|
|
 Re: ماهو الفرق بين اللوترى و خدمات USAGC للبطاقة الخضراء (Re: Abureesh)
|
بلدي ياحبوب سلامات،،
الـ USAGC موقع تجاري كباقي المواقع البتتاجر في موضوع اللوتري.. الجهة الوحيدة الممكن تعتمد على كلامها فيما يخص اللوتري هم منظمي برنامج اللوتري الـ KCC التابع لوزارة الخارجية الأمريكية. تأكد بأن أي جهة بتتدعي إنها بتزيد فرص فوزك إنها بتكضب عشان تشيل قروشك وبس.. فإدعائهم بأنهم حيزيدوا فرصة فوزك بنسبة 1 من 55 دي كذبة بلقاء ، فهم على أي أساس قدروا يعملوا النسبة دي؟ خاصة بأنوا السحب عشوائي لضمان تساوي فرص الفوز لجميع المشتركين من كل دولة على حدا. لأن اي دولة عندها حصة محددة سنوياً بتزيد وتنقص بناء على عدة عوامل منها عدد الحاصلين على فيز هجرة من الدولة المحددة في الخمس سنين الماضية سواء عن طريق اللوتري أو اي هجرة أخرى ، وعدد الطلبات المقدمة، ... الخ.. وبعدين الضمان شنوا انهم حيقدموا ليك ذاتو؟؟؟
في شكاوى كتيرة على ناس USAGC وممكن تلقاها في القوقل... اللوتري برنامج %100 مجاني والرسوم البتدفعها لاحقاً أكان للسفارة أو الفحص الطبي وخلافه هي رسوم إجرائية تخص فيز الهجرة سواء كنت عن طريق اللوتري أو الزواج أو غيرها من فيز الهجرة.. وعشان كدا انا بشجع اي زول عاوز يشترك في اللوتري أنوا يقدم بنفسه أو يستعين بأحد أصدقائه أو معارفه من الملمين بالموضوع لأنوا لو قدموا ليك وفزت حيستغلوك مادياً ويعدموك نفاخ النار 
في بوست هنا في البورد بشرح كيفية التقديم للوتري بالتفاصيل المملة، وممكن تستعين بيهوا عشان تفهم تفاصيل البرنامج قبل بدايته في أكتوبر القادم وتقدم بنفسك، وانا على إستعداد أشرح ليك اي حاجة ما وقعت ليك كويس لو كنت عارف الاجابة بتاعتها.. لكن أنا واثق لو إنك قريت البوست دا كل الأمور حتكون واضحة بالنسبة ليك..
الرابط:
الهجرة الأمريكية 2015
مع التحية..
|
|
 
|
|
|
|
|
| |
Ahmed Alim
فيس بوك
تويتر
انستقرام
يوتيوب
بنتيريست