|
|
 قناة امدرمان تنقل صراع الصوفية وانصار سنة للتلفزيون..!!
|
اشعر ان قناة امدرمان الايامات ساحبة البساط من معظم او كل القنوات السودانية ببرامج مضمونها مختلف وان تشابهت في شكلها..
الايامات دي بتابع برنامج "ركيزة" يقدمه شيخ صوفي علامة اسمه محمد منتصر ازيرق..
صراحة ما شوفت لي زول كااابي علم وحااافظ وفاااهم حاجاتو زي الزول ده اختلفت او اتفقت معاه..
برنامج ديني بطرح صوفي واااضح المعالم علي غير العادة في برامجنا الدينية المقدمة بحضور جمهور..
حلقات متتابعة يناقش فيها الشيخ مفاهيم مغلوطة لجماعة انصار السنة واصدارات تم تحريفها من كتب العقيدة ..
صراع انصار السنة والصوفية او بصورة اوضح العداوات كانت تدار عبر منابر المساجد والخطب المسجلة في الكاسيت وكان معظمها هجوم من جماعة انصار السنة..
المرة دي شايف قناة امدرمان فتحت المجال للصوفية للهجوم عبر جهاز التلفزيون اما لتصحيح مفاهيم مغلوطة عن الصوفية او في الرد علي السلفيين في مزاعم يفترض انها حجج من السنة او الأئمة..
صراحة الشيخ محمد المنتصر يقدم محاضرات دسمة وحجج تنم عن علم ودراية وذهب لابعد من ذلك وهاجم التصوف بالوراثة وتصوف اهل المال الذي افقد التصوف معناه الحقيقي..
اتوقع بهذا البرنامج ان ينتقل صراع الصوفية وانصار السنة لاجهزة الاعلام المرئية والحشاش يملا شبكتو..
|
|
  
|
|
|
|
|
|
|
|
Re: قناة امدرمان تنقل صراع الصوفية وانصار سنة للتلفزيون..!! (Re: عمر الفاروق)
|
زول منجض شغلو يا عمر
تعرف انا من زمن وقفت اسمع كلام معظم الناس البتكلمو في الدين لانه جد الواحد تعب من سماع الناس البناقشو فكرتهم بدون منطق واجبار المستمع لاعمال العقل
شيخ ازيرق دا احسن ما فيهو بناقش افكارو واراءو باسانيد مقنعة لحد كبير يعني باختصار كدا تحس بيهو بخاطب في عقلك ما عاطفتك زي ما بعمل كثير جدا من رجال الدين
بعدين قاعد يدي انصار السنة بالحتة الفيها الحديدة لانه بجيب ليهم من كتبهم زاااااااااتا .... غايتو لحد كبير مستمتع جدا بمحاضرات الشيخ دا.
| |
|
|
|
|
|
|
|
|
|
Re: قناة امدرمان تنقل صراع الصوفية وانصار سنة للتلفزيون..!! (Re: الخير محمد عوض)
|
بالله يا الخير شوفت الزول ده مقنع كيف؟؟
بعدين ياخ حتي حلقة الطلاب والحضور مختلفة في الاسئلة بتاعتا..اسئلة محرجة وصعبة للشيخ من طلاب علم..
انصار السنة بكل اسف بيفجروا في الخصومة مع كل من يختلف معهم..
كنت اتمني مناظرة بين الراحل الحبيب محمد سيد وشيخ ازيرق. فهكذا مناظرات تكون مفيدة وبتخلي الواحد يدعم قناعته الشخصية بما هو علمي ومبرهن..
| |
|
|
|
|
|
|
|
|
|
Re: قناة امدرمان تنقل صراع الصوفية وانصار سنة للتلفزيون..!! (Re: وليد التلب)
|
Quote:
بالله يا الخير شوفت الزول ده مقنع كيف؟؟
بعدين ياخ حتي حلقة الطلاب والحضور مختلفة في الاسئلة بتاعتا..اسئلة محرجة وصعبة للشيخ من طلاب علم..
انصار السنة بكل اسف بيفجروا في الخصومة مع كل من يختلف معهم..
كنت اتمني مناظرة بين الراحل الحبيب محمد سيد وشيخ ازيرق. فهكذا مناظرات تكون مفيدة وبتخلي الواحد يدعم قناعته الشخصية بما هو علمي ومبرهن..
|
التحيه لك, الأخ عمر الفاروق
أهلنا الصوفيه هم أهل خلاوى القرءآن وأهل العلم والتقوى والورع .
ناس فى حالهم , لا يتصدون إلى الغير , من يأتيهم يرحبون به ومن
يبتعد عنهم لا يلاحقونه .
فى أواخر سبعينات القرن الماضى كان هنالك برنامج تلفزيونى مشهور
إسمه ( مع أهل الله ).
إسم البرنامج يدل على توجهه الصوفى .
إعتراض أنصار السنه على ذلك البرنامج أدى ألى قيام مناظرات تلفزيونيه
مشهوره علَ أحد الأطراف يُقنع الآخر .
* المناظره الأولى كانت
بين الشيخين
على زين العابدين الصوفى وأبى زيد محمد حمزه أنصار السنه
إمتدت لشهور .
* المناظره الثانيه , وبإعتبارها إمتداد للمناظره الأولى
كانت بين الشيخين
عبدالجبار المبارك الصوفى وأبى زيد محمد حمزه أنصار السنه
وهى الأخرى إمتدت لشهور حتى ملَ الناس , وظلَ الصوفى صوفى
وأنصار السنه أنصار سنه .
والمسأله وضحت فى النهايه إنها إعتقاد شخصى موقر داخل قلب كل واحد
ولا يريد أن يتزحزح عنه , وشخصياً لا أرى عيباً فى ذلك ولكن العيب وكل
العيب السعى بفرض وِجهة النظر على الآخرين .
| |
|
|
|
|
|
|
|
|
|
Re: قناة امدرمان تنقل صراع الصوفية وانصار سنة للتلفزيون..!! (Re: عمر الفاروق)
|
عبد الله ..
سلامات كتارات..
المناظرات انا بشوفا مفيدة لأنها في كتير من الأحيان بتختصر على الاخرين حاجات كتييرة وبتديك الزبدة زي ما بيقولوا..
صاح فيها خطورة إنها ممكن تنقل ليك رأي شخصي قد يؤثر فيك لكن إنت ظزول واعي مفروض يكون عندك القدرة على التمييز ..
أنصار السنة في الفترة الأخيرة بدو يعلنوا عن عداوات غير مبررة للصوفية .. في السابق كان في إختلاف لكن كنت تشعر بعدم الفجور في الخصومة.. حلياً ودون سبب تسمع ليك ندوات يهاجم فيها الصوفية بقبح الكلام .. وبقا ما بيمر واحد من احتفالات مولد حبيبنا المصطفى صلّى الله عليه وسلم دون أن تكون هناك ملاسنات ومشاحنات بل وعنف من أنصار السنة ..
لكن كمان النصيييحة الجماعات الصوفية نفسهم محتاجين لي وقفة من البيحصل من التصووف الحديث القايم في البلد اليومين ديل..
مشايخة لا علم لهم..
مشايخة يورثون فقط لأنهم أولاد الشخ فلان..
مشايخة نضيفين نضافة قروش ما نضافة روح..
مشايخة لا هم لهم إلا بوس اليدين وملاقاة النسوان..
ديل ما الصوفية البنتكلم عنهم..وديل هم الصوفية الجايبيين الكلام ..
| |
|
|
|
|
|
|
| |
عمر الفاروق
الخير محمد عوض
وليد التلب
ABDALLAH ABDALLAH
سامى عبد المطلب
ياسر منصور عثمان
أيمن محمود
علاء سيداحمد
فيس بوك
تويتر
انستقرام
يوتيوب
بنتيريست