|
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش (Re: يحي قباني)
|
انا هنا فقط أتأمل في قصيده ( منسيه ) للراحل عمر الدوش ...
و هي أيضا أغنية ( منسيه ) للراحل محمد وردي ...
لا أدري هل ذلك النسيان كله صدفه ؟
عمر الدوش الذي فارق دنيانا وهو لم يتجاوز الخمسين من عمره ...
لا ادري هل هي شفافية الفنان الشاعر ...
ام نباهة فطريه حباه بها المولي ...
كيف لم ينتبه الناس لكلمات هذه القصيده كل تلك السنوات ...
الدوش كتب :
حأسأل عن بلد رايح وافتش عن بلد سايح واسأل عن امانينا اللي ما بتدينا صوت صايح وأسأل وين مخابينا إذا جانا الزمن... لافح واسأل عن بلد مجروح وعارف الجارحو ليه جارح وابكى على بلد ممدوح وعارف المادحو ما مادح واحلم بي حلم مسروق لا هو الليلة لا امبارح أعلق في جناح سفري خطابات لي زمن فجري وادخل من درب سري لكل مضاجع الأحزان واضفِّر من شجر بلدي بروقاً مارقة من صدري حأسأل عن بلد غاطٍ لحدِّ الليلهْ في الوجعة أَنط فوق سرجي واتْحزَّم أقوم من وقعة لي وقعة أخُتْ ايدي البتوجِعْني على السأم البراجِعْني واسأل.. يا وطن يا بيتنا ليه شوقك مواجهني ليه حبك مجهجهني وليه تاريخ زمن خسران موكّر لسَّه في شجني؟ حأكتب لي شجر مقطوع مسادير يمكن يتحرك خطابات لي طفل مجدوع يقوم يجرى يقع يبرُك رسالهة لكل قُمْريّة إذا دم الشقا اتوزع على كل البيوت ما تْرِك واسأل.. عن وطن رايِح واديكم خبر جارح: بأنو جميع جموع الناس حيفضلوا لا كراع لا راس ونشترى في الدكاكين يوم مسابح من دموع الناس مساحيق من هموم الناس زهج يتْعَبّا في الأكياس ونعلن في المزاد علنا وترغي الجوقة والأجراس: "نبيع الطفلة والكراس" واصرَخ ياوطن يا بيتنا ليه ما تبقى لينا الساس قدر ما تجري فيك أفكار... يزيدوا الحبس والحراس قدر ما تجري فيك الخيل تدوس الهيبة والإحساس واسأل يا وطن رايح اذا كل القبور دخلت بيوت الناس بلا اسئذان بلا صلوات بلا أكفان جريمة اسائل الدفَان؟ جريمة أطلب تمن قبري من البايع في أي مكان؟ واقولك يا وطن رايح واقولك يا وطن آمر سلام النفس ما كافر ولا كافر ولا كافر
|
|
|
|
|
|
|
العنوان |
الكاتب |
Date |
و اسأل عن بلد مجروح وعارف الجارحو ليه جارح !!! حينما تنبأ عمر الدوش | يحي قباني | 12-01-13, 05:16 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | يحي قباني | 12-01-13, 05:20 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | يحي قباني | 12-01-13, 05:30 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | يحي قباني | 12-01-13, 05:38 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | يحي قباني | 12-01-13, 05:41 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | محمد علي عثمان | 12-01-13, 05:55 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | عبيد الطيب | 12-01-13, 06:05 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | يحي قباني | 12-01-13, 06:10 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | يحي قباني | 12-01-13, 06:23 AM |
Re: و اسأل عن بلد مجروح وعارف الجارحو ليه جارح !!! حينما تنبأ عمر الدوش | يحي قباني | 12-01-13, 04:57 PM |
|
|
|