|
|
|
 Re: يمة... ممنوع البكاء أرجوكم...!!! (Re: Kostawi)
|
كل الورود لأجمل الأرواح
التي سرت في دواخلنا
ولم تبخل علينا يوماً
بالأريج...
كل الورود لأجمل النساء في الكونِ
وأدمع فرحٍ لا تنقطع بهن
ودعاء بأن يحفظ الله من بقيت منهن
ويهب من مضت الجنة بلا حساب
تحياتي، محبتي واحترامي
| |
  
|
|
|
|
|
|
|
|
Re: يمة... ممنوع البكاء في عيد الأم أرجوكم .... ....اهدي وردة ...!!! (Re: Kostawi)
|
شوفى الزمن يا يمة ساقنى بعيد خلاص
دردرنى
واتغربت
واتبهدلت يا يامة
ورينى الخلاص
ساقنى القدر منك بعيد
جرعنى كاس
يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك فى دروب الشوق كتل
محروم من الحب والمحنة
وراك همل
يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن وافكارى فيهو .. بيرتعن
دمعاتى شانو .. بينزلنواتذكرك يا يمه
فى الدغش النسايمو يهبهن
قايمى الصباح متكفلتى
شايلى الحليلى على المراح
والساعة ديك يادابو ديكنا بدا فى الصياح
والطير صغارو يغردن .جبتى اللبن بانشراح
واتذكرك يا يمه
ساعة الهجير صالاكى نار الدوكى
عُستيلنا الفطيررشيتى قلتى اكلوهو خير
واتذكرك يا يمه
يا بسمة الطفل الغرير وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى يحوم
هتف باسمك فى الخيال
[طيفك كمان بي فوقى جال
واتمنى لو لحظات يدوم
[لكنى فجأة القاهوو زال
واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
[لون الخدار خانس لّبد
والشوق أوارو بيشتعل
كان ظنى فيهو يكون خمد
واتذكرك يا يمه والناس قالو قايمين البلد
رصو الهديمات ..عدلوا
ركبوا اللوارى وقبلوا
خلونى وحدى بلا أنيس
[كيف انفرادى ..اتحملوا
شالوا السلام من عندى ليك وان شاء الله عندك يوصلوا
يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنلن
وانا حالى يشهدبو يايمة
رسلى لى عفوك ينجينى من جور الزمان..
| |
|
|
|
|
|
|
| |
Kostawi
سامى عبد المطلب
بله محمد الفاضل
محمد مجيدو
saidahmed shami
فيس بوك
تويتر
انستقرام
يوتيوب
بنتيريست