|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
دا شاعر الحزب الشيوعى السودانى .. تغنى لانقلاب مايو تغنى لثورة مايو تغنى لذبح الانصار تغنى لحسم اليمين الرجعى مجد ثورة مايو تغنى لنميرى تغنى لمجلس قيادة انقلاب مايو
فهو بحق شاعر الحزب الشيوعى السودانى دون منازع الا من قليل منافســة من الشاعر الشيوعى كمال الجزولــى
غنى الشاعر محجوب شريف لمايو:- يا فارسنا ويا حارسنا يا بيتنا ومدارسنا كنا زمن نفتش ليك وجيتنا الليلة كايسنا يا حارسنا حبابك ما غريب الدار وماك لي حقنا الودار كنا زمن نفتش ليك وجيتنا الليلة كايسنا يا حارسنا جيتنا وفيك ملامحنا بعد يا مايو ما يئسنا بنرجع ليك توصينا بنسمع ليك تحدثنا بيك يا مايو يا سيف الفدا المسلول نشق أعدانا عرض وطول حلفنا نقيف ونتحزم نشد الساعد المفتول عشان نبدي اشتراكية ونرفع راية هم خلوها فوق السارية متكية دقت ساعة كانت نجمة في أعماقنا منسية كنا زمن نفتش ليك وجيتنا الليلة كايسنا يا حارسنا في حكاياتنا مايو في شعاراتنا مايو ورسم شاراتنا مايو أنت يا مايو الخلاص يا جدارا من رصاص يا حبالا للقصاص من عدو الشعب في كل مكان من عدو الشعب في كل زمان ثم أنشد انت يا مايو الخلاص أنت يا مايو بطاقتنا التي ضاعت سنينا أنت يا مايو ستبقى بين أيدينا وفينا وسنحميك شعارا وسنفديك اقتدارا لم تكن حلما ولكن كنت للشعب إنتظار
غنى الشاعر محجوب شريف لمايو:- يا فارسنا ويا حارسنا
يا بيتنا ومدارسنا كنا زمن نفتش ليك وجيتنا الليلة كايسنا يا حارسنا حبابك ما غريب الدار وماك لي حقنا الودار كنا زمن نفتش ليك وجيتنا الليلة كايسنا يا حارسنا جيتنا وفيك ملامحنا بعد يا مايو ما يئسنا بنرجع ليك توصينا بنسمع ليك تحدثنا بيك يا مايو يا سيف الفدا المسلول نشق أعدانا عرض وطول حلفنا نقيف ونتحزم نشد الساعد المفتول عشان نبدي اشتراكية ونرفع راية هم خلوها فوق السارية متكية دقت ساعة كانت نجمة في أعماقنا منسية كنا زمن نفتش ليك وجيتنا الليلة كايسنا يا حارسنا في حكاياتنا مايو في شعاراتنا مايو ورسم شاراتنا مايو أنت يا مايو الخلاص يا جدارا من رصاص يا حبالا للقصاص من عدو الشعب في كل مكان من عدو الشعب في كل زمان
ثم أنشد انت يا مايو الخلاص أنت يا مايو بطاقتنا التي ضاعت سنينا أنت يا مايو ستبقى بين أيدينا وفينا وسنحميك شعارا وسنفديك اقتدارا لم تكن حلما ولكن كنت للشعب إنتظار
ــــــــــــ معليش انت لا ترقى لان ارد عليك لله فى الله كدا بخاف منك ( اها كلامك شنو )
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: معاوية عبيد الصائم)
|
بدر الدين ليس أنت بمناح ألقاب فالشعب هو الذي يمنح ويعطي محجوب شريف.. رحيل "شريان الشعب"
Quote: رحل فارس "القصيدة العامية" في السودان.. لكن بقيت قصيدته "الشعب حبيبي وشرياني.. أداني بطاقة شخصية" خالدة في وجدان السودانيين والعرب بالإضافة إلى الكثير من القصائد الخالدة التي أثرت الثقافة الشعبية في جنوب وادي النيل.
فبعد معاناة طويلة مع المرض ترجل الشاعر محجوب شريف عن جواد القصيد ليغادر الدنيا اليوم الأربعاء.
وكان شريف اعتقل لمرات عدة بدءاً من العام 1971 في عهد الرئيس الأسبق جعفر نميري، وتم وضعه في السجن لثلاث سنوات ابتداء من 1989 نتيجة مواقفه المناهضة لحكومة الإنقاذ في السودان.
ولشريف دور مؤثر في الأغنية والقصيدة الوطنية في السودان، إذ يشير نقاد ومتابعون إلى أن قصائده التي تغنى بها الفنانان السودانيان محمد وردي ومحمد الأمين أسهمت في تشكيل خارطة الغناء الوطني في هذا البلد.
وتلقى "شاعر الشعب" تعليمة الابتدائي والأوسط والعالي بالخرطوم، وعمل بعد تخرجه مدرسا بالمدارسة الابتدائية إلى أن فصل في العام 1989.
ويعد شريف أشهر شاعر سوداني يكتب بالعامية ومن أهم قصائدة "والدة مريم" و"الغويشة"، و"الشعب حبيبي" و"أوعك تخاف". |
http://www.skynewsarabia.com/web/article/619472/%D9%85%D8%AD...84%D8%B4%D8%B9%D8%A8
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: معاوية عبيد الصائم)
|
محجوب شريف شاعر الحزب الشيوعى ( وليس الشعب السودانى )
بدر الدين
من حقـك ان تقول أن المرحوم شـأعر الحـزب و هـذا لا يناقض أنه شـاعر الشـعب ولكن ليس من حقــك أو غــيرك أن تنفي عنه لقــب شـاعر الشــعب للآتي :
1 / من وصـف الشـاعر محجوب شـريف ( الله يرحمو و يغفـر له ) لا يعني الشــعب فـردا فـردا لأن هنالك ( في الشـعب ) أمثالك ممن يرون أنها ليس بشـاعرهم و هتالك من لا يحب الشـعر ............ الخ وايضا هنالك من لم يســـمع بالمرحوم او شــعره لذا كان عليك أن تتعامل مع ( شـاعر الشــعب ) بمقولة أطلق الكل واراد الأغلب او 2 / تنظـر لـ ( شـاعر الشــعب ) باعتباره من تبنى همــوم الغلابة والفقـراء من الشـعب و طالب بحقهـم في الحياة الكريمة و دافــع عنهم و عـبر عن قضاياهم و هنا ايضا اخـرج أكلي مال الشــعب و بهـذا فهــو جديـر بلقب شــاعر الشــعب
لكل ذلك فهـــو شــاعر الشــعب و ابن الشــعب ...............الخ أيا من 1 او 2 تجعلك تســكت عن نفـي لقب شـاعر الشــعب عن محجوب شـريف عليه الرحمة
بدرالدين ما تشـــاتر ,,,,, طبيزك كتر مالك
البركة في الشــعب الســوداني و في أســرته
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: خالد العبيد)
|
يا ود العبيد الغويشا السرقوها ناس أمن النظام هااااااك يا بلد اخلجي وجهازك الأمني حرامي
الغويشاية
هجين الدبله والخاتم سلالة كم وكم حاجه متل الستره وهاجه
بختم الدوله لا حوله باوراقا الثبوتيه صبحت في خبر كان
اللي كانت ليها محتاجه المسيكينه
ما تسألني كم تمن الغويشايه بل جاوبني كم تمن الطمأنينة؟
دخري الحوبه للقمريه حبة عيش وقشايه غويشايه تدسدس فيها وتخبي يعلم الله بتربي علي كل المهن طافت من عين الفقر خافت بس عين الصقر شافت صقر لابس لبس حربي وختم الدوله لا حوله باوراقا الثبوتيه في هنداما متخبي صبحت في خبر كان اللي كانت بيها فرحانه المسيكينه غويشة مي ومريومه تماما زي حمامايه لم تعرف لها زوجا ولم تعرف لها تومه وحيده وجوه عشايه
بتاتا لم تساسق
في الطريق العام
ولا في الحله قوقايه
وتب ما للتباهي
ولا لزوم القدله والزينه
هي المختوته لي يوما
المدسوسه للحفله
المحروسه من غفله الموروثه في الخاطر
المخصوصه للممكن
يكون باكر
مسام البيت
وتسكن في ضرا النومه
وكم تتعثر القومه
كتيرا ما
كتيرا ما
كتيرا ما
ككل الناس
تتم الناقصه بالمويه
وتبقي الستره عشايه
غويشة السترة والحوبه
ومن تعب التي ظلت
ترتق للصبر توبا
تفتق وردة السترة
التبتق في بنياتا
وتعتق ذكري حبوبه
غويشايه
وفر من سكرا وشايا
وفر من كسرتا وزيتا
وكم من باقي ماهيه
يشيلا السوق كما هي
بلا سكة رفاهيه
ولا حتة قماشايه
تساسق مكتبا وبيتا
كما كل الافنديه
حبيبة فول وعيشايا
تساهر ابرتا وخيطا
مكنتا مِن زمن ياما
تحت الداما دواره
وكل زراره نواره
تفرهد في قماشايا
تخليهو القديم لنجي
يبقي المافي من مافي
ويبقي البلدي افرنجي
تقول للذله حاشايا
فاما العبد لللاهي
فزوجاً ليس باللاهي
قلبي الجمره واطيها
وماني محلقا ساهي
ولا متملقا احدا
ولا متعلقا ابدا
باموال و لاجاه
طول العمر ماهيه
بقت حزمة معاشايه
اخيرا اصبحت ورقة
وما بتسد فرد فرقه
المنديل تمن طرقه
والصقر ان وقع
كترالبتابت عيب
ضرا و درقه
لذلك يا رضى نفسي
حزمت الامر من اول
ما بالخوف بنتحول
ولا بنجوع بنتسول
اكيد عمر الكلام اطول
قصير العمر لو طول
احب الكلمة لو حره
احب الستره لو مره
اعاف الشينه لو دره
احب العفه بت امي
حليب الستره في فمي
دبيب النمله في دمي
وكت تلقالا عيشايا
تجر جريا واباريها
وما بتضل طريق الصف
للمخزن
ولم تأذن لنفسها
تنفرد بيها
ولن تأذن
ولم تحزن على ذلك
ولم تحزن
وبعض البعض قد ذهبوا
الي من عنده ذهب
وبعض البعض قد مالوا
الي من عنده مال
ولكن من ستر حالو
يمين الله قد نهبوا
ألا ما اشرف النمله
ألاما اشرف النمله
وتبا للضمير
لمن يصير خمله
فيا لصا حكوميا
بختم الدوله لاحوله
باوراقا الثبوتيه
بكل ملابس الحمله
عمل عمله
عمل عمله
عمل عمله
عفيتك لو بقت سكر
وشاهي وزيت
عفيتك لو كسيت امك
صرفت روشتة الوالد
وراحت في إيجار البيت
واقول ياريت
اذا فرحتهم بالحق
اقول يا ريت
عفيتك.. لو....
ولكنك
دا ما منك
دا ما منك
دا من حال البلد ذاتا
حراباتا وحزازاتا
ناس السلطة ناساتا
ناساً فوق و ناس
تحت الارض اقرب لامواتا
ضاقت ولما استحكمت حلقاتها
ضاقت ولما استحكمت حلقاتها
ياللاسف...
كم من ولد فاتا
سهولا، جبالا، غاباتا
ونيلاً جاري
في حزة مفازاتا
هديك لجة موانيها
وفوق رحمة سماواتا
ضاقت ولما استحكمت حلقاتها
كم من ولد فاتا؟؟
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
قال حبيبنا الشريف محجوب الله يرضى عليهو: الاسم الكامل إنسان الشعب الطيب والديّ الشعب حبيبي وشرياني أداني بطاقة شخصية المهنة بناضل وبتعلم تلميذ في مدرسة الشعب المدرسة فاتحة على الشارع والشارع فاتح في القلب
الله يوسدك الباردة (يابا) امس هتفن البنات (حبيب الشعب يا محجوب) ولم تكن اصواتهن(عورة) ولكنها كانت(ثورة) ثورة وانتفاضة وحبا عظيم للوطن فى شخصك ولشخصك فى الوطن وثير المرقد يا (أب الكل) وكان آخر عهدنا لك قبل ان يوارى جسدك التراب(ماشيين فى السكة نمد من سيرتك للجايين) امش يابا الله يعدل قداميتك وصاتك يابا متقلدنها ولن ننصرف لمثل هرطقات المدعو (بدر الدين) فدرب النضال طويل كما علمتنا يا ابتى ومثل بدر لن يكون حجر عثرة او مدعاة لالتفات ونحن على العهد يا حبيب الشعب........
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
Quote: ليس بشاعرى وامثالى الكثيرين من ابناء الشعب السودانى |
نعم هو ليس بشاعرك يا بدر الدين.هو برضو رأيه كده :
* كانت وصيته ان لا يشارك في جنازته مسئولي الحكومة ( الكيزان )
* اغلب شعره كان في الانتفاضة وتغنى به محمد الامين ووردي وردد خلفهم الشعب السوداني كان ضد نميري والكيزان (كانوا جزء من نظام نميري).
يا بدر الدين هو شاعر الشعب السوداني المعارض للكيزان..
يمكنك اعادة صياغة عنوانك " محجوب شريف شاعر الشعب السوداني ( وليس الكيزان ) "
تحياتي
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: الفاتح شلبي)
|
يا والدة يا مريم ..-------- ياعامرة حنية ..انا عندي زيك كم ..ياطيبة النية بشتاق وما بندم..إتصبري شوية .. ياوالدة يامريم ماني الوليد العاق لا خنت لا سراق.. والعسكري الفرّاق بين قلبك الساساق وبيني هو البندم والدايرو ما بنتم.. يا والدة يامريم عارف حنانك لي .. راجلا تلوليني دايمًا تقيلني وفي العين تشيليني .. القاهو عز الليل .. قلبك يدفيني ضلك علي مشرور ..قيلت في سنيني انا لو تعرفي الفيني انا كم بحبك كم والعسكري الفراق بين قلبك الساساق وبيني هو البندم والدايرو ما بنتّم ياوالدة يامريم طول النهار والليل في عيني شايلك شيل لكني شادي الحيل لا خوف علي لا هم .. هاك قلبي ليك منديل .. الدمعة لما تسيل .. قشيها يا مريم ما بركب السرجين وماني زول وشّين ياوالدة دينك كم دين الوطن كمّين ما شفتي ود الزين الكان وحيد امو وماليها كان العين قالولو ناسك كم ورينا ناسك وين؟ ورينا شان تسلم العودو خاتي الشق ما قال وحاتك طق تب ما وقف بين بين لي موتو يتقدم انا ما بجيب الشين انا ما بجيب الشين انا لو سقوني الدم.. والعسكري الفراق بين قلبك الساساق وبيني هو البندم والدايرو ما بنّتم كم من حبيبًا لي .. كان مالي بينا دروب ما ودّع الحباّن ما وسدوه الطوب حي .. حي قولي ما حي ووب ما خلّى ساعة الموت يمة السرج مقلوب إتشتت الرصاص في جسمو إتقسم لاقاهو يتبسم والحولو حبلو وكان ريحة صباه بتنشم زي التقول يوم داك يوم العرس يادوب انا ما بجيب الشين انا مابخت الشين انا لو سقوني الدم والعسكري الفراق بين قلبك الساساق وبيني هو البندم ياوالدة يامريم يُّمـة السجن مليان رجالّة ما بتنداس الختّو قبلي الساس والشالو هّم الناس والفات وليدًا ليه ما مسّكو الكراس ما سمعو يتكلم ما نحن عود الفاس فرسان حمى وحراس في الحارة نتحزّم عشم القدر ما كاس مالاقي بيت يتلم عشم الطواهو الجوع المُتعب المعدم والعسكري الفراق بين قلبك الساساق وبين هو البندم .. والدايرو ما بنتّم ما تقولي شن سويت ما تبكي ما سويت غير البطمّن ناس بي همّهم حسيت حارس مع الفرسان حارس بلدنا البيت إخواني علّو السور .. انا طوبة ما ختيت ديل من زمان تاتيت لامن كتبت قريت وعرقنا ياما يدر يمّة اللبن والزيت الكسرة والكراس لي قشة الكبريت وتقولي جيدًا جيت راجع مع الفرسان فايت الحدود واسيت وتغني يا مريوم لينا وتجرّي النّم والعسكري الفراق بين قلبك الساساق وبيني هو البندم والدايرو ما بنتّم يا والدة يا مريم
هـذه اللوحة الانسـانية للمرحوم , ألا تعبر في شـيء منها عن الأغلبية الغالبة في الشــعب السـوداني أم ان ومن اتيت برأيه كنتم العســكري الفـراق لذا لم تهـز هـذه القصـيدة اوتار مشـاعركم
بدرالدين ما تشـــاتر ,,,,,, انت الخســران ,,,,, خســران نفســك و انسـانيتك
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: قصي محمد عبدالله)
|
الأخ شيخ قصي أب دقناً دايرة ... شبيه الفقراء (جمع فكي) فقيه. من أين أتيت بأن الغاوين هم الشياطين؟ أدناه ما نقلته كوبي أند بيست من التفسير الميسّر لإبن كثير: لم ترد كلمة الشياطين في التفسير. وَالشُّعَرَاءُ يَتَّبِعُهُمْ الْغَاوُونَ (224) أَلَمْ تَرَى أَنَّهُمْ فِي كُلِّ وَادٍ يَهِيمُونَ (225) وَأَنَّهُمْ يَقُولُونَ مَا لا يَفْعَلُونَ (226) والشعراء يقوم شعرهم على الباطل والكذب, ويجاريهم الضالون الزائغون مِن أمثالهم. ألم تر - أيها النبي - أنهم يذهبون كالهائم على وجهه, يخوضون في كل فن مِن فنون الكذب والزور وتمزيق الأعراض والطعن في الأنساب وتجريح النساء العفائف، وأنهم يقولون ما لا يفعلون, يبالغون في مدح أهل الباطل, وينتقصون أهل الحق؟ تحياتي
.
| |
|
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
Eid Edris والله استغرب على كتاباتك مثل هذا البشر ، في الحقيقة لست انتمى الى أى حزب سياسي سودانى ولكن مما اثار حفيظتى صاحب المقال اعلاه رحم الله الشاعر محجوب الذي انتقل الى مثواه الاخير عن دنيا الحياة ويبقى الموت هو مصير أى انسان بما فيهم بدر الدين ( كل نفس ذائقة الموت )
السؤال الذى يطرح عليه: هل تبقى عناصر الحزب الشيوعي هم ما جزء من الشعب السوداني ؟ اذن فهم اجابة السؤال المطروح في توه نصف الاجابة و كذلك تؤكد ان الراحل شاعر المقاومة محجوب شريف هو شاعر الشعب السودانى دون أدنى شك من أى كوز او انسان يتوارى في نفق الظلام الهالك ويبقى الراحل محجوب شريف مثل شعراء السودان المحببين الى شعبه / الفيتوري ومحمد احمد المحجوب ومبارك المغربي وهاشم صديق والطيب مدثر و مصطفى سنادة والناصر قريب الله والشاعر الفذ صاحب ديوان رجال خالدون ابراهيم عمر الامين وشاعر الشعب احمد محمد صالح وشاعر الحرية محمد المكى ابراهيم وشاعر النضال فضيلى جماع والشاعر ود بادي ومهدى محمد سعيد وشاعر المقاومة ازهرى محمد على وأخرين ورحم الله لمن وطأ منهم الثرى والرحمة والخلود لشاعر السودان وشعبه الراحل محجوب . رد · أعجبني· منذ 10 دقائق
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
مريم محمود راحت شقيش --------- * كتب الاستاذ محجوب هذه القصيدة فى وفاة والدته مريم محمود وكان وقتها فى سجون مايو --- مجنون مجنون مجنون مجنون الحزن المسجون بارود الحزن المسحون جوااااي انا شافع محزون عن امو بفتش فتيش فتش فتيش هبش هبيش دقش دقيش يصرخ ياناااااااس مريم محمود راحت شقيش في زنك اللحمة وفي الزحمة مريم محمود راحت شقيش في منحنيات الاسواق مريم محمود راحت شقيش ولا آه يا مريم محمود آآآه يامريم محمود ياذات الضل الممدود ياذات القلب الساساق حتلت جواي الاشواق حتلت جواك الاشواك وكنت الولد المفقود لا هجراً ليك ولا عاق حبيتك ذي ما حبيت الوالد الوطن البيت منك خطفونى تماسيح كم مرة وخلو تباريح وكم جيتك راجع مسحور بذات الوجه المسرور البيني وبينك عصفور علي قلبومنشن صياد ظلموك يامريم ظلموك حرموك يامريم حرموك خلوك الدمعة تفصد خدك في الاعياد مشوك في الشوك علي حد السيف اتعلمتي الشك في الغربا وكنتي ملاذ الشتا والصيف سرقو امانك وإطمئنانك قلبك كل ما باب الشارع دق يدق يدك ترجف في الصقاطة وشك شاحب ربنا يستر يمكن هم وتفرحي فرحاً قدر الدنيا إذا ما كان الطارق صاحب وحالا نارك بالهبابة لهيبا يبق حالا نارك بالهبابة لهيبا يقج
Quote: طوالى بالاستيكة عايزين تمسحوا شهداء ودنوباوى والجزيرة ابا الذين تغنى شاعر الشعب بشقهم عرض وطول |
بدر الدين انك تحاول ان تتاجـر ببضاعة مزجاة
حكومتك قتـلتم و ما زلتـم تســفكون الدماء في دارفــور النيل الأزرق كردفان أمـري بورتسـودان في الشـواراع طلاب الجامعات ........ ....... ..... في بيـوت الأشــباح
و قبل كل ذلك في الجنوب
انت وامثالك والغون في دماء ابناء شــعبنا
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
السعى الحثيث للشوايعة لتغبيش الوعى قضية يجب اثارتها حال منعرجات الحراك المجتمعى فى تمظهرات وكبسولات تعيد الى هذا الشعب ذاكرته الخربة التى يعول عليها الشوايعة كثيراً .. شاعر يهتف بشعر هتافى لانقلاب عسكرى شيوعى دموى يسحل يقتل السودانيين ثم من بعد كل ذلك
يريد ان يستحوذ على اسم ولقب شاعر الشعب لا والف لا
... دا ما شغل عاطفى ( احب / اكره ) ..
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
انت من علمتنا كيف نحب الوطن انت من سموت بنا الى عالم الشفافية ------------------------------
يوسف الموصلي 3 ابريل 2014 اسمك محجوب لكن في عقولنا و....في قلوبنا ماك المحجوب يالقمت مودع دنيانا و.....شفناك ..يادوب ياما في .....درب الوطنيه ...عبدت دروب متواضع تقسم في النبقه و.....عزمك لالوب بالمونه بترفع وحدتنا و....بتشيل... الطوب يالنيلك غالي ف سكتنا و....عالي المنسوب في غربنا تنده لي ألله.... والعشق.. جنوب وشمالك حافظ اعمالك ....والحن ادروب متأصل زي لون الكسره الغرقت. في الروب وقهرت القاهر بي نظمك.... سند المغلوب حتظل في قلوبنا وفي دمانا رغم الحي ووب
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: أمير السماني يس)
|
Quote: الاسم الكامل إنسان الشعب الطيب والديّ الشعب حبيبي وشرياني أداني بطاقة شخصية المهنة بناضل وبتعلم تلميذ في مدرسة الشعب المدرسة فاتحة على الشارع والشارع فاتح في القلب |
الصحيح:
الاسم الكامل إنسان الشعب الطيب والديّ الحزب حبيبي وشرياني أداني بطاقة شخصية من غيرو الدنيا وقبّالو قدّامي جزاير وهمية المهنة بناضل وبتعلم تلميذ في مدرسة الشعب المدرسة فاتحة على الشارع والشارع فاتح في القلب والقلب مساكن شعبية
(ومن هذا النص جاء اقتراح تحويل الحزب إلى مطعم فول ... رحم الله محجوب شريف فقد أعطى ملء وسعه)
... المهم ....
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: ناصر المحسى)
|
Quote: يريد ان يستحوذ على اسم ولقب شاعر الشعب لا والف لا |
يــريد دي جبتهـا من ويــن ؟؟؟؟؟؟؟؟؟؟؟؟؟؟ كيف عرفت أنه أراد ؟؟؟؟؟؟؟ من الذي أخبرك أنه أراد ذلك ؟؟؟؟؟؟؟؟؟؟؟ كمان جابت ليهـا نجـــررررررر ؟؟؟؟؟؟؟؟؟؟؟؟
لا والف لا دي أكــبر من مقامك , فقــد قضي الأمر و اغلب الشــعب لقبه شــاعر الشــعب و انتهــــى , كيف تريد أنت أن تنتزع من الناس حقهـم ,,,,,, انت ما منهم صاح
ما تشــاتر
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: ناصر المحسى)
|
نعم محجوب شريف شيوعي ولكن كانت اشعاره منحازة الى قيم وتطلعات واشواق الشعب السوداني انتماء اشعار محجوب وانحيازة لهموم المواطن والوطن جعلها تخاطب وجدان الشعب الصدق في اشعار محجوب وتتطابق واقعه معها خلدها في ذاكرة الامة والانتماء الايدلوجي لمحجوب لم يشكل حاجز بينه وبين وجدان عامة الناس بمختلف انتماءاتهم وايضاً ليس من حقنا ان نمنع انتماؤه وما امن به من ايدلوجيا ان يتسرب الى شعره ومحجوب ليس شاعرك يا بدر لان محجوب شريف ونظيف وعفيف ويحب الشعب السوداني ويعرف قيم واعراف اهل السودان ويحترمها
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: عادل البراري)
|
Quote: شاعر يهتف بشعر هتافى لانقلاب عسكرى شيوعى دموى يسحل يقتل السودانيين ثم من بعد كل ذلك
يريد ان يستحوذ على اسم ولقب شاعر الشعب
|
ويا نصاب ياحـ ـــرامى الاسافير وسـ ــراق كتابات الحزب الوطنى المصرى يا ذليل امنك المنحـــط ياعديم النخوة ..
سيدك البكتل ويبيد ويغتصب وينتهك ..لامن جا السلطة جا راكب موتر فيسبا مع (بابا نويل )؟؟وشايل طبشيرة ؟
فى حياتى نهاااائى ما شفت سراق عينو قوية زيك كدى !اختشى ياخ واحترم عمرك ..وحاول اعد (وجودك ) رغم صعوبة ذلك .. ثم ياخ انت فى مواقع اخرى اعترفت بعضمة لسانك النجس ده اعترفت ب (بتعذيب بنى شعبك) من الشرفاء ايها الحــــ رامى السراق .تانى شنو !! فياخ خلينا ننتهى من وداع شاعر الشعب السودانى ..طبعا ده لقب للراحل ..ولقب جوه عينك وعين نظامك يا (فاضى) فاضى بتكون متذكرة ...اول مرة اشوف لى زول ايدو خفيفة ومقبوض ب الثابتة ..ولديه سوابق وفيش وتشبيه ومطلوب من شرطة قوقل ...يتحدث عن تصنيف الشرفاء
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
قال الرسول الكريم عليه افضل الصلاة وأتم التسليم حديثاً فيما معناه (انا زعيم ببيت في وسط الجنة لمن ترك المراء ولو كان محقا) كلامك دا كلام زول مغروض والأدب النبوي والتربية الاسلامية لمن عبدالله بن ابي ابن سلول مات النبي الكريم صلي عليه مع ان الله سبحانه وتعالي عاتب نبيه علي ذلك وعاداتها وتقاليدنا بتعلمها في وقت زي دا تشيل الفاتحة وتواسي أهل الفقيد مش تنظر في كاريزما الراجل وهل هو يمثل السودان ام حزب بعينه ويميل لي حتي لو من باب تصفية حسابات دا متوقعا فهلا أرعويت (لك يامنازل في القلوب منازل. أقفرت انت وهن منك نواهل)
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: على محمد الخير)
|
ليس بشاعرى وامثالى الكثيرين من ابناء الشعب السودانى =========================== أول اعترافات كوز كبير وخبير استراتيجي وكده أن كل من شارك في جنازة الراحل الفقيد محجوب هم شيوعيين ؟ كانوا يتحدثون عن بضعة أفراد عضوية هذا الحزب ويسهل حسابهم بأصابع اليد الواحدة ؟؟؟؟ طبعا أمثالكم لا يشبهون محجوب في شيء ، وبعدين والشعب السوداني عرفتو كيف وحسبتو كيف ؟ الشفيع
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: فرح الطاهر ابو روضة)
|
بدر الدين إســحق
هذا البوست غير لائق تماماً وعلى أقل تقدير في هذا الوقت تحديداً
ياخي لو الله أدانا العمر تعال بعد شهرين تلاتة أفتح بوست عن لقب شاعر الشعب وإعترض على أن يكون هذا اللقب لأياً كان
لكن تفتح بوست مباشر وفي هذا الظرف فأعتقد دا إستعجال منك غير مبرر
على العموم أضم صوتي بأن محجوب يعبر عني بشعره وأحفظ الكثير من أشعاره عن ظهر قلب وأنا لست شيوعي !
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: Asim Fageary)
|
محجوب شريف شاعر الشعب غصبا عن حقد الكيزان إنه منهم وفيهم وينتمي لهم ببساطتة نقاء سريرته زهده عرفانه ورد الجميل التواضع الوفاء الإخلاص والغيرة الوطنية رد الجميل مشروع إنساني بحت , لا يصدر إلا من له قلب كقلب الراحل المقيم محجوب شريف مشروع رد الجميل يذهب ريعه لمرضى السرطان من الأطفال ولأطفال المايقوما مجهولي الأبوين هل لمحجوب اموال لتسسير كل هذه الحملات من أجل إسعاد الغير ؟ بالتأكيد لا يملك ربما قوت يومه, لأنه فصل تعسفيا العام 89 من حكومة الكيزان إخوان الشيطان لكنه يملك حب الجماهير الغبش الغلابة هو نصير المطحزنين والمهمشين رحل شماخا مثلما عاش شامخا وفيا لوطنه وشعبه الذي بادله الحب بالحب والوفاء بالوفاء لم يتدهنس ولم يهادن,, ولم يتزحزح عن مبادئه إنه شاعر الشعب بدون منازع
معظم الشعب لا ينتمي لأي حزب ومن ينتمون لأحزاب معظمهم غير شيوعيين
انا والعياذ بالله من كلمة انا , لا شيوعية ولا حزبية ولا انتمي لأي حزب فقط مع الغبش منهم ولهم وبينهم في شارع الله أكبر
من محبتي ومحبة الملايين لهذا الكادح البسيط الذي يتحث بلسان الجميع كتبت رسالة وفاء في العام 2013 لشاعرنا الذي سوف تؤرخ ذكراه العطرة للأجيال القادمة إذن الله رحم الله شاعر الغلابة وشاعر الشعب الراحل المقيم محجوب شريف وصبر اسرته المكلومة التعازي لهم وللشعب السوداني في هذا المصاب الجلل رسالة وفاء للمحبوب الشريف محجوب شريف الشعب حبيبك وإنت حبيبو إنت الطب وياكا طبيبو البشفي السقم الوكر وجعو جوه ضلوعو وحت سبيبو وإنت الفضل من الضو الفج العتمة وضوا دريبو وإنت الفضل من الغيم الطقطق حرفك مطر أشوقنا برد جوفنا وطفى لهيبو مد شعاعك جوة مسامنا نفض الغبن الطابق عيبو مين الغيرك شايل الهم ومين الغيرك واجعو الدم وحاس بالضيم الفرا جناحو حتحت خيرنا ونفض جيبو ومين الغيرك عاصر الجمرة وضي اشعارك زي القمرة باقي دليل في الزمن الشاخ بالع الحسرة وطابق شيبو يا كا السمح الزين الفضل وياكا الباهي وسطنا بتقدل شامخة مبادئك ما بتتبدل اصلو شعارك ما بتحول من الأول خيرك فال مع التربال عمة وشال ترعة ومنجل ومع الأطفال ديمة تذاكر قلم ودفاتر خرطة وبرجل وطن محموم قسموا العسكر مسخ ريقو الطاعم سكر زرع المرة وطبق الحنضل مهيرة العز الخيرا ينز بين كلماتك جرتق وصندل وفي طيات الود البينكم كوم حنية صافية ندية وطلة عزة الديسها مهدل تراث اجدادنا باقي تكية في قعداتك وفي غنواتك معتق منو صوتك رتل يا محجوبنا وياهيبتنا يا نيمتنا الشارا ضراها لا بتتغابا ولا بتتململ ندعو الباري يحفظك لينا ياكا بحرنا البسقي عروقنا وياكا النيل المنو بننهل وفي حوباتنا سند ابواتنا صوتك عالي وديمة بجلجل أسماء الجنيد
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: اسماء الجنيد)
|
مبارك المهدي ينعي شاعر الشعب محجوب شريف
بسم الله الرحمن الرحيم نعي اليم
قال تعالى في كتابه العزيز : بسم الله الرحمن الرحيم (ولنبلونكم يشئ من الخوف والجوع ونقص من ;موال واand#65275;نفس والثمرات وبشر الصابرين* الذين إذا أصابتهم مصيبة قالوا انا لله وإنا إليه راجعون)صدق الله العظيم بقلوب واجفة وحزن عميق انعي الى الشعب السوداني اand#65275;بي شاعر البطولة والملاحم الثورية الشاعر الفذ محجوب شريف الذي غادرنا في زمن صعب وعصيب الى جوار ربه راضيا مرضيا. لقد كان مححوب شريف قيثارة الشعب السوداني ووجدانه ومتنفسه..يعبر عن آماله وطموحاته وتطلعاته بقصائده وملاحمه الشعرية الجريئة مدافعا بها عن قضاياه حتي صارت على لسان كل سوداني مخلص وغيور ..
لقد ظل محجوب شريف يتحفنا بروائعه وملاحمه ودرره الشعرية الوطنية في احلك المواقف وأصعبها .. وظل يناضل من اجل حقوق ابناء وطنه .. لم يكل او يلين وينحني للمغريات او التهديد والوعيد ...بل ظل قابضا على جمر القضية حتى اخر ايام عمره..
ان رحيل الشاعر محجوب شريف لهو خطب جلل ومصاب عظيم وفقد كبير لكل اهل السودان وإنني اذ انعيه ابتهل الى الله العلي القدير ان يتغمده برحمته الواسعة ويدخله الحنة مع الصديقين والشهداء ... وانا لله وانا اليه راحعون
مبارك المهدي 3ابريل2014
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: محجوب حسن حماد)
|
بسم الله الرحمن الرحيم
" والعصر إن الإنسان لفي خسر إلا الذين آمنوا وعملوا الصالحات وتواصوا بالحق وتواصوا بالصبر " صدق الله العظيم
تنعي اسرة المدرسة السودانية في لندن في أسى بالغ وحزن عميق صديقها الأثير شاعر الشعب والوطن معلم الأطفال والأجيال
محجوب محمد شريف
وتتوجه بخالص تعازيها ومشاطرتها الصادقة إلى زوجته أميرة الجزولي وبنتيه مريم ومي ولكافة افراد العائلة وآل شريف وآل الجزولي وإلى جميع أفراد شعبنا الحبيب المتطلع للحرية والمعرفة والتقدم.
ونبعث بمواساتنا العميقة إلى أهلنا القائمين على مراكز العلم والثقافة والاستنارة في مدينته الباسلة أمدرمان التي كان محجوب أحد فرسانها الأشاوس المقدامين ونجوم حلقاتها الباهرين في جامعة الخرطوم والأحفاد والأهلية وفي منابر مركز عبد الكريم ميرغني الثقافي ومكتبة البشير الريح العامة وابتكاراته الوطنية الرائدة في نفاج ثقافي من الوطن وإليه وثمن المشوار حكاية ومكافحة الفشل الكلوي للصغار والأطفال مجهولي الأبوين ومنظومة رد الجميل من أبناء المهاجر لأهل السودان.
وتذكر المدرسة بكل اعتزاز وامتنان تواصل شاعرنا الملهم والمعلم الفذ معها وما خلفه التعاون الذي لم ينقطع بيننا من الأناشيد التربوية والوطنية الأخاذة التي شدا بها أطفالنا مع كورال الجالية ومدرسي الموسيقى في عدد من الاحتفالات الثقافية والخيرية داخل المدرسة وفي صالات لندن المعروفة.
وداعا .. محجوب .. وداعا
الوداع يا المشتهنك
قبل ما نتحسسك
ونضحك معاك
وننبسط
ما سمعنا منك
تركب قطار الموت. وترحل ؟!
يا وليد ما تخلي جنك
أنزل تعال!!
ربنا يرحمك ويحسن إليك
مليت دنيانا خير وإلفة وتجرد
وكسيتها ثوب الحب والفرح
الموت حق والدوام لله وحده
إدارة المدرسة السودانية – لندن تتلقى المدرسة العزاء من الساعة الواحدة والنصف حتى الثالثة عصر يوم السبت 5 ابريل بمقر المدرسة
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: تبارك شيخ الدين جبريل)
|
لا ادرى لم الغضب فهذه هى الحقيقة كما اراها انا ..( والحقيقة مــرة ) نسبت الشاعر الى الحزب الذى ينتمى اليه ( بــس ) واذا كان الشيوعيين يعتقدون ان هذا الشاعر اكبر مقاماً من حزبهم ( فهذه رؤيتهم ) اما الشعب السودانى فلم يعطى صكاً لاحد بأنه شاعر الشعب او فنان الشعب او ....
ـــــــــــــــــــــ شكراً على الذين قدروا رأى الشخصى فى هذا الامر ..
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
Quote: السيد الصادق المهدي وفي تأبين الراحل محجوب شريف اخطأ في بعض كلمات "يا شعباً لهبك ثوريتك" .. فإذا بمجموعة ######ة من شباب الشيوعيين يصيحون به: "لو ما حافظ ما تقولها .. لو ما حافظ ما تقولها"! |
حسين ملاسى من الفيس بوك ...
ــــــــــــــــــــــــــــ الم نقل لكم انه شاعر الحزب الشيوعى السودانى .. والغريب بعض صعاليك الحزب الشيوعى طالبوا بطرد الامام الصادق من العزاء ولسان حالهم دا شاعر الشعب والصادق لا يمثل الشعب
ــــــــ
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
Quote: Lana Gaffar Mhgoub مand#65275;سي واللهي ###### الصادق المصر يقحم نفسو وين مايكون في مايك...و###### الصادق المتخاذل البيخطب في ثوريين هو ناكص ومنبطح لand#65275;نقاذ وبشيل في نياشينا الملوثة بالدم....###### الصادق واللهي المحل مايشوف جماهير بينكرش ويكون عايز يقول خطبو البتنتهي بي هلمجرا جرا.....الشيوعيين نحن ديل كان بقينا ######ين في الصادق فده بيعني الوطنية والتصدي للمثقوبين الزي صادقك ده....عندو عين يخطب في الشيوعيين القرفانين من دين ابو اهلو؟؟؟ المستغربة ليهو اندهاشتك..روق ياخ ده الصادق المهدي ياخ ماهبو في زول.....وانا لو كنت معاهم علي باand#65275;يمان ماكان يقول كلمة اand#65275; الرفاق يكمموني بس....قال ######ين قال.....نحن ما######ين نحن اسياد حق ومواقف صلبة وثابتة وشهوة لي الطائفي ده وشرف انه يكون and#65275;ميهو معانا مكان واحد.....الصادق كان سامع هتاف شبيبة الشيوعي وهم مشيعين ود مريم بت الزين؟؟؟؟؟ ماك الوليد العاق and#65275;خنت and#65275;سراق؟؟؟؟ هسا الصادق ده لمن يموت يامand#65275;سي ح تمشو ورا جثمانو وتقولو شنو؟؟؟ انا بجي السودان في جنازتو لو مات قبلي وعارفة بقول شنو.....######ين نحن؟؟؟؟ اand#65275;قوياء الثابتين؟؟؟ ######ين نحن وده وفاءنا لي قادتنا ورموزنا؟؟؟ ######ين نحن البنهب ونتب؟؟؟ وand#65275;######ين المتراخين الخونة البايعين روحهم واوطانهم؟؟؟؟؟ يانا نحن الشيوعيين وديل انحنا القالو فتنا وقالو متنا وقالو للناس انتهينا......مand#65275;سي ياخ احترم الناس واحزانا..... |
دا نموذج للشيوعيين طوالى فكوا اخرهم ما بيصبروا على ( الحنــة حتى تشيل )
قالوا شاعر الشعب
وقلنا شاعر الحزب الشيوعى السودانى
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
Quote: Abdalaziz Hussain · متابعة · جامعة السودان للعلوم والتكنولوجيا أنا سوداني بن سوداني أباً عن جداً أحمل جواز سوداني وجنسية سودانية اباً عن جداً وامتلك ارضاً في السودان عن جدود لقرون ومئات السنين أعتبر أنه محجوب شريف لايمثلني كفرد من الشعب وهذا حقي الذي اطالب به واحب محجوب شريف كفرد من الشعب مع كامل حقوقه كزول سوداني ود بلد لكنه لايمثلني كشاعر وهذا حقي فانصفوني |
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: بدر الدين اسحاق احمد)
|
اعتقد جازما بان شيخ بدر الدين ومن لف لفه من اللصوص... مزعلهم من الراحل محجوب شريف كلامه الذي سارت به الركبان
ماك الوليد العاق لاخنت ولاسراق....
بس سراق دي شوفو علاقة صاحب البوست بيها شنو... طوالي بتعرف عزيزي القاري سر هذا البوست القبيح المنظر والمخبر...!!!
-------------------------- محجوب شريف الراحل هو شاعر هذا الشعب كونه جمل الوجدان السوداني المناضل في طريق الحرية ومناهضه لصوص الزمن الكيزاني الزيف ومحجوب ما مات محجوب بجي مع الدغش مع صوت القماري البتغني للحرية وللسلام والعدالة وبتغني للثورة خيار الشعب...!! -
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: عبدالكريم الامين احمد)
|
Quote: محجوب شريف عليه رحمة الله شاعر الحزب الشيوعى السودانى (نعم ) احد شعراء بلادى (نعم ) شاعر الشعب السودانى ( لا ) واف ( لا )
ـــــــــــــــــــــــــ لسان حالى |
أخونا بدر الدين
صحيح ان محجوب شريف ينتمي أيدولوجياً و سياسياً للحزب الشيوعي
و لكن انتمائه الأكبر هو للوطن و الشعب السوداني ...
و يضع هم البلد قبل هم حزبه ...
دخل الزنازين وهو ابن الثالثة و العشرين فقط يا أخي ...
طفل بمقاييس هذا الزمن ...
قضي نصف عمره مسجوناً او محققاً معه ...
في ماذا؟ في كلمة شرف .. يقولها هو و يخاف غيره ان قولها ...
حتي عندما ( قتلوه ) العام الماضي ... قال لهم
أقول دون رهبة أقول دون زيف أموت لا أخاف أين أو متى وكيف بغتة مستمتعا بأنجم السماء ليل صيف رصاصة في القلب طعنة من سيف أموت لا أخاف أين أو متى وكيف أموت في الظلام في الزحام تحت غفلة بساحل الطريق حريق غريق أموت في سريري زوجتي بنتاي جيرتي عشيرتي وأصدقائي قطتي راكوبتي وزيري معززا مكرما مهندما بناصع البياض موكب يحفني لمرقد أخير أموت لا أخاف كيفما يشاء لي مصيري أموت لا أخاف قدرما أخاف أن يموت لحظة ضميري _______________________________________ قل لي بحق الله يا بدر الدين ... هل اتي تنظيم الاخوان بمثله ؟
| |
|
|
|
|
|
|
Re: محجوب شريف شاعر الحزب الشيوعى ( وليس الشعب السودانى ) (Re: خالد العبيد)
|
Quote: د.احمد ابشر جبران وانا ايضا هذا لسان حالي واسمح لي ان انقل لك جزء من حوار لي مع احد الذين عينوه شاعرا لكل الشعب رغم انني قلت لهم: (عاش شيوعي ومات شيوعي وفيا لما امن به رحمه الله ) وهنا شهدت له بالوفاء ولم ازيد ففتحو علي النيران كاني كفرت بما انزل على محمد واليك الرد : لست لدي عداء شخصي مع المرحوم فجانب ضعفه وانه محسن او مسئ فهذا عند الله وحقه علينا كمسلم ينطق بالشهادتين ان ندعو له بالرحمه اما ما ذكرته من شيوعيته التي عاش ومات عليها ولا ادري اهي شيوعيه سودانيه فيها صلاه وصوم ام شيوعيه الحاديه زي ما سواها ماركس اما تنصيبه شاعرا للشعب فهذا ما ارفضه فشعره يمثل ايدلوجيات حزبه فعندما كان نميري شيوعيا كتب : يا حارسنا يا فارسنا كما كتب بتطرف كبير بيك يا مايو يا سيف الفدا المسلول نشق اعدانا عرض وطول فلم يكتفي بقطع الرقبه بل تجاوزه لشق الاعداء عرض وطول بدمويه شيوعيه لا تمثل الشعب وحين انقلب حزبه على مايو كتب لاك حارسنا لاك فارسنا يا القفل مدارسنا متوافقا مع ايدلوجية حزبيه واستمر هكذا يتقلب مع مواقف حزبه حتى لخص كل ما بنته الانقاذ في 3كباري وشارعين وسد ولو ايد الحزب الشيوعي الانقاذ لايدها وعليه فهو شاعر الحزب الشيوعي وليس شاعر الشعبلكنها شطارة الشيوعيين في تضخييم ناسهم مصطفى سيداحمد مثالا الملخص : طريقة الشيوعيين لحب الوطن لا ولم ولن اؤمن بها لذا كان تعليقي لك في قصيدته التي قاد بها الحمله الانتخابيه للحزب الشيوعي في عام 1986هي (عاش شيوعي ومات شيوعي وفيا لما امن به رحمه الله ) وهنا شهدت له بالوفاء
قاموا قالو لي اعتذر للشعب عن تمجيده لمايو واليك الرد : يعني ممكن ندعو حكومه للقتل ونؤيد مذابح ود نوباوي والجزيره ابا ومقتل الامام الهادي ونمجد القتله ثم حين تتغير سياسه حزبنا او ينقلب النظام على حزبنا نقول معليش واسفين دا عشان يلبس توب انه زول ديمغراطي ويلبس عباية انه شاعر الشعب وانا اصر انه شاعر الحزب والحزب حسب اخر انتخابات 1986 لا يمثل الشعب الا بمقعدين في البرلمان |
| |
|
|
|
|
|
|
|
| |