|
|
|
 Re: وصية شاعر الشعب الراحل محجوب شريف (Re: خالد العبيد)
|
وصانا وصية .. بخصوص الكشف ( أو الختة )الاتعملت ليه
وقال بالحرف الواحد :
تستمر الكشوفات لا لمحجوب شريف ولا لمي ولا لمريم ولا لاميرة ( وثقنا كل هذا الكلام)
تجمع ويوحد المكان وتصرف على من هم اسواء حالة مني ...
الذي يعاني من شيخوخة من المبدعين والكتاب..
الطفلة العندها فولة في رئتها منذ عمرها اربعة سنوات .... رغم الفولة جات الاولى ....
-------------------
من بوست انعام حيمورة في يوم تكريم محجوب
| |
  
|
|
|
|
|
|
|
|
Re: وصية شاعر الشعب الراحل محجوب شريف (Re: خالد العبيد)
|
اللهم ارحم محجوب شريف واغفر له
وامطِر قبره سحائب الرحمة
واجعل الجنة مثواه
وانزلهُ منزلة الصديقين والشهداء وحسُن أولئك رفيقا
اللهم اجعله من أصحاب اليمين ( في سِدرٍ مخضود * وطلحٍ منضود *
وظِلٍ ممدود * وماٍ مسكوب * وفاكِهةٍ كثيرةٍ * لا مقطوعة ولا ممنوعة *
وفُرُشٍ مرفوعة * )
العزاء لأسرة شاعرنا المناضل محجوب شريف
العزاء لك أخي ودالعبيد ولنا ولكل من أحب هذا الرجل السوداني
إنا لله وإنا إليه راجعون
| |
|
|
|
|
|
|
|
|
|
Re: وصية شاعر الشعب الراحل محجوب شريف (Re: الهادي هباني)
|
Misbah Ali · Corona, California
سلام عليك ياقيثارة الوطن ..
سلام يتجدد مدى الزمن..
سلام وأنت تلهم الناس في المحن..
سلام لمن لم يعتريه الضعف والوهن ..
سلام لمن يقدم بلا من ولاثمن..
سلام وقد كسانا الحزن والشجن..
سلام لطائر يشدو على فنن..
سلام لعاشق مجّد الشعب والوطن
رد · أعجبني· منذ 4 ساعات
| |
|
|
|
|
|
|
|
|
|
Re: وصية شاعر الشعب الراحل محجوب شريف (Re: خالد العبيد)
|
يابا مع السلامة يا سكة سلامة
في الحزن المطير
يا كالنخلة هامة
قامة واستقامة
هيبة مع البساطة
اصدق ما يكون
راحة ايديك تماماً متل الضفتين
ضلك كم ترامى حضناً لليتامى
خبزاً للذين هم لا يملكون
بنفس البساطة والهمس الحنون
أختنا بثينة تروس قالت الموت عزًال.
حار العزاء لك أخونا خالد العبيد.
| |
|
|
|
|
|
|
|
|
|
Re: وصية شاعر الشعب الراحل محجوب شريف (Re: خالد العبيد)
|
الاخ العزيز خالد العبيد
تحية وتقدير لك وللأسرة الكريمة
نسأل الله الكريم أن يتغمد فقيد الشعب السوداني الأستاذ الراحل محجوب شريف رحمة واسعة بقدر ما قدم لشعبه ووطنه
ونتمنى اطلاق مبادرة لحفظ شعره كتابة وقراءة.. وأن يتحول حب الشعب السوداني لهذا البطل الراحل الى تعبير عملي لدعم الشعراء والأدباء من ابناء شعبي الذين يحملون هموم هذا الوطن
ولك تحياتي
| |
|
|
|
|
|
|
|
|
|
Re: وصية شاعر الشعب الراحل محجوب شريف (Re: Elbagir Osman)
|
(طارق أللمين)
ابومريم
أبو مريم شقيق النيل
ركيزة الدنيا لما تميل
سلاما ياصديقي الساري
في عتمة ضلام الليل
ابو مريم صديق الكل
صباح الخير مساء الفل
صباح الخير علي الانسان
غصن متشابك الاشجان
صباح الخير علي الفنان
قلب تتهيبو الاحزان
صباح الخير علي قلبا
كبر لمن بقي السودان
تساسق يابا في الوجدان
تتساسق من بكان لي بكان
تساسق من زقاق تحنان
لي شهقة أسد غضبان
تحلق فوق بيوت الطين
تزيدا محبه واطمئنان
وتطلع من جبال وصحاري
تل اخضر علي الوديان
سلاما ياضمير الناس
وفرحة لمة الجيران
وضحكة حلوي في ايد طفله
تتقدل من الدكان
وطله زهره بين انسام
تميل وتقبل البستان
وتكية غنيه جم فنان
تنور اماسي امدرمان
ادم انت يامحجوب
ويا ادروب وميري كمان
احبك قدر ما مديت
اياديك الرحيبه حنان
واحبك قدر ما غنيت
غناوي العزه للاوطان
واحبك قدر ماخاويت
بين الارض والانسان
واحبك قدر ماساويت
مابين انجلو وعثمان
وبين بدريه او علويه وسليمان
واحبك قدر ما اديت
خطاوي التائهين عنوان
احبك بي حجم ضحكاتنا
يوم ترميها في الاحزان
احبك قدر ما اتجولت
في قلوب الحزانا أمان
احيك قدر ماهدهدت
طفلا يلتقيكا جعان
احبك قدر ما هجرت ايديكا
موائد السلطان
طارق اللمين
| |
|
|
|
|
|
|
|
|
|
Re: وصية شاعر الشعب الراحل محجوب شريف (Re: عادل البراري)
|
رحم الله الشاعر محجوب شريف واسكنه فسيح جننانه مع الصديقين والشهداء
اللهم وسع مرقده اللهم واطرح البركة فى ابنائه اللهم واجعل قبرة روضة من رياض الجنة ..
ما كتبه الشاعر من قيم ومثل فى اشعاره هى التى نفتقدها اليوم فى حياتنا ..
نعم مات محجوب شريف وهذه سنة الحياة ولكن ستبقى اشعاره على مدى الدهور والازمان ..
لك الرحمة وانا ارى فى تقاطيع وجهك صورة والدى الذى انتقل الى جوار ربه فى نفس عمرك ..
لك الرحمة يا ايها الانسان .
انا لله وانا اليه راجعون
| |
|
|
|
|
|
|
|
|
|
Re: وصية شاعر الشعب الراحل محجوب شريف (Re: خالد العبيد)
|
مات محجوب شريف, فنان الغلابة والكادحين, وموحد السودان الكبير
يالحزنى ولحزن السودان الكبير من حلفا الى نمولى ومن سواكن الى الجنينه
يالحزن عمال عطبره, والمزارعين فى الحلاوين
يالحزن تجار الجنينه ونساء سوق الطواقى فى امدرمان
يالحزن المعلمين فى رفاعة ورعاة الابل فى بادية الكبابيش
مات فنان الشعب, فنان الغلابة والمسحوقين والكادحين
عزائى للاخت اميرة, مريم, ومى محجوب شريف, للاصدقاء حسن, عبدالمنعم الجزولى واخوتهم, للصديق مصطفى مدثر, لقاسم بدرى كمال كرار
وكل اصدقاء وصديقات الفقيد, لشعبنا السودانى المنتصر حتما ضد حكم ارهاب الاخوان والعسكر.
اللهم لانسألك رد القضاء ولكننا نسألك اللطف فيه
| |
|
|
|
|
|
|
| |
خالد العبيد
محمد فضل الله المكى
فيصل محمد خليل
الهادي هباني
عبد الحي علي موسى
عبد الرحيم عبد الخالق
الزنجي
عادل البراري
Elbagir Osman
Elmoiz Abunura
Kostawi
محمد أبوالعزائم أبوالريش
Mohamed Adam
فيس بوك
تويتر
انستقرام
يوتيوب
بنتيريست