اعتذار حار لي بت حلتي مني عوض خوجلي!

Quote: واضح اني جيت اكحلا عميتا بالقصة دي الما مقصودة بحد زاتا بقدرما كان القصد ارجّع الي ذاكرتك الايام ديك، عشان تطلعي من دوامة ما اختزن في ذاكرتك الايام دي، وهو مجرد صراع فكري خالص، ولكن علي التعتر، الحكي البرئ ده عن الايام ديك، بالنسبة ليكي بدل ما يقرب باعد!

Quote: العزيزة مني، لو سمحتي عليكي الله، نقطة نظام: واضح انك فاهمة الانا عملتو غلط. بمعني، مفهوم الاعتذار، لدي شصي يختلف فيما بدا، اختلاف جذري عن مفهومو لديك. علي كده خليني اوضح ليكي وللقارئ، انا جاي من وين، وبالتالي حيكون من السهل معرفة انا ماشي وين! اها يا ستي الاعتذار والكلام ده موجود في الارشيف، بالنسبة لي، هو في الاساس اعتذار لي حاجاتي انا لي روحي في المقام الاول، ثم بعد داك للذي تضرر من سلوكنا. بمعني، زي كل زول اخوكي حاكماه قيم ومثل محددة، بحاول يلتزم بيها ما امكن ذلك! اها لما في لحظة معينة افشل، الزويل الاسمو الضمير ده، جواي، ما بريح ولابجامل تب، او ببقي لي في التولا لاني اخلّيت في لحظة بعينها بي مبدأ معين من مبادئي او مثلي الحاكمة لسلوكي! عشان كده هو البقول لي، هوووووي يا كمال انتا غلطا هنا، مع فلان، لازمك اعتذار فوري! اذن لحدي الثانية الانا بضع فيها نقطة في السطر الاخير او قبل ما ادوس post الاعتذار ده، حقي انا، لي حاجاتي انا! ثم بعد داك للزول ولا الزويلة المقدم ليهو الاعتذار!

Quote: انا ماشي في اتجاه اعتزال السياسة بي صورتا الحالية خالص، من هول الصدمة حقيقة، ومن الجانب الاخر الحاح الاعزاء الزيك بالبريد والتلفون.

Quote: نعم اقصد سود البلدان العربية وليس السودانيين، من دون ذكر دول لاني اخشي عليهم حقيقة، لانو الواحد ماعارف زاتو ردة فعل السلطات اذا علمو بكل هذا.

Quote: بالنسبة للاخت مني فاحقول شنو مثلا في سبيل خطب ودها؟ رفيقة السلاح مثلا؟ ما بتجي! اها اميرتنا المروية مثلا؟ ما بتجي خالص بحكم طريقة تفكير كل منا. اذن تبقت حقيقة انها بت حلتي. فغريبة يكون عندك موقف هنا، بل تنط من هنا او لي هنووووووك او رررب تقع، او لما تقوم تسوي بشاشا يتعامل مع قضايا الوطن بي بت حلتي! ياخي ده مجرد تداخل وتواصل اجتماعي ماليهو صلة بي دراب قضايا الوطن، بطل وخاين بتاع سينما الخرطوم غرب داااك، ايام سانتانا وديجانقو الذي لايرحم، يا حبيب!

Quote: اليومين ديل شايف كل أدعياء الهامش والتهميش بدأوا يغيروا جلودهم بعد التغيير الكبير الطرأ على تحالفاتهم الكانت مبنية على قوة عينهم ومقدرتهم على اسكات الاخر بشتمو ودعوة اكبر عدد من الشلة والشلل المتحالفة لشتمهم ,وطبعا زي (منى خوجلي بت الأصول ) وخطين تحت بت الاصول دي عشان خاطر بشاشا زي منى دي كانت بتزوق من المعارك دي لانها كبت اصول ما بتقدر ترد على الشتيمة باقبح منها وبتكسب المعركة باحترام النفس .. بالمقابل بشاشا وجد نفسو خسر محمد سليمان وممكن ماشي في الطريق انو يخسر بقية ادعياء الهامش وسماسرة قضايا السودان فقال نرجع نغازل الجلابة قبل ما اكون خسرت الجلابة والغرابة وتاني ما عندي صليح .. ..

Quote: معقوله يا بشاشا ياخ ...بالله عليك حسع الزي منى أختي بيغلطوا عليها ....ياخ دي زوله في منتهى الرقه .... إنها أرق من النسيم .... وأندى من زخات الندى على الزهور والرياحين .... عموماً كل عام وأنت بألف خير ......

Quote: ياخ قسما بالخالق أنا علي الإطلاق ما بتذكرك ولا بتذكر جيرتك..وحتي بعد شفت صورتك قبل كم سنة منزلها بكري ليك بالقميص أبو ورد بتاع هاواي داك والخاثم القدر الداهية في أصبعك برضي ما إتذكرتك.. فما كان تتعب نفسك وتعمل بت الجيران مدخل..

Quote: ...... التحية للأخت - المحترمة- عفيفة اللسان والقلم- بت الخليفة :مني عوض خوجلي - فهي إنسانة نبيلة بحق- لاتعرف الفجور في الخصومة والإسفاف - مجاملة ومنفتحة علي الكل ولكنها لاتجامل علي حساب مبدأ أو قضية . لا أعرف مافعله الإخ بشاشة في حق الأخت الفاضلة مني مما دعاه للإعتذار - ولكني أثق تماما أن الاخت مني لاترفض فضيلة الإعتذار ولاتتلذذ برفض من يتقدم لها معتذرا , وذلك إذا ماكان لإعتذار - نقد صادق للتجربة - و تراجع ورفض لمسلك خاطئ وعزم مؤكد علي عدم تكراره - ......

Quote: نهج محترم وراقى ويقدر الآخر ويبين مدى الفهم العالى لمعانى التسامح التى بنتهجها كل ذى قلب سليم كل سنه وانت طيب يابشاشا

Quote: الشفيع عبد الرحمن · Riyadh, Saudi Arabia من يكتب باسم بشاشا؟

Quote: Safa Kambal · الأكثر تعليقا · يعمل لدى ‏‎University of Oxford‎‏ واحد اهبل كاتب: من يكتب باسم بشاشا؟ الظاهر الكلام حرقوا، بشاشة سوداني حتى النخاع، ملطبو الرجوع لي اصلنا الافريقي الما عاجبك يا بتاع العباس جدي.... اول مرة اعرف ان الرسول ص عليه وسلم جدو اسود من السودان... سير سير يا بشاشا .... بالمناسبة فهم حلو شديد يا بشاشا وانا وحدة من الناس وقعت لي فكرتك في راسي وكانت مخمرة لكن بعد رجعتا المنبر بالسلام امنت بهذه الفكرة رد · 1 · · ‏4 أكتوبر‏، الساعة ‏10:38 صباحاً‏

Quote: Quote: Taha Ali · الأكثر تعليقا · Khartoum University العزيزة منى خوجلى شكرا لك هذا المسخ المؤميائى يحمل جرثومة اللؤم والخبث فى دمه لا يمكن ان يتغير صراعه صراع شتائمى وهو يسميه فكرى يحمل نظرية ولا يسمح لكائن من كان ان يكون له راى اخر فهو اله فى الارض لا ياتيه الباطل من بين يديه ولا من خلفه والا فويل لك من الفاظه الصدءه القبيحة المتكررة اتمنى ان يتغير ولكن لا اظن فاذا لم يتغير اتمنى على الاقل ان يكون مجرد انسان رد · · ‏7 أكتوبر‏، الساعة ‏11:54 صباحاً‏

Quote: ممكن الزول يمسح الدعاء السابق؟؟

Quote: العزيزة مني داير اقول ليكي سر للمرة الاولي: في الحلة ايام الشباب كنا عاملين فيها "هيبز" اي جيل رفض او كده، او علي كده كنا بنملص القميص ونقعد قدام الباب بالمنطلون احيانا! اها الذي بلغنا انك اشتكيتينا للناس الكبار المسحو بينا الارض بي سببك! علي كده انا قمتا مكجنك لله، في الله عييييييييك! عكس الاخوات ماجدة او منال، بالاضافة للفرد محمد والشهيد مصطفي!!!!

Quote: البقا ده زول وديك زويلة شنو؟؟ داك راجل ولو إتضايقت منو لسه هو زول ودي زولة لو إتضايقت منها زويلة..مش كده؟ السبب شنو؟؟ نظرتك الحقيقية للمرأة؟؟ ولا بس زيادة إساءة لمني المقدم ليها الإعتذار؟؟

Quote: لسوء الحظ ، لم أتمكن من متابعة الأستاذ (كمال بشاشا) إلا من خلال هذا البوست.

Quote: وها هو أمير العصر الكوشي يتعرض للـ"عصــر" العلاجي ، والصعق الناجع، والوخذ العلاجي بلا هوادة من إحدى حفيدات (مهيرة) قبل أن يجري هو تجاربه مستقبلاً على أحفاد تلك الشعوب المسكينة من لدن (لوسي) و (شناكداخيتي) وأحفاد أحفادهما.

(عدل بواسطة الصادق عبدالله الحسن on 12-27-2013, 02:05 PM)

Quote: و "أدب المدائح"

Quote: المثل السودانى بيقول " الأضينة دقو وإعتذر لى" .. وحاشاك يا منى من هذا الوصف بشاشا كاره ذاتو الشااا...كوشية يعانى من زهايمر فيما يكتب وينثر فى البوستات من أكلشياهاتو التى سرعان ما ينساها .. يتباهى فى بوست أن فى الحضارة الكوشية المرأة هى الأصل ومحور الحياة ... ثم يقلب على بوست آخر ويسيئ للمرأة التى يدعى أنه يعتذر لها .. مستصغراً لها فيصفها (بالزويلة) .. وعامل فيها ثعلب يدس السم فى السم (وليس الدسم) .. متوهم أنه يوهم الآخرين بدسم زائف! لكن برضو إحتمال يكون ما (بجمعش) .. طيب من الأول (كل دا كان ليه)

Quote: هو فعلا "امين" الفي صلوات كل الاديان ياهو ذات الهنا "امون" او ده ماصدفة اطلاقا! نعم جل اسماء "الله" الحسني كوشية الاصل لغة بالذات AB و RA! نعم اب را مان "عبدالرحمن"، آب را حيم "عبدالرحيم" وهكذا دواليك! طبعا الوهابية فاكرين الكلام ده عربي، او هم ماعارفين كيف هذه لغة وثقافة هاجر حبوبتم الكانت متشبعة بعقيدة التوحيد المروية!

Quote: جيفارا تشي · متابعة · يعمل لدى ‏جامعه السودان‏ مني حتفضل ترفع البوست دا براها زي عادتها في رفع اي بوست فيهو اسمها كرهتونا المنبر ياخي كلكم بتحبو تلمعو نفسكم رد · 1 · إلغاء إعجابي · متابعة المنشور · ‏8 نوفمبر‏، الساعة ‏11:22 صباحاً‏

Quote: هم يا تري "الوهابين الفاكرين الكلام ده عربي..معاهم القرآن برضو فاكر؟؟