|
|
|
 Re: قفشة صغيرة .. بمناسبة الحول بى قطعة فى غربة ربيع (Re: Jamal Mustafa)
|
جمال كيف حالك
زكرتنى ود جيرانا اغترب ابوظبى فى بداية السبعينات وكل ما يشترى ليه بدلتين
وكم قميص يجى ناطى يقعد شهرين ويتمتم حق التذكرة ويرجع، وعنده اخوه متضايق
منه ومن حركاته دى ومره رجع وجاب تلفزيون ملون اول ايام ظهوره ومعاه الاريال
النوع الزى محطات اللاسلكى داك فيه امتدادات فوق وتحت والارايل كلها كانت من النوع
الزى عضم الضهر حق السمك ورفع الاريال ده فى برميل مصبوب بالاسمنت فصار اعلى قمة
فى الحى واى زول بشوفو والمهم طالع بتاكسى ونازل بتاكسى واخوهو متضايق يوم اظن فلس
واخوه ده ميكانيكى عنده عربية الميكانيكية العارفها ديك المهم رافعه كراعه وبكدح الراجل وهو
طالع من البيت زولك ده قال ليه وصلنى معاك اخوهو بزعل دور وقال ليه اركب اريلك ده..
هسه ربيع ده اول شى مفصول من كلية التربية السنه الثانية لاسباب اكاديميه وجاء السعودية
و اشتغل بشهادة الثانوى موظف فى شقق مفروشة براتب اربعه الف وعنده سبعه اطفال ماشاء
الله يبقى كيف الحول بى قطعة ارض؟
ازيدك من الشعر بيت ربيع ده سيارته السايقه اوودى 6 سلندر جماركها فقط اكثر من 800
مليون و صرف بنزينها فى الشهر يكفى لاعالة خمسه اسر ده كلام خشمه، واتزوج قبل سنتين
بحسناء فى عمر اولاده واصغر كمان دى سكنها الصافيه سمح الفساد ،،،
| |
  
|
|
|
|
|
|
|
|
Re: قفشة صغيرة .. بمناسبة الحول بى قطعة فى غربة ربيع (Re: صديق الموج)
|
| Quote: انااعيش من مدخراتي لاني كنت 14 سنة خارج السودان، وفي كل سنة من هذه السنوات كان لدي قطعة ارض، ومن حسن الحظ ان الاراضي صارت اسعارها اضعافا مضاعفة ومن ضمنها قطعة إشتريتها في شارع الستين، ولم أمنح من حكومة السودان متر مربع واحد |
هههههههه هسى ياصديق نحن نقول لى أهلنا البسمعوا الكلام ده شنو!!!
زمان قال دخل الفرد عندنا 1800 دولار شبكونا الجماعة هنا
ليش تجلسوا فى السعودية الواحد دخلوا فى بطن بلدو بدخل 1800 دولار
الله فى ،،،
| |
|
|
|
|
|
|
|
|
|
Re: قفشة صغيرة .. بمناسبة الحول بى قطعة فى غربة ربيع (Re: Jamal Mustafa)
|
| Quote: انااعيش من مدخراتي لاني كنت 14 سنة خارج السودان، وفي كل سنة من هذه السنوات كان لدي قطعة ارض، ومن حسن الحظ ان الاراضي صارت اسعارها اضعافا مضاعفة ومن ضمنها قطعة إشتريتها في شارع الستين، ولم أمنح من حكومة السودان متر مربع واحد |
ياخى ربيع ده ما بختشى عشرة قطع من القالها دى فى مدينة الشهيد طه الماحى والذى توفى فى طائرة الزبير محمد
صالح الشهيرة وربيع لما رجع من هنا سنة 90 الطيارة زاتا ما وقعت وطه ده ما مات ولا عملو حى باسمه
كيف اشتراها لما كان هنا وربيع لما رجع شارع الستين ده زاتو ما كان فى غايتو حرامى وعينه قويه
خلى يبرز شهادات البحث دى وتواريخ الشراء،،،
| |
|
|
|
|
|
|
|
|
|
Re: قفشة صغيرة .. بمناسبة الحول بى قطعة فى غربة ربيع (Re: صديق الموج)
|
Quote: ياخى ربيع ده ما بختشى عشرة قطع من القالها دى فى مدينة الشهيد طه الماحى والذى توفى فى طائرة الزبير محمد
صالح الشهيرة وربيع لما رجع من هنا سنة 90 الطيارة زاتا ما وقعت وطه ده ما مات ولا عملو حى باسمه
كيف اشتراها لما كان هنا وربيع لما رجع شارع الستين ده زاتو ما كان فى غايتو حرامى وعينه قويه
خلى يبرز شهادات البحث دى وتواريخ الشراء،،، |
غايتو كلام ده بقول أنو جاهز فى دفاعوا
وشهادة البحث التاريخية للقطع كان لحق جابها
ودعمها بشهادة البائعين بكون صدق فى الموضوع ده
الله فى ،،،
| |
|
|
|
|
|
|
|
|
|
Re: قفشة صغيرة .. بمناسبة الحول بى قطعة فى غربة ربيع (Re: Jamal Mustafa)
|
عندنا قريبنا برضو مغترب كم سنة كدى والغربة مدياهو ضهرها
بس بسطة فى الجسم ورقبة ماكنة رغم المصائب .
وصل مرحلة الإقامة منتهية والكفيل مامعروف المهم لمت فيه
الكشة وصبح ذات يوم فى سواكن لاقاهو واحد فى صالة سواكن
من الجماعة اليساعدوا العائدين فى تخليص عفشهم شاف زولنا
رقبتو ماكنة وشحمان قال ليه : وينوا عفشك النأشروا ليك
من ناس الجمارك :
قال لى : إلا إشروا لى فى رقبتى الماكنة دى الياهاالجيت بيها
من الغربة .
حكم ناس تجىء بى رقبة ماكنة وناس تجىء 14 قطعة وناس ما تجىء كلكلو
قادر الله فى خلقوا ،،،
| |
|
|
|
|
|
|
|
|
|
Re: قفشة صغيرة .. بمناسبة الحول بى قطعة فى غربة ربيع (Re: Jamal Mustafa)
|
قريبنا،،،كان مغترب بليبيا ...
اها جا بي مسجلو وبطانيتو...
الحلة انكسرت فوقو من ليلا طويل...
صباحا بدري شايل ابريقو يشوف ابوها شايل سكينو
اجرجر ليهو في خروف...
كورك لي بوه يابه يمين تقيف ،،يمين حقو ما جبتو...
ابوه ضحك،،قال ليهو ياولدي يمين من شفتك طابق مسجلك عرفت الفيك....
ياولدي ،،،البركة في عافيتك....
ناس ربيع ديل ايامن سمحة،،،والله راضي عليهن....
ديل ما ناس الله ياجماعه....
ما تباري صديق الموج ده زول ما بيؤمن بالكرامات
قال عربيه جماركها 800 مليون
شنو يعني...كتيرة....
ده ما شغل الصلاح ذاتو...
والله عيسي بتاع الفاشر ده اتاخر علينا كتير....
| |
|
|
|
|
|
|
|
|
|
Re: قفشة صغيرة .. بمناسبة الحول بى قطعة فى غربة ربيع (Re: عبدالعزيز عثمان)
|
سلام للأخوين ود الموج وجمال مصطفى
كلامكم ما بنسمعوا أبداً. إنتو عايزين تزوغوا من حكاية العام بقطعة أرض.
كل واحد فيكم يحسب سنين جلوسه في المملكة ويورينا شهادات البحث بعدد قطع الأراضي بعدد سنين الجلوس بالمملكة.. أي أعذار غير مقبولة..
كمان يا الموج جيت تكحلها عميتها.. الزول مرتبه 4000 ريال وعمل دا كله!! إنتو بتودوا الفلوس دي وين؟
دي قفشة من عمنا سنجك: عندما تخرجنا من الجامعة كان مرتب الخريج أسكيل كيو 48 جنيهاً و16 قرش. زار سنجك من البلد إبنه الموظف في الخرطوم وهو خريج جديد. سأل عن مرتباتهم. قالوا له: مرتب الواحد فينا 48 جنيه في الشهر. وسألهم عن توفيرهم. قالوا ما عندهم توفير.
قال لهم: عرفناكم سفهاء صرفتوا الثمانية جنيهات، ال40 جنيه وديتوها وين؟
يا الموج أنا عارف مرتبك 35 ألف ريال. عرفناك مع بت أخوى سفهاء صرفتوا 5 ألاف ريال ورينا ال30 ألف ريال وديتوها وين؟
جمال مصطفى أنا جاييك أصبر.
تحياتي.
كبـّاشي الصـّـافي
| |
|
|
|
|
|
|
|
|
|
Re: قفشة صغيرة .. بمناسبة الحول بى قطعة فى غربة ربيع (Re: عبدالعزيز عثمان)
|
Quote: ما تباري صديق الموج ده زول ما بيؤمن بالكرامات
قال عربيه جماركها 800 مليون
شنو يعني...كتيرة....
ده ما شغل الصلاح ذاتو...
والله عيسي بتاع الفاشر ده اتاخر علينا كتير.... |
إحلنا أزرق جبر اللانام ولا أكل الطعام
قلت لى ياعبد العزيز أخوى عيسى ظهر تب
فى فاشر السلطان عندنا صندوق فى الشركة
أنا صرفتى شهر 12 أنط يعنى ولا كيف !!!
| |
|
|
|
|
|
|
|
|
|
Re: قفشة صغيرة .. بمناسبة الحول بى قطعة فى غربة ربيع (Re: Jamal Mustafa)
|
Quote:
كلامكم ما بنسمعوا أبداً. إنتو عايزين تزوغوا من حكاية العام بقطعة أرض.
كل واحد فيكم يحسب سنين جلوسه في المملكة ويورينا شهادات البحث بعدد قطع الأراضي بعدد سنين الجلوس بالمملكة.. أي أعذار غير مقبولة.. |
كباشي ود الصافى
نحن بدونا راتب ( تعارف) بس
راتب التعارف ده النحكى ليك قصتو
جانا واحد جديد فى أواخر التسعينات بطيبة السودان ديك مشى قابل ليه واحد عشان إشتغل معاه
جاء المساء قلنا ليه خير إن شاء الزول ده أداك راتب كويس !!!
قال : والله مابطال أدانى راتب تعارف 1300 ريال
نطه لى واحد قال لى يازول أنت جاى فى رحلة عشان تتعارف الناس
عشان كدى الخبير ربيع أده أورينا لينا تجربتو دى
ممكن ناس راتب التعارف ألقو درب لى قطع المدن دى
| |
|
|
|
|
|
|
| |
Jamal Mustafa
صديق الموج
عبدالعزيز عثمان
cantona_1
فيس بوك
تويتر
انستقرام
يوتيوب
بنتيريست