|
|
|
 Re: عوين زمان و جكس اليوم (Re: عبدالحفيظ ابوسن)
|
الابو بنصح في ولدو
يا ولدي النسوان ديل زي الفواكه , فيهن الموز والتفاح والعنب والبرتكان ,, وكل واحدة طعما براهو وشكلها براهو , وانت بتختار الفاكهة الدايرا
قال ليهو
طيب يا ابوي وانت اخترت ياتو فاكهة
قال ليهو
الزمن داك فواكه مافي ,,, لالوب ونبق بس
| |
 
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
في السوق جمبي رجل كبير في السن وليس طاعنا فيه ,, جن بنتين ماشات ولم يستلفتن انتباهي ,, بنات سوغار ولابسات عادي ,, دون العشرين ,, فقال
أحي أنا الما حضرت زمنكن
قلت ليهو
طيب ما حضرت زمن امهاتن لامن كانن قدرن
قال لي
الحضرناهن ما زي ديل ,, ديل طاعمات
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
ياااااه يا صاحب
عبدالعزيز الرجل الذي احبه
ياخ الضو وجهجهة التساب دي إلياذة عديل كدة ,, فيها كل شئ
نص سوداني شبعان ,, نص يخي شعرة جلدك تك لب ,,, سرد للحياة والموت والبعث ,, نقاش ,,, لا يمل
تشكر يا صاحبي
العوين والولايا والحرمة دي تب ما كلمة سودانية وانا غير مسؤول عن قولي ,, شان ما يجي زول يتشعبط لي في رقبتي وجيبك مصدرك وجيب دراستك المقارنة باقي الغولات كتر
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
قالو مرتين اتشاكلن في السوق , جا راجل طاااخ ادا واحدة كف
الما ادوها كف ,,, ضحكت فيها
والادوها كف زغردت
وقالت ليها
الحمد لله بي ولياني البهدوني ,,, كعب المطلوقة وما عندها والي
اظنو ده سبب ولية
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
الأخ الفاضل عبدالحفيظ أبوسن
كلما أقرأ لك أرى في ضياء كلماتك زملائي بجامعة الخرطوم من كوستي
المهندس المليح خالد و الماجد هاشم بلول و دكتور الفاتح عوض السيد و غيرهم من خيرة أبناء كوستي المعطاءة
شباب يسدون عين الشمس بتواضعهم و أنفتهم و بساطتهم
فلك و لهم كل الود و الاحترام و آسف إذا كنت قد خرجت عن موضوع البوست
و ختاماً تحياتي لإبن كوستي الشفيف اللطيف الحبيب دفعتي في الجامعة عبدالوهاب أبوسن
و يبدوا لي من الإسم أن هنالك قرابة و صلة رحم
فلك و له كل الود.
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
Quote: قالو مرتين اتشاكلن في السوق , جا راجل طاااخ ادا واحدة كف
الما ادوها كف ,,, ضحكت فيها
والادوها كف زغردت
وقالت ليها
الحمد لله بي ولياني البهدوني ,,, كعب المطلوقة وما عندها والي
|
سرعة البديهة
سرعة البديهة با أبوسن
إذ
ربما لا يكون يمت لها بأدنى صلة
وربما كان متضايقاً من شجارها
ويكون صاحب الكف إنخلع في عمرو من ( الولاية ) الجاتو في صمة خشمو
والزغردوة هى الرد على الضحكة
ثم
واحتمال ( الولاية ) قائم
وسرعة البديهة أيضاً قائمة
__________
تحياتي وسلامات
| |
|
|
|
|
|
|
|
|
Re: عوين زمان و جكس اليوم (Re: عاطف عمر)
|
صناعة الجمال
ما داير أمشي للبعيد ,, زمن الشلوخ والمساير والمشاط
الزمن القريب ده
الكركار للشعر وشمع النحل ,,, والكركم للوش ,,, واللخوخة للجسم ,, والزيت للمسوح,, وبعض هذه الأشياء معاصرة حتي اليوم
كانت المرأة جميلة في عيون الرجل ,, وبرضو ما بقصد جمال الرجل او زينته الزمان ,, زمن الطاقية الحمرا ومشنقة غضب الوالدين ,, والعراقي والجلابيه وسكين الضراع
لا الزمن القريب ده , الشعر الخنفس والخلال والجلابية والبنطلون
نفس الرجال ديلك غنو في ذات النسوان ديلك وطلعو اجمل الغناء في المرأة ,, غنا الحقيبة المعاصر لي اليوم
وكتبو دوبيت وشعر
وبعض الرحيق انا والبرتقالة انت
طيب ,,,, كويس
مالكم هسه
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
قالو واحد زي حالتي دي , زول اقاليم ولا عاصمي , الظروف ودتو الخرطوم وبات مع قريبو , بالليل سمعو صوت حفلة , ومشو عليها
اها بتفرجو كده في الرقيص والبنات , سأل قريبو
دحين انت ديل كلهن عوين
قال ليهو
ايوة
طلق كان كدة نحن معرسين نعيز ساي
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
آي جكس الزمن طاعم وحلو ,, كاستر بس ,, كاستر بي لبن
ليه
مازي اي حاجة اتطورت , كمان صناعة الجمال اتطورت , بدل دهن الكركار والزيت واللخوخة والكركم , والموص للشحم ,, ظهرت حاجات تانية , ونحمد الله ظهرت ليها متخصصون ومتخصصات وبرامج فضائية
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
كتير بلقا جكس في البيت مع ام العيال , بسلم وبتخارج ,, في البعرفهن والمابعرفهن
فمرات ام عيالي تلومني اني سلمت سلام ميت كده زي الما بعرف زول , فتطلع واحدة بعرفها لكن ماعاملة الميك اب ولا مكشبة ,
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
اها تطورت صناعة الجمال
ووصلت محلات ولا امهاتنا فكرن فيها , الكركم كان ببيض الوش ,, هسه جابو كريمات بغيرن اللون كلو ,,, بدل اللخوخة ظهرت كريمات ردم ,,
وزادن شوية ,,لالالا كتير
بقا في سدر صناعي بدل الدلاقين ,, و ........ صناعي بدل الدلاقين ,,, وحتي كمان غشاء بكارة صناعي
والدكاترة دخلو يدهم شي حقن وشي جراحه بلاستيكية و سليكون واييييييك
جراحة تجميلية
جاييييكم
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
ود ابسن يا صاحبي
قبال كم سنه اتعملت بطولة كاس العالم في الكورة تحت سن 20 سنه ...
وانا ومجموعه من الاصحاب قطعنا تذاكر نخش كل المباريات الاتلعبت في تورنتو ...
وقاطعين نفس الكراسي ما بتتغير ...
يوم كان في كورتين ... الصباح مباراه طرف فيها البرتغال ...
وحياتك قعدن قدامنا برتغاليات سبحان الخالق فيمن خلق ...
اتلفت لي صاحبي وقلت ليهو ... يا ربي كان ناس ابو صلاح وود البنا
كانو قاعدين في الكراسي القدامنا دي كان كتبو شنو ...!!
اها ضحكنا .. انتهت الكوره و مشن السمحات ...
الكورة التانيه طرف فيها الارجنتين ...
وحياتك بعاعيت بس... لامن قربنا نمرق من الكوره ...
صاحبي قال لي تفتكر يا قبقب ناس ابوصلاح كان مرقو بي ورانا ؟؟؟
| |
|
|
|
|
|
|
|
|
|
Re: عوين زمان و جكس اليوم (Re: يحي قباني)
|
مرحبا يحي
حبابك
تعرف يا صاحب
مراتن الزول بجيهو الخاطر ده ,, يا ربي خلي ناس ابوصلاح ديل ,, شوف شعراء الغزل ديل لو شافو جكس اليوم النضيف ولامع ده ,, وحكمة ربنا مافيهن شينه ,, يرقشن زي نار القصب ومولعات
مش عاطف خيري قال
البنات طفن الرتاين وولعن
مولعات وليعة جد ,, اناقة واتساق
ملحوظة
انا ما شفت ده حسب كلام الناس باقي ام العيال بقت مرات بتفتح سودانيز
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
و
صارت المرأة سلعة
تم تسليعها ,, وبدلا ان يتم عرضها ,, بدأت تعرض هي في نفسها
تحول اهتمامها إلي جسدها , وساعدتها آلة الطفيلية بأن احتفت بشكلها فصنعت لها مسابقة الجمال ,
لا ارفض تجمل المرأة , ولكني اربأ بها ان تحول نفسها لجسد , فتعطل قدرات عظيمة داخلها
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
مين اللي قال لي بناتنا ديل اللون الاسود شين ?
كريمات تفتيح البشرة وآثارها الضارة , وبدون خجلة لامن وزارة الصحة ولا ادارة الصيدلة تعرض الاعلانات في كل اجهزة الاعلام وبشكل مكثف
وكم من الاضرار صنعتها تلك الكريمات ,, اضرار تفسد الوجة وتجعله قبيحا
وده عشان شنو زاتو
قالو
الصفار لمحة فارس
والخدار تقعد جالس
الخدرة مالها ? اكان ملاح ولا لون بني آدم
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
الحبيب ود ابسن
الله يديك العافية
رغم اننا منافسين في دوري الجكس ده بس للامانة
عوين زمان الشفناهن في الخالات والعمات وامهاتنا سماحتن مخالفة
حكمة ربك الويحيدة يخطبوها وهي بترد من العد ولا في الفزع يعني لو لبسن البودي والذي منو
كان الحقيبة دي اتملت اكتر ما هي مليانة ...
وعشان ما نظلم بنات جيلي (جيلي انا جيل الخيبات الجسام)
مشيت الخرطوم لقيت البنات جت بتشابهن لاتعرفوا ده السماح ولا من المساح
.....
تحياتي
| |
|
|
|
|
|
|
|
|
|
Re: عوين زمان و جكس اليوم (Re: الجنيد حمد)
|
الجنيد يا صاحب
لا ابدا لست من انصار الاساءة والتحامل علي هذا الجيل ابدا , فهم ونحن ضحايا العولمة
امهاتنا وخالاتنا بنشوفهن بي عين غير ,, وقالو هي عين كليلة
لكن النصيحة ليك يا الله ما كانن شغالات كتير بقصة الزينة دي , امكن اكتر وقت هو وقت الحناء
سأعود
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
Quote: مين اللي قال لي بناتنا ديل اللون الاسود شين ?
كريمات تفتيح البشرة وآثارها الضارة , وبدون خجلة لامن وزارة الصحة ولا ادارة الصيدلة تعرض الاعلانات في كل اجهزة الاعلام وبشكل مكثف |
ينصر دينك يا أب سن
| |
|
|
|
|
|
|
|
|
 Re: عوين زمان و جكس اليوم (Re: عبدالحفيظ ابوسن)
|
عبد الحفيظ يا عمك الجمال قيمة نسبية لا يحددها زمان أو مكان ...فلكل عصر أقماره البادخات نضرة وتلؤلؤاً وبهاءاً .....إلا إنه حقيقة فقد صدق عمك فأن عوين الزمن ده طاعمات بالحيل ياخ...وأنا ما قايل ....سمحين زي ديل بزوروني ....هههه ....
ويظل الحياء أجمل ما يزين المرأة .... والحشمة بلا شك تاج مرصع بالألق يتيه بالشدى والاريج والعنفوان ....
إلا أنه وكما أورد أحد الزملاء إنه لولا اختلاف الاراء لبارت السلع....
والله جميل يحب الجمال يا صديقي ....
مع كل الحب الدي تعرف ؛؛؛؛
| |
|
|
|
|
|
|
|
|
|
Re: عوين زمان و جكس اليوم (Re: إدريس محمد إبراهيم)
|
مرحبا ادريس
وحبابك يا صاحب
ايوة متفقين تماما في نسبية الجمال ,, لكن ظنيتو المكان والزمان بحددو نسبيتو دي زاتا , وهم البحددو القيم الجمالية في الوقت والمكان المحدد دون غيره ,
تعرف يا صاحب كان اسأل نفسي وانا بشوف الشلوخ واجمل الشلوخ الشلخ البحبس الدمعة ولا الاصبع , واستغرب كون انو اهلنا شايفنو جميل زمان
بنوت الزمن ده سمحات , آي ,, سماحة منقطعة النظير ! ظابطين المقادير ظبطة تمام واستفادو من العولمة وسهولة التواصل
بس موجعني كريمات تفتيح البشرة ,, وموجعني نظرتهم للون ,, والكريمات دي بطول الاستعمال بتخرب اللون زاتو ,, ياخ بقن يستعملن الهايدروكورتزون ,, مراهم الحساسية
ويبلعن الحبوب
وده كلو ممكن يكون خصما علي الوعي والمعرفة
وانا مارق اردد
طاعمات طعم الله يخليهن ويكبرن ويجي جيل جديد ويشوف بناتهن اطعم
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
| Quote: بس موجعني كريمات تفتيح البشرة ,, وموجعني نظرتهم للون ,, والكريمات دي بطول الاستعمال بتخرب اللون زاتو ,, ياخ بقن يستعملن الهايدروكورتزون ,, مراهم الحساسية |
المفارقة إن الخواجيات كايسات لي لونهن دا بالبيع والشراء
الواحدة تلقاها راقدة عريانة حوتة في الشاطي
عشان تسمر شوية
وبنوتنا يظلطن في وشوشهن بالكيماكالز
والله عندنا لون برتقالي كدي أو قمحي زمان بسموه خمري، أسع بقوا يقولوا برازيلي
دا على الطلاق لو بقى فاتح أو غامض
بطلع عينك ويحلحل ركبينك
وتحياتي مثنى وثلاث ورباع
| |
|
|
|
|
|
|
|
|
|
Re: عوين زمان و جكس اليوم (Re: بدرالدين بابكر مصطفى)
|
تحياتي أبو سن
***
الابو بنصح في ولدو
يا ولدي النسوان ديل زي الفواكه , فيهن الموز والتفاح والعنب والبرتكان ,, وكل واحدة طعما براهو وشكلها براهو , وانت بتختار الفاكهة الدايرا
قال ليهو
طيب يا ابوي وانت اخترت ياتو فاكهة
قال ليهو
الزمن داك فواكه مافي ,,, لالوب ونبق بس
***
أضحك الله سنك
زولك دة الظاهر ما كان راضي بقسمتو ونصيبو ، مما قال نبق ولالوب وتناسى ذكر الدوم والتمر والمسكيت والقنقليز ( عرفتو ممكون وصابر )
واصل
| |
|
|
|
|
|
|
|
|
|
Re: عوين زمان و جكس اليوم (Re: ابو جهينة)
|
مرحبا ابوجهينة
وحبابك
ههههه عمك بكون غطي قدحو
قالو عملو تجربة , عملو سور للبقر وختو فيهو قش كتير وسمح , إكتشفو انو البقر بكسر الميل ويتناطا لي القش الفقير الورا السور
دي القصة
وام جركم ما بتاكل خريفين
| |
|
|
|
|
|
|
|
|
|
Re: عوين زمان و جكس اليوم (Re: ابو جهينة)
|
Quote: نا ما شفت ده حسب كلام الناس باقي ام العيال بقت مرات بتفتح سودانيزand#228;
|
ود عمى واصل لكن يوم بتجيبها كبيرررة
شفت العوين لبدن كيفين مستنياتت تجيب اخرك وقبلن عليك شيتن من القديم والجديد
ان بدن اكان يحلك الله منهن
غايتو ماعارف انت من ياتو زمن على قول الريس ابو جهينة الفواكهة او البلدى
واصل دائمات متحفناااااااااااااااااا باروع الكتابات .................. والله يستر عليك
| |
|
|
|
|
|
|
|
|
 Re: عوين زمان و جكس اليوم (Re: Yousif A Abusinina)
|
ود ابو سن سلامات
انت رايك شنو فى النساء زمان والحين ؟
قارن لينا المراة زمان والحين من ناحية
1- جمال ولبس
2- احترام لى زوجها
3- اكرام الضيوف
4- احترام النسابة
5-عمل المراة وراى المجتمع فيها قديما وحديثاً
بجيك راجعة
تحياتى
| |
|
|
|
|
|
|
|
|
|
Re: عوين زمان و جكس اليوم (Re: وضاحة)
|
مرحبا وضاحة
حبابك يا خية
المقارنة بتكون مجحفة جدا إن لم تكن بمنظور تاريخي يضع في تقديراته الوضع الاقتصادي والاجتماعي والسياسي والثقافة وتلاقح الثقافات والسلوك عالميا ,
وبرجعني كدة لنسبية الجمال المربوطة بالزمن والواقع , يعني قراءة تاريخية , زي ما العالم اتطور من بنيات دنيا تطور معه الزي مصاحبا , الممثلات والفنانات شوف ليك صورة قديمة وهن مباريات الموضة
لبس النساء اليوم اجمل مافي شك ,, اتطور زي وزي غيرو
احترام الزوج ما زي زمان لأنو معني الاحترام زاتو مختلف , المرة زمان ما بتجيب اسم راجلها ولا بتقعد تاكل معاهو وماعندها راي , شاورها وخنفها
ويحسبون ذلك احتراما وفق المعايير آنذاك , اها زي ده هسه مافي لكن برضو في احترام بس مختلف
احترام النسابة من مقياس واحد لي عشرة زمان عشرة وهسة 2
الكرم اها ده براهو قصة نقوم نعلقو كدة بدون نرجع للماهية وشظف العيش والظروف المامعروفة ,, قصرو لا والله ما بطال لكن بديهو 7
اها عمل المرأة دي ,, بقا بتنكتب بس في المنتديات ويناقشوها المثقفون كترف ذهني ,, لكن حقيقة المرأة شغالة أي شغل بشتغلو الرجل ومحترمة ومقبولة في المجتمع , ومش كدة نسوان بعيلن اسرهن اكان اسرتها الصفيرة ولا اسرة والدها
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
مرحبا بدر يا دفعة
معليش فارقت التسلسل الزمني للردود إحتفاءا بمن اكتب عنهن , تحية للأخت وضاحة
تعرف الخواجات البنحاكي فيهم ديل زاتم , زي ما قلت السمرة عندهم برستيتج ,, يعني مقرش وممكن تمشي اجازة تحت الشمس
آي الخدار اشكال ,, الخدرة الدوقاقة والناعمة ولون زينب
ياخ نسيت اهم زول الشاعر ودالمكي
الله يا خلاسية
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
حباب ود العم
حباب ابوسنينة
وشاكر ليك حسن ظنك
إما إذا دار محور سؤالكم عن زمنا فأنا من زمن خاتف لونين ههههه
اها وضاحة جات كأول وافدة للبوست
آي والله النساء ديل بجيبن آخر اجعص جعيص ,,
| |
|
|
|
|
|
|
|
|
|
Re: عوين زمان و جكس اليوم (Re: عبدالحفيظ ابوسن)
|
من النفاج
عبدالله محمد عبدالله
حبابك يا صاحب
ههههه
آي جكس اليوم بقن واثقات من نفسهن ومحددات خياراتهن , ونضامات نضمي شديد ما شاء الله تبارك الله
عوين زمان لي رجال زمان ,, وكل فوله ليها كياله
هسه انا في بطن بيتي فرق بين ولدي و بتي , البت منضبطة ومؤديا واجبها علي أكمل وجه , مهتمه بي قرايتها ومساعدة امها , والولد غير , داير اجتهاد وصرامة أكتر
لكن برضو عندهن بعض العادات البتنقص من جمال الصورة
| |
|
|
|
|
|
|
| |
عبدالحفيظ ابوسن
عبدالعزيز عثمان
ALWALEED ALSHEIKH
عاطف عمر
يحي قباني
الجنيد حمد
بدرالدين بابكر مصطفى
إدريس محمد إبراهيم
ابو جهينة
Yousif A Abusinina
وضاحة
فيس بوك
تويتر
انستقرام
يوتيوب
بنتيريست