مين في الدنيا دي أجمل من بناتنا........الليهن قلوبنا و الفيهن صفاتنا..............الكامنات في روحنا و العايشات في ذاتنا... التوب المهفهف فوق أم الضفائر......و الخد المعطر زي أحلى الأزاهر........و الخطوة الأنيقة ترنيمة مشاعر....أنا بي عمري كلو بمشيلها و بسافر...
وهنا ايضا ...اعذب كلام..... من ارق شاعر..ابو امنة حامد :/ بنحب من بلدنا ما بره البلد...
بنحب من بلدنا ما بره البلد سودانية تهوى عاشق ود بلد في عيونها المفاتن شي ما ليه حد *** التوب المهفهف فوق أم الضفائر و الخد المعطر زي أحلى الأزاهر و الخطوة الأنيقة ترنيمة مشاعر أنا بي كلو عمري بمشيلها و بسافر *** مين في الدنيا دي أجمل من بناتنا الليهن قلوبنا و الفيهن صفاتنا الكامنات في روحنا و العايشات في ذاتنا *** في حلفا البداية أحلامي و هنايا أنا عايش لحبي المخضر برايا النافرة الأليفة ست روحي و هنايا *** أنا لي في كريمة شايقية في شلوخها نعتز بي صفاتها ما نجهل تاريخها ماها المابية ريدتي و مو ياها المسيخة *** في شندي العظيمة تلقى بنات جعل واحدات في المتمة في لون العسل النايرات خدودهن زي فجرا أطل *** في سنكات بنعشق بت سمرا و أبية ترتاح في الضفيرة خصلاتها الغنية عاشت في شعوري أحلى هدندوية *** الوارثات جدودهن في الجود و الشجاعة البظهر جمالهن من زمن الرضاعة سودانية مية المية في ذوقها و طباعها يا ناس أرحموني أنا قلبي في رفاعة *** لوزة القطن اليانعة السمحة و نضيرة تتنى الحليوة في مشية أميرة أجمل حب عندي في قلب الجزيرة *** لي في الغرب أغيد في دار حمر و البقارة نحميها بسيوفنا تفاحها و نضارها تسكرنا الليالي و تطربنا النقارة *** لي في جوبا ساحر تسلم لي خدوده يمرح في غاباته و يسرح في مروده حبي الغالي ليه ما بعرف حدوده *** أحمد المامون........ - بنحب من بلدنا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Awad Omer
فيس بوك
تويتر
انستقرام
يوتيوب
بنتيريست