يوميات الثورة السودانية - الجزء الثالث

Quote: سردت الناشطة / نبع مدنى أحمد – حفيدة الشهيد البطل / عبد الفضيل ألماظ – تفاصيل الاساءة لها وتهديدها عدة مرات من قبل جهاز الامن . وقالت لـ ( حريات ) انه وعند اعتقالها يوم الأربعاء 12 مارس هي والمحامية حنان محمود كانت قد أبدت اعتراضها بشدة من الطريقة المتحرشة التي كان أحد عناصر الأمن يعاملها بها ، اذ التصق بها بشكل غير لائق وكان يتنفس بوجهها بطريقة سيئة ، وعندما طلبت منه احترام نفسه والتراجع عما يقوم به ثار بوجهها وقال : ( انحنا عندنا اخوات ) وردت عليه نبع بالا اخوان لها ولاتقبل ان يجلس بقربها بهذه الطريقة. واضافت ان الحال استمر كما هو الى ان وصلوا الى مكاتب الأمن. وترجح نبع ان احتجاجها القوي تسبب في التهديدات التي ظلت تتلقاها لاحقا ، اذ وردها اتصال من رقم مجهول ، وقالت : ( فتح الخط فقال لى انحنا مكتب جهاز الأمن في الخرطوم ، فسالتو الخرطوم وين؟ رد ( لمن تجى بتعرفى ) ، قلت له ( ليه انا حا أجيكم؟ ) قال ( انتى ما حتجينا انحنا الحنجيك!! ) وواصل يتحدث ( انتى عاملة فيها بتاعت جبهة ثورية وانحنا أكعب منكم ) .. اغلقت الخط وانتهت المكالمة الاولى ) . واضافت نبع ( الاتصال التانى جانى من رقم برضو غير معروف قال لى أوعه تانى تمشوا الانترنت والاعلام وانحنا ما حنخليكم ولا حنخلى البينزلوا ليكم اخباركم دى ، وانحنا اتعاملنا معاكم كويس واحترمناكم كان مفروض نقبضكم وما نمرقكم . الاتصال الثالث جانى يوم الخميس الساعة 11 ص وانا في الشارع فقال لى انتى ماشة تلاقى أولاد دافور في جامعة الخرطوم وانحنا راصدين تحركاتك وما بنخليكم. ثم اتصل مرات كتيرة ولم أرد ) . هذا واكدت الناشطة نبع مدنى ان هذه التهديدات لن تثنيها من العمل السلمى من اجل الحقوق والحريات .