بلة حبابك يا صاحب مصطفي مسخ لي الغناء , أشبع ذائقتي الفنية شعرا ولحنا وصوتا وأداءا وموسيقي نقل الشعر الغنائي لأبعد ما يكون ,, وغني ما استحاله الناس ,, وغني لحبيباتنا ,,, اولئك النسوة البشبهننا ,,, وليس بنوتا من صنع خيالنا ,, وبت بلدي يا سودانية وسمحة وسمرية وربط الحبيبة بالوطن ,, الحبيبة التي تتغيب عن المواعيد عشان ماعندها حق المواصلات ,, ما إفترا ساي الحبيبة البتدي في الجيعان لقيمة وتدي للعطشان جغيمة وتكسي في الماشين عرايا وفوقها يتقطع هديمها ,, وغني للشفع البفنو الشايله ايدوم ويجروا كايسين القطارا غني للأمل واديني احساس بالأمل فوق كل خطوه شوق إليك وغني لنا ,,, لرموزنا ,,, لاولادنا السمر ,,, لحبيباتنا ,,, غني للوطن ,, الوطن الماهو جغرافيه آمن بنا واريت غنواتي هناك شغالة تكون سندانه وعود طورية غنانا حتي نزف دما , غنانا حتي مات ودقو مزيكة الحواري آه يا صاحبي ما اوجع الوجع
|
|