أطلق مجموعة من الشباب حملة بعنوان #لا_للحرب ضمن عدة فعاليات ستقام تحت برنامج مبادرة الحرية اولا في محاولة جادة للتغيير .. نرجو التفاعل و الدعم
.............
(لا للحرب هي صرخة للشباب السوداني يطالب فيها النظام بوقف الحرب والانتهاكات الانسانية التي تحدث الآن في دارفور والنيل الازرق وجبال النوبة ويطالب بها المجتمع الدولي لأخد مواقف جادة أكثر احترامآ توازي ما يحدث من ابادات بحق الانسان السوداني ويناشد بها القوى السياسية الحية بالمضي قدمآ في طريق الخيار الشعبي المجرب الانتفاضة الشعبية.) حاتم شناب - القيادي بالحزب الديمقراطي الليبرالي
04-13-2014, 10:19 PM
Ahmed Abdelbasit
Ahmed Abdelbasit
تاريخ التسجيل: 03-04-2014
مجموع المشاركات: 49
مبادرة شبابية من أجل الحرية والكرامة.. فالحرية حق أصيل وليست منحة..
نحنا اولاد وبنات السودان اتفقنا انو السلبية ما بتنفع والبلد بتغرق وكلنا في مركب واحدة لوغرقت حتغرق بينا كلنا.. وكمان الشغل الفوق فوق ما بنفع.. قررنا نعمل شغل يصل للناس. كل الناس.. عملنا مبادرة اسمها الحرية اولا".. الحرية اولا" قبل اي حاجة.. حرية التعبير.. والتنظيم.. واي حرية تانية.. الكلام ده موجه للناس المنتمين سياسيا.. وغير المنتمين دة راينا كشباب.. ومساهمتنا ف الماشي دة.. المبادرة فيها حملات كتييييرة.. حتبدا بي لا للحرب.. ودرب من دم ما بيودي.. وحتستمر في حملات كتيرة جاية.. الفرق المرة دب انو نحنا دايرين نخلي الهم همنا كلنا.. انا.. وانت/ي سبد الدكان.. سيد اللبن.. سيد الخدار.. الموظفين والعمال.. السياسيين.. والمواطنين.. والناس الواقفة علي الرصيف.. عشان البلد دي بتستحق احسن من كدة.. يلا كلنا يد واحدة من أجل الحرية..
************************************************
المبادرة مفتوحة لكل الناس المؤمنين بي اهدافها.. وانت من محلك ممكن تساهم معانا بي شنو? مساهمتك ممكن تكون في مكان شغلك.. في حيك.. في جامعتك.. او لو حتي كنت من سودان المهجر..
************************************************
شركاء المبادرة :
شباب قوى الإجماع.. شباب حركة حق.. شباب الحزب الديمقراطي الليبرالي.. اللجنة الشبابية لمناهضة السدود.. تجمع روابط شباب وطلاب دارفور.. رابطة شباب وطلاب جبال النوبة.. شباب الدالي والمذموم.. شباب المناصير.. تجمع شباب السودان الحر.. شباب الخرطوم شرق.. شباب شمبات.. شباب الكلاكلة.. وإنت وأنا وشباب الحلة وكلنا يلاكم نكون شركاء في المبادرة..
أول خطوة حنبدأ بي حملة #لا_للحرب.. لأنو الحرب سلبتنا أعز ما نملك.. شباب زي الورد.. أطفال زي نور الصباح.. نازحين بالآلاف.. مواردنا كلها موجهة للحرب.. ولسة شغالة تطحن فينا وفي أهلنا.. المستفيد من ده منو؟؟ أكيد مافينا زول مستفيد.. يلا كلنا ضد الحرب.. يلا عشان عيون أطفالنا ما تضوق الهزيمة..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة