحركة فمد يده يزيح الغطاء واصطدمت برجل جنابو الذي لم يتردد لحظة في اطلاق ساقيه للريح ومعه افراده واغلبهم
خرج بالشباك ....... والعم جادو ينادي عليهم أنا جادو أنا جادو ولم يلتفت اليه احد ........
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
المهم استقبلنا العم جادو في صالة المشرح المعبقة برائحة الفورملين المادة التى توضع فيها الجثث لحفظها وبعد قليل حضر الدكتور
لا اذكر هل كان دكتور الكوباني ام عبدالمطلب وقام باجراء تشريح للجثة كانت خلاصة التشريح ان المرحوم مات مقتولاً بثلاث او اربع طعنات
لا اذكر الان تفرقت بين القلب والصدر والبطن وان هذه الطعنات هي السبب المباشر في الوفاة وإلقاه في الماء حدث بعد الوفاة. الان وبهذا
التقرير وضح جلياً اننا امام بلاغ قتل عمد الفاعل مجهول ولمزيد من المصاعب المجني عليه الذي يرقد امامنا ايضاً مجهول فلا اسم ولا اهل
ولا اى وثيقة اثبات هوية او خلافه يمكن ان تحدثنا عن هذا الشخص الذي يرقد بسلام ينتظر منا أن نقبض على قاتله.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
| Quote: من فئة الضباط على سبيل المثال صالحة عبدالماجد وهاجر عوض واميرة وفتحية ...... الخ |
ونيضف ايضا عواطف قرشى - منى - سناء احمد سالم - وايمان حران - وخادم الله - وابتهاج زوجة صديقنا الرائد الصادق بندا.
وبقية الكواكب من الشرطيات
واصل ياصديقى
ودبرى
| |
|
|
|
|
|
|
|
|
|
Re: جثة على شاطئ النيل الأزرق !! (Re: ياسر عبدالعزيز الطيب)
|
Quote: سيادتو عمر ازيك ياخي
والله البوليس ده كان دافن جواك زول حكاي خلاص.
بكون مالاقيتك لي كم سنه كده؟؟؟
واصل الحكي الجميل مره واحده وخلى شغل التعلمجية ده |
ازيك يا ياسر ...... والله زمن
سنين ما شفناك ....... حتى اخوك الحلبي بنشوفو مرة مرة .... طبعااليومين دي نصبنا ليهو شرك دايرين نجر رجله معانا والقصة
بقت عامرة هنا على عبدالله والتلب وابراهيم الرشيد وعمر عثمان وخالد حسن وامير محجوب ........
| |
|
|
|
|
|
|
|
|
|
Re: جثة على شاطئ النيل الأزرق !! (Re: ياسر عبدالعزيز الطيب)
|
Quote: فمد يده يزيح الغطاء واصطدمت برجل جنابو الذي لم يتردد لحظة في اطلاق ساقيه للريح ومعه افراده واغلبهم
خرج بالشباك ....... والعم جادو ينادي عليهم أنا جادو أنا جادو ولم يلتفت اليه احد ........ |
لووووووووووووووووووول
تشكر يا جنابو عمر على هذا البوست، وفى إنتظار باقي الحكي
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
سلامات يا سيادتو
والله أنا شايفة البوست دا ومقررة ما أدخله
الجثث والجرائم والقصص دي ما بنقدر عليها... نحن ما ناقصين
لكن الليلة اتوكلت ودخلت
لقيت السرد الجميل والمشوق
بالإضافة لسيرة دفعتي فتحية عبد الرحمن بالمناسبة في المدرسة كنا بنقول ليها (توحه)
كانوا زميلاتي ودفعتي .. فتحية عبد الرحمن وماجدة عوض عبد الرسول
ماجدة قابلتها في مكتب الجوازات قبل كم سنة
أما فتحية فآخر عهدي بها دخولها لكلية الشرطة
تحياتي لهن ولكل نساء الشرطة في السودان
| |
|
|
|
|
|
|
|
|
|
Re: جثة على شاطئ النيل الأزرق !! (Re: Ishraga Haimoura)
|
| Quote: بالإضافة لسيرة دفعتي فتحية عبد الرحمن |
والله يا اشراقة الدفعة ما عندك ........ فتحية عبدالرحمن ضابط بوليس كارب وانسانة راقية وخدومة بشكل ما عادي
اذا كان لي ان اعترف بفضل بعض الضباط الاقدم مني على مسيرتي المهنية فستكون فتحية من بينهم بلاشك .........
فتحية الان محامية وفي احسن حال ...... لكن مكانها في شرطة السودان لايزال شاغراً.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
| Quote: سناء احمد سالم - وايمان حران |
كيفكم يا بواليص .. 
سناء وايمان ديل بنات حلتنا .. واعيات وفاهمات .. ويشهوك العسكرية في الانضباط .. والشغل النضيف .. بعكس بعض اولاد حلتنا من الضباط الواحد فوقم خته ليهو دبورة .. قلبو لينا الحلة فوق على تحت واتغابو فينا العرفة
لكن قايل شنو.. والله طارت ليهم في راسم
..
بتذكر موقف طريف جدا يا جنابو:
يوم كنا في البحر في المنطقة التحت البوستة حقت الموردة جوار سوق السمك ..
المهم جات جثة شايلاهـا الموية .. وشكلها بشع جدا .. الملابس الفيها اتقطعت من التمدد الحصل في الجسم حتى لون الجسم اتغير للون الأحمر والأبيض .. من بعيد حسب خبرتنا بالبحـر عرفناها أنها لي رجـل طبعا بعكس الانثى في حالة الغرق بيكون الوجه لأعلى حسب التكوين الفايسولوجي ..
المهم تابعنا الجثة لحدت ما قدرنا نطلعة في المنطقة التحت نادي الفنانين وتكلناها على البر وعملنا نايمين .. لانو لو مشيت عملت بلاغ بيلمو فيك البواليص ديل احتمال يغرقوك إنت ذاتك ..
المهم الجثة لسه ما اتحللت لكن كان في آثار طعن بالجوانب بي كميات كبيرة .. بالرغم من ذلك .. كان شكل الجسم ضخم جدا ..
الكلام دا كان زي عشرة حداشر صباحا .. طلعنا من المكان .. ومشينا تمينا باقي برنامجنا في سوق الموردة .. وقهوة ود البخيت .. نحن زي اربعة انفار ..
جينا راجعين النهارية زي الساعة اتنين .. داخلين من سوق الموردة على الحلة .. تعبانييين .. لمحنـا ليك عربية الشرطة الكبيرة جاية من بعيد .. وطبعا اكيد بنعرف السايق منو والفيها منو لانهم من القسم الجنوبي .. ما انتبهنا لي مسالة إنو ممكن تكون فيها الجثة بتاعت قببببيل ديك ..
كان راكب قدام .. شرطي فني فلان الفلاني من أولاد بانت .. وهو المتحري .. وزول صاحبنا .. قام غتاتة بوليص منو ساااكت وقف لينا العربية من قبال ما ناشر ليهو .. علشان ننط نركب بي وراء 
نطينا كلنا دفعة واحدة .. تخيل نفس الجثة القبيل .. بعدما اخدت شمش .. مختوته في النقالة والريحـة الغريبة ديك ..
تلاتة ايام ماف واحد فينا قادر ياكل
| |
|
|
|
|
|
|
|
|
|
Re: جثة على شاطئ النيل الأزرق !! (Re: tmbis)
|
Quote: قام غتاتة بوليص منو ساااكت وقف لينا العربية من قبال ما ناشر ليهو .. علشان ننط نركب بي وراء
نطينا كلنا دفعة واحدة .. تخيل نفس الجثة القبيل .. بعدما اخدت شمش .. مختوته في النقالة والريحـة الغريبة ديك ..
تلاتة ايام ماف واحد فينا قادر ياكل |
ده لو شغال معاي كان اديتو شريط زيادة ....... ده البوليس البكيفك زاتو ....
مره واحد دفعتنا شغال في تغطية كورة وماسك باب الاستاد جاء واحد ماشي شديد وعامل زول مهم قال لي دفعتنا افتح الباب زميل
دفعتنا سأله زميل وين ؟؟؟؟
زميل في اللجان الشعبية ؟؟؟
في اللجان الشعبية !!! طااااااا خ ........ وده قايلوا فرن !! قوم لف بلا لجان بلا لمة
| |
|
|
|
|
|
|
|
|
|
Re: جثة على شاطئ النيل الأزرق !! (Re: tmbis)
|
| Quote: وتكلناها على البر وعملنا نايمين |
يا جنابو شوف لينا اي مادة في القانون نفتح بيها بلاغ في الزول دا .. ان شاء الله المادة 82 من قانون العقوبات لسنة 1974. .. !!
| |
|
|
|
|
|
|
|
|
|
Re: جثة على شاطئ النيل الأزرق !! (Re: humida)
|
| Quote: يا جنابو شوف لينا اي مادة في القانون نفتح بيها بلاغ في الزول دا .. ان شاء الله المادة 82 من قانون العقوبات لسنة 1974. .. !! |
ياحميدة و 152 نظام عام ماله ؟؟؟ لابساهو لابساهو مش بلبس بناطلين وبشرب شيشة ؟؟؟
ينجلد زي الماحصل حاجة بعدين نفرز ؟
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
الجثث المجهولة الهوية بعد اكتمال التشريح تظل بثلاجة المشرحة على أمل التعرف على صاحبها واحضار زويه لاستلامها ، فترة بقائها
بالمشرحة تكون في بعض الاحيان رهينة بمدي ازدحام ثلاجة المشرحة وظروف التيار الكهربائي الان اعتقد ان المشرحة جراء تحسين وتطوير
كبير عليها وتم افتتاح واحدة اخري في امدرمان قبل فترة وجيزة والغريبة ان خبر افتتاح المشرحة ورد في احدي الصحف تحت عنوان
(حضر ...... حفل افتتاح المشرحة الجديدة) !!!!!!
المهم تركنا المرحوم وعدنا الى القسم وبدأت اجراءات التحري وجمع المعلومات وكان من البديهي ان نبدأ بمكان العثور على الجثة
وهو بحسب التعبير البوليسي يسمي مكان الحادث الثاني فمكان الحادث الأول هو المكان الذي وقعت فيه الجريمة (واقعة الطعن بالسكين)
فمن الواضح ان المرحوم طعن وقتل ثم رمي في الماء.
مكان الحادث الثاني عبارة عن منطقة كمائن الطوب في الجريف غرب وهي منطقة مزدحمة بالعمال والعتالة وسائقي اللواري وما تعرف
تسأل منو او تقبض منو ؟ المهم جمعنا عدد كبير من العمال وقسمناهم الى ثلاث مجموعات فتحية مجموعة واحمد مدني مجموعة وانا مجموعة
اغلب العمال ينتمون الى قبيلة معينة وعدد كبير منهم لغته العربية ضعيفة امضينا باقي اليوم حتى المغرب في التحري مع هولاء البسطاء
والنتيجة big zero
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
في اليوم التالي واصلنا في نفس المسلسل البايخ دون ان تظهر في الافق اى بوادر للحل او معلومة مفيدة ، لذا قررنا الاتجاه في
ناحية اخري وهي بذل كل الجهد للتعرف على هوية المرحوم قبل البحث عن قاتله .......
رسمياً كنت أنا المتحري الممسك بيومية التحري والاخوان فتحية واحمد ضمن فريق التحري ، نادني رئيس القسم وقال لي بعد نهاية اليوم
تمشي المديرية تقابل الرائد النور يوسف حيث تم تكليفه من قبل مدير مباحث المديرية بمتابعة البلاغ .... المديرية المقصودة هي
في مكان المقر الجديد لمجلس الوزراء حالياً ، الرائد النور يوسف كان في ذلك اليوم و الضابط العظيم في المديرية (المناوب) ذهبت
ووجدته جالس في كرسي خارج المديرية والحركة في شارع الجامعة الذي يمر امام المديرية قد خفتت وهو جالس مسترخياً في الكرسي سلمت
عليه وبعد السلام والتحية سألني البلاغ ده فيهو شنو ؟
سردت له ما دار منذ لحظة وصول المبلغين الى لحظة جلوسي معه ...... الرائد النور يوسف علم من اعلام التحقيق الجنائي وتجدون ذكر
له في كثير من قصص البلاغات التى تروي في هذا المنبر ..... رجل هادىء جداً لايستعجل يفكر ملياً قبل الرد عليك حتى تظنه قد نساك
بالاضافة الى امكانياته الشرطية المؤهلة يملك قدرات بلاغية وكتابية رهيبة (بالمناسبة هو دفعة عماد عبدالله زميلنا في البورد)
| |
|
|
|
|
|
|
|
|
 Re: جثة على شاطئ النيل الأزرق !! (Re: omer osman)
|
| Quote: ينجلد زي الماحصل حاجة بعدين نفرز ؟ |
.. والله النصيحة لي الله يا جستابو .. انجلدنا زي الما حصلت حاجة .. في اي مكان في الدنيا البوليص في خدمة الشعب .. لكن زي حقارتكم دي اصلو ما لاقتنا ..
نبرا من جلد النظام العام دا .. لكن في الثانوي .. بواليصكم ديل اي واحد عايز يتعلم الدق كانو بيطلعوهو (فرقة) خاصة مكافحـة شغب .. ويقولو ليهو اطلع مدرسة وادي سيدنا الثانوية ..
لكن كمان لو ما قلبو محدثو .. وفاطر كويس .. وشايل ليهو تلاتة درقات وبسطونتين .. وصندوق بتاع بمبان .. ما يعتب وادي سيدنـا .. لانو ح يندقه .. وح ينجلد العين بالعين 
تعرف يا كمندان:
بحر الموردة دا علمنـا الغتاتة .. وقوة القلب .. يعني التعامل مع الغرقى بتاعين البحـر كانت حاجة عادية .. اي واحد ساكن جمب البحر بيعرف الحاجة دي ..
أقوليك حاجة ؟:
جماعتك ناس .. اساسي .. ووليد الشفت ديل .. طبعا بيجو بحر الموردة يتضهبو هناك .. والواحد فيهم يشوف ليك الناس بيعومو بيفتكر انو المسالة دي ساهلة .. بعد شوية تشيلو ليك الهاشمية .. يقوم توووشك يدخل ليهو في مكان ما ناقش فوقو اي حاجة .. ما كمان مريخاب ..
البروح فيهم .. يمشو ينتظروهو في السبلوقة يا في الشلال الخامس .. يا في (الســد)
المحظوظ فوقم .. بيحتل .. وبتكون شايفو إنت .. تكلم المعاك .. عاين الوهم دا ح يغرق كيف .. تكون جاهز ليهو .. تخليهو (يحتل) (الحتلة) الأولى .. والتانية .. وتلحقو تطلعو بعدما يكون (داخ) تجي تمددو في (القيفه) (وتضغطو) يكون شارب ليهو برميلين موية .. يقوم مخلوع وما ناقش اي حاجة .. تقطع فوقو (كفين) وتقول ليهو شيل شباشبك دي واتفكفك .. تاني اوعك تجي (تتفسح) هنـا دا إنت قايل الشغلانة سااكت كدا من غير نظام ؟؟ ..
أما مسالة إنك تمشي تبلغ عن واحد غريق دي .. والله تلقوهـا عند الغافل .. اها يجيك زي حميدة دا .. لا ايدك لاكراعك يفتح فيك اي مادة .. لو ما لقى ليهو مادة بينجر ليهو واحدة .. لانو جبت ليهو تلتلة ساااكت .. وإجراءات الحالات دي بتاخد وكت وبتدخلو في حتات ضيقة جدا ..
اكتر حاجة بتعمله .. بتطلع الجثة وتعمل ليها (تكالات) بالجمبه وتخارج نفسك .. بيجي واحد شليق زي حميدة دا بيمشي يفتح بــلاغ .. ويقع ليهو في بوليص روحو محرقاهو .. غتاتتكم دي عارفنها يا كمندان .. نحن برضو أولاد بوليص
| |
|
|
|
|
|
|
|
|
|
Re: جثة على شاطئ النيل الأزرق !! (Re: tmbis)
|
| Quote: نحن برضو أولاد بوليص |
اذا عرف السبب بطل العجب ياخي اولاد البوليص ديل اشفت خلق الله ، اها شفته دفعتنا بتاع الاستاد الفوق ده ود بوليس
باقي قصصو ما بنقدر نحكيها هنا
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
الاسماء الواردة هنا حركية عدا اسماء الضباط
الشخص الذي حضر إلينا في القسم جندي شرطة اسمه (ماجد) يعمل في القسم الـ .......... افادنا بانه شاهد الجريدة التى حملت
صورة المرحوم وانه شبه المرحوم على شخص شاهده عدة مرات مع الرقيب (سراج) الذي يعمل معه في نفس القسم وانه عرض الصورة على
سراج الذي اضطرب وانكر معرفته بصاحب الصورة وانا قلت ليهو ياسراج يا خي ده مش (عمر) الكان بجيك مرات هنا وكم مرة شفته معاك
في بيت العزابة حقكم ........... لا لا باصرار رد على سراج وانا شاكي في كلامه ده.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
يا ماجد الكلام البتقول فيهو ده خطير وشكوكك دي احتمال تحرجنا مع سراج وهو زول زميل في النهاية ونحن ما عاوزين نتلوم معاهو
ياجنابو انا متأكد انو الفي الصورة ده هو عمر قريب الرقيب سراج واندهشت جداً انو سراج ما يتعرف عليهو عشان كده انا شكيت فيهو
طيب خلاص انت يا ماجد ارجع شغلك عادي وما تجيب ليهو سيرة تاني ..........
غادر ماجد القسم وجلسنا نقلب في كلامه كان واضحاً انا ماجد زول ذكي وواثق من كلامه 100% وانه من كثرة مشاهدته لعمر في السابق تعرف
عليه من الوهلة الاولي بعد كل التغيير الذي حدث في ملامحه ، تكمن الصعوبة في التعامل مع سراج والقدرة على استجوابه واستخراج المعلومات
منه كونه شرطي وشرطي قديم وخبرة وصل حتي رتبة الرقيب وبالتالي لن يكون سهل القياد في التحقيق.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
حملت خطاب رسمي من القسم الشرقي الى رئيس القسم ........ نطلب فيه تسليمنا الرقيب سراج للتحقيق معه .. قابلت رئيس القسم المعني
وشرحت له الملابسات والتفاصيل التى لم ترد في الخطاب وعلى الفور امر باستدعاء الرقيب المذكور وابلغه بالذهاب معانا وضرورة التعاون
وعدم توريط نفسه في اى اشكالات قانونية بالحرص على قول الحقيقة.
كما توقعنا سراج من النوع العنيد وصعب المراس لم تجدي كل محاولاتنا معه في الخروج منه بشيء مفيد مع اصراره على انه لايعرف الشخص
في الصورة ..... واجهناه بماجد وظل على انكاره لكن نظرات عيونه واحساسنا الداخلي واصرار ماجد كان يؤكد لنا بان سراج يخفي شيئاً ما
لذا طلبنا الموافقة من النيابة على توقيفه باعتباره متهماً في البلاغ على ان يوضع في حبس العساكر واستخرجنا من النيابة اذن بتفتيش
منزله ......... لم يسفر التفتيش عن شيء لكن قادنا الذهاب الى منزله الى فكرة اخري وهي عرض الصورة على جيران المنزل او الدكان
الذي يقع في البيت المجاور للمنزل.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
الجيران لم يفيدونا بشيء واغلبهم كان يرد بأن هذا البيت بيت عزابة ويدخل ويخرج منه ناس كتيرة جداً عشان كده ما بنركز في اشكال
الناس ......... بتاع الدكان كان اكثر فائدة لمن عرضنا عليهو الصورة قال والله لو ما اخاف الكضب الزول ده كان ساكن مع ناس سراج
في بيت العزابة ده بدري ورحل منهم لكن مرة مرة بجي .............
العزابة نفسهم لمن نصادف اى واحد منهم بعد رحل اثنان منهم قبل الحادث بفترة واثنان في اجازة خارج الخرطوم وحالياً لايقيم في البيت
الا سراج وحده.
شهادة صاحب الدكان ضيقت الخناق على سراج وبدا اكثر مرونة وتجاوب لكن لايزال متحفظاً وان اعترف بانه ربما يكون عمر الشخص الذي كان
يسكن معهم هو المرحوم الفي الصورة لكن يقول بان اخباره مقطوعة عنه ولايعرف عنه اى شيء الان ....... وكل الذي يعرف انه وجد عمل في
السوق الشعبي امدرمان.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
الان اصبح المرحوم صاحب الجثة المجهولة معلوم على الاقل اسمه الاول عمر ومعلومة اخري انه كان يعمل في السوق الشعبي امدرمان
لذا قررنا ان نعمل في اتجاهين اتجاه يواصل التحري والضغط على سراج واتجاه اخري يستكمل التعرف على الهوية الكاملة لعمر
ترك امر الاتجاه التاني لتيم المباحث لجمع المعلومات من المناطق التى يمكن ان نجد فيها اشخاص يعرفون المزيد عن عمر في
السوق الشعبي امدرمان او في منطقة سكنه الاولي مع سراج او غيرها ...........
واصلنا التحقيق والتحري مع سراج دون جدوي وبدأ يمارس علينا ضغوط مضادة باعتباره رجل شرطة واننا لم نحسن تقدير الزمالة
مما دفع وكيل النيابة لان يمر باطلاق سراحه بالضمانة لعدم وجود اى دليل مادي او معنوي يربطه بالجريمة بشكل مباشر وانه رجل
شرطة ولايخشي هروبه ........... الخ
بالطبع لم يكن امامنا غير تنفيذ أمر النيابة لكن زاد اصرارنا على كشف اللغز وتفاصيل الجريمة ..... ظلت اتيام المباحث تعمل
في كل المناطق المذكورة الى ان امسك احد افراد المباحث بخيط هام قادنا الى معرفة المزيد عن هوية القتيل عمر ........
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
يا باشمهندس عمر سلام .. لكين ماااااااااا امنا ياخي !!
| Quote: انتظرونا ........... |
شوفته الحته دي - خليها في سرك ...
عموما متابعين .
| Quote: صالحة عبدالماجد وهاجر عوض واميرة وفتحية ...... الخ |
بالنسبه الي ماتحته خط - والله اعلم - تكون اميرة ( كع ) ياربي ??
ـــــــــــ
بالله عليك كمل - عشان نحصل جنابو عبدالرحيم امكن جاب ليهو حراق روح جديد !!
منظرين
| |
|
|
|
|
|
|
|
|
 Re: جثة على شاطئ النيل الأزرق !! (Re: willeim andrea)
|
| Quote: غايتو يا تمبس ما بسالك .... شايفك عامل فيها بوليص سري...... :) |
.. لكن يا وليم البواليص ديل تلتلونـا .. بيحبو الاكشن شديد ..
عشان كدا لازم كمان الواحد يستجوبم عشان يطلع بي افادة كويسة ..
تعرف العساكر بتاعين البوليص أو الجيش (حكايين) جدا لكن عايزين ليهم طولة بال .. ومزاج عالي
| |
|
|
|
|
|
|
|
|
|
Re: جثة على شاطئ النيل الأزرق !! (Re: tmbis)
|
يا جنابو
شنو شابكنا
إنتظرونا ............ إنتظرونا
ما انتظرناكم في بورتسودان
لقيناكم زي ما انتو
وبالـ(كاربونـ)ي كمان
اها نقول ليك كلام الجد
انتظرونا
يوم 30 نوفمر
عشان ندفنكم وبالـ(كاربونـ)ي زي المرة الفاتت
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
في شغل البوليس والمباحث واثناء التحقيق في اى جريمة اى معلومة ترد تكون مهمة ومفيدة وقد لاتفيد مباشرة في كشف غموض الجريمة
لكن قد تكون ذات فائدة قصوي في استبعاد احتمالات مطروحة وتتضييق الخيارات والاحتمالات ...... لذلك ما توفر من معلومات عن الجثة
المجهولة الاسم الاول واماكن التواجد نفت واستبعدت الى حد كبير جداً الفرضية التى دارت في اذهاننا باحتمالية ان تكون الجثة قادمة
من مكان اخر تحملها تيارات النيل الازرق وبالتالي اصبح في حكم المؤكد ان الجريمة وقعت في الخرطوم والقيت الجثة في البحر قبالة
الجريف غرب ، هذا الاستنتاج الاخر له علاقة بالمعلومات التى حملها إلينا احد افراد المباحث بأنه عثر على شاهد في السوق الشعبي
امدرمان تعرف او قال بأن الصورة تشبه الى حد كبير صورة المرحوم عمر ادم ....... ادم زي جديدة يعني بقي عند اسم المرحوم واسم
والده ........ الاهم من كده انو الشاهد قال انو مرة مشي مع المرحوم بيت خطيبتو اى خطيبة المرحوم في الجريف غرب وانه ربما يتذكر
البيت اذا رجعنا في نفس المنطقة.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
| Quote: صاحبك الظاهر ما عندوا شغل اليوم كلو يرسل في الايميلات والغريبة الايميلات مرات حزب الله ومرات حزب الشيطان حيرنا معاهو ... |
سيادتور رجعت من الزوغه
ياخي صاحبك نفس الاحوال معاي لكن بيني وبينك امس كنت بتكلم مع اولاده بالرياض السعودية وطمناه عليهم اما هو (حالتو تحنن )
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
بمجرد ما الشاهد ذكر كلمة خطيبتو قفزت الى ذهني وصية الرائد النور يوسف وحكاية انه يشم رائحة عطر نسائي في هذا البلاغ
في سري قلت ياجماعة الرائد ده فكي والا دي الخبرة ؟ تحياتي واحترامي العميق لك سعادة الرائد النور يوسف أنت مدرسة ابت قيادة
الشرطة في وقت ما الا ان تغلق ابوابها فحرمت تلاميذها من معلمهم.
انصب اهتمامنا كله على هذا الشاهد الفلته الذي ربما يقودنا نحو العطر النسائي الذي يجب ان نعثر عليه ، عدة ايام والشاهد يلف
ويدور بنا في منطقة الجريف غرب ، منطقة الجريف غرب لمن لايعرفها تشبه احياء امدرمان القديمة فهي في الغالب غير مخططة والشوارع
تاخذ كل الاشكال الهندسية المعروفة ومساحات البيوت مختلفة وعاااادي جدا تمشي في شارع على امل ان يقودك الى شارع اخر فتجد نفسك
داخل حوش بيت من بيوت الجريف او تجد الطريق في نهايته مغلق.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
Quote: الاخ اسامة الكاشف تحياتي
ياخي تشجيعكم ده بخلي الواحد رأسو يكبر بعد يومين اعمل ليكم فيها حمور زيادة والا كمال الزين ... شكرا ليك |
زمان ياسعادتو
بقول لناس ربيع والجمري
ياخي عمر عثمان ده مابشبه العساكر
لاني كنت وسطهم وكما تعلم
ويظهر المواهب التانية بتاعتك بدت تظهر
---
واصل يا احسان عبد القدوس
معاي دكتورة رما وقاعدين نعمل تحليل وننسج احداث من راسنا
الى ان تنتهي من زوغتك تاني وترجع تكمل القصة
| |
|
|
|
|
|
|
|
|
|
Re: جثة على شاطئ النيل الأزرق !! (Re: وليد عبد اللطيف)
|
Quote: زمان ياسعادتو
بقول لناس ربيع والجمري
ياخي عمر عثمان ده مابشبه العساكر
لاني كنت وسطهم وكما تعلم
ويظهر المواهب التانية بتاعتك بدت تظهر |
طبعا الحاقدين ديل ربيع والجمري ما بصدقوا الكلام ده خصوصا كمان البربري داك
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
البنت الوحيدة هي في حوالي العاشرة من العمر !!!!!!! هل تكون هي الخطيبة التى يتحدث عنها الشاهد !!! وهل هي المرأة التى كنا
نبحث عنها !!!!!!1 اسئلة كثيرة اخذت تطرح نفسها لكن لم يكن هناك مفر غير التعامل مع المعلومة كما وصلتنا لحين ظهور الحقيقة
بعد جلسة مطولة وصلنا الى السير في اتجاه ان هذه الطفلة هي الخطيبة المفترضة واننا لو نجحنا في التحدث اليها بمفردها يمكن
ان تقودنا الى الكثير من المعلومات التى تزيح حالة الغموض التى نعيشها.
طيب كيف نتحدث إليها دون ان نلفت انتباه اهل المنزل ودون ان نثير خوفها ؟ الحل ان نراقب المنزل ونتحين فرصة ذهابها الى الدكان
او خلافه ونحاول الانفراد بها ، على هذا الاساس تحركنا وبعد عدة ساعات خرجت من المنزل في طريقها الى الدكان تحركت انا ومعي احد
الافراد وتركنا باقي قوة المباحث في العربة البوكس ليس بعيداً منا ........ الا انه يبدو انني لم احسن اختيار (شكل) فرد المباحث
الذي رافقني لانه بي امانة انا ذاتي بالليل ممكن اخاف امشي معاهو ....... لذلك اول ما انتبهت البنت الى اننا نتبعها وطلبنا منها
التوقف دقيقة اطلقت ساقيها للريح مصحوبة ببكاء وعويل واتجهت عائدة الى منزلهم.
| |
|
|
|
|
|
|
|
|
|
Re: جثة على شاطئ النيل الأزرق !! (Re: حامد محمد حامد)
|
| Quote: يا جنابو ما معقول تاخد معاك الاشكال البتخوف دى انا عارف ما مشكلتك ......ومع ذلك واصل |
ياخي دا السبب الجنن عادل امام (في شاهد ماشافش حاجه )
انت اخدت معاك زعيم الزيت ولا شنو .. ياخي خوفتنا نحن زاتنا
واصل
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
Double O
سلامات
بالرغم من انك وصيفابي الا انو بوستاتك درجة أولي
بوست | Quote: عن ذكرياتي يوم 30 يونيو 89 |
ممكن تزل رابط البوست الفي الاقتباس
او تاريخ انزال البوست بالتقريب علشان اعرف هو في ياتو ارشيف
سلام
| |
|
|
|
|
|
|
|
|
|
Re: جثة على شاطئ النيل الأزرق !! (Re: أبوالزفت)
|
يا عمر . انت مريخابي واللا شنو ؟
الجرجرة لزومه يعني ؟ .
النهايه متين عشان نقعد قعده واحده وانتهي من المسلسل ده ..
انا عمري ما تابعته لي مسلسل .. بس بحضر الحلقه الاخيرة !!
ورينا حا تخلص متين - عشان ندخل في حاجه جديده
لكن جرجرة ميه ميه هههههههههههههههه
احترام كميا ت
| |
|
|
|
|
|
|
|
|
|
Re: جثة على شاطئ النيل الأزرق !! (Re: النذير حجازي)
|
الاخوان الاعزاء
حامد محمد ، وليد عبداللطيف ، نادر ابوكدوك ، منان ، كمال عكود ، أبو الزفت ، كع ، النذير حجازي
الف شكر على مروركم الذي يزيد البوست تشويق .... وعد نحاول نكمل القصة اليوم انشاء الله
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
في بعض المواقف يسيطر العقل الجمعي على تيم المباحث العامل فيكون هناك تصرف تلقائي دون مشورة او اشارة من احد لذلك بمجرد أن
رأينا البنت تركض في اتجاه المنزل ركضنا كلنا خلفه وقررنا بعقلنا الجمعي ان نداهم المنزل ونقبض على الموجودين فيه وان نعزل
على الفور البنت من بقية ناس البيت منعاً للتأثير عليها.
بالطبع دخول المنازل يحتاج الى امر تفتيش او بموجب امر قبض إلا في الجرائم التى لا تحتاج الى امر قبض من النيابة وتسمي الجرائم
المطلقة او في حالات الضرورة او في حال مطاردة شخص مطلوب القبض عليه ، لذا ونحن نستصحب كل القيود والمحاذير القانونية داهمنا
المنزل ووجدنا رجل وأمراتين والبنت وعدد من الاطفال ، بذلاً جهداً في تهدئة الجميع نتيجة للمفاجاة التى صاحبت دخولنا سيطرنا على
الرجل وعزلنا البنت عن باقي ناس البيت ، الارتباك الذي ظهر على وجوه وعيون الجميع كان مؤشر قوي لاننا قد اقتربنا تماماً من الهدف
تركنا احدي النساء في المنزل مع الاطفال واخذنا الرجل والبنت وتركنا جزء من القوة يرابط في انتظار الاخ الثاني الذي لم يكن موجوداً
| |
|
|
|
|
|
|
|
|
|
Re: جثة على شاطئ النيل الأزرق !! (Re: النذير حجازي)
|
سياتو عمر
عليك الله تتم لينا بقية القصة شلهتنا يا اخوي انا ح ااجر لي رقشه من باب المتصفح والبوست
انا ووليد عبد اللطيف اخوي نزازي بي البوست عايزين نعرف النهايه ما تطول عيلنا
( باقوم ادوخ ليكم في البوست دا راعي عامل السن يا جنابو )
يارب لو اتاخرتا علينا نجومك الفي كتفك يبقن هلالات
ولو ما جيت لغايت 3 ساعات دا حدي معاك ح اكشف راسي وادعا لو في كتفك في طيرة تجيها انفلونزا الطيور
يا جنابو الخلاك تسوق الراجل الهجم البت بي شكلو دا شنو خليت البت تتجاري في الحله وحسه نحنا راجين
ليهو مني حق عملية تجميل بس تعال وكمل لينا القصه يا جنابو
انا في الشغل وكل مرة افتح المنبر واشوف جيت ولا ما جيت ما تبقى على رفدة من الشغل لاني ميته من الضحك على الجماعة الكبو الزوغه من المشرحة متخيله منظرهم
الليله ناس الشغل ديل بيقولوا اني جنيت عديل
دمتا بخير يا جنابو وما تطول علينا
الشاويش مريم
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
فصل المتهمين او المشتبه بهم عن بعضهم ومنعهم من التواصل او الحديث في المرحلة الاولي للتحري معهم قاعدة هامة ولاغني عنها
للمتحري الناجح وهذا عين ما فعلناه طوال الرحلة الى القسم ومن بعد ان وصلنا للقسم ..... أمر البنت او الطفلة تولته الاخت
فتحية وسمحت لوالدة البنت بالتواجد معها بشرط عدم التحدث معها وتوليت انا وزميلي احمد امر الرجل ويدعي (علاء الدين) التحقيق
معه كان إعادة لمسلسل التحقيق مع سراج نفس الاصرار وقوة الرأس والانكار التام لاي صلة او علاقة او حتى معرفة بالمرحوم ، على عكس
ما كان يجري في الغرفة الثانية التى تقودها الاخت فتحية فالطفلة بعد ان شعرت بالاطمئنان وشربت قزازة بيبسي انداحت في سرد وقائع
القصة وادلت بافادات خطيرة قد تقود عمها الى حبل المشنقة.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
العطر النسائي يفوح باسرار القضية .......... اى دي صورة عمر ودمعة رقيقة تسيل على خدها *** عمر خطيبي *** وعاوز يعرسني ***
انا في المدرسة لكن عايزه اعرس *** ....... صاحبتي وقدري عرسوها *** ابوي وعمي قالوا عمر زول ما كويس *** عشان ما بشتغل ***
وعاوز يحوم طوالي *** هو قريبنا *** اى بعرف سراج البوليس برضو قريبنا *** عمر كل مرة بجي لي ابوي وعمي ويقول لهم عاوز يتم
العرس وهم رافضين *** يوم كتلوهو جانا عمر في البيت وكان بتكلم مع ابوي وعمي وصوتهم بقي عالي وانا شفت عمي شال سكين طعن عمر
*** هم قالوا لينا انا وامي ومرة عمي والشفع ندخل جوه لمن عمر جاء *** الشفع اخواني واولاد عمي كانو نايمين *** انا كنت بعاين
بي فتحة الشباك *** لالا ابوي ما ضرب عمر عمي هو الضربو *** يمكن مرتين او تلاتة ما عارفه انا بعد الضربة الاولي بكيت وجريت ***
امي قالت لي ما تكلمي زول بالكلام ده عشان ما يودوه ابوك السجن.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
عادت القوة التى تركنها في المنزل وبصحبتهم عم البنت ويدعي ابراهيم ..... بحسب شهادة الطفلة هو القاتل لذا تم وضعه في زنزانة
انفرادية قبل ان يتم استجوابه ، وعدنا مرة اخري للاستماع الى شهادة الطفلة ..........
ابوي وعمي وعم سراج شالوا عمر بعربية الكارو بعد لفوه بي بطانية وبعد داك ما بعرف ودوه وين هم قالوا لي ما مات لكن انا كنت
عارفه انو مات.
شهادة متماسكة من طفلة صغيرة في عمرها لكن تمتاز بوعي وفهم كامل لما تراه ، القانون السوداني يقبل شهادة الاطفال لكن لابد ان
تعضدد بدليل اخر يقويها وهذا ما كان يجب علينا العمل على توفيره. عدنا مرة أخري بموجب أمر تفتيش وبعد استيفاء كل الضوابط
القانونية وبصحبة فنيي المعمل الجنائي عدنا الى المنزل وبعد عملية تفتيش مضنية استغرقت عدة ساعات بحثنا في كل ارجاء المنزل
كنا نبحث عن سلاح الجريمة والبطانية ....... عثرنا على سلاح الجريمة (سكين ذات مقبض خشبي محلية الصنع) محشورة بين حصير تعريشة
في الحوش اما البطانية فلا اثر لها. تم تحريز السكين لم يجد فنني المعامل اى اثار لدماء في الارض لان الارضية ترابية (رملة) وواضح
انها تعرضت لنظافة وترتيب بشكل جيد ، السكين مع انها غسلت الا انها لم تخلو من اثار قليل من الدم قرب المقبض.
عربة الكارو التي تم نقل الجثة بها عثرنا عليها متوقفة تحت ظل اشجار ليس بعيداً عن المنزل بين ثنايا خشب عربة الكارو كانت اثار
الدماء واضحة.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
على ضوء المعلومات والأدلة المادية التى توفرت تم القبض على سراج لم نبلغه عند القبض عليه بما استجد من معلومات الا بعد
احضرناه الى القسم وذهل بالطبع عندما وجد البنت واهلها كلهم في القسم ، كل العناد والانكار تلاشي في لحظات وانهمرت الاعترافات
من الجميع.
علاءالدين والد الطفلة اكد كل ما ورد على لسان ابنته الا انه نفي ان يكونوا قد بيتوا النية لقتل عمر وان ابراهيم في لحظة انفعال
قام بطعن عمر ثلاث طعنات.
ابراهيم اعترف بقتله لعمر وانه انفعل لان عمر سبه اثناء النقاش وهو لم يحتمل ذلك وان السكين كانت موضوعة في طربيزة بقربه ، وبعد
ان طعنه واتضح له ان عمر توفي لم يستطع التصرف وان علاءالدين هو الذي اشر عليه بالاستعانة بسراج.
سراج اعترف بأنه لم يحضر واقعة القتل وانه شارك بعد ذلك بعد ان حضر اليه ابراهيم في المنزل واخبره بما حدث ، وانه اى سراج هو
صاحب فكرة رمي الجثة في النيل على أمل ان يحملها التيار بعيداً عن الخرطوم وربما تظهر في مكان بعيد لايربطها بمسرج الجريمة. وانه
لم ينسي انه شرطي ويقع عليه عبء وواجب قانوني لكن شعوره بان الحادث غير مدبر وان هولاء الاشخاص اهله دفعه لارتكاب حماقة التستر عليهم.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
الاعترافات القضائية + شهادة الطفلة + البينات المادية كانت كافية لتقديم قضية متماسكة للمحكمة وقد احلنا ابراهيم وعلاء الدين
وسراج جميعهم بتهمة القتل بالاشتراك ....... عادة تلجاء الشرطة في الاحالة التوسع في توجيه كل الاتهامات المحتملة والمحكمة ليست
ملزمة بذلك فلها مطلق الحرية في التغيير في صيغة الاتهام والادانة ...........
قضايا القتل دائماً تاخذ وقت طويل في المحاكمة وقد تستمر لعدة سنوات ..... نقلت من القسم الشرقي بعد ان ادليت بشهادتي كمتحري
امام المحكمة ....... وحقيقة لا علم لي بقرار المحكمة النهائي ....... قد يستفيد ابراهيم من بعض الدفوع القانونية التى تحيل
تهمة القتل العمد الى تهمة القتل شبه العمد مستفيداً من استثناء (الاستفزاز الشديد المفاجئ او المعركة المفاجأة) وقد تكتفي المحكمة
بالنسبة لسراج بادانته بتهمة التستر فقط.
| |
|
|
|
|
|
|
|
|
|
Re: جثة على شاطئ النيل الأزرق !! (Re: خالد كدودي)
|
سعادتو عمر
ما قصرتا والحمد لله وفيت و كفيت
سبحان الله يعني يضع سره في اضعف خلقه يعني البت الصغيرونه دي كرت الكلام كلو
ربنا يجزاكم كل خير على كل ما تقدموا لكي يظهر الحق
وفعلا مافي جريمه كاملة
| |
|
|
|
|
|
|
|
|
|
Re: جثة على شاطئ النيل الأزرق !! (Re: مريم عبد الله)
|
شكراً جزيلاً يا بوعمير ويديك العافية وفى إنتظار جثة أخرى
والله سبحان الله!
أنا شايف ياروما سر ومفتاح حل الجريمة فى صاحب القتيل بتاع السوق الشعبي
وسبحان الله، ربنا رسلو قبل الجريمة علشان يعرف البيت، ولو ما هو كان دم القتيل
راح شمار فى مرقة.
ولكني أشعر بتعاطف مع القاتل، وأجزم بأنه حدث تحت تأثير الاستفزاز الشديد
وفعلاً من حيثيات ومكان الجريمة، لم يكن مبيت النية ولو كان مبيت النية كان
كتلو فى مكان تاني بعيد عن الأطفال والبيت
| |
|
|
|
|
|
|
|
|
|
Re: جثة على شاطئ النيل الأزرق !! (Re: النذير حجازي)
|
النذير حجازي كلامك صاح لحد كبير
سبحان الله ربنا تقول لي حكمه خلا القتيل يمشي لبيت نسابتو ومعاه صحبه ملاحظة قويه يا النذير
لكن انا ما اتعاطفتا مع القتل الولد لانو حتى لو هو انفعل ليه ما مشا وبلغ وليه استعان بقريب عشان يغتي على جريمته
دا الغازيني يعني انت قتلت الراجل اتحمل نتائج عملتك وعلى الاقل امشي سلم نفسك وما ترموا الولد في النيل وتنكروا معرفتكم بيه
جنابو ان شاء الله دي ما اخر جريمه تحكيها لينا واي شي تكتبوا نحنا بنجي نقراه ونستفيد من تحليلك
| |
|
|
|
|
|
|
|
|
|
Re: جثة على شاطئ النيل الأزرق !! (Re: جمال السنوسي)
|
الاخوان مريم والنذير وخالد
شكراً للمتابعة والتحليل اتفق معكم في اهمية ومحورية شهادة البنت وصديق المرحوم لكن اذا اردنا تحديد النقاط المفصلية التى
قادت الى كشف غموض الجريمة لابد من الاشارة اولاً الى فكرة الرائد النور يوسف بنشر صورة المرحوم في الصحف وهي التى قادت الى النقطة
الثانية افادة الشرطي الذي يعمل في القسم مع سراج ثم يأتي دور صديق المرحوم ومن بعده القول الفصل في شهادة الطفلة. ولا تنسوا رجل
المباحث الذي قادنا الى صديق المرحوم كلها محطات هامة تكاملت خيوطها لتنسج النهاية المنطقية للجريمة.
| |
|
|
|
|
|
|
|
|
|
Re: جثة على شاطئ النيل الأزرق !! (Re: جمال السنوسي)
|
جمال مازيمبي ازيك ......
الاستعجال في النهاية عيب اعترف به لازم القصة السابقة (جريمة نهب في العمارات) لكن تعرف ياجمال حقيقة ظروف الكتابة للناس
الجوه السودان صعبة خلاص واخونا عبدالرحيم بعاني من نفس المشكلة بهناك في قصة ضوينا ، المشغوليات والواجبات الاجتماعية ... الخ
وزيد عليها شفقة ناس المنبر (اصلوا الشمار حار) كل الحاجات دي بتخلي الواحد يستعجل.
اما عن هتشكوك فدي فكرة كويسة وح ابدأ بي قصة (رعب في المقبرة) بطولة مازيمبي والموسيقي التصويرية من الحان صلاح ادريس
اهاااا كده كيف ؟؟؟؟
| |
|
|
|
|
|
|
|
|
|
Re: جثة على شاطئ النيل الأزرق !! (Re: humida)
|
Quote: يا جنابو ..
ما قلت لينا شـنو قصة الخطيبة العمرها 10 سنوات دي .. من السياق يتضح انه اهلها رافضين الموضوع .. |
تعرف ياحميدة دي زاته جريمة داخل جريمة وللأسف اهلها لم يكونوا رافضين لفكرة زواج الطفلة بقدر ما كان لديهم رأي سالب في
العريس (المرحوم) باعتباره ليس لديه عمل ثابت ....... مشكلة زواج الصغيرات مشكلة موجودة في مجتمعنا قد تكون خفت حدتها الان
لكن لاتزال موجودة. بالطبع مظهر الطفلة كان يبدو اكبر من عمرها من حيث ظهور علامات الانوثة عليها لكن نظرة في عينيها او سماع
صوتها كانت كفيلة بالجزم بانها لاتزال طفلة.
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
Quote: ابدأ بي قصة (رعب في المقبرة)
اهاااا كده كيف ؟؟؟؟ |
يا عمر
معقولة لي هسه انت زي الامريكان
حايف من سيرة 11 سبتمبر
ياخي دي كورة
اي نعم كان فيها صاروخين اب لستك
ولكن ياخي ما تترعب
ولو لسه مرعوب
اكتب لينا
باقي لي انت عايشت الدفن في المقبرة
يوم 11 سمبتمبر
ودي بتكون قصة مفيدة
عشان انت من البطيخاب اليدهم في النار
وانت زول كتااااااااااااااااب
بس اكتب لينا عن اي شيء
انشاء الله باص النسيب
| |
|
|
|
|
|
|
|
|
|
Re: جثة على شاطئ النيل الأزرق !! (Re: omer osman)
|
| Quote: سبحان الله يعني يضع سره في اضعف خلقه يعني البت الصغيرونه دي كرت الكلام كلو |
شكراً يا عمر عثمان, على السرد المشوق وحتماً انت كاتب بارع
لو فى فرصة للتنظير
بما ان أول دليل مباشر صدر من البنت الصغيرة دي ... هل يمكن تلخيص القول على أنها مصداقية أنثى تجاهـ الحبيب ؟
وخاصة وأن هنالك كثير من الأقوال على ان الانثى أكثر مصداقية من الرجل فيما يخص الولاء فى الحب.
| |
|
|
|
|
|
|
|
|
|
Re: جثة على شاطئ النيل الأزرق !! (Re: الفاتح شلبي)
|
| Quote: القصة الجاية اديها صنة شوية اسمها (جريمة سرقة في المطار) |
عمر سعادتو
لكن صراحة لقيتك حناك وتفوقت على الجاح صاحبك (قصة خطيره والاخطر طريقة سردك لها )
لكن لحس ناس المطار حاجه غريبة جدا اذا دقست من شنطتك ................................
يازول البوست مرات ممل جدا
احكي ونحن في الانتظار وجنبي الشاويش مريم عبد الله
| |
|
|
|
|
|
|
| |
omer osman
وليد عبد اللطيف
مريم عبد الله
عبد الرحيم محمد عبد الرحيم
ياسر عبدالعزيز الطيب
النذير حجازي
Ishraga Haimoura
Nader Abu Kadouk
tmbis
humida
نيازي مصطفى
نيازي عبدالله مرحوم احمد
ASHRAF MUSTAFA
عبدالله كع
willeim andrea
جمال السنوسي
اسامة الكاشف
حامد محمد حامد
Mannan
كمال عكود
أبوالزفت
ناصر احمد الامين
الامين جبارة الله التوم
الفاتح شلبي
فيس بوك
تويتر
انستقرام
يوتيوب
بنتيريست