|
|
 يعني دولاراتنا دي نموصها ولا شنو يامصطفى
|
من جريدة اخر لجظة
الخرطوم: مؤمن مصطفى:
كشف د. مصطفى عثمان إسماعيل عن تقدم الحكومة لنظيرتها الصينية بطلب اعتماد السودان كدولة متداولة لعملة (اليوان) الصيني. وقال مصطفى إن موافقة الصين ستكون بمثابة الحل الجذري لمشكلة عدم ثبات سعر الصرف والاستعاضة بـ(اليوان) عن الدولار.
وأضاف إسماعيل في تصريحات لـ(آخر لحظة) عقب الدعوة التي أقامها بمنزله لوفد الحزب الشيوعي الصيني الذي يزور البلاد هذه الأيام، أنه يأمل أن تكون الاستجابة سريعة من الجانب الصيني، واصفاً اليوان بأنه أكثر العملات الأجنبية ثباتاً وقوة، مشيراً إلى أن عدداً من الدول الأفريقية تتداول (اليوان).
انتهى المقال
كان جينا السودان نشوف اليوان ده للزمن
زمان كان التجويل من العراق دولار حر اخدر ابصلعه
ومع تدهور الاقتصاد العراقي صار التحويل شيكات سياحية ابوحمامة كما يحلو للسودانيين تسميتها
وتغير التحويل من ابوحمامة لاستربيني
فقال احدهم معلقا على الاسترليني بلاي ياهو ده الاسترليني البنسمع بيه والله لاقانا قبل كدة كتير جدا قاعدين نفوتو ساي قايلنو ورق حلاوة
اسة ياحكومة كتر خيرك ياحكومة تورينا اليوان عشان كان لاقانا مانقول ورق حلاوة
|
|
 
|
|
|
|
|
|
|
|
Re: يعني دولاراتنا دي نموصها ولا شنو يامصطفى (Re: عادل خياري)
|
هؤلاء المغفلين .......... هل يعتقدون هذا حل لمشكلة سعر صرف الدولار بازاء الجنيه السوداني؟ هل المشكلة هي سعر الصرف
ام ان سعر الصرف هو مجرد عرض من اعراض مرض الاقتصاد السوداني؟ طيب ما قولهم اذا قلنا لهم ان العملة الصينية نفسها
مرتبطة بالدولار وسيظل سعر صرف الجنيه السوداني بازاء العملة الصينية كما هو ولن يغير تغير العملة المرجعية في معالجة مشكلة الاقتصاد
وهي اساسا مشكلة ضعف انتاج وسؤ ادارة ..... وفساد وفساد وفساد.
| |
|
|
|
|
|
|
|
|
Re: يعني دولاراتنا دي نموصها ولا شنو يامصطفى (Re: د.أحمد الحسين)
|
تحياتى يا خيارى
هذا النظام علمنا منذ مجيئه للسلطة بتدخل وزير الاعلام فى صميم اختصاص وزير الصحة ووزير التربية والتعليم فى صميم اختصاص وزير التجارة والعكس صحيح !
هذا الاجراء بصرف النظر عن صحته هو من صميم اختصاص وزير المالية والاقتصاد الوطنى وليس من اختصاص وزير الاستثمار !
ما فائدة تعيين شخصية جديدة فى وزارة المالية والاقتصاد الوطنى فى التشكيلة الوزارية الاخيرة اذا سيقوم طبيب اسنان من وزارة اخرى بدور وزير المالية ؟
| |
|
|
|
|
|
|
|
|
|
Re: يعني دولاراتنا دي نموصها ولا شنو يامصطفى (Re: بشير حسـن بشـير)
|
كتر خيرك يا بشير وريتنا صورة الين الصيني عشان لمن نمشي السودان ما يغشونا ويدونا روبية هندية ويقول لينا ده الين الصيني..والله اول مرة نشوف صورة الين .. والله الصينيين ديل اوفياء لرئيسهم ماو تسي تونغ ، مفجر نهضة الصين الزراعية والصناعية.. وكمان كان جبت لينا صورة الين من الجهة الثانية يكون كتر خيرك عشان نتاكد من العملة الجديدة الحتكون متداولة في السودان..وهسع انت باقي ليك الصينيين حيقبلوا يربطوا عملته بالجنيه السوداني الهابط كل يوم لورا؟؟؟
والله يديك العافية
| |
|
|
|
|
|
|
|
|
|
Re: يعني دولاراتنا دي نموصها ولا شنو يامصطفى (Re: اميرة السيد)
|
Quote:
كتر خيرك يا بشير وريتنا صورة الين الصيني عشان لمن نمشي السودان ما يغشونا ويدونا روبية هندية ويقول لينا ده الين الصيني..والله اول مرة نشوف صورة الين
.. والله الصينيين ديل اوفياء لرئيسهم ماو تسي تونغ ، مفجر نهضة الصين الزراعية والصناعية.. وكمان كان جبت لينا صورة الين من الجهة الثانية يكون كتر خيرك
عشان نتاكد من العملة الجديدة الحتكون متداولة في السودان..وهسع انت باقي ليك الصينيين حيقبلوا يربطوا عملته بالجنيه السوداني الهابط كل يوم لورا؟؟؟
والله يديك العافية |
مع التحيات للاخت اميره
.
.
.
.
.
| |
|
|
|
|
|
|
|
|
|
Re: يعني دولاراتنا دي نموصها ولا شنو يامصطفى (Re: عادل خياري)
|
مرحب خالد حاكم
تشكر على المرور والاضافة
Quote:
تحياتى يا خيارى
هذا النظام علمنا منذ مجيئه للسلطة بتدخل وزير الاعلام فى صميم اختصاص وزير الصحة ووزير التربية والتعليم فى صميم اختصاص وزير التجارة والعكس صحيح !
|
تاكيدا لكلامك مريت شخصيا بحادثة مشابهه
كنت في الرنك ناس الجيش مسكوا كل العربات عايزين يودوها ملكال عشان يقولوا للناس طريق السلام فاتح
المهم العربات المعانا مزودة بخطاب من رئاسة الجمهورية امضاء عمر حسن البشير القائد العام للقوات المسلحة
عدم التعرض لهذة الشاحنات
انت يالنقيب قول لا لازم نمسكها قلت ليه ياسعادتك العربات دي محمية بقرار رئاسي يمكن السواق ماوراك الخطاب
قال لي وراني ليه وماشغال بيه
هو عمر البشير ده على كيفو والله باللفظ الواحد
وتدخل قائد الكتيبة 108 العقيد اركان حرب وبرضو النقيب كسر كلامو قدام كل العساكر والضباط
وفي المساء وعدنا المحافظ خير وقال ح يفك العربيه لانها محمية بقرار رئاسي ومارس النقيب هوايته في فرض رايه على المحافظ
نقيب كوز يمشي كلامو على القائد العسكري للحامية وعلى المحافظ ويكسر كلام رئيس الجمهورية
منتهى التخبط الاداري
الكلام ده قدام مجموعة من الناس وشخصى المعني بالامر
| |
|
|
|
|
|
|
|
|
|
Re: يعني دولاراتنا دي نموصها ولا شنو يامصطفى (Re: عادل خياري)
|
سلام سيد اسماعيل
تشكر على المرور والاضافة
Quote:
مرحبأ أخ/عادل....قبل كده قالوا ما حا يعتبروا الدولار كعملة تعامل فى البنوك عندما غيروا العملة...وإعتبار ألأسترلينى هى العملة الرسمية.....ولا إشتغلوا بكلامهم ده...
ده تخبط وعشوائية فى أدارة البلاد.. |
المشكلة في قيمة العملة السودانية نفسها كم تساوي اذا كان يوان او دولار او استرليني
ميري كرسماس
| |
|
|
|
|
|
|
| |
عادل خياري
د.أحمد الحسين
خالد حاكم
ismeil abbas
garjah
بشير حسـن بشـير
Hani Arabi Mohamed
وضاحة
فيس بوك
تويتر
انستقرام
يوتيوب
بنتيريست