|
|
 و اسأل عن بلد مجروح وعارف الجارحو ليه جارح !!! حينما تنبأ عمر الدوش
|
لست في مقام الكتابه عن الراحل المقيم عمر الطيب الدوش ...
فلست انا من يكتب عن الدوش ...
الدوش كتب عنه هاشم صديق وقال :
آه يا دوش
ده زمن (البوش)
ورأس مدووش
أخير يا زول
تنوم ترتاح.
دحين يا أخوي
في وادي الموت
في زول مظلوم
وحقاً راح؟ !
دحين يا أخوي
في ناس ناعمين
جعاص وسمان
وناس ضامرين
تقول أشباح!!
|
|
  
|
|
|
|
|
|
|
|
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش (Re: يحي قباني)
|
و كيف أجرؤ ان اكتب في من أدهش القدال بأبيات قصيدته المعلقه ( ضل الضحي ) ...
الدوش قال :
وانا كنت راجع منتهي
لاقتني هي ..
كبرت "كراعي" من الفرح،
نص في الأرض ونص في النعالْ
وقال ...
دقت الدلوكة .. قلنا:
(الدنيا ما زالت بخير .. أهو ناس تعرس .. وتنبسِطْ)
تكَّكتَ سروالي الطويل ..
سوّّيتلو رقعات .. في الوسِط.ْ
في خشمي .. عضيت القميصْ
أجري و أزبّد..
شوق..وانطْ.
لامن وصلت الحفلة ..
زاحمت الخلقْ.
وركزتَ..
شان البِتْ سعادْ.
أصلي عارف جـِنّها
في زول بيركزْ ... وينسترْ.
__________________
| |
|
|
|
|
|
|
|
|
|
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش (Re: يحي قباني)
|
لست مؤهلاً كي اتحدث عن درره التي تغني بها عمالقة الغناء في السودان ...
الساقيه ...
سعاد ...
الود ...
بناديها ...
الحزن القديم ...
واقول مره ثانية انا لا أجرؤ ان ان اتحدث او اكتب عن عمر الدوش ...
عمر الدوش قال في مره عنه الصديق الشاعر الأستاذ هاشم صديق
في لقاء مع حسين خوجلي بحضور الراحل محمد وردي ...
حينما سأل حسين خوجلي هل هناك شاعر ما ... تغار منه
او حينما يكتب قصيدة .. تقول يا ليتنى انا كاتبها ...
فقال العملاق هاشم صديق ...هو حتما عمر الطيب الدوش ...
وقال حينما يكتب الدوش قصيدة ...
أبدأ بعدها فى تلمس ادواتي الشعرية و افكر اين انا من كل هذا الجمال ...
| |
|
|
|
|
|
|
|
|
|
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش (Re: يحي قباني)
|
انا هنا فقط أتأمل في قصيده ( منسيه ) للراحل عمر الدوش ...
و هي أيضا أغنية ( منسيه ) للراحل محمد وردي ...
لا أدري هل ذلك النسيان كله صدفه ؟
عمر الدوش الذي فارق دنيانا وهو لم يتجاوز الخمسين من عمره ...
لا ادري هل هي شفافية الفنان الشاعر ...
ام نباهة فطريه حباه بها المولي ...
كيف لم ينتبه الناس لكلمات هذه القصيده كل تلك السنوات ...
الدوش كتب :
حأسأل عن بلد رايح
وافتش عن بلد سايح
واسأل عن امانينا
اللي ما بتدينا
صوت صايح
وأسأل وين مخابينا
إذا جانا الزمن... لافح
واسأل عن بلد مجروح
وعارف الجارحو ليه جارح
وابكى على بلد ممدوح
وعارف المادحو
ما مادح
واحلم بي حلم مسروق
لا هو الليلة
لا امبارح
أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
ليه شوقك مواجهني
ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع
مسادير
يمكن يتحرك
خطابات لي طفل مجدوع
يقوم
يجرى
يقع
يبرُك
رسالهة لكل قُمْريّة
إذا دم الشقا اتوزع
على كل البيوت
ما تْرِك
واسأل..
عن وطن رايِح
واديكم خبر جارح:
بأنو جميع جموع الناس
حيفضلوا لا كراع
لا راس
ونشترى في الدكاكين يوم
مسابح من دموع الناس
مساحيق من هموم الناس
زهج
يتْعَبّا في الأكياس
ونعلن في المزاد علنا
وترغي الجوقة والأجراس:
"نبيع الطفلة والكراس"
واصرَخ
ياوطن يا بيتنا
ليه ما تبقى لينا الساس
قدر ما تجري فيك
أفكار...
يزيدوا الحبس والحراس
قدر ما تجري فيك الخيل
تدوس الهيبة
والإحساس
واسأل
يا وطن رايح
اذا كل القبور دخلت
بيوت الناس
بلا اسئذان
بلا صلوات
بلا أكفان
جريمة اسائل الدفَان؟
جريمة أطلب تمن قبري
من البايع في أي مكان؟
واقولك يا وطن
رايح
واقولك يا وطن
آمر
سلام النفس ما كافر
ولا كافر
ولا كافر
| |
|
|
|
|
|
|
|
|
|
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش (Re: محمد علي عثمان)
|
Quote: أعلق في جناح سفري
خطابات لي زمن فجري
وادخل من درب سري
لكل مضاجع الأحزان
واضفِّر من شجر بلدي
بروقاً مارقة من صدري
حأسأل عن بلد غاطٍ
لحدِّ الليلهْ في الوجعة
أَنط فوق سرجي واتْحزَّم
أقوم من وقعة
لي وقعة
أخُتْ ايدي البتوجِعْني
على السأم البراجِعْني
واسأل..
يا وطن يا بيتنا
|
شكرا ليك كتير أخونا وعمنا يحي ود قباني ...
دائما بوستاتك ماها فرقة ساكت...!
تغذي الروح والبدن ..معرفة ومهارة وقيم وفائدة ومنفعة
وقفت كثيرا في هذه المقاطع
"أدخل في درب سرِّي.....
مضاجع الأحزان.......
وأضفر من شجر بلدي...
بروقا مارقة من صدري..........
وأسأل يا وطن بيتنا.....
هذا هو شاعر الأدهاش .....
الدوش دي امره عجب..! يدهشك ويسفزك......
"خلُّو بينكم وبين جنون الضحكة صرخة.......
" إتلمَّت الحلِّة الحنينة...
عشان وداعك يا غروب.....
نحمد الله كثيرا ان جعل الراحل الدوش يكتب بالعامية السودانية
التحيَّات الزاكيات للرائع هاشم صديق
والرحمة والقبول للدوش ووردي
ومحبتي لكم
| |
|
|
|
|
|
|
|
|
|
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش (Re: عبيد الطيب)
|
Quote: التحية لهذا الجمع من مبدعي بلادنا الخالدين
الاستاذالمرحوم عمر الطيب الدوش، الاستاذ المرحوم محمد وردي و اطال الله عمره الاستاذ هاشم صديق
واصل يا استاذنا يحي قباني |
محمد علي يا دفعه يا صديقي ...
الدوش يا محمد علي ... لما وصف الدنيا بي ضل الضحي
كان يسخر من ضياع الدنيا و ضياع العمر في صوفيه مذهله ...
الدوش قال :
ضل الضحى مشوار
تزِح وتزِح
زحيح الشمس من وكَن الشروق
زحيحها لى نُص النهار
الونسة بالسفة الكبيرة
وبالكتاتيح والغبار
والفاقة
والعمر الهظار
والزمن البروِّح
سمبهار*
_________________________
* سمبهار بعرفو معناها ناس البِليَه ) ...
| |
|
|
|
|
|
|
|
|
|
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش (Re: يحي قباني)
|
Quote: هذا هو شاعر الأدهاش .....
الدوش دي امره عجب..! يدهشك ويسفزك...... |
سلامات يا عبيد ...
جيتك بالحيل بندورها ...
________________
ياخي ...
عمر الدوش رحمه الله ... رحل في نهاية التسعينات ...
في عمر صغير ...
كتب بلد رايح قبلها بسنوات ...
كتبها و كأنه يقرأ حالنا الآن ...
ليس ذلك فحسب ...
هو يقرأ في احوال اخري لم نراها بعد ...
ارتجف حقيقة حينما اتأمل هذه الكلمات
يا وطن رايح
اذا كل القبور دخلت
بيوت الناس
بلا اسئذان
بلا صلوات
بلا أكفان
جريمة اسائل الدفَان؟
جريمة اطلب تمن قبري
من البايع في أي مكان؟
حقيقة بلد رايح ...
| |
|
|
|
|
|
|
| |
يحي قباني
محمد علي عثمان
عبيد الطيب
فيس بوك
تويتر
انستقرام
يوتيوب
بنتيريست