|
|
|
 Re: وسع استثماراتك مع اقوى الفرص والعروض الاستثمارية في السودان! (Re: Asim Fageary)
|
Quote:
أول ما تلاقي ليك عنوان عبارة عن رقم جوال وبريد إلكتروني
وليس هنالك عنوان مكتب وموقع محدد وتلفون أرضي
فهذا يعني نه نصب × نصب × إحتيال × سرقة
|
عاصم
تحياتي ...
الزول دا جادي جداد شديد في عنوانه دا
نعم هناك بعض قصص النجاح الصغيرة لافراد
من مصر وسوريا وتركيا وبعض الدول ولكنها ليست بحجم
هذه الاماني الكبار اراضي على النيل وثروة حيوانية وتنقيب عن ذهب
لذلك استغربت من الرسالة وتساءلت هل توجد فرص للاستثمار في السودان بهذا الحجم
كن بخير
| |
  
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: عبد الوهاب المليك)
|
اثناء عودتي من اجازتي الاخيرة من السودان
واثناء جلوسي في صالة المغادرة كنت جالساً بالقرب مني 3 من المصريين
ودون أن اكون مهتما بحديثهم في البداية سمعتهم يتكلمون عن العمل في السودان
وقد استرعى انتباهي أن احدهم يقول للاخرين
انا جيت السودان لي 5 ايام والآن مغادر نهائيا لأنني لم اجد عمل
وكل الكلام عن السودان وفرص العمل فيه كانت مجرد اكاذيب ولم اجد شيئاً مما قيل لي
على ارض الواقع .. بالاضافة الى سوء السودان وسوء الاحوال الجوية فيه من حيث الحرارة
وهنا بادره أحد محديثيه بانه قد تعجل وكان عليه أن يصبر قليلا وان السودان مليان خير
احدهم قال له انه حضر منذ حوالي 9 اشهر وهاهو يعود في اجازة قصيرة الى مصر
ثم سيعود بعد شهر لممارسة عمله واستطرد قائلاً بانه قد عمل في السعودية وترك السعودية وتوجه الى السودان
وان يومه في السودان احسن من يومه في السعودية
وان متوسط دخله يبلغ حوالي 200 دولار يوميا يجنيها من مهنة التبليط والنقاشه ..
نفس هذا الكلام قاله المصري الاخر لصاحبنا الذي تعجل العودة ولم يصبر في السودان حيث لم يمكث فيه الا 5 ايام فقط
الا ان صاحبنا قال بأنه سوف لن يستطيع العمل في هذا الجو الحار ..
ما اثار فضولي هو ما قاله المصريان الاخران .. وعن وجود فرص عمل كثيرة
وان متوسط الدخل ما 150 - 250 دولار في اليوم ..
عندما قرأت العنوان اليوم في بريدي تفاجأت بمستوى هذا التبشير بالفرص الاستثمارية التي يروجون لها
هل توجد فرص حقيقية للاستثمار في السودان؟
وهل يأكل خير السودان غيرنا؟
في الاعلان الترويجي هناك تبشير بالتنقيب عن الذهب كمان .. فتأمل!
اراضي على النيل .. ثروة حيوانية .... الخ الخ من البشريات
انتوا متأكدين الزول دا بتكلم عن سودانا دا ولا سودان آخر؟
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: الامين موسى البشاري)
|
تحياتي أخي الكريم ..
نعم السودان ملئ بالخيرات وملئ بفرص العمل التي لا تحتاج لاعلانات ويمكن ان أبدأ بالذهب الذي هو مجال عملي فبلادنا تذخر بكميات خرافية من الذهب وبها مناطق واعدة جدا ولا تحتاج لرأس مال كبير وهناك الاف الشباب يضربون في الصحراء ويعودون باوضاع ممتازة .. نعم البعض ذهب ولم يجد شيئا لكنه لم يصبر او انه اتخذ طرقا خاطئة في البحث والتنقيب والحديث يطول والامثلة لا تعد ولا تحصى ..
اما عن الزراعة والماشية فهما اكثر نفعا من الذهب وفي الاونة الاخيرة اتجه اغلب الناس اليهما وتم تطوير طرق الزراعة وطرق تربية المواشي وانا شحصيا لدي اصدقاء يصدرون البرسيم الى دول الخليج واخرون البطاطس ولي صديق مهندس ترك الهندسة واصبح اشهر مربي ضأن وينتج الاف الرؤوس كل عام ويتبع احدث الطرق العملية في التربية وايضا الامثلة تكثر لكن بصورة عامة هناك استثمار حقيقي في هذين المجالين يمضي بخطى ثابتة بعد ان لمس الناس العائد الضخم منهما واصبحت الخرطوم تكتفي من التمور والموالح من انتاج مزراع حول العاصمة.
اما الاراضي فلا اعلم لها استثمارا الا ان هناك فعلا نمو وتطور في العمران في العاصمة وبعض المدن الكبيرة وهناك استغلال كبير جدا للاراضي في المواقع المميزة حول ضفتي النيل الازرق والنيل .
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: معتصم محمد صالح)
|
الاخ الامين ، تحياتنا ،،لك وضيوفك...
اولا ،بعيدا عن ما جاء بالاعلان ، ثم ناي اخر عن كل دعم من الممكن ان تجده من الدولة ،فذلك ما اشك فيه ،وانما اعتمادا علي جهدك الخاص وتوفيق من ربك،،فاقول،من مشاهدات شخصية..
نعم هناك قصص نجاحات لاستثمار ذو طبيعة محدودة ، اعرف مصريين اقامو زراعة محمية في مناطقنا،بنفسهم يتحدثون عن ارباح خرافية-الكلام ده قبل قيامة مصر-ولاحقا قامو باستئجار مئات الافدنة لعقود عشرات السنين،،من اهاليها-وقامو بانشات ضخمة واستردوا اموالهم في بضع اعوام وصارو من الاثرياء ،،اعرف اجنبي جنب ارض لي ،قام باستئجار ارض عشرة اعوام ، صنع منها جنة من الجنان،،برتقال وقريب،،وحين اتم عقده جاء صاحب الارض لياخذ منه المزرعة ،،طلب منه مليارات ليتنازل ، طبعا جري في خلد صاحب الارض انه سيفوز بالجنة،،فوجئ بقرار المحكمة،،اما ان يقوم المستاجر بازالة كل الاشجار حسب نص العقد او يتراضيان،،وتراضيا نسبة لان المليون تجيبو من طرف شدرة قريب او برتكان,,,
اخلص ،رغم اني قد بعدت عن الموضوع الاساسي ،الي ان اذا ما اراد انسان مستثمر ،سوداني اغبش،الاستثمار،وعمل بعلم وجدية وادارة جادة،فبالارقام،ليس هناك قرش ياتي متراكما كما في بلدنا،،وبالارقام وتجارب كثيرة ،، بس نحن مشكلتنا نستثمر في الاسمنت والمدينة في حين بيت المليارات ده،لو سواهو استثمار حيواني وزراعي فاهم ومدروس ومدار،،لصار في بر امان..
بس اختا الاعلانات والافندية.
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: عبدالعزيز عثمان)
|
| Quote: اخلص ،رغم اني قد بعدت عن الموضوع الاساسي ،الي ان اذا ما اراد انسان مستثمر ،سوداني اغبش،الاستثمار،وعمل بعلم وجدية وادارة جادة،فبالارقام،ليس هناك قرش ياتي متراكما كما في بلدنا،،وبالارقام وتجارب كثيرة ،، بس نحن مشكلتنا نستثمر في الاسمنت والمدينة في حين بيت المليارات ده،لو سواهو استثمار حيواني وزراعي فاهم ومدروس ومدار،،لصار في بر امان.. |
عبد العزيز عثمان
تحياتي وشكرا لرفد البوست بهذه التجارب الواقعية
أكثر ما يخيف السوداني من الاستثمار فيما ذكرت هو العوائق التي تضعها الدولة احيانا
امام اي مستثمر سوداني بينما الاجنبي يجد العديد من التسهيلات التي تعينه على العمل
اشهد للمصريين بخبرتهم في الزراعة وصبرهم عليها من خلال تجاربي معهم في السعودية
وثانيا المشكلة الاكبر تتمثل في عدم صبرنا على الاستثمار
اعرف بعض الاشخاص هنا يعملون مع اهاليهم يشترون المحاصيل ويتم تخزينها
حتى ترتفع اسعارها ثم تباع ويجنون منها ارباحاً مقدره
كذلك اعرف احدهم يعمل مع اخيه في شراء الخراف السواكني ويقوم بتربيتها
لتباع في موسم الضحية وايضا يحققون ارباحا طائلة تكاد توازي دخلهم في الخليج
الشاهد أن الاعلان مبالغ فيهو شوية ولكن يوجد استثمار .. بس مين يشتغل ويجتهد
شكرا لك مرة اخرى...
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: ودقاسم)
|
Quote: هناك فرص كبيرة لمن يرغب في الاستثمار في السودان
الزراعة وتربية المواشي والدواجن والألبان فيها فرص ومكاسب كبيرة
الصناعات والحرف والعمالة الماهرة تجد حظا وافرا من الدخل
راس المال والجدية واليد الماهرة كلها له مردود اقتصادي عالي جدا في السودان
والسودانيين ينقصهم كثيرا رأس المال والجدية |
ود قاسم
تحياتي ...
اعلم ان لك الكثير من التجارب في مجال الاستثمار خصوصا وانك مغترب بالمعاش
يا ريت ترفد لينا بالبوست ببعض تجاربك الذاتية حتى تعم الفائدة
استمعت لك خلال اجازتي السابقة وكنت قد تحدثت عن بعض التجارب
وهي تجارب قيمة وناجحة فما تبخل علينا بها
كن بخير
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: معتصم محمد صالح)
|
الاخ معتصم
تحياتي..
Quote: اما عن الزراعة والماشية فهما اكثر نفعا من الذهب وفي الاونة الاخيرة اتجه اغلب الناس اليهما وتم تطوير طرق الزراعة وطرق تربية المواشي وانا شحصيا لدي اصدقاء يصدرون البرسيم الى دول الخليج واخرون البطاطس ولي صديق مهندس ترك الهندسة واصبح اشهر مربي ضأن وينتج الاف الرؤوس كل عام ويتبع احدث الطرق العملية في التربية وايضا الامثلة تكثر لكن بصورة عامة هناك استثمار حقيقي في هذين المجالين يمضي بخطى ثابتة بعد ان لمس الناس العائد الضخم منهما واصبحت الخرطوم تكتفي من التمور والموالح من انتاج مزراع حول العاصمة.
|
كل الشكر والتقدير لك ايضا على رفد البوست بهذه التجارة الناجحة
ويا ريت تستفيض في ابرازها ..
هناك الكثيرون عالقون في الخارج وهم بحاجة لهذه التجارب
المشكلة دوما هي في كيفية المبادرة والكثيرين تنقصهم الشجاعة والخبرة
لاقتحام مثل هذه المجالات ...
كان لنا زميل في الكلية وهو صاحب ذهنية متفتحة جدا ولكنه كان رجل عصامي
كان معه 2 من الصبيان يشترون البضاعة من سوق الجملة في السوق العربي
ويبيعونها في سوق وكانوا يجنون ارباحا مقدره ..
اذكر هذا المثال فقط بأن كل حركة فيها بركه
كن بخير وفي انتظارك اكيييييييييييد
| |
|
|
|
|
|
|
|
|
 Re: وسع استثماراتك مع اقوى الفرص والعروض الاستثمارية في السودان! (Re: الامين موسى البشاري)
|
| Quote: تتم الإجراءات بأوراق رسميه فى الجهات الحكوميه حيث يتم التسجيل بوازرة العدل وإدارة تسجيلات النائب العام . والشهر العقارى |
** ود البشارى..
** سلام ..
## الإقتباس الفوق دا :- دى أول مكنه صياغةً وفعلاً وقانوناً ,, الإجراء الوحيد الذى يتعلق بالشركات يتم فى إدارة الشركات وهى تابعه للنائب العام ,, االباقى أنسى يامنسا لاوجود له على أرض الواقع ##
## قال إستثمار فى ظل قوانيين الإستحمار .... إذا كان الكيزان و ناهبى المال العام منهم يستثمرون أموالهم فى دبى وماليزيا والصين وهونق كونق وتايلاند !! ومشركين للدايشيين بمثل هذه الإعلانات ,, والله لو إستثمرت الف دولار تكون الضرائب والزكاه ورسوم النفايات ورسوم المحليات ورسوم أُخرى 3 أضعاف استثمارك (الالف دولار) تدفعا قبل مامشروعك يربح سنت ,, وفى روايه أُخرى قبل مايبدأ ##
(اللهم أنقذنا مِمن أتوا لإنقاذنا )
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: Hani Arabi Mohamed)
|
حبابك يا هاني
Quote: عقدة الأجنبي
تجعل العامل الأجنبي يحصل على فرص أكثر ومدفوعات أكبر لقاء نفس العمل الذي يقوم به عامل سوداني داخل السودان ...
|
ههههههههههه ذكرتني قريباً لينا ..
كان عنده شغلانه كدا وقال لي ماشي افتش لي عمال عشان التبليط والدهان
وذكر انو ماشي يفتش سوريين أو مصريين
قلته ليهو ليه؟
قال لي: السودانيين ما بشتغلو الواحد داير حق الفول والسجاير والعرقي هههههههههههه
الشغل الممكن يتعمل في 3 يوم السوداني بعمله في اسبوع أو 10 يوم
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: Dr. Ahmed Amin)
|
Quote: خلاس ااا زول رايك شنو نتشارك لنا في منجم ماس ودهب ...
عشان نطلع فوووووق مره واحده .. وبعد داك نقبل على اراضي النيل والمزارع لزوم مزمزه كدي ...
انا جادي ..... ههههههههههه |
طوالي يا دكتور احمد أمين
يمكن نسوي لينا قروش مع الكيزان ديل ههههههههههههههه
بلا وظيفه بلا وهم .. قعاد المكاتب غير ما يجيب لينا الضغط ما بسوي لينا حاجة
ودي الذي تعلم
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: عبدالكريم أحمد الامين)
|
عبد الكريم الما كيكي
تحياتي يا ملك ..
| Quote: والله لو إستثمرت الف دولار تكون الضرائب والزكاه ورسوم النفايات ورسوم المحليات ورسوم أُخرى 3 أضعاف استثمارك (الالف دولار) تدفعا قبل مامشروعك يربح سنت ,, وفى روايه أُخرى قبل مايبدأ ## |
مع الاسف هذا يحدث كثيرا في السودان
ولكن السؤال هل تتم معاملة الاجنبي بشكل مختلف عن السوداني؟
هذه الوعود التي وردت في الاعلان سقفها عالي جدا واعتقد انها لا تخرج
عن بيع السراب للمستثمر ....
نعم السودان ارضه خصبة وزاخرة بالخيرات ولكن ليس كما ورد في الاعلان
الناس دي انقذتنا من شنو بالضبط كدا؟
كن بخير
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: عبد الوهاب المليك)
|
وسع استثمتراتك مع اقوى الفرص والعروض الاستثماريه فى السودان
دا كلام صحيح 100%
انا صاحب تجربه استثماريه صغيرة وهى تربية الابقار الحلوب
مشروع ناجح 100%
كثيرين توجهوا الى الاستثمار الحيوانى عائده افضل
كل ما ذكر فى هذا البوست صحيح
هنالك معوقات
وهنالك محفزات
الصبر والاعتماد على النفس اهم حاجة
اراضى مافى بس تشترى من الاهالى وتوثق عند الحكومة او تشترى من الحكومة وتوثق عند الاهالى
الاهالى يدعون ان المساحات هى مملوكة لهم ورثوها عن اجدادهم
الحكومة تقول كل اراضى السودان ميرى
العمالة السودانيه تتصف بالمزاج وعدم الطموح
الاخوة العرب والاتراك عندهم الصبر
عزيمتهم وهمتهم عاليه
منتجات الاسمنت
منتجات الالبان
منتجات البيوت المحمية ( الخضروات)
الرى بالتنقيط
البساتين
اللحوم الفاخرة
الدواجن ومنتجات الدواجن
.......الخ
استثارات صغيرة وكبيرة فى هذه القطاعات
اتراك وشوام
زكل سنة وانتو طيبين
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: صلاح الدين نزلاوى)
|
باشمهنس اللمين
تحياتي
| Quote: اقوى الفرص والعروض الاستثمارية في السودان! |
صدق وشوفوا البصل دا كيف؟؟؟
Quote: اياك ان تعطي شخص اموالك بان يستثمرها لك بالسودان
فإما أن تذهب لتستثمر بنفسك |
- خليك من الإعلان .. أمسك في النصيحة دي من ابي حراز والقول ما قال ابوحراز.
- لو إنت شخصيا عايز تستثمر فالفرص المتاحة لك تعلمها ( رز ووز وورل كبير ما بفز ونقارة بتقول دز) بقر حمر ولا الصمغ العربي
ولا الفول السوداني ولا القدر بنات سعدان، ولا منافس لك، كل ما في الأمر توكل.
- ترويج الحكومة للزراعة بلغ الآفاق، شوية حركة وشوية توفيق من الله جل جلاله وشوية تواصل مع
المواطنين ممن يدعون ملكية الأرض وشوية توكل على الله جل جلاله يمكنك أن تمتلك فدادين وتزرعها
وتخلطها بشوية عجول وإنت عارف الباقي- تذكر تجربة الأخ/ صلاح نزلاوي مع الأبقار وهو غير بقاري...
- حقيقة تعاملت مع مكتب بالخرطوم وساعدني بدراسات وتحركات رسمية وحاليا وصلت مرحلة إستلام ألفين
فدان بمنطقة و600 فدان بمنطقة أخري، غير أن نصيب الأهالي من القسمة قد يصل 25% من الأرض لتخصيصها لهم
أو مساومتهم أو تسليمها لهم كما هي للتصرف بها....
الخلاصة نصيحة أبي حراز أولا ثم لا تقف......
| |
|
|
|
|
|
|
|
|
|
Re: وسع استثماراتك مع اقوى الفرص والعروض الاستثمارية في السودان! (Re: Alshafea Ibrahim)
|
بلد محتاج لكل حاجة وفيه كل الوسائل والمعينات...
كيف ما تكون فيه فرص..
ارض فضاء واسعة وخصبة...ومياه عذبة
وذهب الناس تلقط فيه من الصحراء وبوسائل
بدائية جدا...غابات ...مد البصر...شجرتين منها
بصدروا ليك فحم لما علي بابا يحتار...
مواشي ترعي وسط المرعي...من
نباتات قائمة في الخلا سااااكت...
كل المشكلة هي في الحكم والادارة...
جيبوا ناس يديروا السودان دا صاح
الاستثمار حا ينبهل بهلة تحير العدو
في اجازتي الاخيرة سافرت من الخرطوم الي الابيض بعربة خاصة
ووقفت علي سوريين ينتجون الا######## ويصدرونها رأسا...
وصفيحة الحليب تصلهم لا مصنعهم بي عشرة جنيه..
كوستي وما ادراك ما سمك كوستي...بلطي وبياض مراكب مليانة\
وما عارفين يعملوا فيها شنو؟
بينما البلطي ببلاد الخليج يأتيهم من تايلاند زي عكف النحل...وفي الخرطوم البلطية بي 30 الف...في كوستي اكلتها بي خمسة الف وكوستي والخرطوم ساعات معدودات
بلطي نيل والله بلطي تايلاند
ممكن تشتري مركب بلطي...بي مبلغ تااافه
بينما نشتري هنا البلطية بي 20 و30 ريال
شوف المركبة فيها كم بلطية وكم ريال...
في سوء ادارة وتخطيط...ودنيا ماشة هبتلي ساكت...
هسي لو قبلوا علي حاجة حاجة ونجضوها...كان لا هسي نحن بي نيمارنا زي البرازيل واحد
| |
|
|
|
|
|
|
| |
الامين موسى البشاري
Asim Fageary
عبد الوهاب المليك
محمد حمزة الحسين
معتصم محمد صالح
عبدالعزيز عثمان
ودقاسم
عبدالكريم أحمد الامين
الشفيع وراق عبد الرحمن
Hani Arabi Mohamed
حماد الطاهر عبدالله
ابوحراز
صلاح الدين نزلاوى
عصام علي أحمد
nazar hussien
محمد مجيدو
فيس بوك
تويتر
انستقرام
يوتيوب
بنتيريست