|
|
 بلاى التنظير مابجيب ليكم إرتكاريا
|
والله ياجماعه الحرب تزيد نفسيتى سوءاً وتقفل شهيتى
يوماً بعد يوم وأنا أصلاً واصله معاى
والزهج مالينى وقناه الجزيره والعراق مع إنى تابعتهم
الإسبوع الأول بإهتمام بالغ الا أنهم ساعدوا على تأزَّم نفسيتى
ومقتل طارق إيوب رحمه الله عليه
وزوجته التى أكدت على أننا سنساه جميعا
حتى قناه الجزيره ستنساه جعلتنى أبكى بحرقه وأبكى إبنته
وأبكى حظى العاثرالذى جعلنى أشهد كل هذا الكم الهائل من الإحباطات
وأقف مكتوفه الأيدى لا ألوى على شئ ولا اجد مهرباً الى الدعاء
كنت فى البدايه أدعى لنصره الحق ولنصره صدام والمسلمين
وأنا على يقين تام إن صدام الى الآن يُحرز نصراً ساحقاً
ويكفى أنه قال لا لعدو الله
حتى لو هرب صدام فى نظرى كفايه علم العرب كيف يكون الصمود
لكن أجى عشان أقراكم ألقاكم كل واحد شايل ماعونه
وشايت على جهه لا عرفنا صدام كافر لا عرفناه طاغيه لا عرفناه دكتاتور
طيب ورونى المادكتاتور منو لا عرفناه صدام كيماوى زى ود عمه على كيماوى
لا عرفناه المهدى المنتظر وووووووووب من وجع الرأس
وكلو كوم والصَّحاف كوم بقى زى الأمريكان يقولوا تور يقول بقره
يقولوا قصفنا يقول تعالوا شوفوا الدنيافاضيييييه مافى دبابات
ياجماعه إنتوا زاتكم جننتونا
وإنتوا طبعاً مواكبين ومع الحدث من قلب الحدث
وعلى فوهه الجحيم وأنا خلاااااااااص فاض بى
أها قلت لأختى نفسى فى حاجه كده أقراها ما تنتهى كلو كلو
زى كلام د/ قطامه وروايات د/ أبكر الله يديه العافيه ويمتعه زى مامتعنا
وزى شكلاات ود عزه وأساسى والمدافعين من كل حدب وصوت
وزى إبداعات الرحمابى البتنزل برد وسلام وبتثلج صدورنا
وزى وزى وزى
والخواطر الكنا بنقراها ونكتبه قلتوا الناس فى الناس والمعزه فى النفاس
والباقيين مواجبين للماعز
أها أُختى قالت لى الحاصل الفى الدنيا دا كلو ماعاجبك
تفتشى على حاجه مابتنتهى قلت ليها صاح والله
الظلم والعدوان كل يوم بتجدد مابننتهى من تضميد جراح الاَّ
ينفتح لينا جرح تانى والله لسه بتذكر حرب الخليج الأولى
ونحنا بنلملم فى متاعنا عشان نرجع أراضينا
ولما جينا نلملم روحنا لقينا صدام لملم رويحاته
أها فرشنا البيت من أول وجديد
وقعدنا نستنا فى الجرح الجديد ولسه ياما حنشوف
طيب ياجماعه أنا لو إستحقيت التجانى الماحى ولاَّ مقابر شرشوره
أرفع دعوه على منو الطاغيه الأرعن بوووووووش عليه لعنه الله هو تابعيه
ولا على شرف الرجال ونجليه الأشاوس
المهم أرجوا إنى ما أكون بريتكم بالمقدمه المختصره
والآن الى موضوع البوست حبيت أنزل ليكم بعض القصص التى صدرت من نادى
القصه السودانى تحت عنوان (دروب جديده) وياريت العنده قصه جميله
يتحفنى بيها رجاء خاص أنا قلت أقدم السبت عشان القى الاحد
|
|
 
|
|
|
|
|
| |
وجن
فيس بوك
تويتر
انستقرام
يوتيوب
بنتيريست