أحب الوحدة ياخ واحب السودان الواحد wow يوجد فيديو

Quote: انا شخصيا يا موصلي لما باركت استقلالهم كنت فعلا احلم بوحده مجددا بارادتهم. ولذا انا حزينه لما يحدث فلسنا نحن من نرغب للاحبه ان يعودوا مكسرين ومدشدين ومضرجين بدمائهم. بل نرغب فيهم اصحاء و اقفين علي ارجلهم........فخورين بانفسهم. ربك يجيب السلام يا غالي وشكرا لك. مجددا فقد اطربتني هذا الصباح.

Quote: السودان اصلا واحد يا موصلي حضاربا وفكريا وثقافيا لكن العندهم انفصام شخصية الكيزان لدرجة انهم بحتفلو بي علم مايو1 بانه علم الاستقلال مجرد ما تنتهي البضاعة الكاسدة دي برجع السودان ذى زمان بس خليهم يزحوا من راس الناس

Quote: اخي الموصلي ليتك كنت معي ليلة الكريسمس بواشنطون دي سي فقد شددت الرحال اليهم و انا مثقله بالاحزان عن انفجار الاوضاع هنالك. وذهبت اليهم بكل كنائسهم.....وتحدثت اليهم وشكرا لهم ان اتاحوا لي الحديث اليهم وقرعتهم.....وعنفتهم وبكيت معهم و ابكيتهم.....عن كيف يسموا لانفسهم بان يرتكبوا ما حدث تجاه بعضهم البعض. عارف يومها عانقوا كلهم (الشمال) في شخصي وقالوا يا اختي سنينا زرعنا البؤس و الكراهيه بيننا ووقت اشتعلت بلادنا لم نجد احد يبكي معنا ب(صدق) سواكم انتم يا شمالين. شكروني كثيرا.....ورجوتهم ان يوقفوا الحرب قلت لهم لا تفعلوا هذا بانفسكم انتم ناس رائعين ونحن نحبكم ونحب نجاحاتكم ونحزن لانهار الدماء ببلادكم فارجوكم ثم ارجوكم ان توقفوا الحرب. وقد بكت نساء كثر لكلماتي. يا موصلي.....محزن ما يحدث لشعبنا البقي شعبين محزن جدا وقلبي ينزف ليل نهار. وصيتي لك يا اخي ادعوهم هذه الايام بمدنكم المختلفه ابحثوا عنهم ضموهم اليكم انهم مثقوبين بالاحزان وحدوا كلمتهم و ساعدهوم ان يصلوا لخلاصات جيده لا تستمعوا لطرف واحد كلهم طيبين وكلهم ضحايا الآن لكن القتل يجب ان يقيف. لا تحبط مهما سمعت من تشنج بينهم وواصل الصلوات لاجلهم فانهم يستحقون السلام . شكرا لك اخي.

Quote: شوفى الزمن يا يما ودانى بعيد خلاس بصوت عبدالله دينق.. سالتو قالت ليهو: كدي أحكي لينا عن جلوسك تحت النخيل وعن رجوعك للأبنوس..ياالله!! روعة السؤال و روعة التجربة والأجابة. شوف لما التبلدية تمشي توتيل ولما النيل يسقي الأبنوس والنخيل ياهو ده السودان، ياهو بلدنا يا الموصولي ياهو غرِبنا وياهو شرِقنا ياهو يالموصلي شمالنا وجنوبنا.. عندنا شنو غير وحدتنا؟ ونحنا نسوي شنوي غير وحدتنا؟ شكراً أستاذنا المُوصلي على لوحة السودان الموسيقية عافية وشول لييييك القومة يا وطنى نقيف نصفق ودموعنا تسيل نعاهد حتماً راجعين..ويد واحدة موحدين عشان: وطن بالفيه حق للكل ولا بنسأل دي صورة مين ليك الحية أستاذنا الكبير يوسف الموصلي

Quote: المذيعة بتقول ... ان شاء الله ترجع ابيي لحضن الوطن .. دولة الجنوب واستاذنا الموصلى يقول وحده ودولة واحده ..

(عدل بواسطة Elmosley on 01-05-2014, 04:29 PM)
(عدل بواسطة Elmosley on 01-05-2014, 04:31 PM)

Quote: عزيزي وضاح الموصلي لا يهتم بما تقوله المذيعه ولكنه يهتم بما يحس به قلبه ويفهمه عقله فيحث الاخرين قولا وموسيقى بآنه يتمنى عودة الخرطوم وامدرمان وجوبا وابيي والفاشر والابيض وكسلا ودنقلا الخ الخ للسودان لك الود

Quote: استاذنا العزيز ... انا فهمت طبعا انو كلامك ناتج عن احساسك .. ومشاعرك وانت بتسمع فى ابراهيم ... ورسالتك انو الفن وسيله جميله .. لتوحيد القلوب قبل توحيد الحدود .. لكن ... اصلا .. وفى الاساس يا استاذنا .. وقبل تقسيم الحدود ... هل كانت القلوب متوحده هل كانت الثقافة والفن فعلا جسرا للمحبه بين شعوب السودان حتى وان كانت النوايا طيبه ... فالسياسة على ما اعتقد تتحكم فى معظم العمل الثقافي فى السودان لكن صدقنى ما اعتقد ده احساس الجنوبييين الصوتوا باغلبية ساحقة لتقسيم الحدود وما اعتقد ده احساس المثقف الجنوبي .. وهو ما شاف احتفاء بابداعات الجنوب الا اذا كانت زى ابداعات ابراهيم هل عجبنا انو ابراهيم بغنى لينا فى اغانينا الشمالية ؟ انا لا .. كان ممكن يعجبنى انو اسمع فنان جنوبي ... بابداع جنوبي ... ويكون فنوا وابداعو محتفى به فى الشمال كما هو .... اعتقد والله اعلم .. انو احنا اصلا ما كنا .. متحدين .... ونفس المشكلة الان شايفها ... متواصله .. مع ابداعات وثقافات شعوب السودان المختلفة هل الفن البجاوي قادر على التواصل مع بقية شعوب السودان هل ثقافة المركز قادرة على هضم والتعامل مع هذه الثقافات وهل وهل وهل وهل ...

Quote: الموصلي لا يهتم بما تقوله المذيعه ولكنه يهتم بما يحس به قلبه ويفهمه عقله فيحث الاخرين قولا وموسيقى بآنه يتمنى عودة الخرطوم وامدرمان وجوبا وابيي والفاشر والابيض وكسلا ودنقلا الخ الخ للسودان لك الود

Quote: عزيزي وضاح الموصلي لا يهتم بما تقوله المذيعه ولكنه يهتم بما يحس به قلبه ويفهمه عقله فيحث الاخرين قولا وموسيقى بآنه يتمنى عودة الخرطوم وامدرمان وجوبا وابيي والفاشر والابيض وكسلا ودنقلا الخ الخ للسودان لك الود

(عدل بواسطة mustafa mudathir on 01-05-2014, 08:44 PM)

Quote: يا سلام يا موصلي! أعتقد أن الحيوية الي كتبت بها أنت هذا البوست أكبر دليل على أن السودان سيعود موّحداً وواحداً كما تقول أحسن التصوّرات له! ياخي هي قضية وجدان! يعني مثلاً كيف تشكل وجدان هذا الفنان ابراهيم دينق؟ وقس عليه كيف تشكل وجداننا نحن، كلنا!! مَن لا يجيد قراءة الوجدان (ذلك المتعصب) لن يفعل سوى أن يبعثرنا!

Quote: والله لو كنت عارفك جيتي كان جيت كعاك حسنا فعلتي تعرفي ياتراجي في حسناء صغيرة السن من الجنوب مثقفة حضرت معنا مؤتمر سابا وهو شمالي الهوية الا انها جعلت منه سوداني الهويه حينما تحدثت وقالت هذا مؤتمر سيكون للسودان كله وليس للسودان الشمالي فضجت القاعة بدموع الفرح على هذا الوعي الكبير فكتبت قصيده للتو عنها وقرآتها ففرح الجميع بها وهي كانت الاكثر غرحا بكره لما امشي المكتب بنزلها هنا لكن هسع اسمعي كويس سوداني والدنيا عارفاني ياخي نحن بنحب السودان متماسكا والدكتاتوريات تطير عيشتها

Quote: امثالها كثر...أخي الموصلي....ومحزن ان فقدنا كل هذه الكفآت و الطاقات الواعده ولنواصل الحلم ان يتحاح لنا تجبير كسرونا ولملمة اطرافنا. شكرا لك اخي وربنا يحفظ اخوتنا و اخواتنا بالجنوب..

Quote: ا سلام عليك يا موصلى ياخى ونحن بنحبك انت زاتك علشان انسان جميل ياخى ابراهيم دينق دا انا حبوا جدا شوفوا هنا ابدع كيف بالله

Quote: احساس عظيم لا يبنع ألأ من انسان ملان بحب الوطن الكبير ،، حتما سيعود الوطن من غربته القسرية زهاء الربع قرن تحياتي يا فنان يا انسان

Quote: احساس عظيم لا يبنع ألأ من انسان ملان بحب الوطن الكبير ،، حتما سيعود الوطن من غربته القسرية زهاء الربع قرن تحياتي يا فنان يا انسان

Quote: ان كان فى تالف القلوب املا فبامثالكم والحانكم ... الموسيقى اللغة العالمية التى تؤلف القلوب ... ما اجملك اخى الموصلى وما انقاك ... التحية لكم ولجوقتكم الجميلة والحانكم واشعاركم الشجيه .

Quote: سلامات يا أستاذ الموصلي . ومشكور وليك كتير التقدير علي فتح النافذة دي . أستاذ ابراهيم الفنان التربال الدينكاوي الشايقي فنان مظلوم مظلوم من الاعلام . ابراهيم ده وبي شهادة بعض العارفين هو من أمهر عازفين الطمبور في السودان . الله يلعن أبو السياسة والسياسين الماقدروا يلمونا . .

Quote: الحب (الشمال - الجنوب - الشرق -الغرب) الحرية أنظر إلى ما فعلت أيها الفنان خلقت معادلة قوامها الحب والحرية وبينهما التقت جهات السودان الأربعة

Quote: ما أجملك يا الموصلي أحبك وأموت في الزورات زاتا

Quote: والله السودان ده راجع راجع ويعود الحب والشمال والجنوب والشرق والغرب والحرية

Quote: فوق، شكرا يا استاذ موصلي

Quote: الاخ موصلي تحياتي الانقاذ هي الكارثة الكاملة على السودان. كارثة في كل شئ: الدين الاخلاق العادات التقاليد السياسة الاقتصاد الاجتماع و كانت كارثة على الجسد و الروح.