|
|
 Re: عيب يا آخر لحظة .. عيب (Re: أيمن محمود)
|
| Quote: رفقاء صلاة الفجر !! |
الما عارف بالظبط كده يعني شنو المتاجرة بالدين؛ الجملة الفوق لخصت كل المعاني !
انا كمواطن في ولاية الخرطوم - ايه استفيد من صلاة الخضر للفجر ؟؟!
أيام كنا طلبة - كان عندنا مشروع ثقافي في شرق النيل - وقررنا نقابل المحافظ عشان يعمل لينا على الأقل بعض التسهيلات
بعد مجابدة قدرنا نأخذ من السكرتير بتاعو موعد عشان نقابلو
أها يوم الموعد والمفروض يكون الساعة 11:30 صباحاً، حضرنا قبل الموعد بنص ساعة عشان ما نترك أي مجال للمراوغة
اتفاجأنا انو الاستقبال مليان بناس برضو عندهم مواعيد مع المحافظ الساعة 11:30 
المهم جات الساعة 12:00 ومافي أي زول ندهوهو يقابل المحافظ لا احنا لا غيرنا !!، قمنا مشينا للسكرتير وسألناهو
- الحاصل شنو يا عمر ... احنا مواعيدنا مع المحافظ الساعة 11:300
- ايوه فعلاً مواعيدكم الساعة 11:30 والناس البره ديل كلهم عندهم معاهو مواعيد ،،، بس والله المحافظ نايم !
- نايم؟ الساعة 12 الضهر ... في شنو؟ .. عيان ؟!
- لا والله ... بس لأنو الليلة من صلاة الصبح طوالي (عملو) جولة في سوق سته قبال الناس تجي وما جاء الا الساعة 10:30 وجاء تعبان
عشان كده هسا نايم ،،، بس بعد يصحى بقابلكم ان شاء الله
طبعاً بعد ما صحى خش في الضهر طوالي
|
|
  
|
|
|
|
|
| |
أيمن محمود
فيس بوك
تويتر
انستقرام
يوتيوب
بنتيريست