الذكرى الثالثة عشر لرحيل القائد يوسف كوه مكى

Quote: Quote: جاى من هناك .... فى رثاء المناضل يوسف كوه مكى جاى من هناك ... شايل هموم شعبك معاك ما رضيت تعيش بين الحفر ما انت شامخ يا وطن كيف من شموخك تنحنى؟ وتقبل تعيش بين الحفر إخترت دربك للنضال وفضلت تحلم بالصباح سودان موحد من جديد رغم التعدد والبيوت يوسف قضيتك ما إنتهت ! ماشين معاك نفس الطريق نفس النضال نفس المصير ما بــ نرضى غير سودان جديد شايل ملامح شعبنا يوسف قضيتك ما إنتهت ! ما ترضى تقبل بالظلام أطلع وأحلم بالصباح يا وادى يا عواى يا جبل السلالم يا مقابر الإنجليز ويا زولا عزيز من ميعة الفيض لــ رشاد درب الهواء الترتر مشارق الضوء على أم كرشولا يا عز البلاد يا ميرى جوه وبره يا النوبه الشداد ما قصرت ما إتحسرت ضيق الحال عدلت الحال كتبت على بياض الغيمة دفتر جملة الأحوال هنا السودان بلد حدادى مدادى تاج الظلم يسقط نرفع البستان لا لغة لا تمايز لا حرب أديان محمد كابيلا 16 أبريل 2001